اللي يبي يفزع برايه يدخل الله يجزاه خير واللي مايبي الله يحفظة

[السرحان502]

بسم الله الرحمن الرحيم
والصلاة والسلام على اشرف الانبياء والمرسلين نبينا محمد وعلى اله وصحبه اجمعين
حيا الله راعين :f كلهم
ياخوان افيدونبي بارك الله فيكم
معي 70الف ودي اطقلي موتر ((الله يحظظني فيه))
ومتحتار ودي بهيلكس بس يقولون ببتتغير
ونافارا ماجازلي
والفورتشنر غالي
السؤال وش السيار ة المناسبة لهذا المبلغ
جزاكم الله خير
وهل ااغلب السيارات بتتغير في 2011و2012

[discovery7]

ودى افزع ولكن ما لى خبره
السياره يحددها المطلوب منها
الله يدلك على الصالح

[طربان على صوت]

نفس المشكلة معي ونفس الدراهم لكن انا محتار بين هايلوكس غمارة دفرنسين وهايلوكس غمارة دفرنس والله يرزقك الموتر الي تبي

[البرقاووي]

هلا اخووي

والله نصيحتي بالنيسان باترول ..

لك وللزمن

ورخيص في متناول الجميع ..

اتمنى اني افدتك

[وشو ذا]

انا من رايي الهايلكس سياره شكلها اصبح رياضي ومعروفه جابانيه وقيمتها فيها اذا نويت اتبيع

[ابومشخص]

انا يبن عمي مع راي الشباب باترول 2005 تلقاه بهالقيمه
الا كانك راعي حلال خذلك هايلكس
الجيب ازين يشيل واجد ان بغيته لشباب وان بغيته لعايله وان بغيته ديره ولا بر
كلها يمشي فيها

[عقاب 01]

يارجال خذ لك هيلوكس غمارتين دفرنسين كنه جيب بـ صندووق

احلىى شي

ولا دفرنس مايخالف

تقبل مروري

[ابورايف]

الله يرزقك ماتتمنى وجميع اخواني
وتقبل مروري

[ابو طيف 5]

انا رايي من راي الخوان هايلوكس دبل غمرتين ان بغيتة فديرة ولابر

[الحسيان]

السلام عليكم


النصيحة تاخذ هايلكس من قطر 2010 أرخص لك , ولد عمي أخذ له واحد من قطر (جي إل إكس )واصل إلى البيت بـ65ألف



السنة الجاية بيتغير أو ينقطع والناس بترغب الهايلكس وبيغلى مثل ماصار مع الـ2005ويمكن تبيعه بربح بعد مايطيح اللي في راسك منه:D



وميزة الهايلكس سعره فيه أسألني أنا شريت 2005ووووغني عن التعريف;) وكم دقشه وبعته بـ55بعد أربع سنوات وأنا شاريه بـ63

[ملك الرمل]

حرام (70) الف في وانـيـت (((4))) سلندر ..

نصيحتي لك دورلك جيب أكشخ وفي البر يبيض الوجه ..

شوف الباجيرو السبورت 2009 (الصغير) ستاندر (دبل-6 سلندر) ياباني .. أرجـو أني

قدرت اشاركك بالمفيد .. اخوك .

[فيصل الرحيمي]

ياخوي دورلك جيب باترول 2007 2008 باب واحد
ازين من الهيلوكس غماره وماتشيل

اشهد ان الجيب موتر حتى لو مديله 77

[التعـ King ـديل]

الجيب جيب والونيت اذا تعدى ال 50 مهوب ونيت

طق لك جيب باترول من 2003 الى 2005 بتلاقي نظيف ويطيب الخاطر بر وديره وسفر

[سفاري959]

ما حددت نوع الاستخدام بر والا ديره وخط اذا استخدامك في البر خفيف واكثر شي خطوط وديره انصحك ب الاكسبلور سعره معقول وعملي ودبل واقتصادي في البنزين مقارنه في الجيوب لكن الونيت بالسعر هذا غالي الله يكتب لك الخيره تقبل مروري

[سوبر VTC]

الشيبان يقولون الهايلوكس غرفتين و سطح :D

تبي عزم و نشاط بالنفود خذ 6سلندر او امريكي 8سلندر
اكسبلورر او يوكون
و متعة السفر و الراحة امريكي :good2: يوكون :good:
او جمس او شفر غمارة و نص او غمارتين
ال4سلندر ضعيف عزم و لا يطرب بالرمل
و صرفية البنزين لك عليه
لاتنسى الاستخارة بعد الاستشارة

[طايش 06]

السلام عليكم
يالسرحان تسانك تبي تطيع شوري وتراي مجرب
فورتشنر 4 سرندل
قير توماتيك بدون دبل 73 ألف 2010 وكاله
تبي نفود خذ رجل تبي سفر خذ تحميل وراحه بس راحته مهب مثل الأف جي ولا الباترول بس حولهن
وتقبل مروري ( لو لا إختلاف الأذواق ... لما تعددت السلع

[حزوبر]

وعليكم السلام ورحمة الله
تبي نصيحه لوجه الله من مجرب ، ولآ أبي منك غير الدعاء بظهر الغيب؟
خذ لك مثل هالمزيونه (قول ماشاء الله)
http://www.mekshat.com/pix/upload03/images140/mk121968_1a.jpg

وياليييييت يكون القير مثل هالمبروك (ماشاء الله)

http://www.mekshat.com/pix/upload03/images140/mk121968_7.jpg
وكذا تكون شريت فشنر ونيت ، لأنه نفس القير والبدي مثل الرافارف الأمامية، وكذلك الديكور الداخلي
أسأل الله تعالى أن يوفقنا وإياكم
وعليك بالدعاء والأستخارة

[عبدالرحمن السالم]

هلا اخوي . شف يالغالي فيه جيب اسمه ناتيفيا مستبيشي إلى يشبه الباثفندر
تاخذه من الكويت مديل 2006 او 2007 بـ 40 ألف ولا مشى شى واجد وحليل بر وديره

موفق خير

[أبو محمد2010]

الله يسهل أمورك ، أنصحك بالإكستيرا أخو الجديد...

[السرحان502]

بيض الله وجيهكم
وين البقيه

[محمد بن سعيد]

زدها عشرة الآف وخذ لك فورتشنر 2008 ما شيء من الأربعين الف وتحت بتحصله بالثمانين الف

[السرحان502]

حدي وياله 70
وصعب 80

[sultan911]

نصيحه اخوك الي جرب كثير من السيارات
اخذ لك مدرسه تعطيك افلوس وبها تشتري شي وكاله وترجع السبعين مضاعفه ويش قلت في نصيحتي واذا كنت متزوج ياليت لا تقراء ردي والحرمه موجوده علشان لايصيبني مدعوات شي
والله يرزقك بالسياره الي تعجبك ولا تخسرك

[mhm-191]

انا مثلك بالضبط
بعد الاستشارات والاستخاره قررت اشتري هلكس دفرنسين 2010 خليجي بـ79000
اذا ماتوصل لقيمه الجديد عليك بالمستعمل استعمال حشمه
امس " الخميس " كنت بمعارض الشفاء ولقيت هلكس 2008 دفرنسين Glx " سعودي " نظيييييييفه ماشيه 40000 بـ69000
ووحده ثانيه بـ67000
هذي وجه نظري والله يوفقك باللي في خاطرك...

[غواص وقناص]

انا اشوف خذ لك هايلكس دبل ان كان انك راعي حلال
وايذا استخدامك نفود وبران مالها غير الجيوب


شفلك Vtc2003-2004 بهذا القيمة


وفكك من الامريكي تراه حق مدينة وقطعه نار

والله يسر امرك ويسر لكل مسلم

تقبل مروري

[غواص وقناص]

با النسبة للفورتشنر ابعد عن 4سرندل
خذلك هايلكس ازين منه ب100000مره لانه نفس القير ونفس الماكينة
الفورتشنر 6سرندل بس انه شوي غالي

[العبيدي1]

من رايي والرآي لله

خذ لك يوكون موديل 2003-2004 دبل

تبيه بر والا سفر

في حدود الخمسين ألف

واذا محتاج حوض > فقلص بـ 3000 من الضويان بالرس مجهز > اشبكه في مؤخرة اليوكون يقوم مقام الهايلوكس

[السرحان502]

مافهمت يا سلطان

[أب رحي]

وعليكم السلام ورحمة الله وبركاته

شوف يالغالي من ناحيتي انا أقولك هايلوكس ....
صحيح انه يناقز بس موتر وقت الشدايد يخدمك....

تقبل مروري.

[جي تي]

^ يالطيب الموضوع له اكثر من سنتين :D