يااخوان معي موتر مثل اللي بالصورة يمديني أطعس والا أركد أحسن لي

[riyadhali]

http://www.mstaml.com/imagesData/749000.jpg


سلام الله عليكم جميع
قبل فترة كان عندي جمس 82 واستشرت الاخوان وواحد الله يسامحة
قال توكل طعس ولا يهمك بس نسم الكفرات شوي
ويييين رحت فيها جلست يوم وانا أحفر :D
وقبل كم يوم دقيت لي موتر2004 سوبر بان سعودي بدون دبل
وبعد ماشريت أفتكرت حاجة اسمها طعوووس:D انا مالي فيها صراحة دايم ع البحر
بس احيانا تمسك على طعوس وودي أجرب الموتر وقلت مالها الا طوال الشوارب نستشيرهم
والباقي على الله ........... يالله ياحبايب هات المشورة الزينة
أدوس على الطعوس والا أركد أحسن لي

[بدوي جنوبي]

ما تنفع للطعوس

[البرقاووي]

اناا اقوول لا اركد احسن لك

هذي سيارات خطوط ومدينه لا تتطعسبها تنقلب لانها سريعه الانقلاب ..

[ابوراكان تبوك]

طعس على رجليك احسن

[قناص المناقع]

كلام المشرف فيه من فيه من العقل
أركد الله يحفظك

[يوسف العبيلان]

اقول الله يرحم والديك هاذي ماصنعوها للطعوس 0وبعدين يوم إنك هاوي الطعوس ليه ماشريت دبل يالغالي شف وأنا أخوك إن كانك بالشرقيه مرني

[حزوبر]

ماشاء الله هذا الموتر للسفر والخطوط الطويله خذ موووووووووتر
ولا صار عايلتك كبيره هذا موتر يجملك ولا تبحل
بس الطعوس لها سياراتها، واذا غرز ورطططططططططططه

[واطي الجمرة]

لالالالالالالالالالالالالالالالالا للتهور

[ابومحيميد]

سيارة ثقيلة

ودفرنس واحد بدون دبل

وش تتوقع

جرب عشان تقعد شهر تحفر :D

[فيصل التميمي]

ماتنفع للطعوس

[سسته]

ابد ابد ....الجموس وانا اخوك مايبيلها تنسيم هي عكس الجيوب الجمس احشر الكفر وادخل طعس منول معنا واحد مثلة ... نشتري مطبق ونحشر الكفرات وناكلة بالرملة ... ويالله نعمة لاتغيرها

[صدر الشمال]

ما تنفع للطعوس

[فيصل الرحيمي]

الددسن 82 ازين منه في النفود
وتطلع مطاليع مايطلعه موترك
وتراها رخيصه 4000 وممكن تزيد


حبيبي طق وحده ومراح تندم :good2:

[مهنا-715]

الله يعين المرهمات عليك ماراح يطلعون مطاليعك
ههههههههههههههههههههههههههههههه
الركدة زينة(عض الزفلت احسن لك )

[ميمون111]

هاذي السيارة كلها اكترونيات والله تهربد على طول وتطلع لك من المشاكل الي مالها حل
اذا تبغا تطعس صح خذلك ربع

[ولد وايل..]

.
.
.

مع احتراااامي لجميع الاخوان...

والله ماعندكم سالفه...واللي يتفلسف وهو ماجرب لا يكون اركد احسن بل يسكت احس....والله يبارك له الددسن 82 حقته....

والا قال قال ربع ياخي الربع ترى اليبان تصدره للخليج بس ولا هم باليابان يستخدمووونه لجر الزبااااااااااااااااايل يا فلته انت

واحد يجاوب بدون نفس وبدون اي عقل ولا الثاني يجاوب جواب غبي...

وش الموتر ثقل ؟؟
ووش الكترونيات .؟؟ الاخ شاري له صاله عرض متحركة ...؟؟؟

الان كل المواتر اقلها الحين الجموس شوف الكروزر والباترول وغيرها كلها قطع حساسه...

الان اكثر موتر متفوق من ناحية القطع الحساسه هي الامريكي لأنه خاض الترجبه وتجاوز المشاكل...

الكروزر الجديد كل مرة طالع بسالفه هو والسيكويا البقرة ...

وغيره اكثر واكثر...



انا عندي تاهو له الان 3 سنوات وشوي....لاعن ام ابو جد اللي جابوه ولا بقى بر ما رحت له بدون مبالغه ...

والموتر ادخل به نفود ومغاريز جيوب تشوف مواتر بدون ذكر اسماء مغرزة وهو يترنح لكن ماخذه عليمي مايعرف له

موتري ادخل به بدون دبل وانسم الكفرات 15-20 وربي شاهد انه يطلع ويمشي بألعن الطعوس والرميل...لا طعوس الشرقيه ولا الثمامه ولا الخرارة ولا غيره...



عزيزي صاحب الموضوع....

المسأله ماترجع للموتر....المسأله ترجع لك انت....

انت واحد عندك خلفيه في القيادة ولا عندك مشكله من ناحية الخبرة ((والواضح انه خبرتك بسيطه من سؤالك))

لكن انا عندي لك راي....

لا تلعب بالدسم...
جرب شوي شوي...

انت رح محل سهل ونسم الكفرات خل ضغط الهواء ع 15...وامش وشف الموتر

وصدقني راح تثق فيه ولا راح يخذلك انت بس عليك بالركاده والتجربه وشوي شوي واعرف وين تمشي... لا تطيح بنقرة ولا فناجيل وسيوف تخق بالموتر لان ماعندك دبل يساعدك بالطلوع

لكن بالممشى العادي راح يطربك وقل ماقال...


بالتوفيق....

[سعد777]

لا والله اركد احسن لك

ماهيب حقت طعوووس:) يعني ماهوب لحنها

[بندر بريدة]

اركد تراه امريكي مايتحمل



لاهب تايوتا ولاهوب جي ام سي
من صنعة اليابان نيسان با ترول
من داج به قاع و وعر مانقل هم
تصبح له القاع الوعر سهول

[بندر بريدة]

اشتر باترول وطعس والله ان تدعيلي

من يركب البترول ما راح يزهق = ولا يعرف التهميز هو والزقيا
في خوة البترول تقسم وتنطق = خوة وفاء خوة صويب الشلقيا
ارتسي على كبد المواتر وحرق = من بينهن يشدى لميع البرقيا
الجمس والتايوت والفرد الاخرق = كله مع البترول خاق وخقيا
كنق الصحاري دقدق خشومها دق = دقدق خشوم الي تريد السبقيا
خلاني الجى للخلا واتملق = لان الخلا من واقعي هو نفقيا
حاولت اقاوم لكن الهم حرق = كل الامل واخرس جميع النطقيا

[الربذي]

سيارة ثقيلة

ودفرنس واحد بدون دبل

وش تتوقع

جرب عشان تقعد شهر تحفر :D

انت بعت السيارة عشانك قعدت يوم تحفر هذا مثل ماقال ابومحيميد

[ابوعدي]

مثل ماقال ولد وايل ترجع لك انت :good: وله نقص فيك وهذي الزبدة ..
ترى فيه ناس معهم دفع رباعي ولا حولك احد تلميع كفرات ووووو
اذا انت تعرف تسوق((يعني تسايس الموتر بركاده) ريح الكفرات وادخل وتمشى على كيفك لكن بحذر بس ما تتحدى بعض اهل الدفع الرباعي على الطلعات الجامدة
واذ انت سواقتك مش حالك مثلي اهم شي عندك جلسة على رمل لا والله لاتتوهق دور لك عمارة تبنى (تحت الأنشاء) وقدامه كومة رمل تسدح به احسن لك بدل ما تبطح على نوازي وطعوس انت وموترك ما حولك احد :D :Dارجو تقبل مزحي بروح رياضية

[فيصل الرحيمي]

رح طعس وإذا دقرت براس سيف

خل ولد وايل..
يطلعك

والدعوه كلها إستشاره ... وكلن يجيب اللي عنده وكلن له وجهت نظر

(عليكم بالروح الرياضية)

[ابوراكان تبوك]

.
.
.

مع احتراااامي لجميع الاخوان...

والله ماعندكم سالفه...واللي يتفلسف وهو ماجرب لا يكون اركد احسن بل يسكت احس....والله يبارك له الددسن 82 حقته....

والا قال قال ربع ياخي الربع ترى اليبان تصدره للخليج بس ولا هم باليابان يستخدمووونه لجر الزبااااااااااااااااايل يا فلته انت

واحد يجاوب بدون نفس وبدون اي عقل ولا الثاني يجاوب جواب غبي...

وش الموتر ثقل ؟؟
ووش الكترونيات .؟؟ الاخ شاري له صاله عرض متحركة ...؟؟؟

الان كل المواتر اقلها الحين الجموس شوف الكروزر والباترول وغيرها كلها قطع حساسه...

الان اكثر موتر متفوق من ناحية القطع الحساسه هي الامريكي لأنه خاض الترجبه وتجاوز المشاكل...

الكروزر الجديد كل مرة طالع بسالفه هو والسيكويا البقرة ...

وغيره اكثر واكثر...



انا عندي تاهو له الان 3 سنوات وشوي....لاعن ام ابو جد اللي جابوه ولا بقى بر ما رحت له بدون مبالغه ...

والموتر ادخل به نفود ومغاريز جيوب تشوف مواتر بدون ذكر اسماء مغرزة وهو يترنح لكن ماخذه عليمي مايعرف له

موتري ادخل به بدون دبل وانسم الكفرات 15-20 وربي شاهد انه يطلع ويمشي بألعن الطعوس والرميل...لا طعوس الشرقيه ولا الثمامه ولا الخرارة ولا غيره...



عزيزي صاحب الموضوع....

المسأله ماترجع للموتر....المسأله ترجع لك انت....

انت واحد عندك خلفيه في القيادة ولا عندك مشكله من ناحية الخبرة ((والواضح انه خبرتك بسيطه من سؤالك))

لكن انا عندي لك راي....

لا تلعب بالدسم...
جرب شوي شوي...

انت رح محل سهل ونسم الكفرات خل ضغط الهواء ع 15...وامش وشف الموتر

وصدقني راح تثق فيه ولا راح يخذلك انت بس عليك بالركاده والتجربه وشوي شوي واعرف وين تمشي... لا تطيح بنقرة ولا فناجيل وسيوف تخق بالموتر لان ماعندك دبل يساعدك بالطلوع

لكن بالممشى العادي راح يطربك وقل ماقال...


بالتوفيق....


ما توصل لجر الزبايل يا ولد وايل اشوفك جيت من اقصاك موضوع عادي جداً

[riyadhali]

الف شكر لكم جميعاً والله ردود وتعليقات فلة بقوة

[riyadhali]

مثل ماقال ولد وايل ترجع لك انت :good: وله نقص فيك وهذي الزبدة ..
ترى فيه ناس معهم دفع رباعي ولا حولك احد تلميع كفرات ووووو
اذا انت تعرف تسوق((يعني تسايس الموتر بركاده) ريح الكفرات وادخل وتمشى على كيفك لكن بحذر بس ما تتحدى بعض اهل الدفع الرباعي على الطلعات الجامدة
واذ انت سواقتك مش حالك مثلي اهم شي عندك جلسة على رمل لا والله لاتتوهق دور لك عمارة تبنى (تحت الأنشاء) وقدامه كومة رمل تسدح به احسن لك بدل ما تبطح على نوازي وطعوس انت وموترك ما حولك احد :D :Dارجو تقبل مزحي بروح رياضية

والله وبفضلة عزوجل ان جات على السواقة بــ الزفلت أعجبك
ولكن في الرمل في 10 سم أغرز الا بالسيارات الدبل خذ ولد
الجمس ذا بالذات ماقد جربت وولد وايل حمسني بقوة

[riyadhali]

ابي اوصل هالمواصيل وبصور فديو وانزلة لكم :D
الله يستر لا اصور لكم التحفير :good2:

http://www.youtube.com/watch?v=pijWxr6FO1I&feature=related

[محب النيسان]

هذا يطلع شئ ما طلعته المرهمات

[الخيال 1]

أركد أحسن .

[الشنه]

أركد الله يحفظك

[aooa]

اركد احسن لك

[العبيدي1]

لا تعليق على الموضوع

[ولد وايل]

حط الكفرات 10 وتوكل على الله


اهم شي لا تلف بقوه عشان ما ينفصخ الكفر

وبالهناء والشفاء والمطاعس الجميل

[واثق الخطوه-]

لا تتهور ما تصلح للتطعيس اصبرللشتاء الجاي اذا جا مطر وسيول نسم له وتمش على النفود

[وشو ذا]

ركبله تواير جرافه من ورا شفتها في دبي وطعس على كيفك
اول مره اشجع على التهور :d

[google-999-]

المرره الاولى جلست اسبوع لكن المرره ذي عزالله انك تبي تجلس شهرين ،، اركد يرجال وش لك بالطعووووووس ، شف لك هوايه اخرىاحسن لك واحسن لموترك

[هوايتي مكشات]

نصيحة لاتطعس ترى اذا غرزت اقشر لان القير الاتماتيك مو زي العايدي

[زعفراني]

سلام اخوي
السياره الجمس الصالون ثقيل مررره حتى لو كان دفرنسين بيغرز بسرعه
اهم شئ في الرمال خفه وزنن المركبه عشان كدال الددسن والهايلوكس يمشو تمام مع تنسيم الهواء رغم انه ماله دبل والسبب خفه الوزن

[جيب العشه]

انا اقول خلك على البحر ازيلك

[.G.M.C.]

مابقولي شي الاشناب
تقبل مروري

[ولد وايل..]

رح طعس وإذا دقرت براس سيف

خل ولد وايل..
يطلعك






يامرني امر.... وان ما عاوناه من نعاون ....؟

وبعدين الرجل يسأل عن طعوس وطلعات خفافيه ما قل ابي اقطع به الرملة..!!

و ان شالله ماهوب محتاااج...

[ولد وايل..]

ما توصل لجر الزبايل يا ولد وايل اشوفك جيت من اقصاك موضوع عادي جداً



انا اتكلم عن علم ان كانك تقول غير هذا ما اقول الا كلامك ع متمه...

انا ما قلته احتقار مثل ما هي حقيقه....


لكن الموتر يستخدم باليابان يجرون الزبايل وان الردت التأكد اسأل

[ولد وايل..]

والله وبفضلة عزوجل ان جات على السواقة بــ الزفلت أعجبك
ولكن في الرمل في 10 سم أغرز الا بالسيارات الدبل خذ ولد
الجمس ذا بالذات ماقد جربت وولد وايل حمسني بقوة

نسم الكفرات ع 15 وروح ولا تتسحمس بالحيل شف وين انت تمشي وبالأخير يبقى انه اكيد فيه فرق عن الدبل لكن ما يعني ان هذا ما يمشي جرب وقل ما قال ....

[التعـ King ـديل]

الطعوس كلن يقدر لها سواء بدبل ولا بدون

بس تحتاج ركاده وتنسيم كفرات والله يونس قلبك بموترك

[جول قميري]

الركادة زينه وانا اخوك هالموتر موب موتر تطعيس حتى لو انه دفرنسين
الدفرنسين يمشي حاله بالنفود بس موب تطعيس يعني تسايسه مسايس لا يقول هذا متساني :d
ولك تحياتي

[NOYEB]

نصيحه اركد احسن لك

[وايلي شمالي]

أركد أحسن لك

[هليَل]

اشوف الاخوان اعطوا الموضوع اكبر من حجمه!!؟
خير ان شاء الله؟!!
تطعيس = فسقه
واهل العقول في راحه

[سيف الظفير]

وش لك في البلا

الجمس ما يصلح ابد للنفوذ ابد ابد

نصيحة لا تدخل به للرملة ابد تراه ثقيل مرة وان عرز قالك هذا مكاني

[شبح الصحراء]

شوف اخوي راعي الجمس الصالون يمكن تقدر تطعس فيه اذا منسم كفرات اذا انت فنان تطعيس بس ثق ثقة تامة اذا غرزت بتكره اليوم اللي طعست فيه على هذا الجمس وراح يكون يوم مشهود في حياتك ! خصوصاً اذا بطن السيارة حب الأرض وقتها احتمال ما يكفيك سيارة وحدة تسحبك ، موترك ثقييييييييييييل وبدون دبل صدقني يبي يدبل كبدك بعد عن الطعوس احسن .

[riyadhali]

اشوف الاخوان اعطوا الموضوع اكبر من حجمه!!؟
خير ان شاء الله؟!!
تطعيس = فسقه
واهل العقول في راحه

أول مرة أشوف رد في منتديات مكشات بهاذا المستوى الردي :mad:

[PLYAMZ]

هاوي كريك وحفر في والحر حول واسأل مجرب@؟؟؟

[Bader-M]

لا انصحك ابدا

لان هذا السيارات ثقلية جدا

واذا غرزت صعب اخراجها

تحياتي اليك

[riyadhali]

الف شكر لكم جميعاً والله ماقصرتوا

[علي الصقري]

الركادة طيبة .. امسك ارضك

[ammamm]

السلام عليكم

أخي صاحب الموضوع

صراحة أنا دخلت أشوف السيارة

ولكن ردود الإخوان حمستني

وطبعا كل واحد عنده خبرة وتجربة خاصة

الجمس XL وبدون دبل وموديل جديد ما أنصحك بالتطعيس فيه للأسباب التالية:

1. الموتر ثقيل وشاص طويل وإذا دخلت طعوس وما كنت صاحب خبرة راح تتورط لأن الممشى في الطعوس لا يكون بشكل عشوائي، لابد أن تمشي بحذر.

2. بدون دبل يمكن تضطر لرفع السرعة تفاديا للمشاكل ولكن صدقني ستسمع أصوات في الموتر وقربعة من كل جهة وحتى لو حاولت تبيعه راح يبين أنه مهيون.

إذا كنت مصرّ على التطعيس انتبه للتالي:
*لازم تنسم الكفرات وأقترح عليك 12 ولا تطلع طعوس عالية وحاول أنه يكون ممشاك رايق ولا تبعد كثير علشان لو طاح الموتر تلاقي أحد يسحبك.
* لا تطعس لوحدك خلي معك رفيق بسيارة دفع رباعي جيدة مع وجود عدة السحب حتى تكون مطمئن.
* إذا طاح معك الموتر انتبه أنك تدعس له حتى يوصل بطنه الأرض.

نصيحة أخيرة:
موترك ما شاء الله طيب لا تطعس فيه مع أني شخصياً طعست بكثير من السيارات حتى الكامري ما سلم مني ولكن أنا لي 23 سنة في التطعيس.

والله الموفق

[- النشمي -]

شف اخوي اي سياره اذا نسمت لها تطربك والجمس لعبته النفود بسبب قوة مكينته


ولكن الدفع الخلفي ماينوثق فيه سواء جمس او غيره لاغرز قال هذا مكاني


انت نسم الكفرات على 15 وامش ولكن لاتبعد او خل معك خوي بسيارة دفع رباعي



ومافيه موتر مايغرز حتى الجيب لاحب بطنه الرمل قال هذا مكاني

[نصب وعينك تصب]

يارجال خذ علم

بعض العلم عشان معه موتر يسب اي موتر ثاني

انا ابوي الله يحفضه ويخليه لي

معه جمس والحمدلله والله انا نطلع عليه ونخيم ونكشت

ومانطلع الا في رمله ونفود قويه

الي يقول ادخل بدون تنسيم اقوله استرح وخلك على الزفلت ازينلك

اول شي انواع الغراز حتى لو دبل حتى لو مرهم

وثاني شي يباوش الكفر يعني انواع المثولث والقروشه << بدون دبل

ثالث شي واهم شي الحراره ترتفع لانك لازم تفجره بدون تنسيم

رابع شي انواع البطانيج والمطبات

نصيحه اذا دخلت النفود قو قلبك وان شاءالله مايجيك خلاف

بس الركاده زينه









اخوك نصب وعينك تصب

[ابوعابد2500]

يا خوووووووووووي ونس حالك ولا يردك اكبر طعس

انا عندي هالمبرووووووك وما بقى طعس الا مريت عليه

بس ما ادخل الا وانا منسم الكفرات على 10 او 15

هذه الصورة في منطقة الرافعيه بالشرقيه على خط الرياض

في الشتوية اللي راحت

http://www.up2.cc/uploads/images/up2-12ee1da68c.jpg (http://www.up2.cc/uploads/images/up2-12ee1da68c.jpg)


مرة صار لي موقف بعد نزلة مطر رحت اطعس وكان المطر بوجه الرمل فقط وشوف انواع السيارات تغريز

بس انا ما دخلت الا وانا منسم يمكن على 10 واحد من اللي مغرزين يأشر علي يقول تعال طلعني ههههههههه

وما درى اني ماسك قلبي بيدي خايف اغرز

[السيف الماسي]

على البركة السيارة و بخصوص التطعيس اتوقع انها مغامرة في السوبربان .

يعني اركد .

[ابـwgـآ‘oـي™]

آ‘خوٍي آ‘نت فكرٍ بعقلكـ، !
هذي سيآ‘رٍهـ، دفرٍنس وٍآ‘حد فقط، لآ‘غيرٍ وٍ نآ‘زٍله وٍ كفرٍآ‘تهآ‘ مهي مخصصه للبرٍ ...
صحيح ممكن يمشي معكـ، في بعض آ‘لطعوٍس لآ‘كن يآ‘حبيبي مهي مخصصه للطعوٍس لآ‘هي رٍفيعه وٍ آ‘لآ‘هم من ذآ‘لكـ، مهي ( دفرٍنسين ) ...
وٍلآ‘ يغرٍكـ، كلمة ( يبيلهآ‘ سوٍآ‘ق وٍ فنآ‘ن وٍ آ‘لخ ... وٍ آ‘لددسن وٍ آ‘لهآ‘يلكس تدخل وٍ هي ليه مآ‘تدخل ) وٍش جآ‘ب سيآ‘رٍهـ، خفيفه لسيآ‘رٍهـ، ثقيله ! لوٍ تشيل مكينة آ‘لشفرٍ مع قيرٍهآ‘ آ‘للي عندك وٍ تحطهآ‘ في حوٍض ددسن تلقآ‘هـ، من قدآ‘م مرٍتفعه مترٍين وٍيمكن لآ‘عشق يتشقلب على وٍرٍى ههههه ...
فآ‘ آ‘ذآ‘ء كنت من عشآ‘ق آ‘لبرٍ فآ‘ خذ لكـ، دفرٍنسين مهوٍب دفرٍنس وٍهذآ‘ء آ‘لقرٍآ‘رٍ رٍآ‘جع لك ...
تحيآ‘تي لكـ،

[namsh]

ماقصروا الشباب في الردود . تبي تشوي في البر أو جنب البحر وتشتري صامولي لبزرانك أيام المدارس على السيارة أوكيه ، أما تطعس انسى ولا أحد يسمعك . أو أشتر سيارة دفع رباعي

[badr_1]

اركد ترا الركاده زينه مع هذا الموتر

[الحنكلي1]

جميع الكفرات حط بها هوا 10 وطعس بس هاه تطعيس حشمه

[سوبر مكشات]

الجمس يدخلك البران يمديك ترقى طعس متواسي ولا بجواد الاجاويد

بس تطعيس ومراقى يحتاج واحد طاره

لكن الجمس يصلح اذا جيت تطلع العايله ترقى فوق ثم توقف ويكملون الباقي على رجليهم




انتبه اذا جيت توقف وقف على دحديره خفيفه عشان ملتغرز

[t3ban]

اركد علشان ماينكد عيشتك هالموتر :D :D

[هاوي موتري96]

اقول ورا ماتبيعه علي تراي ادور لي واحد للبيت واشتر شروكي وادهن جده

[rigidman]

الصراحة صعب ومغامرة لان السيارة اللي عارضها مخصصة للطرق المعبدة

اتمنى لك التوفيق

[علي الشهري]

فعلاً.....
اقضب الأسفلت
واحفظ موترك

[بدوي جنوبي]

تم اغلاق الموضوع