طريقتي في حماية واجهة سيارتي بـ 4 ريالـ وفي 3 دقائق

[المحتر77ف]

السلام عليكم ورحمة الله وبركاته
اخواني يحزني على الطرق يوم اشوف ناس حاطه تغبيره او شحم او فير
او اي شي يوسخ السياره او يضر بالبويه ..
عندي لكم طريقه مجربها اكثر من سنتين ..
وهي اربع علب سفن اب من البقاله وارشها على واجهة السياره وامسحها بمنديل او خرقه مبلله بالسفن
تنشف خلال دقائق عزل ماعليه كلام نظافه لمعه سهولة ازاله اضف انك قد لاترغب في ازالتها لان
المرشوش لايتسخ ويحافظ على لمعته ..
نفس الطريقه هي عباره عن ماء وسكر تباع في المحلات بـ 50 و30 ريال
ولكن انت ممكن اذا ماتبي السفن تحضرها بالبيت وتعبيها في بخاخ وهي بس ماء وكثر السكر ..
جرب وادع لي ...

[المجمار]

فكره جيده نجرب الدعوه 6ريال

[فيصل التميمي]

فكرة رائعة ونبي نجرب ونشوف

[MNH]

تصحيح للسعر هههههه ....السفن صار بريال ونص

[Magellan]

ياذكي اشتر علبة سفن اب الحجم العائلي اصرف:D

[هوايتي مكشات]

والله حلو بس هل من مجرب يالغالي

[kASER-999]

صراحه فكره ولا احلا لزم اجربهاااا
ولكن احس ان فيهاا حرام لان العصير نعمه >بس مدري <

[قرناس صلا]

فكرة رائعة

بيض الله وجهك

[العبيدي1]

الجميع متحمسين يبون يسافرون في أقرب وقت عشان يجربون :d :d

[سوبر جابري]

الله يعطيك العافيه

[سوبر جابري]

والله حلو بس هل من مجرب يالغالي


صاحب الموضوع مجربه

[V I P]

وهل له تأثر على بودي السيارة

[فهد773]

لا بس ياذكي انت وياه السفن صار بـ5 العائلي خخخخخخخخ

[شمالات نجد]

الله يعطيك العافية

طيب إذا طول السفن على البويه هل له مضار؟؟

شكراً لك

سلام

[ابوجهاد]

بصراااااااحه موضوووووووع تشكررررررر عليه

[f 16]

نرجو من اللي مجرب الطريقة يعطينا رايوه وهل لها تأثير على البدي ودمتم بخير وصحة وعافية

[badr_1]

تشكر علي المعلومه وياليت اللي مجرب الشيره اللتي توضع علي الكنافه يفيدنا اكثر بالنسبه للبدي وجعل مثواكم الجنه جميعا ولوالدينا والمسلمين اجمعين

[الادعج]

واحد مطفي النور:cool: :cool: ..>>> %طيب لو احط بيبسي عادي%

[الشنه]

الله لا يبلانا تلعبون في النعمة في ناس تدورها وانتم عشان الوجه


افضل طريقه تروح ام المكتبه وتاخذ تجليدة كتب شفاف
وحطه على وجه الموتر و أول ما توصل وخره وو ده المغسله

[باوزير]

جزاك الله خير

[قصيمي 10]

مشكور................

[المماتوس]

سفن وسكر علشان ماتشوف السيارة من الذبان :d

[فلر]

مشكور وما قصرت
الله يجزاك خير

[المحتر77ف]

مشكورين ياخوان على تفاعلكم الطيب ...
الماده مالها اي تاثير بالعكس تحافض على السياره..
وهي عباره عن ماء وسكر في اغلبها ويمكن تستبدل السفن بماء مذاب فيه سكر باكبر كميه ممكنه.
طبعاً الببسي والمشروبات الي تركيز السكر بها عالي زي العصائر تعزل تمام زي السفن
ولكن مشكلتها المنظر سيء
اما السفن او الماء والسكر فهو شفاف تلاحظ فقط ان موترك لمعته تسحر بس ههههه
انا مجرب السفن على جيبي 2008 من وكالته ومشاءالله الي يشوف وجه وكاله مافي لاترميل ولاغيره

[المحتر77ف]

تنبيه \ السفن ما يحتاج تضيف له سكر
السكر للي مايبي السفن يذوبه في ماء زي الشيره بس ماتخليه يغلي عشان مايروح لونه الى اصفر
لازم يكون شفاف

[mzarkash2000]

الله يعطيك العافيه ,,,,

[مدمن فتك]

س: هل هذا شكر النعمه؟؟

[رفيع المقآم]

جزاك الله خير وبيض وجهك

[العتيبي 88]

بيض الله وجهك

[الريصي]

مشكور أخوي على الفكرة

أما الاخوان الذين يقولون هل هذا من شكر النعمة فما ادري مايقصدون انا احافظ على سيارتي

باقل الاشياء الموجوده فما الفرق بين الفيري والتغبيره اوالسفن كلهن فيهن دفع فلوس والفلوس تجيب الانواع

المذكوره ولكن ارخص شي السفن فمافي ضرربرايي من أستخدام السفن فلا تعقدون الاشياء

هذا راي وليست فتوى مع أحترامي للرأي الأخر ودمتم

[المحتر77ف]

مشكورين ياخوااان
الله يديم نعمه علينا
ماء نفس الي نغسل به السياره بس كمية قليله وعليها سكر
واعتقد ان ما فيها اي تبذير للنعمه
والله يعطيكم العافيه ويجزاكم خير

[سيف الظفير]

يالربع تراه نعمة

[مدمن فتك]

مشكور أخوي على الفكرة

أما الاخوان الذين يقولون هل هذا من شكر النعمة فما ادري مايقصدون انا احافظ على سيارتي

باقل الاشياء الموجوده فما الفرق بين الفيري والتغبيره اوالسفن كلهن فيهن دفع فلوس والفلوس تجيب الانواع

المذكوره ولكن ارخص شي السفن فمافي ضرربرايي من أستخدام السفن فلا تعقدون الاشياء

هذا راي وليست فتوى مع أحترامي للرأي الأخر ودمتم
استدلالك في غير محله !!
وش فرق السفن عن الفيري!!
السفن نعمه والفيري مادة تنظيف ..
يعني بتفرق معك اذا حافظت على النعمه وزودتها كم ريال تبي تهز الميزانيه يعني؟؟

[لبرتي]

الله يستر لا تقعد تتاغر وشاهق علي السيارة:d

[العودالازرقhk]

جزاك الله كل خير

[ابويزيد11]

حتى المويه نعمة
كذا لاحد يغسل سيارته؟؟؟
المسألة استخدام له منفعة للمحافظة على السيارة ليس المقصد كفر النعمة
تحيتي للجميع

[ولد وايل..]

الله يعافيك...

ومشكور ع حرصك ...

بس والله كلام الاخوان في محله ان فيها شي لو نفسيا ...

الماء اللي تغسل به الموتر شي والماء اللي بتحطه مع السكر شي ثاني.

السفن او غيره لو كان سعره بسيط واقل من الفيري لكن يختلف اذا كان المستخدم مأكول او مشروب وبين كونه ماده حقيره اساسا مثل الصابون او غيره...

الحين السكر يبي يوصل سعر الكيس 40 ريال اول كان بـ 25 وانتم تبون تنثرونه!!


الله يوفق الجميع...

[الربذي]

ياذكي اشتر علبة سفن اب الحجم العائلي اصرف:D
هههههههههههه تشرب نصه والثاني تنشقه السيارة هههههههههههههه

موفقين خير باذن الله راح نجربه.

[مدمن فتك]

الله يعافيك...

ومشكور ع حرصك ...

بس والله كلام الاخوان في محله ان فيها شي لو نفسيا ...

الماء اللي تغسل به الموتر شي والماء اللي بتحطه مع السكر شي ثاني.

السفن او غيره لو كان سعره بسيط واقل من الفيري لكن يختلف اذا كان المستخدم مأكول او مشروب وبين كونه ماده حقيره اساسا مثل الصابون او غيره...

الحين السكر يبي يوصل سعر الكيس 40 ريال اول كان بـ 25 وانتم تبون تنثرونه!!


الله يوفق الجميع...
والله اتعبت من بعدك :good:

[جيب العشه]

الله يعطيك العافيه

ويجعله في موازين حسناتك

[riyadhali]

الحين السفن صار نعمة ؟

الله لا يعيدها من نعمة والله انة نقمة

[العقارب]

سافرت من ابها الى مكه مع الطريق الساحلي .. دهنته بفيري
بس تقشع الصدام والشبك.. والشمعات والقزازه الي قدام حببت .
كلفتني السياره من رش الصدام + وتغير الشبك والقزاز+ وتلميع الشمعات (قزاز)=1400 ريال ..
وش قلت احط سفن ,,, او احط فيري الي يطير مع العج... واقل شي بعد ماتغسله يشهب بالبويه. يعني لازم تلميع..

[مدمن فتك]

الحين السفن صار نعمة ؟

الله لا يعيدها من نعمة والله انة نقمة
اتق الله يارجال احمد ربك غيرك يتمناه

[yukon 2000]

والله يالربع يني مستانس منكم ت الله يوفقكم جميع وعساكم على القوة اول شي السفن او البيبسي سكر واعرف يضر لمعة البوية لاكن في بخاخ في محلات الزينة ب 15 ريال علية رسمة جيب همر لك وللخط لاذبان ولا سكر ولا يحزنون ورش علية موية ويروح ولا لة اثر وبتدعولي وفية ناس ترا تمدح الفازلين ياهو مهم في حياتك اليومية في الحل والترحال

[قاهر القرش]

ماشاء الله فكره طيبه

واحد من الشباب مجربها بس ملصق 2 شاورما على الشنطه :D :D

يقول اذا مشى سرعة 140 تتارع السياره من السفن :D :D

موفقين خير

[المغيض]

مشكور أخوي على الفكرة

أما الاخوان الذين يقولون هل هذا من شكر النعمة فما ادري مايقصدون انا احافظ على سيارتي

باقل الاشياء الموجوده فما الفرق بين الفيري والتغبيره اوالسفن كلهن فيهن دفع فلوس والفلوس تجيب الانواع

المذكوره ولكن ارخص شي السفن فمافي ضرربرايي من أستخدام السفن فلا تعقدون الاشياء

هذا راي وليست فتوى مع أحترامي للرأي الأخر ودمتم
جبتها في الصميم والله يعطيك العافيه..وصحاب الفكره يشكر على فكرته وبيض الله وجيه الجميع..
تقبل مروري

[مدمن فتك]

جبتها في الصميم والله يعطيك العافيه..وصحاب الفكره يشكر على فكرته وبيض الله وجيه الجميع..
تقبل مروري
اي صميم الله يرحم والديك !!
الاخ يقارن بين الفيري والسفن والجامع بينهم انها كلها فيها دفع فلوس ..
معنى ذلك مقارنة الخمر بالماء صحيحه لان كلها فيها فلوس!!
والله ناس غريبه ومالقيتوا غير السفن عشان تحمون مواتركم

[ولد وايل..]

ماشاء الله فكره طيبه

واحد من الشباب مجربها بس ملصق 2 شاورما على الشنطه :D :D

يقول اذا مشى سرعة 140 تتارع السياره من السفن :D :D

موفقين خير




هههههههههههههههه

اما اثنين شاورما....!! الله يسعدك يارجل.....

[mr.majid]

والله مثل ما ذكر اخونا يوجد في الزينه بخاخ وتعددت الأنواع يتراوح السعر من 15 إلى 20 تكيفك مرتين وبشكل متقن على وجهية السيارة، انا معي لا ندكروزر وجربت أكثر من نوع، لكن فيه نوع ممتاز علبته شفافه يعني تشوف السائل اللي داخل العلبه والارشادات اللي عليه كلها مكتوبه بالانجليزي ما اعرف اسمه سعره بـ15 ريال.

[«نجم الخير»]

الله يعطيك العافية

طيب إذا طول السفن على البويه هل له مضار؟؟

[الدرنفيس]

السفن فيه حمض والحامض يؤثر على البوية
لكن ماء وسكراعتقد احسن

[السيد-99]

ماشاء الله فكره طيبه

واحد من الشباب مجربها بس ملصق 2 شاورما على الشنطه :D :D

يقول اذا مشى سرعة 140 تتارع السياره من السفن :D :D

موفقين خير
اضحكك الله في الدنيا والاخره
والله اني تعبت من الضحك

[المحتر77ف]

والله مثل ما ذكر اخونا يوجد في الزينه بخاخ وتعددت الأنواع يتراوح السعر من 15 إلى 20 تكيفك مرتين وبشكل متقن على وجهية السيارة، انا معي لا ندكروزر وجربت أكثر من نوع، لكن فيه نوع ممتاز علبته شفافه يعني تشوف السائل اللي داخل العلبه والارشادات اللي عليه كلها مكتوبه بالانجليزي ما اعرف اسمه سعره بـ15 ريال.
ياليت تشوف تركيبته نفس الكلام الي نقوله سكر وماء ب 20 ريال

[riyadhali]

انا جربت الموية والسكر
روووووووووووووووووووووعة
الله يوفق صاحب الفكرة
رحت عليها من الجبيل للكويت ورجعت من الكويت للبحرين
وان شاء الله الاسبوع الجاي ابها وبعدها مكه ويارب تسهل الدروب الطويلة
والحمد والله عزوجل كل شي زي اللوز

[ابو سلطان1234]

من سن سنة حسنة كان له اجرها واجر من عمل بها إلى يوم القيامة
ومن سن سنة سيئة كان عليه وزرها ووزر من عمل بها إلى يوم القيامة

[سليمان 10]

الفيري افضل لانه يعمل طبقه تمتص ضربات حبات الرمل الخشن فلايؤثر على البدي 0اسأل مجرب ستة سنوات وانا مقطع
طريق سلوى 0والغريب انها لم تتزوج هل فاتها القطار ام ان القطار تحت الانشاء 000

[ابو سلطان1234]

اسأل مجرب ستة سنوات وانا مقطع
طريق سلوى 0والغريب انها لم تتزوج هل فاتها القطار ام ان القطار تحت الانشاء 000
هههههههههههههههههههههههههههههههههههههههههههههههههه ههههههههههههه
الله يصلحك والله اني بغيت اروح فيها من الضحك

[ساحووق]

هالحين السفن غااالي مانشريه وحنا نبا نشربه عاد كيف نحطه على السيااره ههههههههههههههههههههه

لاهنت

[king-502]

كلكم ترمون السفن اب بالزباله (الله يكرمكم)

يعني الحين ماحد فيكم شرب نص علبة سفن ورمى الباقي ؟

اذا كان الماء والسكر اقل تكلفه من الفيري او اي بديل فهو افضل بلا شك من الناحيه الدينيه !
والسبب انه ارخص يعني اقل تكلفه لانك وفرت ريالين قيمة خبز او غيره

ولا حد يعقد السالفه !!

الفيري الصغير بقيمة 6 ريال بأخذ سكر بريالين وماء من البزبوز واوفر 4 ريال من قيمة الفيري وبتصدق بها .. ايهم افضل ؟

مادام الطريقه اقل تكلفه وافضل نتيجه فما فيها شي

[ashaleell]

السفن كله مواد كميائية مركبة

[ابوشعيل97]

مشكور وما قصرت
الله يجزاك خير

[دوااس]

الله يعطيك الف عافية

[ذئب الدهناء]

فكره جديده

[راعي الهدد 7]

الله لا يبلانا تلعبون في النعمة في ناس تدورها وانتم عشان الوجه


افضل طريقه تروح ام المكتبه وتاخذ تجليدة كتب شفاف
وحطه على وجه الموتر و أول ما توصل وخره وو ده المغسله
لا ياخوي الطريقه هذي مضرررره لانه خويي عنده شبح 97 نظيييف ماشالله سوا الحركه هذي ويوم جء يشيل التجليده طلعت معاه الضبغه لذلك ماانصح به

[عآشق الحره]

اما الي يقولون حرام السفن تحطه على السياره ههههههه<<لاتعليق
اجل مويا المساحات المقطر حرام لانه نعمه <<هههه
والله الببسي والسفن حل ولكن لازالت مشكله الترميل مالها حل مقنع وتحياتي

[المميـز]

الله يجزاك خير على الموضوع

بس اخبر البيبسي يبقع على بوية الموتر

هل السفن ماله تأثير ؟

[راكب الشفر]

ياخي حرام نعمة الله
ناس ماتلقى شي تاكلها وحنا نكبه..!!!

[حبل الوريد]

اغتقد ما فيه زي التجليده الدائمه الي تحط على السيارات

[عآشق الحره]

اغتقد ما فيه زي التجليده الدائمه الي تحط على السيارات

هي الافضل وتقريبا الحل الوحيد ..بس يعيبها سعرها المبالغ فيه جدا واكثر الشباب مايقدرون عليها
________________
وشفت بمعرض جده للسيارت انهم يحطونها على القزاز الامامي بس مره غاليه

[صاحب نوماس]

الله لايهينك

[نـجم الـشمال]

ماينفع الا العازل اللي يجي لوجه الموتر وثانيا اختر وقت مشيتك صح الا اذا كنت مضطر فحط لوكس على الوجه 3 غاط وحتى على الجنوط والمرايا الجانبية وتوكل على الله وماجاك عندي بس حطه صح

[عاشق السيل]

فكرة حلوة وسهلة وإذا شريت موتر جديد جربتها !!!

بيض الله وجهك أخوي وتقبل مروري يالغالي .....

[العيسمود]

واحد مطفي النور:cool: :cool: ..>>> %طيب لو احط بيبسي عادي%




حتى لو حمضيات ماعندك مشكله هههه
،،،،،

[طير الهقاوي]

ماقصرت يا الحبيب

[aboeyade]

سبحان الله بعض الناس من تسمع كلامه تحس إنه ينافس الصحابه بعمل الخيرات

ويجيك هذا كفر نعمه وما أدري أيش

وهو تلقاه بعد كل وجبه بالبيت يكب له كيلو رز كامل ونص دجاجه بالزبالة
وكل يوم 6 ريلا بكت دخان و و15 ريال تغسيل سيارة (2000 لتر ماء )

لا تنهى عن سوء وتأت بمثله

[×ابوعبدالله×]

السفن فيه حمض والحامض يؤثر على البوية
لكن ماء وسكراعتقد احسن


اجل وش بيسوووووي بسبـــــــدي

[عش حياتك]

مشكور ماقصرت يعطيك العافيه

[ابومحمد 8445]

اتقو الله ياشباب تلعبون بالنعمه ( ان الله لايحب المسرفين )

[الستانس]

ههههههههههههههههههههه

بعض الردود مضحكة جداً

سبحان الله

الموتر بكبرة بـ100 الف

وكبيتلي عليه علبتين سفن بـ3 ريال

وغسلتة والحمد لله ولا كأن شي صار

ووفرت 1000 ريال قيمة رش وتلميع وجهييه

بيطلعلي واحد بيقول الفيري بـ6 ريال عجز لا تشتريه

اقولة اول شي الفيري يخرب البويه لو تركتة فترة طويلة

الشي الثاني الموتر بكبرة نعمة اليس من الإجحاف انك تكفر بنعمة سيارتك

وتهملها ولا تحافظ عليها >>>لرد مقصود في الأعلى

ثالثاً كل النعم مسخرة للإنسان وله الحق بأستعمالها بما يستفاد منه بأي طريقة

وانشاء الله روسكم تلين وخلو عنكم التعصب اللي ماله داعي

وان كنتم حقاً تريدون رفع كرامة النعم عن المذلة

فزورو المدارس وشوفو كيف النعم تنكب كب

جمعوها لا هنتم واعطوها اهل الحلال ولكم اجر ان شاء الله

ولا تحرمو بهواكم ولا تحللو بهواكم

وفيه ناس يقول انها لعب بالنعمة اي لعب الله يهديك هذا فيه منفعة

اللعب يعني انك تكب السكر ولا يستفيد منه احد

ولا اعتقد ان فيه سكر مكبوب ولا تجيه الهوام وفي كل كبد رطبة صدقة

واستفتو اهل العلم افضل من الإرتجال

ولا اقول اني على صواب او على خطأ

ولكن انا بينت وجهة نظري ولك الحق في الإعتراض

إن اقنعتني بكلام علمي ديني موثق فلن اخالفك

تقبل تحيات اخوك,,,

[حرف الـ ع ـين]

السفن يسوي كل


طيب السبرايت ماجربته ,, . ههههههه آمزح

يعطيك العافيه ...

[فارس شمال]

بدال ماكل واحد يفتي من عنده اٍسألوا اهل العلم ماشاء الله واجدين وتوصلهم لو برساله ....

احد الشباب يسأل وترتاحون ..

[عبادييي]

فكرة رائعه جدا جدا

[ابومحمد 8445]

وانتم كل شي اسئل اهل العلم ياخي فيه اشياء معروفه وواضحه ولايحتاج تشغل العلماء بامور بسيطه قال الله تعالى ( وكلو واشربو ولا تسرفو ان الله لايحب المسرفين ) وانت تشتري بريال او اكثر علشان تضعه على وجه الموتر وانت ناسي ان امراءه دخلة الجنه بسبب هره والاحاديث كثيره 0
ثانياً تقول ( كل النعم مسخرة للإنسان وله الحق بأستعمالها بما يستفاد منه بأي طريقة ) اتقى الله ياشيخ تراء كل كلمه انت محاسب عليها عند الله عز وجل وين فضل النعمه واكرامه ((( الا امتهان النعمه ))) اليوم عندك بكره ما تحصل كسرة خبز والله على كل شي قدير 000000 اخي انا ناصح وانت خصيم نفسك والمسئول عنها 0

[ابويارا1001]

وش السالفة يا جماعه


الحين وش نسوي نحط سفن اب او ما يجوز


طيب الفيري يعني يجوز ولا يعتبر اسراف



قيمة الفيري اغلى من السفن اب ؟؟






والتغبيرة اغلى 25 ريال


والبرقع 220 ريال


والسيارة 200 الف


هل يعتبر هذا اسراف



او الاسراف في السفن اب يوم احطه على وجه الموتر فقط



ارجوا التوضيح :p



1000 شكرا لراعي الموضوع

بس شلون السفن اب مع السافي

[اروكي]

الله يعطيك العافية

[الستانس]

وانتم كل شي اسئل اهل العلم ياخي فيه اشياء معروفه وواضحه ولايحتاج تشغل العلماء بامور بسيطه قال الله تعالى ( وكلو واشربو ولا تسرفو ان الله لايحب المسرفين ) وانت تشتري بريال او اكثر علشان تضعه على وجه الموتر وانت ناسي ان امراءه دخلة الجنه بسبب هره والاحاديث كثيره 0
ثانياً تقول ( كل النعم مسخرة للإنسان وله الحق بأستعمالها بما يستفاد منه بأي طريقة ) اتقى الله ياشيخ تراء كل كلمه انت محاسب عليها عند الله عز وجل وين فضل النعمه واكرامه ((( الا امتهان النعمه ))) اليوم عندك بكره ما تحصل كسرة خبز والله على كل شي قدير 000000 اخي انا ناصح وانت خصيم نفسك والمسئول عنها 0

جزاك الله خير على اجتهادك

ما رأيك في هذا القول :
قال الشوكاني رحمه الله: اعلم أن الأصل في كل شيء أنه يجوز للمالك أن يتصرف فيه بما شاء من أنواع التصرفات كما يفيده قوله عز وجل: هُوَ الَّذِي خَلَقَ لَكُمْ مَا فِي الْأَرْضِ جَمِيعاً. {البقرة: 29}، وإذا كانت هذه الأعيان المخلوقة الموجودة في الأرض لنفع الناس جاز لهم تملكها والتصرف فيها كيف شاءوا حتى يقوم الدليل الصحيح الناقل عن حكم الأصل فيجب الرجوع إليه والعمل به. السيل الجرار .

و

قد سئل الشيخ ابن باز رحمه الله عن استعمال الحنة مع صفار البيض لتسريح الشعر فقال: لا حرج في ذلك إذا كان فيه فائدة، استعمال الحنة مع صفار البيض أو غيره من الأمور المباحة , لا بأس به إذا كان فيه فائدة للشعر بتطويله أو تلميسه أو غيرها من مصالحه أو بقاءه وعدم سقوطه. اهـ .

واخي الكريم قولك امرأة دحلت الجنة بسبب هرة هي في الأصل دخلت النار ولم تدخل الجنة استشهاد في غير موضعة إلا اذا كان لك رأي لم اره فارجو منك توظيحة

واصل الدليل هو :
عذبت امرأة في هرة سجنتها حتى ماتت ، فدخلت فيها النار ، لا هي أطعمتها ولا سقتها إذ حبستها ، ولا هي تركتها تأكل من خشاش الأرض
الراوي: عبدالله بن عمر المحدث: البخاري - المصدر: صحيح البخاري - الصفحة أو الرقم: 3482
خلاصة حكم المحدث: [صحيح]




واخيراً اعيد واقول

انني بينت وجهة نظري ولك الحق في الإعتراض

إن اقنعتني بكلام علمي ديني موثق فلن اخالفك

تقبل تحيات اخوك,,,

[slloom]

ياذكي اشتر علبة سفن اب الحجم العائلي اصرف:D


ههههههههههههههههههه حلوه حتى انا فكرة في ثلاث علب سفن وراح عني الحجم العائلي علشان ارش سيارات اخواني معاي


بالنسبه للي بيحط فيري فانا انصحه يحط فيري غير اصلي لان الاصلي يضر البويه لقوة تركيبته ،،،، وانا جربت فيري من محلات ابو ريالين مع اني اكرهها لكن لقيت انها مفيده لمثل هذه الاشياء واخذت من عنده نوع نسيت اسمه الظاهر انه موبي وهو غير اصلي وحطيته وسافرت مسافة 1100 كيلو والحمد لله لقيت فيه فائده ولما وصلت غسلته على طول

وعندي استفسار بالنسبه للسفن هل استطيع احطه على النور للحماية

[فلر]

عن اذنكم تأخرت عن الدوام

[مسير عليهم]

الفكرة حلوه

لكن ابي اللي قال نعمه وحرام تلعبون فيها

مافكرت ان الفيري بالليمون وبالفراوله والتفاح وش حكمه في نظرك

انت تغسل السيارة بالماء وش حكمه في نظرك


للمعلوميه ترى السفن ينفع في غسيل الفرشات اذا انكبت عليها القهوة والشاهي

[ع العمرو]

الله يعطيك العافيه

[ابوقاسم]

بس يا اخوان
ماحد جاب طاري السفن الدايت
هل يؤدي الغرض

[على رمشي تمشي]

والله من طلعتي على الدنيا وانا اروح واجي ماقد حطيت - ما ادري احس ان ماله داعى
فيه البخاخ إلى عند ساسكو الشفاف كل يمدحه

[الشيخ البدراني]

فكرة رائعة

بيض الله وجهك

[فقشات]

الله يبيض وجهك فكره ممتازه

[دوواس]

حلووووووووووه يالربذي

[سحاب1]

فكره جيدة
لاكن السافي يشيل البويه
بالتوفيق

[الليث الذهبي]

والله انا بالنسبه لي احس ان السفن والببسي مشروب ظااااار مثل الدخان الا انه اقل ظرر
اعرف ثلاثه نومو فالمستشفاء بسب هالمشربات يااااااااخي جربها وحط لك عظم في كاس وصب عليه ببس وتعل
من بكرا ودور العظم اذا لقيته , فتعال افلقني ,
لانه ياكل الحديد الي فجسم الانسا والعظام اغلب نموها على الحديد وهو احد الاسباب لمرظ يسما هشاشت عظام
حمانا الله وياكم منه.
لايجيني واحد ويكول كلشي الحين ظار !!
ياخوي فيه اشياء ظررها واضح وتسمع عن اقارب او اصحاب راحو ضحيتها فليه ما تتعض ياخي


صح اني طلعت عن المو ضوع لكن شي بالنفس للي يكول اناه مشرب ياخي هذي اذاتبي تستعملها تستعملها ادات
تنضيف او ما شابه
ياخي لا تشرب كل ماقيلك اشربه .
يعني بكرا لاقالو ان الكرولكس مشرب روحي وحطوه لك في علبه جميله تبي تشربه ؟ والله مشكله !!!!!!
اشكر صاحب الموضوع

[HAS5SAN]

شباب لحظه
ياولد لحظه
اسكتو الله يرحم والديكم
عندي حل
واحد ينقز بالموضوع
والردود لمجلس الشورى
لعل نطلع معهم بنتيجه
مع علمي المسبق بأن ردودهم
زي ردودنا
إلى قال حرام تروه جرب
بس شرب من العلبه ( جغمه )

[عمر الشريف]

مشكوووووور ع الطريقه رااااااح توفر 35 رياااال التغبيره غاااليه ههههههههه

[MUKHRFF]

بس ما تؤثر على بودي السيارة

[كابتن الشمال]

طيب السفن العادي وللا الجديد بالليمون ؟؟!!! اخاف تفرق ؟؟؟!!!















هههههههههههههههههه امزح معك ومشكور على الموضوع

[سيف الظفير]

وش ادعلي لك يالغالي


تكب النعمة على السيارة !!!!


الله يهديك

[المهاجر انا]

الدعوة لعب علينا وهي رخيصه وبسيطه مشكور ماقصرت

[mr.قهد]

مشكور اخوي والله الفيري والتغبيره من عند محلات الزينه تخرب البويه وتتقرش
طريقتك ممتازة جدا جدا ( سفن اب وانتهت المشكله )هههه
تقبل تحياااتي

[الوزير 111]

والله أول مره أسمعبه...

ونبي نجرب ونشوف...
تقبل مرووووري...
تحياااااتي الوزير 111
أبو خالد...

[صقرالعرب2007]

مايجوز اخوي نعمة الله غيرك على حافة الموت يتمناها وأنت ترشها على بدي السياره

مهما كان تبقى نعمة الله الطعام والشراب لها كرامتها

[hussien18]

الاقتصاد نصف المعيشة

[ALBDRANE]

بعد الماء الي تغسل به السيارة نعمه !!!