السامري و الهجيني و القصائد المشهوره في المناسبات

[عاشق الصحراء]

الاخوة الاعزاء تحية طيبة و بعد :
دائما نسمع في مناسات الفرح و الزواج سامريات يرددها الشباب في ليالي الفرح تحت ضوء القمر
يشاركون بها المعرس فرحه و سعادته.
و كل منطقة لها سامرياتها و الحانها الخاصة بها.
و يشتهر شباب نجد بانواع كثيرة طالما سمعناها او شاركنا بها .
و لكن للاسف معظم الشباب لا يذكرون القصائد كاملة فتجدهم يرددون بيتين ثم تنقطع السامرية.

اعدكم اذا ساعدني الوقت ان اكتب اكبر عدد من هذه القصائد المشهورة.
و يسرني ان تضيفوا انتم ما تشتهر به مناطقكم من هذه السامريات الرائعة.
و سوف اقوم باضافة قصائد جديدة في هذا الموضوع يوميا اذا اسعفني الوقت.

و ابدء بهذه الرائعة للشاعر الامير خالد الفيصل:



من بادي الوقت هذا طبع الايام=عذبات الايام ما تمدي لياليها
حلو الليالي توارى مثل الاحلام=مخطور عني عجاج الوقت يخفيها
اسري مع الهاجس اللي ما بعد نام=و اصور الماضي لنفسي و اسليها
اخالف العمر اراجع سالف اعوامي=و انوخ ركاب فكري عند داعيها
تدفا على جال ضوه بارد عضامي=و الما يسوق بمعاليقيي و يرويها
الى صفا لك زمانك علّ يا ضامي=اشرب قبل لا يحوس الطين صافيها
الوقت لو زان لك يا صاح ما دام=يا سرع ما تعترض دربك بلاويها
حتى وليفك ولو هيّّم بك هيام=سيور الايام تجنح به عواديها







و هذه اخرى قيل انها لسليمان بن علي (سدير) و قيل انها لماجد الحمود الرشيد(حائل )


يا الله الا يا والي الامر=يا مسندي و انت اللطيف
انك تعاوني على الصبر=و زريع قلبي لا يهيف
ونيت ونة زلزلت مصر=و قصور مكة و الشريف
عيت ذلولي تقطع الجسر=و صويحبي يم القطيف
سواني يسنن على الجسر=سواقهن عقله خفيف
متى نشد ركايبناالعصر=عن هالمكان اللي يخيف
لي صاحب خواتمه عشر=يرجس كما مهرة شريف
ابو وسيط ينهصر هصر=و قذيلته ذيل العسيف
ابو جديل ينشره نشر=ثوبه على متنه خفيف

[عاشق الصحراء]

و هذه القصيدة للشاعر احمد الناصر


الا يا عين هلي....دموعك يا شقيه=على عصر مضى لي....الا يا عين هلي
انا المغبون انا الي..عمايه من يديه=الا وا عزاتالي...انا المغبون انا اللي
متى علمي بخلي..شهر عيد الضحيه=الا وا همالالي..متى علمي بخلي
الى صفيت اصلي....طرى خلي عليه=يهوجس فيه بالي...الى صفيت اصلي
و هو عزي و ذلي...و لا لي مقدريه=و لا يعلم بحالي...و هوعزي و ذلي
و لاني مسفهل...عقب صافي الثنيه=ال وا طي حالي...و لاني مسفهل
بغيت و لا حصل لي..مواصلة خفيه=وصل غالي لغالي...بغيت و لا حصل لي
ذبحني بالتغلي...له عزوم قويه=يقول الوصل تالي...ذبحني بالتغلي
ليالي قد مضن لي..سنين الجاهليه=ابي هاك اليالي...ليالي قد مضن لي

[عاشق الصحراء]

و هذه للشاعر احمد السديري


تلعب بقلبي و انا اطيعك=و انت سبب كل ما جاني
انا اللي اشريك ما ابيعك=لو كثرو فيك الاثماني
صارت لغيري منافيعك=عقب الغلا كيف تنساني
لولا قبالك و تفريعك=دخلت في دين الخوان

[السمح]

والله الفكرة مرة حلوة وجميلة وهي في نفس الوقت رصد لعدد كبير من القصائد المغناة ..
أهيب بجميع الأعضاء بالمشاركة في هذا الموضوع الخفيف على النفس ..
واليوم لي هذه المشاركة الأولى والتي سيتبعها إن شاء الله مشاركات أخرى ..

هذه القصيدة مشهورة جداً وكثير من الناس يرددها عندما يكون المجال مجال غناء ..
يقول الشاعر إبراهيم الكنعاني :


يا حمامٍ على الغابه ينوحِ =ساجِعٍ بالطرب لا وا هنيّه
قلت: حيّهْ! ولا كنّه بْيوحي= مَرْ عَجْلٍ ولا سلّم عليّه
وا عسى السيل دايم ما يروحِ= ما يْفارقْ جْفار الصالحيه
يا شريفهْ متى وِدّك نروح= يَمّ ديرةْ هَلِك يا العسوجيّه
قالت: اصبرْ يطيبنْ الِجروح= شهَرْ وعَشْرْ وْدنّوا لي مطيّه
كنْ في ضامري قِدْرٍ يفوحِ= أو غْروبٍ تُوَامى في ركيّه
روح روحي بغت روحي تروحي= يوم قيل الغضيْ فيه جْدريّه
جيت أبَشرب وإلى مِسْكٍ يفوح= غاسْلٍ فيه وضّاح الثنيّه
جِعْل زمْلٍ يبي خلّي يروحِ= ينكسر في شعيب الصالحيّه

[مخاوي الذيب]

اشكرك يا عاشق الصحراء على الفكرة الحلوة


وهذه قصيدة للشاعر/ فيصل البواردي من أهل شقراء


يا نـسـيـم الهـبايب خـبري ويـن خـلي = خـبـري ويـن خـلي يا نسـيم الهـبـايب
خـبري ويـن راح اللي هـروجه تسلي = خبري وين راح اللي هروجه عجايب
يوم شفت الركايب قمت ارحب واهلي = قمت ارحب واهلي يوم شفت الركايب
شد مظنون عيني شد ما هو هوى لي = أه لا عــاد يــوم فـيـه فـرقـى الحـبايب
ســيـد كـل الـحـبايـب مـره جـا مـحلي = مـره جــا مـحــلي ســيـد كـل الحبـايب
مقدم الراس شايب من فراق السجلي = من فراق السجلي مقدم الـراس شايب
جعل وبل السحايـب فـوق دارة تهـلي = فـوق دارة تهـلي جعـل وبـل السحايب

[عاشق الصحراء]

الاخ العزيز (السمح)
شكرا يا الغالي على الاهتمام و التشجيع
و مشكور على اضافة القصيدة
و تقبل تحياتي

الاخ العزيز (مخاوي الذيب)

شكرا جزيلا على التفاعل مع الموضوع
و اشكرك على اضافة القصيدة .
وتقبل تحياتي

[عاشق الصحراء]

وهذه ايضا قصيدة رائعة و مشهورة للشاعر عبد الرحمن البواردي


حمام يا اللي بالبساتين=يلعب طرب و الهم ما جاه
هو معجبك طلع الرمامين=او معجبك خضاب حناه
او معجبك حضر مقيمين=هل القصور اللي مبناه
او معجبه بدو مقيمين=يرعون براق نثر ماه
ذبحتني يا بو عكاكين=يا خالط ورده بحناه
ذبحتني و اهلي مقيمين=و اهلك ضعنهم ما لحقناه
عساك يا الروضه تسيلين=و السيل يملا لي ركياه
حيثك مقر دويعج العين=محبوب انا ما شفت حلياه
يا العين هودي لا تلجين=صيري صبوره يا المشقاه

[عاشق الصحراء]

و هذه ايضا للشاعر حمد الرمضان من اهالي بلدة الشعرا و هي من نوع الردادي


عديت في مرقب غنى بركنه حمام=و اثر الحمامة تهيض القلب بلحونها
سلام يا اللي تبون مني سلام=واثني التحية على اللي يستحقونها
من لامني في الهوى و مرودعات الوشام=جعل النصايب على قبره يرزونها
ابو نهيد صغير مثل بيض الحمام=مثل الفناجيل بالدير يعدونها
يا رجف قلبي عليها ارجاف طي المقام=او ارجاف خيل على الحاكم يعنونها
يا بري حالي عليها بري عود الثمام=وقع عليه الجراد و طار بغصونها
و يا ونتي ونة اللي دش بحر الظلام=يبغي المراكب و حال الموج من دونها
يا زين ما ترخص الحبة و ترخي اللثام=حيث انها لا تبين و لا يقصونها
حب اريش العين وقع في ضميري وحام=و الحب الآخر على كبدي و من دونها
يا داخل السوق ما عينت ظبي العدام=ما رييته في البلد ما شفت انا لونها
ابو جديل تهلهل مثل ريش النعام=ياصل ردوفه الى دلو يعملونها
ياصلك مني يا صاحبي ردود السلام=ياصلك مع ذا الهبوب اللي جرى عونها

[عاشق الصحراء]

و هذه ايضا من القصائد المشهورة و للاسف لا اعرف قائلها.



يا طير يا خافق الريش=بلغ سلامي و ثنه
ثنه على ابو عكاريش=اللي سبى العقل فنه
ابو عيون مراييش=من شافهن يذبحهنه
ابو ثنايا مراهيش=ويلي على مزهنه
و قذيلته كنها الريش=ريحه زباد و خنه
جيته يهل العكاريش=في روشن يدهلنه
صملان قلبي معاطيش=ومن الظما يبسنه
لولاه انا كان ما اعيش=و من ها الحية اتهنه

[عاشق الصحراء]

و هذه من ااقصائد ذات الالحان التي يفضلها الشباب.




شاقني بلحونه....شاقني بلحونه....حمام غنى ....شاقني بلحونه
نيته ملعونه.....نيته ملعونه....ما تقل منا.....نيته ملعونه
سنة مسنونه......سنة مسنونه......يا شوق حنا.....سنة مسنونه
يا بياض سنونه...يا بياض سنونه..يوم ادعجنا..يا بياض سنونه
يا حمار كفوفه...يا حمار كفوفه...زاهي بالحنا..يا حمار كفوفه
يا طوال قرونه...يا طوال قرونه...شقر تثنى....يا طوال قرونه

[السمح]

هجينية :


يا راكبَ اللي بعيد الخد يطْونّه=حرايرٍ من ضرايب جيش ابن ثاني
من الثميله لْدار الشوق يِمْسنّه=لا روّحن بالْوَصف جول غزلانِ
تكفون ياهْلَ النَضا سِجّوا عليهنّه=سجّوا ولِجّوا وْصيّور العُمر فاني
لا بدْ من خِرْقةٍ بيضا على السنّه=والموت من قبْلنا ما عاف راكانِ

[السمح]

وهجينية ثانية :


يا قلب ياللي كفخ كنه على ملّه=يكفخ بْصدري وْشدّنّه معاليقه
أقنب قنيب الضواري فوق مِقْتلّه=جوٍّ من الورد دِرّاسٍ طواريقه
أضحك مع اللي ضحك والصدْر به علّه=أضحك بْسنّي وقلبي ممتلٍ ضيقه
قالوا: تِديّن. وقلت: الدِّين لا بالله=الدين عن نابي الردفين ما طيقه
غِرْوٍ مليحٍ جمعْ زين الملا كلّه=إنشد جليس الهوى وانشد عشاشيقه
أبو جديلٍ على دمْث النحر هلّه=ما لـه جِدا كود تكديده وْتَفْريقه
خطْرٍ يجيني على غضّ النهد خلّه=الصاحب اللي كما ذوب العسل ريقه

[المسفهل]

قال محمد بن حمد بن لعبون المتوفى سنة 1247 هـ
ياذا الحمام اللي سجع بالحون=وش بك على عيني تبكيها

ذكرتني عصرٍمضى وفْنون=قبلك دروب الغي ناسيها

لا تطري الفرقى على المحزون=مااحب أنا الفرقى وطاريها

يا من ينادمني على الغليون=والدلة الصفرا مْركيها

أنتم تلوموني ولا تدرون=والنار تحرق رجل واطيها

شفت البناجر في يد المزيون=يوم أقبلت والنور غاشيها

والبّتة الصفرا زهت باللون=توّهْ اضحَيّ العيد شاريها

عمرَهْ ثمان مع سبع مضنون=مشيَ الحمام الراعبي فيها

تَلّيْت ردنَهْ وانهصر بالهون=وْلَهْ قذلةٍ بالمسك عابها

[عاشق الصحراء]

و هذه سامرية

:)

كريم يا بارق سرى=ما احلى رزيم الرعدفيه
يا زين عشبه الى اخضرا=و البل ترعى مفاليه
نطيت انا الحيد الاسمرا=و هيضت انا عبرتي فيه
و البل يا زينة الذرا=كم من غريب توديه
عينت ظبي تحدرا=يرعى الزهر مع مثانيه
جيته مع السطح ما درى=و الى القمر شارع فيه
الى لمسته تهصرا=يا خوي ما نيب قاويه
عليه ثويب عن العرى=جعل اريش العين يبليه
بطنه لبيب و مزعفرا=يا زين طي الحقب فيه
ابو بريم مقمرا=من فوق الاوراك زاويه
يا بو زميم مشذرا=و مزهي وجه راعيه
قم حبني لا تعذرا=و العذر ما نيب باغيه



و اسف على الغياب الغير متوقع.

[عاشق الصحراء]

الاخ الغالي على قلبي بالحيل (السمح) شكرا على اضافة المشاركة
و زدنا .
الاخ العزيز المبدع (المسفهل) لك فائق الشكر و الله الله بالمزيد.

و الان هذه القصيدة المشهورة من السامريات.للشاعر
سالم الحربي.






لا تكاثر جيتي يا نظر عيني=الله اللي جابني لك و وداني
ماشي درب مشوه المحبين=بالمودة راجح لك بميزان
احسب اني مثل ما اغليك تغليني=ما دريت انك عدو و قوماني
و اثر لك يا متلف الروح قلبين=قلب يبغضني و قلب يتمناني
كم هنوف عند اهلها تمنيني=كزت المرسول كله على شاني
تحسب ان الله قطوع يخليني=ربي المعبود ما عاد ينساني
تحسب انك يوم قفيت كاويني=يوم تكفي الحوض في وجه ضميان
سيد الخفرات ما توفي الدين=خنتني من غير حق و برهاني
الجفا من بيننا موقفه شين=من فعل خير يجازى بالاحسان
خوفي الله لا تصيرين لاثنين=صفي النيه و صيري لفرداني
يا حبيبي اسقني لا تخليني=لو اموت من الضما ما احد اسقاني

[راعي بر]

اشكركم ياشباب على هذا الموضوع والردود الجميلة واحب ان اقول لكم ان قصيدة يا طير ياخافق الريش لفهد بروسلي .



وشكراً لكم

[عاشق الصحراء]

شكرا للاخ راعي بر لاضافة المعلومة ان القصيدة لفهد بو رسللي.
>
>
>
و الان مع هذه الهجينيه الي تصلح اذا كنت ناوي لك مقناص و داعس
مع لك خط بري ما به مطبات و لا به رقاله و لا جرفه ,,,حاط رجلك و
فاتح الدريشه ( النافذه) و مطلع يدك على جنب( يعني منسجم )و زاجن
هالهجينيه :D و الزين بعد اذا كان معك واحد حسه زين و يواجبك(يعني
يردد و راك ) هلا ..هلا:D

للشاعر( حمد المعمر) او(دهيمش المعنى) او (زيد المطيري)









تو ما شافت غزير الزين عيني=طارت الغدفة و شفت اللي تحتها
الجدايل فوق متنه سبحتين=يا صباح الخير يا نور طخمتها
بس عذروب الحبييب شارتين=مع سواد عيونها طول رقبتها
لعن ابوك اخذي ذلولي و ارحميني=عندكم تخلف و لا عند ورثتها
يا علي ما شفت حالي يا ضنيني=من هنوف شايت القلب شلعتها
ليتني ما شفت وضاح الجبيني=يعلم الله يا علي حالي خذتها
عين ريمن ذيروها مسلحين=قادت الغزلان و الريم تبعتها
شافت القناص يدرق بالبطين=سمعت البارود بالخايع رمتها
شبه حمرا ربعت بالقريتين=سلفت قدم المظاهير و تلتها

[عاشق الصحراء]

شكرا يا ابو تركي على تلبية طلبي و جعل الموضوع غير مثبت
و ذلك للنفع و الفائدة ,كما اتفقنا, و حتى يكون للموضوع نوع من
التجدد و الحيوية.
و شكرا لك على الاهتمام و حسن الاشراف.

[هاوي مقناص]

عز الله صح السانكم والسان راعيين القصايد ، والله انها من اجمل القصايد التي تصلح للمقناص والرحلات،

وابي منكم يالربع تكفون ، قصيده ، كان جدي يقصدهالله يرحمه، ودورت عليها وما لقيتها ، اللى يقول فيها يالربع

وماني حافظ الا ها البيتين 0


يوم جيت اضمه صيح يبي امه ********* يالعن ابو امه عيط عليه0


وان شاء الله انكم تعرفونها وتكتبونها ، با اسرع وقت يالربع تكفون

ودمتم غانمين سالمين


اقبلو تحياتي : هاوي مقناص 0

[المسفهل]

القصيدة يا أخ هاوي مقناص لشاعر مجهول .. وتختلف أبياتها باختلاف الرواة .
والقصيدة مما يغنى بالسامري على أكثر من طاروق وهي من القصائد ذات الجرس الخفيف والإيقاع الرنان :


ياعيسى باحي..صبري ومزاحي=من حب المجمـ.. ــول اظْبيٍٍ لاح

ياعيى كنه..من حور الجنة=زباد وخنة.. مسك فواحِ

ياعيسى أشوفه..خضب اكفوفه=ياكن اردوفه.. نقيان الضاحي

نطحني يردي..والمقطع وردي=ياكن المورد.. يسقى به عوده

نطحني مارق..والعمر مفارق=ياكن البارق.. لميع خدوده

نطحني مياح..عجاج الأرياح=ياكن التفاح.. زمة انهوده

إن جيت أخمه..صاحت تبي أمه=لا رحمت أمه.. عيت عليه

إن جيت أشيله..ملاني نيله=ياويش الحيلة.. يابو خزرية

[هاوي مقناص]

السلام عليكم 0

عز الله انك جبتها بالملي ، ومشكوووووووووووووور ، وصح السانك ، اخوي المسفهل وما قصرت يالغالي

وكثر الله من امثالك ،يوم انك جبتلي هالقصيده ، يا بعدي 0

ودمت غانم سالم


اقبل تحياتي :هاوي مقناص 0:) :) :)

[المسفهل]

لا شكر على واجب ياأخي هاوي مقناص . .

ونحن في الخدمة في كل ما نستطيع فعله وينفع الإخوة..

ودمت لأخيك المسفهل .

[المسفهل]

ومما يغنى على طواريق السامري قول الشاعر سعد بن عبد الله الخريجي :





قل لي هلا يا نور عيني واحييك=لا تخلي المعنى يذوب ابشفاتك

أشهد برب الكون ما ني بناسيك=يافرحتي برضاك عقب ازعلاتك

احتاج لك ارفق عسى الله يخليك=النفس ما تقدر تواجه اسكاتك

لو كنت نجمة بالسما صرت أراعيك=لو كنت وردة قمت أحاضي نباتك

وين الدلال اللي عرفته امحليك=وين الحنان اللي يجمل صفاتك

هونك على قلبٍ يحبك ويغليك=لا تُودِع الفرحة اتودع حياتك

[الهيثم]

السلام عليكم ورحمة الله وبركاته
هذه هجينية للشاعر ابراهيم الطويان ولها قصه :-
كان الشاعر ابراهيم الطويان من شعراء عنيزه يحمل بضاعه من الخضار لرجل يدعى "منقاش" بسيارته ولكن حدث ان تعطلت سيارته في الصحراء فمر به سائق شاحنه من نوع "عنتر" يدعى "الحرابي" فطلب منه أن يحمل الخضار معه , فرحب ولما أراد الطويان دفع ثمن النقل رفض الحرابي وطلب هجينية تطرد النعاس عن عيونهم ثمناً له فقال الطويان :

العنتر اللي ركب منقاش=حس الحرابي ببوديه
من وردته مادخل بقراش=ولا مرنوه العليميه
هو منوة اللي نوى المطراش=يسري حوال الشبيكيه
سلم على العذب يامنقاش=ياعنقها عنق ريميه
الخط منهم نبي ببلاش=ومن عندنا فيه خرجيه

ولكم تحياتي

[عاشق الصحراء]

السلام عليكم و رحمة الله و بركاته عدنا اليكم يا احبائنا.


من الاغاني السامريه لاحد شعراء اهالي البديع ( الافلاج )


يا ابن سالم ترى قلبي عليكم حزين=و السبب صاحبي زعلً و لا ارضيتناه
صاحبي ينقش الحنا بكف حسين=مثل نقش المطوع بالقلم و الدواة
بو نهيد صغير ما لهجه الجنين=مثل بيض القميري لاجي في حشاه
صاحبي غصن موز و الهوى به يلين=ليت من هو بعالي الغصن يقطف جناه
صاحبي يحسب اني عنه ادور حتين=حالف ما نوى قلبي و لا اطريتناه
في ضحى العيد عدوني مع الميتين=مثل بعض الضحايا قدمت للذكاة
يا هل الغي حياكم نجر الونين=و نتشاكى جميع لا سقى الله الحياة
آه من ونة تودع ضلوعي طحين=ما يجبّر ضلوعي كود والي سماه
طير يا الي ترفرف فوق دار الخدين=خبر امي ترى المجمول حصلت اناه

[عاشق الصحراء]

عندما شدى الفنان علي عبد الستار بهذه القصيدة ...اشارة كل الاصابع الى
الشاعر سعد الخريجي انه العطاء الوثاب و الحب و الابداع في ذات هذا الشاعر.








يا ناس احبه.. و احب اسمع سواليفه=صوته يشتت هموم.. عايش فيها
يامر و ينهى و انا دايم على كيفه=أرجي ورود الهوى تنبت باراضيها
لا غاب عني يعيش الفكر مع طيفه=و ان صار عندي حياة الحب الاقيها
مسكين قلب شكى غيبة مواليفه=عزى لعله تعذر من يداويها
ظل ظليل علي و غصونه مريفه=شمعة زماني عسى الله ما يطفيها
أمسلم نظرته لاهل الهوى زيفه=و يطيح قلب من غصون نبت فيها
لا من ضحك لي خذت قلبي تواصيفه=و لا من زعل عفت أنا الدنيا و ما فيها
لجل ان أحبه و احب اسمع سواليفه=صوته يشتت هموم ..عايش فيها

[عاشق الصحراء]

و هذه السامرية للشاعر ضويحي بن فهد الهرشاني.



راعي القرن الاشقر شد قلبي و تله=تلة السيب غيصه من بحور الظلام
ليتني شذرة زمام على مبسمٍ له=فوق خد تكاشف مثل برق الظلام
أو زرار بثوبه غاطي لبة له=فوق فرع النهود و حدر طرق اللثام
كن بعيونه الخزرات جمع و سلة=عسكر الروم حمران الوجيه الطغام
صاحبي و ان ذبحني بالهوى فدوة له=ذبح خلي حلال و ذبح غيره حرام
حب خلي بقلبي ما تعدى محله=كود برق الصبيحية تعدى سنام
قلت يا صاحبي ما هو بذالحب كله=كثرة الحب يضهدني و يبرا عظامي
قال لي مدمج الساقين خله لعله=منك انا مونس حر المودة شمام
عنز ريم تقود الصيد دقه و جله=عذبت ناقل البندق سريع الولام
ما تجي في ملاقيفه و لا مدهل له=حذرة الصيد ما تصطي عليها المرامي
صاحبي بالضماير باني منزل له=قصر خلي عمار و قصر غيره هدام
صاحبي ما هرج له في جلس بالاظله=و لا يطاوع خاربين الذمام
لي حبيب ليا قابل حديثه ما امله=كود امل اللبن من در هجنا السنام
يا وجودي عليهن وجد من فاطر له=غره النوم عنها في فروع المظامي
في الحتيفه خلاوي و الدحل ما يدله=ما حواليه من يعطيه حمض الاعلام
فوقها قربته و نعوله و مزهب له=و حام دون الدحل عمس معيف و عامي

[ساري نجد]

سلاااااااااااااام

وش هالزين ما شاء الله

ابشروا بالقصيد ساااامري وهجيني وكل شي بس اصبروا على شوي
بس عندي استفسار صغينون: وشلون احط القصيده في برواز مزركش :) ؟؟؟ هل هي في خصائص اضافة الموضوع او وشلون بالضبط؟؟

وسلاااااااااااااااام

[عاشق الصحراء]

هلا .. هلا .. و غلا بالاخ ساري نجد شرفت المنتدى و يسعدنا تواجدك معنا .
و يسعدنا ان تتحفنا بما لديك من مشاركات .

اما بالنسبة للاستفسار عن منسق الشعر..فنعم هي في خصائص اضافة الموضوع
و لكن المشرف السمح اعد موضوع في اعلى خيمة القصص و الاشعار بعنوان
( منسق الشعر في جميع خيام مكشات) و هذا الموضوع فيه الخطوات لتنسق
الشعر ببرواز مزودة بالصور, فقط اتبع خطوات السمح و سوف تعرف له.

تقبل تحياتي.

[راعي الكشتات]

تلعب بقلبي على كيفك=انته سبب كل غربالي
تستنفد الصبر يا حيفك=وتزيدني غبن وهبالي
من كبر هجرك وتصنيفك=طويتني وانطوت حالي
يضرني منك تسويفيك =في هجرفه مالها تالي
اثرك شديد على ضيفك=يا غالي ما معه غالي
(لشاعر الامير المرحوم خالد بن احمد السديري
http://www.mekshat.com/pix/upload/images/hmk55.jpg

[ساري نجد]

سلاااااااااااااام

اعتذر على التأخير ولكن عند وعدي بإحضار بعض القصائد والمشاركه وعسى تكون مفيده


حمام ياللي بقيفان الطرب غنّى


حمام ياللي بقيفان الطرب غنّـا=من فوق حدب الجرايد طوح اصواته
بالله ياذا الحمام ان تنزح عنــــــا=خل الهوى والطرب ماذي بحزاته
ذكرتني ناقش الكفين بالحنـــــــــا=سيد العماهيج خدّه كنه مراته
ياناس انا والغضي وش كاركم منــا=خلوني ابرد غليلي من شفياته
والوي ذراعي على عنقه اليا نمنا=والكف الآخر على مفرق نهيداته
ياناصر أشكي عليك الحال عاونا=بالقيل كود الغضي يرخص بجياته
ياغصن موز على الحيطان يتثنا=ما أحلى مع الريح روحاته وجياته

للشاعر عثمان بن سليمان




وهذه أخرى .....


سامريه دوسريه

ياللــــــــه اليوم ياروّاف=يابو الافراج عاونــــــــي
خوفوني وانا ما اخاف=وأحسب الضلع يزبنّي
هيه يالايم الميــــلاف=ماتشوف الجمل حني
ليت لي بكرة ميلاف=وأحتلبها على المني
الحذايا غدن رهــــاف=والحفا يرعب الجني
يحسبني عمي مااشوف=يتقي بالنخل عنــي
لابس ثوبه الرفـــــراف=والردايف يهبّلنـــــــي

مجهول قائلها


وتقبلوا تحيات اخوكم ساري نجد

وسلاااااااااااااااااااام

[عاشق الصحراء]

قلت اذكركم ببعض السامريات و الهجيني للي وده يزعج صوت
او صوتين بالخلا الخالي.

[ابو عايد]

السلام عليكم ورحمة الله وبركاته


مشكور أخي العزيز 00 عاشق الصحراء على الفكره المميزه


وهذا عاويدك يالغالي من حسن الى أحسن يا عاشق الصحراء

وهذا بعض من القصيده السامريه من أهل وادي الدواسر والسليل



البارحة ساهر والناس ممسين=قمت اتقلب وعيني في عناها
تهمل دموع الولع مني هما لين=ياربعنا العين ويش اللي طراها
اشكي على مبارك والريع الدنين=من واحداً حالتي ما هو يراها
شيب بحالي وكل الناس دارين=من شافني قال حالك وشبلاها
قلت ان حالي برى من داعج العين=حبه ذبحني وقلبي قد هواها
اشعل بقلي وخلا النا تكوين=خلا المكاوى على قلبي صلاها
واقفاً بديره بعيداً يالمسلمين= ولا ارسل الخط ليه مانواها
فنجيت براسله اخاف لدنين= وليته الى ارسلتنا خطوطي قراها



وهذه أخرى


يا زين يا غالي=ياشاغل بالي
ماتنظر الحالي=وتحققامالي
متى متى يازين=ياكاحل العين
نقضي الغرض والدين=ونطرب البالي
الحال لجلك شان=يامطرق الريحان
ماترحم الولهان=وتنظر لحالي
ما تشوفدمع العين=من سبتك يازين
سايل على الخدين=عليك همالي




وتقبلوا تحياتي:heart: العاشق الولهان


http://www.mekshat.com/pix/upload/images/tt77.jpg

[عاشق الصحراء]

كثر الله خيرك و مشكور على اضافة المشاركة.
تحيـــــــــــــــــــــــــــــــــــــــــــــــ ـــــــــــــــــــــــــاتي:good:

[((( الحر)))]

تحياتي للجميع على المشاركات الطيبه!!!

والف شكر للغالي عاشق الصحراء على الموضوع المناسب!!!

واحب ان اشارك بهذه السامريه وهي من اقدم السامريات واختلف الرواة في نسبها الى اثنين هما:
فهد العجمي او عبدالهادي الروقي ... ولاكن حنا ماعلينا الا من القصيده!!!

وتقول

عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطلب لا سربو ماها
و راك ما تزعجين الدمع ياعينـــــــــــي= على هنوف ٍ جديد اللبس يزهاها
هبت هبوب الشمال و بردها شيــــــــن ِ= ما تدفي النار لو حنا شعلناهـــــــــا
ما يدفي الا حضن مريوشة العيــــــــــن ِ= و الى ظمينا شربنا من ثناياهـــــــا
ياشبه و ضحى فتاة ٍ دلها زيـــــــــــن ِ= داجت على عقلة ٍ و الورد ما جاهـــــــا
ياعل من لامني يعطى عمى العيـــــن ِ= مخباط صمعا جليل الفخذ يشظاهــا
جعله حسير ٍ كسير و راكبه ديـــــــن ِ= و اتلى حلاله ذلول ٍ راح يطلاهــــــــا

[عاشق الصحراء]

شكرا يالحرعلى اضافة القصيدة.
و لك احلى تحية يالغالي.

[ابو مساعد]

السلام عليكم ورحمة الله وبركاته

الشكر الجزيل الى الاخ عاشق الصحراء

وهذه عرضـــــــــــــــــــــــــــــــه شعر / عبدالرحمن بن صفيان


نحمد الله جت على مـــــــــــا تمنى = من ولي العرش جـــــــزل الوهـــــاب
خبر اللى طامــــــــع في وطــــــــنا = دونهـــــا نثني الى جـــت الطلايـــــب
واجــــد اللى قبلكم قــــد تمنـــــــتى = حربنا لي راح عـــــــــــاف وتاتــــب
يا هبل الراى ويـــن انت وانـــــــــا = تحسب ان الحرب نهب القــــــرايـب
لي مشــى البيرق فـ زيزومــه وانا = حن هل العـــادات واهل الحرايـــب
كـان مـا نجـهل على اللى جهلــــنا = ما سكنا الدرا يوم الجلايــــــــــــــب
ديرة الاسلام حـــــأمينهـــــــــــــنا = قاصرين دونـــــها كل شــــــــــــارب

[عاشق الصحراء]

وعليكم السلام ورحمة الله وبركاته

يا هلا و مرحبا بالاخ ابو مساعد.
مشكور ما قصرت على اضافة قصيدة العرضة.

تحياتي لكم
عاشق الصحراء

[الرهوه]

قصائد حلوه وياليت لوهن بالصوت الخالى من المحاذير الشرعيه

[عاشق الصحراء]

قصائد حلوه وياليت لوهن بالصوت الخالى من المحاذير الشرعيه

يا هلا و يا مرحبا بك.. بالنسبة للصوت انا صوتي مهو حلو:) بالمرة "" بحه مع رعدة .. :D "
بس لو تقدر تلقى واحد يضبطهن بصوت نكون لك من الشاكرين بالطبع لا ينسى ينسب القصائد لأهلهن.

تشرفنا بمروركم

[ابوراكان1425]

انااحب مكشاتجداجداجدا

[اوكسجين]

السلام عليكم ورحمة الله

اخوي الله يعطيك العافية

[عاشق الصحراء]

شكرا لتفاعلكم مع الموضوع و لكم تحيتي و تقديري.

[الماجدي]

..عاشق الصحراء..
الله يعطيك العافيه اخوي عاشق على الفكره الجميله
...
عندي سامريتين لسليمان ابن شريم

سرى البـارق اللـي لـه زمانيـن مـا سـرى × صـدوق المخـايـل بـارقـه يـجـذب الـسـاري
عـلـى فـرعــة الـــوادي وسـيـلـه تـحــدرى × وغنـت طـيـور الـمـاء عـلـى حـايـر الـجـاري
مـرامــي غـــزال عــقــب عــرفــه تـنـكــرى × عليـه الله أكـبـر كــل مــا حــل لــه طــاري
بـرى الجـرح منـه ومـنـي الـجـرح مــا بــرى × وهـو يحسـب انـه يـوم طـال المـدى بـاري
نطحـنـي بـجـز الـثــوب حـــدر المـشـجـرى × جـمـيـل المـحـاسـن لاضـخـيـم ولا عــــاري
ابــو لـبــة مـثــل الـقـمـر ضـــاح واسـفــرى × والـى غابـت القـمـرا تـقـدى بــه الـسـاري
تــرى سلـبـة العـاتـق الــى صــد مـــا درى × كمـا سلبـة العرجـون فـى صفحـة الـذاري
صويب الهوى مسكيـن مشيـه علـى ورى × ترى النقص فيه وحيله أقوى من الضاري
وهذا رابط لسماع القصيده بالصوت
هـــــنـــــــا (http://www.qassimy.com/sd/sounds.php?mqtaa=322)
......................
السامريه الثانيه
حـيـا الله الـلـى يغـيـب ويـســرع الـــرده × الـلــى يجـيـنـي الـــى مــنــه تـبـاطـانـي
قـلـبـي يـــوده و حـالــي كـنـهـا الــقــده × ودي بشـوفـه ودونـــه حـــوم عقـبـانـي
يـا صاحبـي جـارك الله وش هــا الـصـده × مــهــوب حــــق تـولـعـنـي و تـنـسـانــي
ان كان عنـدك حكـي بـي خامـل السـده × فانـت المصـدق وانـا حقـي ومــا جـانـي
اهــرج عـلـى مــا تــورى والـبـخـت بـــده × لا تـسـتـحـي يـابـعــد حـــــي وحـيــاتــي
تـــرى حـــلاة الـهــوى لا طـالــت الـمــده × مـهــوب يـــوم صـديــق ويـــوم قـومـانـي
وان كان ما انت بمصافيني على الشده × وقـــت الـرخــا واجـــد ربـعــي وخـلانــي
وهذا رابط لسماع القصيده
هــــــنـــــــا (http://www.qassimy.com/sd/sounds.php?mqtaa=195)
....................
وهذي سامريه غزليه لدخيل الله بن مرضي الروقي (الملقب بالدجيما )
يـاجـر قـلـبـي جـــر لـــدن الـغـصـون × وغصـون ســدر جــره السـيـل جــرا
واهلـه مـن اول بـالـورق يورقـونـي × عـلــى غــديــر تـحـتــه الــمــا يــقــرا
عـلـى الــذي مـشـيـه تـخــط بـهــون × والعـصـر مــن بـيـن الفريـقـيـن مـــرا
لا والله الـلـي بالـهـوى هـوجـرونـي × هـجــر بـــه الـحـيـلات عـيــت تـســرا
لا مــبــعــد عــنــهــم ولا قــربــونــي × ولا عـايــف مـنـهـم ولا نــــي مــــورا
واكثر عـذاب القلـب يـوم سنحونـي × بـيــح بـصـبـري لــــو بـغـيــت اتــــدرا
لا ضاق صدري قمت اباري الظعـون × كــنــي غــريــر بـالـدلـوهــة مــضـــرا
وقبلي عليه اشفق وتبكي عيوني × والــحــال مــــن ود الـحـبـيـب تــبــرا
يـا عزتـا لــي مــن تـفـرق شطـونـي × يـعـزا لــي ارمــي بالسـلـ واتـعـرا
ان مــت فــي خــد بعـيـد انقـلـونـي × عـلـى هــدي الـزمـل مـشـيـه تـــدرا
بـيـن الـنـهـود وقـــد روس الـقــرون × عــــن الـهـبـايـب مـسـتـكــن مـــــذرا
يـالـيـتـهــم بــالــحــب مـاولــعــونــي × كــان ابـعــدوا عـنــي بـخـيـر وشـــرا
والا انــهــم يــــوم إنــهــم قـربـونــي × خلـونـي اقـضـي حـاجـتـي واتـــدرا
وياليتهـم فـي الـدرب مـا واجهونـي × ويالـيـتـهـم مــــازادوا الــحـــر حـــــرا
وياليتـهـم عــن حاجـتـي سايلـونـي × يــوم انــي اقـعـد عـنـدهـم واتـحــرا
وياليتـهـم مــن زادهــم اطعـمـونـي × انـــــا عــلـــى زاد الـيـتـيــم اتــجـــرا
لا قـــربـــوا مـــنـــي ولا بــعــدونــي × ولا مـيــس مـنـهـم ولا نــــي مــــورا
الـخــد بـــرق فـــي عــلــو الــمــزون × تـقــول بـــراق مـــن الـصـيـف ســـرا
وقـفــت عـنــده شـايـحـات عـيـونـي × كــنــي غــريــر بـــــاللهاوي مــضـــرا
وهذا رابط لسمــاع القصيده مع قصة القصيدة
http://www.shazly.net/hst5x1/8xmn6ai2_khazbazdkhilallalh.ra

[ياحبنيلي]

مرحبا ويعطيكم العافية على الموضوع الأكثر من رائع وحبيت أشارك بقصيد سامريه للشاعر الكبير أحمد الناصر

لاجزيت بخـــيريا ذاك الشعـــيب
كل مامريت من يــمك بـكــــــيت
اذكر اللي قد مضى وانحب نحيب
ليتني باقصــاك مـــا بعت وشريت
الموده جرحـــها جـــــرح عصيب
وانت يا مضـــــنون عيني مادريت
ليت زولك عن عيـــوني ما يغــيب
اشهد اني في المحـــبه قد بلــــــيت

حبيت اشارك بهذي القصيده واللي عنده من الشيلات الطيبه لا يبخل علينا

[عاشق الصحراء]

الماجدي
يعطيك ربي العافية التسجيل الصوتي رائع

يا حبنيلي

شكرا لك على المشاركة ما قصرت.

[ياحبنيلي]

مرحبا اخواني وهذي قصيده للشاعر عبيد الرشيد


ياحمود انا عارضي شاب%% طرد الهوى جزت أنا منه

ياكود وضـــــــاح الانياب%% هــــذاك مني وانا منـــه

عسلوجة حـــــشو الاثياب%% وردوف للثوب شــالــنه

يما حلا جدع الاســــــلاب %%واركاي سني على ســنه

والزين لو هو ورا الـــباب%% لازم عيونـــــي يراعـنه

يـــــارب اغفر لـــمن تـــاب %%الـــعبد مطلــــوبه الجنه

[الطامي]

ولنا مشاركه
ياهل العادات مافيكم احميا = كيف صياح الضحا ماتسمعونه
المراجل عسرة ماهي تهيا = كون من عض الشفايا في اسنونه
لاعذلت القلب من فرقاه عيا = صاحب كل الخلايق يمتنونه

وهي اطول من ذلك

[عاشق الصحراء]

[QUOTE=ياحبنيلي]مرحبا اخواني وهذي قصيده للشاعر عبيد الرشيد


ياحمود انا عارضي شاب%% طرد الهوى جزت أنا منه

ياكود وضـــــــاح الانياب%% هــــذاك مني وانا منـــه

عسلوجة حـــــشو الاثياب%% وردوف للثوب شــالــنه

يما حلا جدع الاســــــلاب %%واركاي سني على ســنه

والزين لو هو ورا الـــباب%% لازم عيونـــــي يراعـنه

يـــــارب اغفر لـــمن تـــاب %%الـــعبد مطلــــوبه الجنه[/QUOTE

شكرا لاضافة المشاركة

[عاشق الصحراء]

ولنا مشاركه
ياهل العادات مافيكم احميا = كيف صياح الضحا ماتسمعونه
المراجل عسرة ماهي تهيا = كون من عض الشفايا في اسنونه
لاعذلت القلب من فرقاه عيا = صاحب كل الخلايق يمتنونه

وهي اطول من ذلك

شكرا لك على المشاركة

[محمد خان]

و هذه من ااقصائد ذات الالحان التي يفضلها الشباب.




شاقني بلحونه....شاقني بلحونه....حمام غنى ....شاقني بلحونه
نيته ملعونه.....نيته ملعونه....ما تقل منا.....نيته ملعونه
سنة مسنونه......سنة مسنونه......يا شوق حنا.....سنة مسنونه
يا بياض سنونه...يا بياض سنونه..يوم ادعجنا..يا بياض سنونه
يا حمار كفوفه...يا حمار كفوفه...زاهي بالحنا..يا حمار كفوفه
يا طوال قرونه...يا طوال قرونه...شقر تثنى....يا طوال قرونه


لماذا لم تذكر أسم شاعرها ؟؟

[نبض البوسنة]

ملاحظة الاخوة :

بدل من تيزين الخط بهذا الشكل الحروف الانجليزية وشكلها الغلط

انشر القصيدة بدل من التزيين .

ويعطيكم العافية ،،،،،،،،،،،،،