المساعد الشخصي الرقمي

مشاهدة النسخة كاملة : من أم المصران إلى شمال الصمان مع شايب الصمان


ولد الشايب
11/02/2005, 11:11 PM
السلام عليكم ورحمة الله وبركاته

حبيت أعرض لكم صور طلعتنا أيام العيد والتي دامت أكثر من عشرين يوم متقطعه

أولاً : طلعتنا قبل العيد ( 5 ) أيام

وكان فيها شايب الصمان وولد الشايب وبعقاوي ( أبو ذيب ) ومطلق 99 اتجهنا إلى رديفة أم قرين وأمرحنا فيها ثلاث أو أربع ليالي ومن ثم >هبنا إلى أم المصران وكانت الليلتين الأولى درجة الحرارة -1 وعندي صور

الله يكرمكم الشراب مثلج وكانت الساعة سبع ونص أو ثمان وشف الشمس طالعه
http://www.mekshat.com/pix/upload/images7/mk10505_shrab.jpg


وأيضاً تسخين اللي حق الخزان لأن الماء كان مثلج داخل اللي
http://www.mekshat.com/pix/upload/images7/mk10505_lee.jpg

وهذه صور بعض أعضاء المنتدى

مطلق 99
http://www.mekshat.com/pix/upload/images7/mk10505_mtlaq.jpg


شايب الصمان
http://www.mekshat.com/pix/upload/images7/mk10505_shayeb.jpg

أبو ذيب ( بقعاوي 99 )
http://www.mekshat.com/pix/upload/images7/mk10505_theeb.jpg

وقابلنا في الكشته أخونا محب البر وريع الدياب ولكن للأسف ما صورنا

---------------------------------------------------------------- END 1ST TREIP


الكشته الثانية : بعد العيد ( 8 ) أيام

أعضاء الكشته من المنتدى شايب الصمان وولد الشايب

خيمنا في رديفة خبراء القراين وقابلنا مجموعة من شباب المنتدى

بسام - عروان - البلف الكاتم - >يب الصحراء - عطيب الشوق

للأسف كل الشباب اللي قابلناهم ما وثقنا المقابلة إلا مع >يب الصحراء

وه>ي صوره مع >يب الصراء
http://www.mekshat.com/pix/upload/images7/mk10505_teeb%20shra.jpg

خلال طلعتنا مرينا أغلب فياض الصمان أم قرين وردايفها وخبراء القراين والخمه والزلعاء والبخر وحاكم وقراين الجميلي والحصبيات وأم الهشيم وأم المصران وشقران ودحول كثيره

---------------------------------------------------------------- END 2ED TRIP

الطلعه الثالثة :

طلعت مع شباب مروني ومرينا الحصيبات بعد ما نشف الماء اللي كان فيها ومرينا دحول وأعجبني جداً دحل أبا ضبيان لأنه كان كبير جداً لدرجة أنه فيه سياره طايحه وفيه نخله والشباب نزلو تحت وموقعه شمال غرب الصمان ومن ثم اتجهنا إلى مفرق البطيحانية ثم إلى أم عشر ثم ساموده وكانت أخر ما جينا لينه ناصين أعيوج لينه ودخلنا عشرين كيلو داخل الفياض ما شاء الله برك عظيمه من الماء ولكن ما فيها أي عشب يوم سألنا أهل الديار قالو جاء المطر متأخر بعد الوسم بفتره .

واع>رونا الطلعه الثالثه كانت بدون صور لأني ما جبت الكيمرا معي ولكن بعض الشباب معه كيمرا إن شاء الله أنزلها لاحقاً

____________________ THE END ________________________

اهداء خاص لمنتدى مكشات


http://www.mekshat.com/pix/upload/images7/mk10505_1.jpg


http://www.mekshat.com/pix/upload/images7/mk10505_2.jpg
ابو شكاع
11/02/2005, 11:43 PM
هلا هلا مرحبا

ياخوك ... اثرك راعي الموتر الحمر اللي شلع قلبي :p ماشاء الله لا هالحين يجيه شي همن تقول ابو شكاع عطاه عين او غين :mad:

بيني وبينك ... انا اتوقع ان هاللي بالشرابة الله يكرمك ومن يقرأ هذا مهوب ثلج .... هذا طحين ... واحد من ربعكم قام بالليل يقضي الحاجة وتهبع وجت رجله على الطحين وتكرفس المسيكين ... خطرفت له المسحاة .. ثاني مره المساحي خلوهن خلف الرواق :D

وهذي صورة شايب الصمان ... ماشاء الله عليه ومكرعن الذبيحة ... ويصلخ ويتكتك الامور ... ورابطن الوسط ومتحمس شكله ما دري عن التصوير .. لايكون بس اكل من الكبدة وهي نية... تراه مضرة ... طيب انا ابدري هو وشو له فاتحن كبوت الدوج ... الدنيا برد .. الا اذا انتم تحلون الماء اللي مثلج على قزوز الدوج ... تلاقي شايب الصمان يمغط لأقرب فيضة همن يرجع مسرع ..عاد يصيرن القزوز حمر لهب زي النار وبعدين تحطون عليهن قوارير الماء

اجل الدعوا برد لهالدرجة ... اشوا اننا توخرنا شوي ياخوك

اما ذيك الليلةيوم تسمرون جنبنا ... يازينه زيناه .. رهيبين انتم .. عاد انا احاول اقررررب واصور الموتر ..واخاف تشوفونن همن ما ادري الا المسحاة تمشي مليون ومع الجبهة... تلاقين مغير اوازن الكاميرة والزوم حقها .. لكن ما ينوزن لأن فيه جرم جاي مشوت ...همن ما ادري الا الكاميرة بوسط افمي والسبب المسحاة :D

بعض الصور ما بانن .. وسامحنا على القرق
BASSAM
11/02/2005, 11:47 PM
اخوي ولد الشايب

السلام عليكم ورحمه الله وبركاته

كيف الحال وكيف حال شايبنا (شايب الصمان) الصراحه طلعت مهارات للشايب ما كنت متوقعها
ما شاء الله فعلا رحلات موفقه والله يديم عليكم

هذه بعض الصور اخذتها يوم لفينا عليكم جزاكم الله خير.
وكل الشكر لكم ولمن كان معكم.


http://www.mekshat.com/pix/upload/images7/mk7984_DSC00766.JPG


http://www.mekshat.com/pix/upload/images7/mk7984_DSC00780.JPG


http://www.mekshat.com/pix/upload/images7/mk7984_DSC00781.JPG


http://www.mekshat.com/pix/upload/images7/mk7984_DSC00792.JPG


محبكم بسام
((( الحر)))
12/02/2005, 12:19 AM
اخوي ولد الشايب ماشاء الله عليكم صور روعه وجمعه مباركه...!!!

تغطيه كامله للرحله وبالصور المميزه...!!!

بارك الله فيك والصورتين الاخيرتين الهديه روعه وتصوير فنان :good:

وعلى فكره تراي تلقفت وطلعت الصور الاربع الاخيرات لانهن ماطلعن..يعني بعد اذنك...!!!

اخوي BASSAM مشكور وصور رائعه وياليت تذكر وين مكان الصوره الاخيره حقت الفرت القديم وتراها تبي تعجب اخوي صقر راعي سيارات الحنين :p ...!!!

تحيتي....اخوك.......((( الحر)))...!!!
mutlaq2006
12/02/2005, 12:52 AM
اولا اخوي ولد الشايب الاسم مهوب مطلق099
الاسم هو الزعيم099
ثانيا اين باقي الصور
ثالثا نتمني تكرار الرحلة
الزعيم099
12/02/2005, 01:16 AM
اولا اخوي ولد الشايب الاسم مهوب مطلق099
الاسم هو الزعيم099
ثانيا اين باقي الصور
ثالثا نتمني تكرار الرحلة
هاوي الصعب
12/02/2005, 01:21 AM
صور تجنن ياولد الشايب
ريف النشاما
12/02/2005, 02:06 AM
مشاء الله عليك ياولد الشايب



مشكور من كل قلبي على هذه الرحلات الله يهنيكم


تفاصيل حقا ممتعه تشكر عليها

أها ياشايب الصمان أثرك منت بسهل :D

بس تصدق وش حليلك لاشيب ولا عيب مشاء الله ....وانا أحسب معك العكاز ه :confused:

قلت ياولد يمكن ماهوبهو :bounce:


تحيتي لك والله يالشقرديه
شايب الصمان
12/02/2005, 02:45 AM
أقتباس : أبوشكاع
وهذي صورة شايب الصمان ... ماشاء الله عليه ومكرعن الذبيحة ... ويصلخ ويتكتك الامور ... ورابطن الوسط ومتحمس شكله ما دري عن التصوير .. لايكون بس اكل من الكبدة وهي نية... تراه مضرة ... طيب انا ابدري هو وشو له فاتحن كبوت الدوج ... الدنيا برد .. الا اذا انتم تحلون الماء اللي مثلج على قزوز الدوج ... تلاقي شايب الصمان يمغط لأقرب فيضة همن يرجع مسرع ..عاد يصيرن القزوز حمر لهب زي النار وبعدين تحطون عليهن قوارير الماء
=============================================
متحمس لان الذبيحه مسكينه مالقينا لها الا كليه وحده والكبده 3/4 ....

وشو له فاتحن كبوت الدوج ؟؟؟ الجواب / حركة تمويه على الخروف علشان ما يشوف المعلاق...ويقول سيارتهم خربانه...
=========================
أقتباس:ريف النشاما
بس تصدق وش حليلك لاشيب ولا عيب مشاء الله ....وانا أحسب معك العكاز ه
-----------------------------
الشيب موجود بس تراه مهوب شيب لا هذا طحين جايبه من الطاحوته وأنتثر على شوي منه,,,العكازه موجوده ولكن وقت الوناسه ننساها الى الابد :)
شايب الصمان
12/02/2005, 06:23 AM
((( الحر))) يامشرفنا الحبيب

المكان هو متحف قريه العليا وفيه كذلك أربع أنواع من السيارات القديمه .
======================================
معليش ياأبو محمد تراي رديت عنك وعلمته المكان ((( تعرف شايب ماأصبر ))) .
شايب الصمان
12/02/2005, 07:04 AM
http://www.mekshat.com/pix/upload/images7/mk7984_DSC00766.JPG

==========================================
تصدقون أني حنون بالحيل لاني ماوين أتمشى بهالفياض أخذ هالحبيب معنا علشان يرعى من هالمراعي الطيبه علشان أتلذذ بطعم كليته وربع كبدته. ...
--------------------------------------------
وبعدين بقيم دعوى على عروان لانه نزل صورة طلينا بدون مايذكر من المصدر ؟؟؟ وينكم يامستشارين ويشرأيكم بالدعوى؟؟؟؟
BASSAM
12/02/2005, 07:16 AM
اخوي شايب الصمان

تمون بلحيل،،،،، تراك مثل ابوي،،،،،، وكلامك صحيح بخصوص مكان السياره.

وترى الطلي مربوط بسيارتي مهوب بسياره عروان،،، ،،، يعني العتب علي مهب على عروان.

وتراي ذكرت ان الصور كلها معكم.

وحقك علينا.

BASSAM
رسلان
12/02/2005, 09:19 AM
بارك الله فيك أخوي : الولد .. وعافاك الله وأبوك معك :)
رحلات ممتعة وصور قليلة ;)
مشكور أخوي ..
ونحن بانتظار المزيد عن الرحلات الجميلة ..
وتقبل تحيات أخوكم ...
عروان
12/02/2005, 12:48 PM
ولد الشايب (أبو محمد)

تسلم يمناك على هالصور الحلوة

ما شاء الله عليكك, أثرك مبدع.


شايب الصمان

هههههههههه

وقعت ولا حد سمى عليك .......ههههههه

طلمتنى , الحين أطلبك الحق !!

هههههههههههه
عروان
12/02/2005, 12:52 PM
بسام أثر الطلي عجبك مثلى, وصورته بالكاميرة.

هذي صورة الطلي في خبراء البخرا لما قابلنا شايب الصماو و ولد الشايب فيها و قظينا العصر كله جميع.

http://www.mekshat.com/pix/upload/images7/mk657_DSC512.jpg


عساه صحة و عافية لمن كلاه.
شايب الصمان
12/02/2005, 01:03 PM
شايب الصمان

هههههههههه

وقعت ولا حد سمى عليك .......ههههههه

طلمتنى , الحين أطلبك الحق !!

هههههههههههه
===================
أنا ماعندي مانع يأبو نايف --- ولاتنسى أنني محامي !!!

وأنت ضحكت باالأول ولكن أبي أشهد عليك أهل المنتدى كلهم واحد واحد وخاصا" حبيب قلبي ريع الدياب ( أبو أسماعيل ) وتراى الحق راكبك ومافيه مفر .... وبسام وهقك ....
الحمد لله أنك أثبت على نفسك بالدليل القاطع وهذا الذي كنت أقصده...ههههههههههههههه.....الحين متى الحق ياأبو نايف.
ولد الشايب
12/02/2005, 04:47 PM
أشكر كل من شارك هذا الموضوع الذي كمل بعضه البعض من الأعضاء

أبو شكاع : العرق جساس وليتك متقهوي عندنا

بسام : مشكور على مشاركتك الرحلة معنا ثم على تكميل الموضوع بالصور

الحر : مشرفنا العزيز مشكور على مرورك وهذا أقل شئ نهديه للمنتدى

الزعيم099: آسفين يالزعيم

هاوي الصعاب : مشكور على مرورك

ريف النشاما : مشرفنا العزيز مشكور على مرورك على الموضوع

شايب الصمان : جزاك الله خير على تعليقك الطيب

رسلان : أشكر لك مرورك

عروان : أبو نايف استانسنا معك بالجلسة وتمنينا أن تكون أيام والجايات أكثر إن شاء الله ومشكور على مرورك
ابو شكاع
12/02/2005, 11:27 PM
اي والله جابها ريف النشاما ... هالحين الشيب اللي براسي اكثر من الشيب اللي براسك ياشايب الصمان .. تسيف تسمي روحك شايب الصمان
اذا انت شايب اجل انا ديناصور
الله لايضرك ويمتعك بالصحة والعافية
ابو_حمد
13/02/2005, 02:57 PM
صور حلوة جدا وتكون راسخة للا ابنا حياك الله يا ولد الشايب مكور علي الصور والمواقع الجميله الله يدوم الجمعه للحباب اما اخي شايب الصمان الله يقوي مينك الهرفي مسيكين شايفك ويقول يا لله انك تفكني من السفاح ماشاالله عليكم جميعا ويالتتني معكم علي فكرة حبيبنا الي نايم صخنوة يمكن مثلج الله يوفق المكشاتيين والف شكر
شايب الصمان
13/02/2005, 05:05 PM
أبوحمد

هالهرفي قصة فصه شريناه على أننا بنذبحه على طول ويوم جينا عند المخيم تحاليت شكله وقلت خله أذا خلص الروبيان والغزلان والحباري والدجاج والضبان والسمك الي معنا ذبحناه( مشروع تسمين الصمان ) على قولة أخوي أبوشكاع... :) .ومناك جبن مثلثات ومربى وطحينة الكويت الزينه الدبس . :cool:

======================
:D :بركبكم حق كل من مدح ولد الشايب ولا مدحني لاني أكبر منه وأخو والدة ( ويش أصير له) وعلى قولة أبوفراس حاضر أخوه معه علشان يصور له الرحله... الطلعه الجايه أبجيب أخواني الاثنين أشوى أني الكبير وأخو ولدالشايب الي بالصوره جنبي مع أبو ذيب لا أحد يقلدني وبأمر وأزمر عليهم تراي بالديره مجننهم بكثر التأمر والهوش....{شكل أخواني وعيال أختي بخلون عند الاغراض وبروحون قريب ويخلوني بالصمان لحالي} :j :burnout2: :rolleyes:
-----------------
معليش يالربع أسترسلت بالكتابه وشربكة الموضوع ---- بس شايب ولاينشره علي صح أكيد صح...
المترو
15/02/2005, 02:21 AM
السلام عليكم ورحمة الله
ماشالله تبارك الله عليكم جميعا اثركم مربعين بفياض الصمان وانا رايح شمال برد ومشاوير
فاتت يا الربع واخص ابو عبدالله شايب الصمان محامي المكشاتيين صراحه فوت الفرصه على نفسي لكن اللي ببطن الذيب ببطن ولده بالعافيه عليكم الرحله والوناسه وخاصه الهريفي اللي يتمشى من فيضه بفيضه تلقى تعمه نفلي واقحواني بالعافيه عليكم
وسلامي وتحياتي للجميع وخاصه ابو ذيب
والسلام عليكم
الرحال2003
شايب الصمان
15/02/2005, 06:17 AM
وعليكم السلام ورحمه الله وبركاته

حياالله أبو ناصر من طول الغيبات جاب الغنائم

مافات شىء يالغالي حنا فيها الاسبوع هذا خاصه لك ولأبوفيصل مع نفس مواصفات الهرفي والوناسه بأذن الله بتكون ...

والاسبوع القادم أن شاء الله بيكون تجمع (بعد ان اعتدل الجو وش رأيكم في رحلة القصيم).
ابوناصر 225
15/02/2005, 11:02 PM
السلام عليكم......
اعلمه الرماية كل يوم فلم اشتد ساعده رماني
كأ ني اذكرك ياولد الشايب العام الماضي ماتدري عن الصمان شي ؟؟
وماشا الله السنه هذي صارت لك روحات وجيات
وفقك الله لكل خير انت والشايب
الرسام
15/02/2005, 11:06 PM
السلام عليكم ورحمة الله وبركاته
نشكرك يا ولد شايب الدهناء على الصور الرائعة وعلى الاخراج الممتاز والشكر موصول الى شايب الصمان والى جميع الشباب
size=6يقولون العين ما تعلى على الحاجب![/size]
اين رد الفضل لاهله ؟[[U]B]وفي الختام ارحب بابو ناصرU]
ولد الشايب
15/02/2005, 11:38 PM
أشكر الجميع على مروره وتعليقة الطيب

أبو حمد - الرحال2003

-----------------------------------------------------------------------------------

أما شايب الصمان

تراك شايب ونقدرك علشان الشيبات اللي فيك

-------------------------------------------------------------------------------------

أبو ناصر 225 ( الرسام )

العين ما تعلى على الحاجب واللي بينا على الخاص
صقر
16/02/2005, 12:04 AM
مشكور يا ولد الشايب على هذه الصور وهذا التقرير

وبارك الله فيك.
ولد الشايب
16/02/2005, 12:11 AM
شكراً على مشاركتك معنا يامشرفنا العزيز صقر
شايب الصمان
16/02/2005, 12:14 AM
ياولد الشايب ,,,,, أقراء رد الاخ أبوناصر 225 والظاهر يبيله رفع دعوى ضده
---------------------
ولكن الحمدلله أنه سجل بعد عام كامل من الأغراءات .... وحياك الله ياأبوناصر225.....
رحال الخبر
28/02/2005, 10:03 AM
الى الحبيب ابو محمد
ولد الشايب
والى الشايب نفسة شايب الصمان
ايش هالرحلات اثركم عتيقين بهالبران والصمان
والله ليتنا معاكم بذيك الرحلة واسعد الله رحلاتكم اخوتي ولكمل الهلا والسلام
شايب الصمان
28/02/2005, 11:54 AM
هلابك أكثر ونتشرف بك ومن معك وأنتم راعين الاوله ..
--------------------------
وكان هناك تخطيط عليك من قبل بعض المغرضين ماني قالأسمه وكان يحاول أن يتدخل ويخرب المعرفه تاره مهب المرنقط أبد ...
ابو_حمد
28/02/2005, 12:07 PM
وعليكم السلام ورحمه الله وبركاتة (((((((((( اخي الفاضل شايب الصمان )))))))) مشكورين علي الرسائل والمتابعة منكم ماقول الاالله يوفقكم في مكشاتكم دومأ وابدأ هذى دعوة بتوفيق للجميع :hot: :hot: امين