للبيع شروكي باب واحد نظيف --- أبيض اللون

[زحل و عطارد]

السـلام عـــلــيــكـــم ورحـــمــة الـلــه وبــركــاتــه



للبيع شروكي باب واحد استخدامي الشخصي وانا أول مالك بعد شركة الكهرب واستخدامي له تقريباً 3 شهور من شريته.... والسيارة استخدامي لها قليل مره لوجود سيارة أخرى.



مواصفات السيارة
- اللون أبيض.
- داخلي بيج جديد ماشاء الله.
- باب واحد.
- موديل 1998.
- قير عادي.
- 6 سلندر.
- درايش هندل.
- الممشى 151 ألف كيلو .
- طبعاً الموتر مواصفته سعودي.


حالة السيارة :


- المحركات ( مكينة - قير- دبل - دفرنسات ) ممتازة بحمد الله وشبه جديده .
- البدي خالي من السمكرة ولله الحمد.
- السيارة شد بلد لم يتم أي تغيير عليها لا بالمحركات ولا بالبدي ولا بداخل السيارة ولا توجد أي أضافات.
- الأستمارة والفحص جديدة.
-السيارة ماشاء الله مترابطه وقطعه واحده ولا يوجد أي تكسيير في الديكورات ولا غيره.
-حرارة الموتر تحت النص واذا اشتغلت مروحة المكيف تنزل للربع.
-بشكل عام الموتر ممتاز وينسفط للخوي.




موقع السيارة الرياض .


المطلوب في الموتر 23 ألف ريال .


والــصــــــــــور


http://img101.herosh.com/2010/03/15/419119351.jpg



http://img101.herosh.com/2010/03/15/849756273.jpg



http://img101.herosh.com/2010/03/15/666563543.jpg


http://img103.herosh.com/2010/03/15/776780566.jpg


http://img101.herosh.com/2010/03/15/927375928.jpg


http://img101.herosh.com/2010/03/15/526031532.jpg



http://img103.herosh.com/2010/03/15/696633399.jpg




http://img101.herosh.com/2010/03/15/43860513.jpg



http://img101.herosh.com/2010/03/15/528845298.jpg



http://img101.herosh.com/2010/03/15/331072705.jpg



ماشاء الله .... والله يرزقنا وياكم

[رياح الربيع]

ماشاءالله تبارك الله ... الله يطعمك من خيره ويكفيك شره ... وربي يرزقك البيعه المباركه ...

ياليت ياخوي تحط رقم اتصال لك حتى يستطيع الشخص مخاطبتك بشكل مباشر ..

ومن اي منطقه انت ؟

ولك جزيل الشكر

[زحل و عطارد]

الله يجزاك خير .... ويرزقنا وياك .... ويوفق الجميع .

أنا يا أخوي حاط مواصفات الموتر كامله وحالة الموتر وصور وكل شي وأن شاء الله أني مانسيت شي وبالنسبة للرقم الي يبيه بيأصل له الرقم عالخاص....وموقعي الرياض..

ولا تزعل مني لاني ماحطيت رقمي لان صار مع أخوي قبل مواقف لان فيه ناس الله يهديهم يدقون الساعه 2 و3 الفجر ويقولك كم موديل الموتر الي انت عارضه....بالله هذا وش تسوي فيه(ترد عليه ولا تسكر بوجهه).

ما نقول الا الله يهدي الجميع

[Combat]

ههههههههههههه
يارجال وسع صدك وخل جوالك صامت اذا جيت تنام :) >>> مجرد راي

شف وانا اخوك اسوم المزيون ب 17 هذا الي حولي
والله يرزقنا وياك

[شروكي 2009]

اخوي الله لايهينك ممكن رقمك ع الخاص لأأهنت انا بجي الرياض بكرا وحاب اتواصل معك وشوف الموتر وان شاء الله مانختلف

[ولد شيوخ]

الله يرزق الجميع

[براد نجد]

هلابك أخوي زحل وعطارد لك بالبدل بجمس موديل 2002 صحن دبل قير عادي دبل ارضي الممشى 126 الف بودي ومحركات كلها على الشرط وتدفع الفرق

[زحل و عطارد]

السلام عليكم ورحمة الله وبركاته
آسف على التأخير في الرد.
أنا حطيت الموتر في معرض اسمه معرض المهنا بالرياض بحي الشفا لاني مشغول مره ودوامي مابين الشرقية والرياض وعلشان الي يبي يجي يشوفه ويأخذه ويفحصه ولا يرتبط مع أخواني بوقت معين وبمكان معين بالمواعيد وتقدرون تروحون وتشوفون الموتر وتفحصونه.
موقع المعرض :
اذا دخلت شارع المعارض بالشفاء يجييك اشاره عندها على اليمين مطعم بخاري ، تلف من عند الأشارة يمين بعدين تحصله ثالث معرض عاليمين اسمه معرض المهنا.... والله يكتب مافيه خير أن شاء الله ويوفق الجميع.

[زحل و عطارد]

هلابك أخوي زحل وعطارد لك بالبدل بجمس موديل 2002 صحن دبل قير عادي دبل ارضي الممشى 126 الف بودي ومحركات كلها على الشرط وتدفع الفرق



ما لي بالبدل والله يرزق الجميع .

[زحل و عطارد]

وبالنسبة للأخوان الي ارسلوا على الخاص .... ماقدرت أرسل لهم لان مشاركاتي تحت الـــ50 مشاركة ..... واشكرهم على سوماتهم لكن أنا حاده بـــ 23 ألف والي طلب يشوفه تحصلونه كما هو موجود بالوصف فوق عند معرض المهنا ..... والله يرزق الجميع.

[خالدي عنك]

الله يرزقك

[زحل و عطارد]

الله يرزقك


الله يوفقك ويجزاك الجنة

[anas]

لك رسالة على الخاص
اتمنى ترد عليها

[زحل و عطارد]

لك رسالة على الخاص
اتمنى ترد عليها



ابشر .... وجاري فتح رسالتك وراح ارد عليك .

[زحل و عطارد]

لاإله الا الله .... وأن محمد رسول الله


سبحان الله ... والحمد لله

[زحل و عطارد]

للرفــــــــــع


سبحان الله وبحمده .... سبحان الله العظيم

[زحل و عطارد]

لا إله الا الله .... محمد رسول الله

[كوكيز]

السلام عليكم ..

هل فيه مجال نشوفه باقل من الحد؟

الله يوفقك ويرزقك البيعة الي تسر خاطرك ..

[dangre]

اشوفه ب 19الف

[زحل و عطارد]

أخواني كوكيز و dangre

الموتر مسيوم في المعرض 22 ألف وبيدفع حق المعرض 500 ريال يعني صار 22500 ولا بعته وحدي نهائي 23 ألف وغير قابل للتفاوض .

[ابو معاذ 2002]

اخوي يا ليت ترسل رقمك على الخاص

[زحل و عطارد]

اخوي يا ليت ترسل رقمك على الخاص



ياليت ترسل لي رقمك على الخاص .... لان مشاركاتي أقل من 50 مشاركة

[زحل و عطارد]

ولله الحمد تم بيع السيارة والله يوفق راعيها ويرزقنا وياكم

[454EN]

الله يربحكم جميعا

[من كبار تجار]

الله يرزقنا وياك

[مشاغب السقالة]

الله يرزقك البيعة الطيبة

[زين الفعايل]

الله يرزقك البيعة اللي تسرك

[badr.fj]

الله يرزقك البيعه الطيبه

[زين الفعايل]

الله يرزقك البيعة اللي تسرك

[هوايتي مكشات]

الله يرزقك........

[ارم 441]

ما شاء الله الله ريرزقك ان اشا ءالله

[تـقوى الهجـر]

&&.,*"آلـله يـرزقـك.,*"&&
&&.,*"آلـله يـرزقـك.,*"&&
&&.,*"آلـله يـرزقـك.,*"&&
&&.,*"آلـله يـرزقـك.,*"&&

[السياف@]

السلام عليكم اذا موجود الموتر يا ريت تحط لي وسيلة اتصال بك لو الايميل

[برهوم 606]

السلام عليكم ...
أخوي الموتر موجود ولا لا ؟

[عبدالله الموسي]

اللي يسأل عن وجود السيارة من عدمة

يراجع رد صاحبها

رقم 23

[نسناس الهوى]

ماشاء الله

تبارك الله

[زحل و عطارد]

ولله الحمد تم بيع السيارة والله يوفق راعيها ويرزقنا وياكم



يا شباب للي يراسلون على الخاص تم بيع السيارة.....والله يوفق الجميع.

[الليزر....]

السلام عليكم أخوي نشوفه بسومته 17 وتراي جازم

[الملتآع]

وش العالم ذي يقولكم الموتر بيع

الله يرزقكم ان شالله يله يبه انت وياوه دورولنا واحد ثاني

[Dr-soeem]

اخوي لك بالفورد ورده ومزيوووون 99 ابيض فل كامل على الشرط مفحوص ومجدد كفرات جديده والموتر موجود بالرياض اذا لك نظر

[قنيص غير]

الله يرزقك البيعة الطيبة