المساعد الشخصي الرقمي

مشاهدة النسخة كاملة : هذي تاليت اللي يكشت ومعه باترول !!


هاوي نفود
13/02/2005, 07:39 PM
السلام عليكم ورحمة الله

أخواني نصيحة لوجه الله

لا أحد يشري باترول

ترا النيسان ما يزبن ولا للثمامة

أجل وسط البران وحنا بمان الله تطن في راس الموتر ويعي يشتغل

قناله يبن الحلال دور هالمكينة

قال علي الطلاق ما أشتغل إليييين يجني مفتاح أعرفه زين

قناله هذا المفتاح اللي مشغلك من الرياض إلى حول العلا

قال أبداً ماعرفه

وهذي الصور


http://www.mekshat.com/pix/upload/images7/mk9302_1.JPG



http://www.mekshat.com/pix/upload/images7/mk9302_2.JPG



http://www.mekshat.com/pix/upload/images7/mk9302_3.JPG





بس تراي أمزح ولا من يقول في النيسان شي

كله ملح وزين
الجارح7
13/02/2005, 08:00 PM
اخوى [هاوى النفود
بعد التحيه انا حصلى نفس الشى لكن الحمدلله طلع السبب بسيط وكل السالفه انى مسكت الصفايه
حقت البنزين اللى حدر الموتر وخظيتها واشتغل ====ومع ذلك لالالالا للباترول بعد تجارب وخبره[/
هاوي نفود
13/02/2005, 08:15 PM
والله يا خوي الجارح
إنتسانك من أهل الرياض فترا الصلاة فاتتك
هذا أولاً

أما ثانياً : فلا أبشرك أنحن مشكلتنا تسايده بالحيل

لأن أبو الشباب ( اللي هو جهاز الأمان ضد السرقة ) ما تعرف على المفتاح

وإضطرينا نجره بموتر واحد من الشباب من أعضاء المنتدى طبعاً ( مانيب معلم منهو )

أقولك جريناه من منطقة الهوه إذا تعرفها إليييييييييييييين وصلنا العلا ( قايلك هذي تاليت النيسان )

لاااااااااا وحتى في العلا يالله لقينا كهربائي يعرفله

لأن الكهربائي كلما فصل نقطة من جهاز الأمان كتبله على الطبلون ( هههههههه .... على مين تلعبها )

وبالأخير طقيناله سلك من البطارية للديلكو مدري الكويل ( لأحد يدقق )

وأبشرك إشتغل بس أحب أأكد على إن الغدى على رصيف الصناعية شي حلو


http://www.mekshat.com/pix/upload/images7/mk9302_111.JPG


http://www.mekshat.com/pix/upload/images7/mk9302_222.JPG

لاااااااااااااااااااااا

ومايستحي بعد قاعد يرضع الكهرب من موتري اللي كبر حدا عياله
العطة
15/02/2005, 02:46 PM
السلام عليكم ورحمة الله وبركاتة وبعد

نقطة مهم جدا في السفر اخذ اكثر من مفتاح خاصة للمفاتيح المشفرة واذا امكن ارفام الشفرة (بعض السيارات) يمكن تدخل الشفرة وتشتغل لمدة 45 دقيقة وتدخل الشفرة مرة ثانية وتشتغل 45 دقيقة حتى تصل


اخوكم العطة
محمد العتيبي
15/02/2005, 03:11 PM
الحل بسيط
هو انك تحرك الدركسون وفي نفس الوقت تشغل السياره
لان معي نيسان اس جي ال 2001 يعلق المفتاح فيه اذا كان الدركسون لاف يمين او يسار
ابوناصر 225
15/02/2005, 11:34 PM
السلام عليكم ....
ما أرضى على النيسان شي ..... النيسان قول وفعل بسه زعل عليك لانك منزل من مستواه وطالع مع خرده (تيوتا)..
ولد الشايب
16/02/2005, 12:32 AM
السلام عليكم ورحمة الله وبركاته ...

هاوي نفود من الصعب أن يحكم الشخص على السيارة ككل وهو ما خذ موقف واحد من سيارة وحده وهذه المشكلة تقع في أكثر من سياره وأذكر مره كنا طالعين البر وصارت لنا نفس السالفة مع لومينا

آخيراً ترى النيسان هو منقذ المواقف الحرجة بإذن الله من خلال أكثر من تجربه سواء معي أو مع غيري
ريف النشاما
16/02/2005, 01:59 AM
والله مشكله لاكن النيسان طير شلوى تايواني :D بس عاد وشهو ملح التيوتا عليه

التيوتا قبل شهر بالسيل ثلاثة تغريوات ورا بعض لامن ربض كنه فيل مايتحرك واللي تجره ددسن :confused:

وبعدين مع أن المشكله فنيه لاكنها خطيره حقا

يعني لو أني بالخلا لحالي وش اسويبه يمكن أقبصه :looney:

تحيتي
رفيع الشان
16/02/2005, 07:00 PM
يارجال دامنها جت سليمه شي طيب :)


وترا كل السيارات فيها عيوب ... صاحبك عنده بترول اربعه وثمانين شريته قبل فتره قلت أشد مكينته ثمن العن جدفه وتوضيب مكينه ومدري وشو وبعدين طلعت يالحبيب قلت والله لاأمحطه وأعبي الرديتر أثاريني نسيت مااقفل الغطا وماتسمع الا وححححححووووح علشان اجربه يصلح ولا لا <= امحق من تجربه :)

اللي ويطق ويطلع فيه الراس والسبب سخن الموتر ويااكفي عسا الله ييب العواقب سليمه ...


فما الله يالحبيب ...
الاجودي
16/02/2005, 09:17 PM
كأني اشم ريح كلام سب للباترول :no2:

ترى بسوي عملية انتحارية في المنتدى

كل شىء ولا طير شلوى

عطية الله
السالمي
16/02/2005, 10:20 PM
8
8
8
8

حطني على يمناك

مع اني من عشاق الشروكي

بس النيسان معروف ومشهودله من قديم الازمان

ويكفيك ان النيسان والشروكي هم اللي الا موديل 2004 وهم دبلاتهم دفرنس

ولاغرزن يقصن معك لين يطلعن

اما عن العطل اللي صار هذا شي طبيعي ويصير في احسن العائلات

ولاهو من العدل انكم تحملون النيسان فوق طاقته والسبه ها العطل البسيط

جميع المواتر الجديده سواء جيوب والاغيرها كلها تجي على مفاتيح اكترونيه

وتعتبر حساسه
هاوي نفود
18/02/2005, 10:28 PM
... السلااااااااااااااااااااااااااام عليكم ...

يالإخوان والله يانتم توسطتوا بطني

ترى الدعوة ضحك ولا ترا النيسان طير شلوى
:D إيه هين :D

أخوي العطة
والله اللي فكرة ذي حلوه ولازم تعمم

أخوي محمد العتيبي
شكلك فاهمني غلط لأن المفتاح ما علق بس جهاز الأمان فاصل الكهرب عن البواجي
يا حلالات الديزل بدون بواجي

أخوي أبو ناصر
من يقدر يقول في النيسان شي
بس حبيت أمزح
:mad: ولا تقول على الهلي خرده :mad:
أخوي ولد الشايب
والله منتب بسيييييييييييييييط
كاشت بلومينا :redcar:

مشرفنا ريف النشاما
والله قويه تيوتا يجره ددسن
لوني منك لأصوره وأبتزبها عبداللطيف جميل :type:

أخوي رفيع الشان
واااااااااااا خزيااااااااااااااه
أحد ينسى غطى الرديتر

هلا والله بالأجودي
:( من اللي يسب الباترول خلنا نتوطاه :(

أخوي السالمي
والله إنك صادق ... أفضل السيارات الشيروكي والباترول
أنواااااااااااااااااااع المجاملات :j
ذيب حضن
18/02/2005, 10:55 PM
هذا يحصل نادر مع اي سيارة
ابوعروب
18/02/2005, 11:34 PM
اخي العزيز بتاريخ 25 /12 0 كنت انا واحد الشباب في الصمان ووجدنا باترول اربع ابواب متعطل وفية 4 اشباب مجيلة اعتقد 1996 و صط الصمان وكانت ضايقة صدورهم وحيلتهم فقد حاول حل مشكلة تقطيع السيارة ولم يستطيعو وتوقفت السيارة ولم تشتغل 0 ثم اشرو لناء وكان مرافقي متمكن في المكنيكا والكهرباء وصلح العطل مع العلم ان اصحاب السيارة لهم خبرة في المكنيكاء ولكن ببراعة المذكور مشالله وجد عطل لايمكن ان يخطر على بال احد وهو مسمار صغير مربوط فية سلك توصيل كهرباءفي البلاتين بايزه سنتة ومرتخي بشكل بسيط لا يثير الشك 0 وبعد اصلاح الباترول انبسطو الشباب واسفهلو 0