طبعاً تعرف ان الفقع ماينبت الى عند الرقروق لكن الى وشلون تعرف ان ها الارض جيه مطر وسم

[خالد العوض]

شف طال عمرك اذ تبي تعرف هو المكان موسوم او غير ذلك شف ونا اخوك نبتت البروق باالكسره اذ هي طالعه وطويله ترها الارض موسومه وطول وحجم البروق (بالكسره) يدلك على غزارة الوسم وقوتة والله اعلم

[أبــوريـــان]

صدقت اخوي خالد العوض :good2:
وجزاك الله كل خير على المعلومة :good2:

[صوت المطر]

مشكوووووووووور أخوي خالد على المعلومة ...


:) :)

[بركان]

شكرا على هذه المعلومه
يا ريت تكمل معروفك وتضع انت او احد الاخوان صوره لنبتة البروق بعدين الكسره يا اخوي تحت اي حرف.!!!!؟؟؟

تحياتي.

[السويبع]

الله لا يهينك

قيه استفسار بسيط


في فرق بين الرقروق والارقه؟

[خالد العوض]

البروقِ ترا الاملاء دمار لكن الكسره تحت الوو والقاف وهي نبته طويله شوي واغصنها مثل اغصان القصب
وله بذور فوق مدوره لونه بني باسود

[ابن الغاط]

مشكووووووور .......واحب اضيف ان المملكة ما جاها وسم السنة هاذي الا اللهم الشمال بس

[جسران]

السلام عليكم
اخي خالد شكراً لك
لكن ممكن سؤال
ارض الصداوي لا يوجد فيها بروق ابداً ومع ذلك طلع فيها فقع هذه السنه
وبكثرة ؟؟؟

[الجروووح]

السلام عليكم :


الحمدلله الأرض هالسنة وسمت وسم طيب أسبوع من اول الوسم وكم يوم في اواخر الوسم رزقنا الله بمطر .

ولكن المربعانيه صردت الأرض صرد .لأنه وصلت درجات الحرارة في بعض المناطق إلى 11 تحت الصفر وتسعه تحت الصفر .


وأتذكر انا بطلعت الوسم رحت أنا والوالد نتمشى وكانت الأرض خضراء وشرحه ومايخفاكم البدوي اذا شاف الخضار .


وبعد دخول المربعانيه بأسبوعين رحنا نتمشى ولما شاف الوالد الصرد بكى والله .

والحمدلله يأخذ ويعطي والخير هالحين واجد ياربي لك الحمد والمنه .

والحين يذكرون أنهم لقوا الفقع بالنفود وبمناطق كثيرة أن قدرنا الله رحنا وجبنا لكم خبر اكيد واثبات بصور انشاء الله .

وتحياتي لكم جميعا .

[جبال الهملايا]

ياخالد العوض شكراً على المعلومه

والبروق ترى يسميه البعض (( بصل القامه ))

[خالد العوض]

البروق ينبت حول الشعبان والشغيا مهو شرط جنب المكان الي فيه فقع با الضبط
البرد لوكان مثل ما قلت وصل 9 تحت الصفر ما يأثر على الفقع ممكا ن على العشب بس والفقع يطلع لو الربيع قليل اذا جه وسم
وتتابع المطر عليه (ملاحظه هامه عن الفقع اذ جاء الوسم بدري مره بعد المطر ب60يوم تلقا الفقع وتدري ان الفقعه ممكن
تترك الجذع حقه ما تقطعه وترجع بعد فتره تلقا كبر الجذع مره ثانيه وصار فقعه اذ جه مطر طبعاً او كانت الارض نديه

[صقر]

يعطيك العافية اخوي خالد على هذه المعلومات التي تزودنا بها

نحن بحاجة لمثل هذه المعلومات المهمة والتي ترشد المكشاتيين .. وفيها فائدة عظيمة

وبارك الله فيك.

[ابو شكاع]

الله يجزاك خير يابو محمد

سؤالي الله يسلمك هو ...اني ما فهمت وش تقصد بالكسرة ؟

وانتظر مني رسالة خاصة ...

والسلام عليكم

[خالد العوض]

ياخوي لادقق بلحيل ترى الأملاء لك عليه ولا تري ابترك المنتدي والله مدري وين يحطون الكسره
تري ما زعلت لكن عقدة هاالأملاء والله ان عندي معلومات كثيره بس اذ تذكرت ان فيه احد ممكن يضحك على كتابت الأملاء احتفظ فيه لنفسي والله يسامح مدرس الأملاء هو السبب

[ابو شكاع]

هلابك ابو محمد

اولا انا كنت احسب ان الكسرة هذي شي يظهر على جزء من اجزاء البروق ...يعني ظاهرة تكون على البروق ومن خلالها نعرف ان الأرض هذي موسومة او غير موسومة

لذلك انا سألتك هالسؤال لأني ما فهمت وشو الكسره هذا وكيف يكون شكله بالبروق ...

ما كان في بالي انك تقصد الكسرة اللي هي الحركة الإملائية ... ولا تاخذ بخاطرك علي .....تراك عزيز وغالي والله ما قصدت هالشي

واكيد انك قريت رسالتي الخاصة ..... اللي ارسلتها لك قبل ردك الأخير هذا ...لأني ودي اتواصل معك اذا انت الشخص اللي في بالي ...لأني مبطي ما شفتك وهذي فرصة

سلام عليكم

[محب الشمال]

اخوي خالد الله يعطيك العافيه على هذا الموضوع
واذا الاملاء عادي ما فيه مشكله وسع صدرك ولكن ما يمنع انك تحسن املائك ما فيها شي
بعدين اخوي خالد يا كثرهم جامعيين واطباء خطهم ماهو زين
الله يطول في عمرك على طاعته .... آمين

[هبايب]

السلام عليكم ورحمة الله وبركاته

مشاركة بسيطة واتمنى ان تكون مفيدة للجميع
صورة لنبتة البروق
http://www.alsirhan.com/Plants_s/images/Asphodelus_tenuifolius_3.jpg
http://www.alsirhan.com/Plants_s/images/Asphodelus_tenuifolius_4.jpg

وهذه نبتة الرقروق
http://www.alsirhan.com/Plants_s/images/Helianthemum_lippii_400.jpg
http://www.alsirhan.com/Plants_s/images/Helianthemum_lippii_402.jpg
تحياتي للأخوان

[جال القلايل]

السلام عليكم ورحمة الله وبركاته ،،

جزاك الله خير أخوي خالد على هالمعلومات ، خاصة فيما يتعلق بالغيوم والأمطار :good2: تراني متابعها أول بأول


وبالنسبة لهذه النبتة البرية ،، فهي تسمى عندنا ( الرقروق ) وهذا هو الإسم الشائع مع أن هنالك من يطلق عليها إسم ( الرقه ) أو ( الرقا )


ولكنني أود أن أنوّه على نقطة مهمة هنا..!!

وهي أنك ممكن أن تجد الأرض مليئة بـ ( الرقروق ) وبأحجام كبيرة ولكنك لاتجد فقع ، وذلك لأنه قد يكون من نبات العام الماضي وسأوضح لك كيف :

الرقروق نبتة لاتأكلها الحيوانات ، لذلك فهي تبقى كماهي حتى تجف ويكون عودها موجود حتى السنة المقبلة خاصة إذا كانت كبيرة ، وعندما تنزل الأمطار في السنة التالية نجدها تنبت من جديد كـ سائر النباتات حتى ولو كانت الأمطار في غير وقت الوسم ( الوسمي ) ، لذلك نجد البعض يبحث في أماكن لم ينزل بها مطر الوسمي ويستغرب من عدم وجود الفقع مع أن الرقروق موجود وبكثرة.

[برق الحيا]

السلام عليكم ورحمة الله وبركاته ،،

جزاك الله خير أخوي خالد على هالمعلومات ، خاصة فيما يتعلق بالغيوم والأمطار :good2: تراني متابعها أول بأول


وبالنسبة لهذه النبتة البرية ،، فهي تسمى عندنا ( الرقروق ) وهذا هو الإسم الشائع مع أن هنالك من يطلق عليها إسم ( الرقه ) أو ( الرقا )


ولكنني أود أن أنوّه على نقطة مهمة هنا..!!

وهي أنك ممكن أن تجد الأرض مليئة بـ ( الرقروق ) وبأحجام كبيرة ولكنك لاتجد فقع ، وذلك لأنه قد يكون من نبات العام الماضي وسأوضح لك كيف :

الرقروق نبتة لاتأكلها الحيوانات ، لذلك فهي تبقى كماهي حتى تجف ويكون عودها موجود حتى السنة المقبلة خاصة إذا كانت كبيرة ، وعندما تنزل الأمطار في السنة التالية نجدها تنبت من جديد كـ سائر النباتات حتى ولو كانت الأمطار في غير وقت الوسم ( الوسمي ) ، لذلك نجد البعض يبحث في أماكن لم ينزل بها مطر الوسمي ويستغرب من عدم وجود الفقع مع أن الرقروق موجود وبكثرة.



طبعا ماراح تلاقي جمب الرقروق فقع في قطر ..... لأن ماجاكم وسم الا سنه 1998 على مااعتقد والسنه فاتحه خير علينا وعليكم انشاء الله للسنين الجايه.... والغريب ان ماطلع عندكم فقع واجد لأن القاع عطشانه من سنين ماجاها وسم من فتره ...جيت انا من حول شهر عندكم في الوكير عند واحد اعرفة هناك وشفت القاع اذا اسنتمرت الأمطار بهذا الشكل السنه الجايه بإذن الله القاع راح تقب فقع انشاء الله

[جال القلايل]

مرحباً بك يابرق الحيا :)

الوسمي نزل هالسنة ولكن في أماكن محدودة وفي مساحات ضيقة جداً ، والفقع موجود في هذه الأماكن فقط وقد لقطت منه بنفسي ،، وانا لا أقصد هذه السنة لأني أعرف متى يظهر الفقع وأتتبع المناطق التي سقط عليها مطر الوسمي ، وكلامي ماله علاقة بالوسمي هالسنة بالذات ، وعلى فكرة الوسمي ينزل عندنا كل سنة في منطقة تسمى ( العطورية ) ، وهل تصدق بأنه من أول ماوعيت على الدنيا وهذه المنطقة ياتيها وسمي كل سنة ولكنها للأسف لاتنبت الفقع :(

بالنسبة لـ سنة 1998 الله يعيدها :) أذكر بأن الوسمي مانقطع لمدة 10 أيام متتابعة ،، ابتداءاً من 22/9 إلى 2/10 ، وكانت الأمطار كالتي سقطت على الرياض منذ أسبوع أو عشرة أيام تقريباً ، كنا نصبح الصبح الشمس ساطعة ومن الساعة 11 أو 12 ظهراً يبدأ المخيل في وسط قطر تقريباً ويزحف شمالاً وجنوياً وكانت سحب قوية جداً ومصحوبة ببرق ورعد وبرد شديد ، حيث اني في السيارة لا أرى لأكثر من عشرة امتار من شدة المطر ، وفي اليوم العاشر غشتنا سحابة عظيمة مع صلاة الفجر قادمة من جهة الشمال حيث انه هذه السحابة من كبر حجمها غطت دولة قطر كاملة وشملت الأمطار كل بقعة من قطر ، لدرجة ان تلك السنة كنا نلقط الفقع بجانب الطريق وتلقى الهنود والرعيان يبيعون الفقع في الطرقات وبأسعار زهيدة.

أخوك الصّلف

[خالد العوض]

شكراً ياخوي على حط الصور حقات البروق والرقروق بس الله يعينك (على) باقي شي مهم لاتنسه
1- الرقروق في النفود ينبت مثل العشب ولايعيش طويل مثلالرقروق الي ينبت بين الشغيا والجروف والجبال ولارض الحجريه
2-الرقروق الى يبرض بريض يعني الي باقي جذعه وهو الي ينبت في الارض الصلبه وهو الي ذكرته فوق بالسطر ويبرض اذا جه مطر
الرقروق الي ينبت في الارض الرمليه مثل ارض الصدوي وحفر الباطن وهذا ورقته مثل ورق النعناع وزهرته صفرا
ملاحظة هامة (الفقع يتاثر من الحر ولايأثر فيه البرد) اذكر اعتقد قبل 18سنه لقطة فقع والربيع ما يفتح النفس يعني ما فيه ربيع يذكر واهم شي يجيء مطر وسم ولا ينقطع المطر عن الارض( اعتقد انه كانت السنه ذيك بارده جداً ومانبت عشب زين لكن طلع الفقع)

[ولد الوشم]

ماشالله عليكم وعلى تفاعلكم الطيب مع هالموضوع الرائع.

انا عندي بس مداخله بسيطه اذا تسمحون. بالنسبه لصورة الرقروق اللي ادرجها الاخ هبايب الله يعطيه العافيه, الشيبان عندنا يسمونها قصيص وليس رقروق. ونبات القصيص نبات معمر بحيث يبقى جذعه لسنوات واذا جاه مطر فانه تزيد اوراقه وخضرته حتى لو ما جاه وسم ويشتهر نبات القصيص بوجود الزبيدي حوله اذا كانت الارض موسومه. اما بالنسبه لنبات الرقروق فهو نبات حولي وينتهي بانتهاء موسم الامطار و اوراقه تشبه اوراق القصيص. وتقدرون تلاحظون نبات الرقروق في الصوره الاولى اللي ادرجها الاخ هبايب لنبات القصيص في اعلى يمين الصوره. تلاحظون نبات صغير على يمين القصيص واوراقه منفرشه على الارض. هذي هي اللي نسميها حنا الرقرورق ويكثر حولها الفقع ايضا من جميع الانواع وللمعلوميه فان نبتة الرقروق اللي في الصوره صغيره وتوها دازه ولا هي اكبر من كذا.


الاخ هبايب
استسمحك عذرا بالرجوع الى الصوره اللى ادرجتها. الله يعطيك العافيه.