المعانات مع المحطات

[راعي المقانيص]

اخواني الافاضل

السلام عليكم ورحمة الله وبركاته

هذي قصه صارت لي وراح اختصرها لكم

في احد الايام رجعت من المدينة المنورة ووقفت عند محطه بعد المدينه تقريبا بعشرين كلم وعبيت بانزين 95 وسيارتي هايلكس غمارة دفرنسين

بعد ماقطعت تقريبا 80 كلم صارت سرعة السيارة تنزل شوي شوي

كنت امشي مابين 120 الى 130 كم / ساعه

وانخفضت السرعه مابين 90 الى 100 كم / ساعه وانا داعس الدعسه كلها

واذا جيت على مرتفع تنزل الى 80 كم / ساعه

وكل شوي اطلع يدي مع النافذه وافك الدركسيون علشان اشوف السياره تميل والا لا

اقول معقوله فيه هواء قوي ناطح السيارة

المهم وتجيني محطه قبل القصيم واوقف عندها واقعد ادعس للموتر والغريبه مافيه تقطيع ولا شي ويرزقني الله باجودي من يوم شافني ادعس وناظر للشكمان قال اقولك وش علة موترك ! ! !

قلت الله يبيض وجهك اذا تعرف عطناها

قال انت معبي من المحطه الي بعد المدينه الي فيها كذا وكذا وعطاني معالمها كامله

قلت نعم صحيح

قال انا اكلتها مثلك المحطه الله لايوفق العماله فيها خالطين مع البانزين قاز وانا بالمضارب وصلت هنا حتى التريلات تسقط علي .

وبعد ماعبيت من المحطه الكبيره الي قبل القصيم وامشي والحمدلله زان الموتر

واتصل على امن الطرق وابلغهم بكل التفاصيل علشان لايطيح شخص ثاني في نفس المشكله

وقالوا هل عندك اثبات ؟ ؟ ؟

قلت الاثبات سيارتي

قال لا هل شفتهم يخلطونه بعينك وعندك شهود ؟ ؟ ؟

قلت لا والله ماشفتهم بعيني


قال اجل مانقدر نسوي شي ! ! !

اعذروني احبتي طولت عليكم السالفه

لكن الخلاصه من السالفه

هل نقدر او فيه طريقه نكشف البانزين اذا هو مخلوط بقاز او ديزل والا لا ؟ ؟ ؟

[escape_man]

لاحطيت قاز مع البنزين تسمع صرقعة البلوف ويدخن الموتر دخان ابيض

وفعلا مثل ماذكرت .. يقل ممشى الموتر

[رفيع المقآم]

الله لا يوفقهم لا دنيا ولا اخره حسبي الله ونعم الوكيل

[المحترف800]

حسبي الله عليهم ..

[العبيدي1]

حسبي الله ونعم الوكيل

[مستشار لا يشار]

الله يكون في عونك حسبي الله ونعم الوكيل

[سسته]

طيب ياخوي ... وش دراك انهم خالطينة بقاز ....

شف ياحبيبي / انا وانا في الرياض اللي محطاتهم تحت رقابة ومدري وشو ... وجمب بيتنا محطة امون على العمال اللي فيها واغير الزيت عندهم ... واغسل مواتري عندهم ... الا البنزيم ما اعبي الا من الدريس او نفط او محطات الذيابي ... وشف وانا اخوك مره من المرات غسل تانكي البنزيم وغيرت الطرمبة وتمت 4 سنين وانا ما اعبي الا من المحطات اللي قلتها ... يوم فكيت التانكي كني امس غاسلة ماشاء الله ودك تنسب فية غداك من النظافة ... عاد اذا صرت في خط لاتروح الا لمحطة كبيرة وزينة وزحمة مثل ساسكو..

عاد انت اغسل تانكيك ازين لك ... واذا غسلوه ترا يبيلة يوم كامل علشان ينشف انتبة لاتركبة الا من بكرة لايصدي عليك ... ثمن تقول عبيت من محطة بنزيمهم مصدي :d :d

[Magellan]

راعي مقانيص السالفة ماخشت مزاجي وبقوووووة...
كيف تقول يخلطون بنزين مع قاز، مع إن القاز أغلى من البنزين
وبعد ماتحصل القاز إلا بطلعة الروح...
ممكن أصدق لوانهم خالطين بنزين 91+95 أو حتى ماء
إلاوش رايك ممكن خالطين معه ماء

[سسته]

راعي مقانيص السالفة ماخشت مزاجي وبقوووووة...
كيف تقول يخلطون بنزين مع قاز، مع إن القاز أغلى من البنزين
وبعد ماتحصل القاز إلا بطلعة الروح...
ممكن أصدق لوانهم خالطين بنزين 91+95 أو حتى ماء
إلاوش رايك ممكن خالطين معه ماء

مهوب متفتف الموتر .. انا اتوقع انهم خالطين البنزيم مع بنزيم حق قبل امس :D

[Magellan]

مهوب متفتف الموتر .. انا اتوقع انهم خالطين البنزيم مع بنزيم حق قبل امس :D
:D :D :D
يمكن ليش لا؟

[راعي المقانيص]

راعي مقانيص السالفة ماخشت مزاجي وبقوووووة...
كيف تقول يخلطون بنزين مع قاز، مع إن القاز أغلى من البنزين
وبعد ماتحصل القاز إلا بطلعة الروح...
ممكن أصدق لوانهم خالطين بنزين 91+95 أو حتى ماء
إلاوش رايك ممكن خالطين معه ماء


وانا قايل لك رد والا دخلها مزاجك والا صدق السالفه غصب ؟ ؟ ؟

لاتصدق ابد وخل مزاجك لنفسك

مشكله كانك تشوف الناس بعين طبعك الله يهدينا وياك ويصلحك

[راعي المقانيص]

مهوب متفتف الموتر .. انا اتوقع انهم خالطين البنزيم مع بنزيم حق قبل امس :D

تعليق ورد ممتاز جدا يعكس مستوى تفكيرك ومستوى عقلانيتك الله يشفيك من مافيك

[راعي المقانيص]

أحبتي الافاضل ممن شرف الموضوع باحترام ذاته واحترام المكان

لكم كل شكري وتقديري لتشريفك وتعليقكم على الموضوع

واتمنى ان نجد من يفيدنا اذا كان هناك طريقه لكشف المشكله هذي

الله يحمينا واياكم وكل عبد مسلم من كل مكروه

[راعي المقانيص]

لـــــــلـــــــــــــــرفـــــــــــــــــــــــع

[هارون97]

خذها مني مخلوط معة ماءءءءءءءءء ان مجرب لماوقفت ونظفت التانكي وحطيت البنزين في جركل شفت الماء

[الباترول 97]

ياخي مايصير يسكت عليهم

[Magellan]

وانا قايل لك رد والا دخلها مزاجك والا صدق السالفه غصب ؟ ؟ ؟

لاتصدق ابد وخل مزاجك لنفسك

مشكله كانك تشوف الناس بعين طبعك الله يهدينا وياك ويصلحك

أبد آسف يا اخوي الكريم لاتزعل الدعوى إن شاء الله ماتستاهل
وهذي حبه على خشمك طال عمرك:)

[سسته]

خذها مني مخلوط معة ماءءءءءءءءء ان مجرب لماوقفت ونظفت التانكي وحطيت البنزين في جركل شفت الماء


هارون فهمة يرحم والديك ... نقول ماء يقول قاز .... فهمة لو تجيب مدرس خصوصي على حسابي ماعندي مشكلة ... بس يفهم الولد

[م.عمر]

لا حول ولاقوة الا بالله ..
رااااحت الاماانه ...

[اسهيل]

مهوب متفتف الموتر .. انا اتوقع انهم خالطين البنزيم مع بنزيم حق قبل امس :D
ههههههههههههههههههههههههههههههه اضحك الله سنك اجل هو خبز حق امس رهيبه

[ابورغودة]

يمكن خالطين ماء لن في الجوف وجدو عمال محطة خلطو الماء مع البنزين وتعطلة سيارات كثيره اما با النسبة للي يقول خلطو معه بنزين امس ممكن اذكان يابس

[سوبر VTC]

هذا الاثبات بنزين مع ماء



http://www.mekshat.com/pix/upload04/images152/mk53291_nhpp999.jpg




على هذا الرابط



بنزين مغشوش يعطل 15 سيارة تباعا ببريدة .... ( مرفق صور ) - مكتبة ... (http://www.burnews.com/news.php?action=show&id=10015)





+

جريدة الرياض : محطة وقود تتعمد إعطاب السيارات بخلط البنزين بالماء (http://www.alriyadh.com/2008/03/21/article327689.html)

[ونش]

الي يقول القاز اغلى من البنزين غلطان لان لتر القاز ب 13 هلله وموجود في قليل من المحطات والي يقول غسل التانك برضوه غلطان لاني في وقت من الا وقات كنت اعبي سيارتي نيسان التيما قاز وانا متعمد ادور الرخص ولاجاها اي شي بس صوت لقلقه البلوف وارتفاع الحراره شي بسيط ودخان ابيض ويخف العزم غيركذا ما فيه مشكله ومره اعبي بنزين ومره قاز هذا الكلام زمان يوم البنزين ب 90 هلله

[سسته]

كنت اعبي سيارتي نيسان التيما قاز وانا متعمد ادور الرخص ولاجاها اي شي بس صوت لقلقه البلوف وارتفاع الحراره شي بسيط ودخان ابيض ويخف العزم غيركذا ما فيه مشكله ومره اعبي بنزين ومره قاز هذا الكلام زمان يوم البنزين ب 90 هلله

اخف من كذا ... ترانا مانتحمل

[التعـ King ـديل]

لاهنت لو ذكرت اوصاف المحطه ومعالم بارزه فيها علشان مااحد يطيح بيديهم

مانقول الا حسبي الله ونعم الوكيل في كل ظالم ومستغل لطيبه الشعب السعودي

[شمالات نجد]

حسبي الله عليهم

[sameer_1798]

ياخوي مافيه محطه بعد المدينه بـ 20 كيلو .... إلا إن كانك ماشي على الطريق القديم
عطني وصف المحطه بالضبط وأنا أصور لك قارورة البنزين ونشوف لونه .

على فكره إن كان مخلوط معه قاز ترى الريحة اكبر دليل ... ريحته كنك مشغل فانوس على قاز ... إن كانك تذكره .

[مهندس مهني]

اخواني الافاضل



السلام عليكم ورحمة الله وبركاته


هذي قصه صارت لي وراح اختصرها لكم


في احد الايام رجعت من المدينة المنورة ووقفت عند محطه بعد المدينه تقريبا بعشرين كلم وعبيت بانزين 95 وسيارتي هايلكس غمارة دفرنسين


بعد ماقطعت تقريبا 80 كلم صارت سرعة السيارة تنزل شوي شوي


كنت امشي مابين 120 الى 130 كم / ساعه


وانخفضت السرعه مابين 90 الى 100 كم / ساعه وانا داعس الدعسه كلها


واذا جيت على مرتفع تنزل الى 80 كم / ساعه


وكل شوي اطلع يدي مع النافذه وافك الدركسيون علشان اشوف السياره تميل والا لا


اقول معقوله فيه هواء قوي ناطح السيارة


المهم وتجيني محطه قبل القصيم واوقف عندها واقعد ادعس للموتر والغريبه مافيه تقطيع ولا شي ويرزقني الله باجودي من يوم شافني ادعس وناظر للشكمان قال اقولك وش علة موترك ! ! !


قلت الله يبيض وجهك اذا تعرف عطناها


قال انت معبي من المحطه الي بعد المدينه الي فيها كذا وكذا وعطاني معالمها كامله


قلت نعم صحيح


قال انا اكلتها مثلك المحطه الله لايوفق العماله فيها خالطين مع البانزين قاز وانا بالمضارب وصلت هنا حتى التريلات تسقط علي .


وبعد ماعبيت من المحطه الكبيره الي قبل القصيم وامشي والحمدلله زان الموتر


واتصل على امن الطرق وابلغهم بكل التفاصيل علشان لايطيح شخص ثاني في نفس المشكله


وقالوا هل عندك اثبات ؟ ؟ ؟


قلت الاثبات سيارتي


قال لا هل شفتهم يخلطونه بعينك وعندك شهود ؟ ؟ ؟


قلت لا والله ماشفتهم بعيني



قال اجل مانقدر نسوي شي ! ! !


اعذروني احبتي طولت عليكم السالفه


لكن الخلاصه من السالفه


هل نقدر او فيه طريقه نكشف البانزين اذا هو مخلوط بقاز او ديزل والا لا ؟ ؟ ؟



اخي الكريم الرجاء تحديد مكان المحطة بالضبط ....
لانه على الطريق السريع بين المدينة و القصيم و بعد خروجك من المدينة و تجاوزك نقطة التفتيش تكون اقرب محطة على الطريق تبعد عن المدينة حوالي 100 كيلو متر
الا اذا كنت ماشي على الطريق القديم فهذا شيء ثاني ...
و كلامي هذا ليس للتشكيك في كلامك و لكن رغبة مني لمعرفة مكان المحطة

[فيصل التميمي]

رد امن الطرق انه انك تثبت يشوف ذلك بنفسة ويعبي بنزين من المحطة ويشوف

[أبو عبدالرحمن 2010]

الله لا يوفقهم لا بالدنيا ولا بالاخرة

والمصيبة امن الطرق عندك اثبات ؟؟؟

ونعم الامن !!

تحياتي