المساعد الشخصي الرقمي

مشاهدة النسخة كاملة : تانكي الماء في الباث فايندر


الجارمن
14/02/2005, 12:50 PM
بسم الله الرحمن الرحيم

بعد تفكير وجهد جهيد قررت ان اركب تانكي ماء لسيارتي(النسر الذهبي) وبعد السؤال عن افضل ورشة تزين التوانك ووجدتها
ركبت التانكي داخل الموتر وراء المرتبة الخلفية والنوع استل ستيل ضمان خمس سنوات ضد الصدأ، والحجم 100 لتر ، التكلفة 1000 ريال

واليكم الصور
http://www.mekshat.com/pix/upload/images7/mk8008_110.jpg




http://www.mekshat.com/pix/upload/images7/mk8008_111.jpg



http://www.mekshat.com/pix/upload/images7/mk8008_112.jpg




ثبت التانكي بمسمارين على الجنب، والبزابيز تم خرم الرفرف الخلفي من امام الكفر في كل جهة اي ان في كل جهة بزبوز


http://www.mekshat.com/pix/upload/images7/mk8008_113.jpg



http://www.mekshat.com/pix/upload/images7/mk8008_114.jpg
مرجدهم
14/02/2005, 01:19 PM
ممتاز جدا التنك ولكن ماتشوف انه غالي شوية وبعدين ابي اسال عن الفرش اللي تحت التنك من وين جابه وبكم وهل يوجد للسفاري حبه وربع مثله وهل هو تفصيل او جاهز ومما يتكون ؟؟؟
الجارمن
14/02/2005, 06:36 PM
الاخ مرجدهم

انا معك انه غالي شوي لاكن تصور انك طالع رحلة وقضى الماء اللي معك اللي في الجحال واقرب مكان يعبي ماء يبعد 200 كيلو مثلاً
هل تدفع 1000 ريال وتلقى الماء عندك او تقطع 200 كيلو عشان تعبي
ادري تبي تقول فلسفة زايدة على العموم هي وجه نظر
اما الفرشة اللي تحت التانكي فهي من القماش التنزاني وهي تفصيل واغلب محلات الرحلات بفصلونها على حسب المقاس والشكل اللي تريده
اما اللي في موتري فصلته عند محل المرباع بعنيزة وكلف على ما اذكر 220 ريال
الموقر 1
14/02/2005, 06:59 PM
للفائدة ...
هذا الرابط عن تانكي الباثفيندر ( فيبر جلاس ).....
http://www.mekshat.com/vb/showthread.php?t=25907
الربذي
14/02/2005, 07:04 PM
اشكرك اخي القارمن انا خويك نفس السيارة بس ماتلاحظ انها ماتحتاج شي يحط بها تنزل من الخلف لهو كيلو برتقان!
وش الحل بنظرك
واخص اذا انك مسياني النور يجهر الناس بس تكبيس لي
الجارمن
15/02/2005, 11:36 AM
الاخ الربذي

عشان ماينزل الموتر مع وراء اذا عبيت ماء يبيلك تغير اليايات إلى النوع الاسترالي فهي أفضل من شد بلاده
BASSAM
15/02/2005, 11:50 AM
فعلا اخوي الجارمن شغل تمام وابداع.

الله يبارك لك فيه وان شاء ما يصداء ابدا.

اخوك بسام
الربذي
15/02/2005, 01:35 PM
اخي القارمن بس وين يباعن
مع شكر مقما هل اجدها بزينة السيارات مثلا
الجارمن
15/02/2005, 01:54 PM
الاخ الربذي

تلقاهن عند محل الرماية بشارع التخصصي بالرياض والسعر بحدود الـ 600 ريال
نمر بن حثلين
15/02/2005, 10:10 PM
مشالله عليك ياخوي شغل نظيف وممتاز :good:
ولو تكملها وتلبس التانكي شراع تنزاني كان يغدي شغلك ميه ميه :light:

على فكره اشوفك حاط قاعده انتل الكنود على التانكي :rolleyes: انتبه ياخوي ترا الجهاز يطلع منه اشعاعات وما ينفع تراسل والانتل داخل الموتر
ولد الشايب
15/02/2005, 11:10 PM
ممتاز وشغل نظيف يالجارمن أنا عندي خزان في السيارة ولكن سادحه تحت مهوب مثلك موقفه فوق علشان أستفيد من المساحة مثل تانكي الأخ بسام وزيادة الجوانب .

الله لا يهينك يالجامن بغيت أسألك عن اليايات ممكن تنزل صور لها وهل هي قاسية مع المطبات أم لا ؟؟؟
وهبى
16/02/2005, 12:28 AM
شئ طيب ياخوى انك قمت بتفصيل التانكى ستيل وهذا اهم شى انك سويته والصراحه موب غالى ومعروف ان الاستيل
مايصدى مره ابد والى يفصل حديد عادى ماعنده سالفه وخسران وسعره زين وانتظرنى اسبوع فقط واعرض لك
التانكى الى انا مسويه على كيف كيفك ونفس طريقتك بالضبط
وانصحك بأن تلبس التانكى نفس لون السياره بيج مع اسفنج وشوف شكله بيطلع روعه وصدقنى ماراح تشيله بالصيف
لانه منظره مع لون السياره
بالعافيه يالغالى
الجارمن
16/02/2005, 02:13 PM
الاخ نمر بن حثلين الصور لهن اربع اشهر وقد اخذت الصور في يوم اخراج السيارة من الورشة بعد التركيب لذلك قمت بعد ذلك بتلبيس التانكي بنفس قماش الفرشة وطلع الشكل كما قلت مية بالمية :D
ام بخصوص اريل الكنود فانا ما استخدم الكنود الا اذا طلعت برحلات برية ام في الديرة فلا استخدمه اطلاقا لذلك عند دخولي الديرة افك الاريل وحطه داخل الموتر عشان كذا ظاهر في الصورة على التانكي - شكرا على النصيحة وتسلم ياالغالي :bounce:

الاخ ولد الشايب نحن في إنتظار ابداعتك الفنية اما بخصوص اليايات فانا ماركبتها ، لي زميل مركبها وهو يمدحها بالحيل ويقول انها لينة مقارنة بشد بلدها وساف احاول ان اصورها ونزلها بالمنتدى قريباً ان شأ الله :light:

الاخ وهبي كما قلت فقد لبست التانكي نفس قماش الفرشة ( تنزاني) وطلع شكله يهبل ونحن بانتظار صور التانكي حقك :heart:

جميع الاخوة الزملاء شكراً على ارائكم القيمة واي واحد عنده ملاحظة على شكل التانكي لا يبخل علينا فامنكم نستفيد
كحيلان البدراني
17/02/2005, 03:11 PM
ماشاء الله
ابسألك الورشة لها رقم تلفون
وماسألت عن الحديد كم سعره بنفس هذي الطريقة
الجارمن
17/02/2005, 04:07 PM
الاخ الاسود



بخصوص التانكي الحديد اكيد انه ارخص من الستيل لكن بالتحديد ماادري كم
عبد الله 3
02/12/2005, 02:39 PM
شكراً لك أخي على الموضوع :

بس أقول : هل فيه أحد في الرياض يركب مثل هذي التوانكي أرجوا تدلونا على مكانه أو رقم الهاتف ..

هل[فيه مكان ثاني يركب فيه التانكي في الباثفندر؟ يعني مثلاً تحت ... ؟

ولكم جزيل الشكر
جراب
02/12/2005, 02:50 PM
الاخ الفاضل عبدالله 3 سلمك الله

انا معي باثفاندر ومركب تانكي تحت ويشيل حوالي 70 لتر تقريباً ومركبة عند ورشة المواهب في صناعية العويضة و التكلفة 950 ريال (( ستيل )) مو فيبر للاهمية ...

الوصف اذا دخلت صناعية العويضة طول حتى يجيك كوبري لاتطلع الكوبري واطلع يمين على طول ثم تجيك اشارة وبعدها خذ طريق الخدمة قبل ما توصل مع هذا الطريق فية مسجد منارة طووووووووووويلة لف قبل المسجد يمين وطول تمشي حدود كيلو ويجيك على اليمين وصاحبها واحد اجودي شرواك بالخير يقال لة ابو خالد رقم جوالة 0504492550 وبالتوفيق لنا ولك ولجميع المسلمين .
عبد الله 3
02/12/2005, 03:39 PM
شرواك الطيب أخوي جراب ..

وما قصرت
بس السؤال هل الاستبنه في سيارتك ورا الباب الخلفي ولا تحت ....
يعني هل هو في مكان الاستبنة اللي تحت ..

ولك مني جزيل الشكر
النداوي HZ2AF
05/12/2005, 02:39 PM
موضوع جيد
مشكور يا الغالي
جراب
05/12/2005, 02:48 PM
شرواك الطيب أخوي جراب ..

وما قصرت
بس السؤال هل الاستبنه في سيارتك ورا الباب الخلفي ولا تحت ....
يعني هل هو في مكان الاستبنة اللي تحت ..

ولك مني جزيل الشكر



الاخ عبدالله وفقك الله هذة معلومة غابت عن البال ولاتواخذنا شيبنا يالله حسن الختام آآآآآآآآ مين
اخي العزيز الاستبنة فوق بالجنب مو تحت .


تقبل خالص التقدر والاحترام
راعي المقناص
12/11/2006, 11:49 AM
يالربع في محل اسمه ( البرية) بحي السلام في الرياض يبيع توانك ألمنيوم وملبسة تلبيسة والغطى حق التانكي فيه تنسيم للهوا يبيعه 800 ريال مع التركيب وبدون تخريم جوانب السيارة للباثفندر89لتر والسفاري104لتر تقريبا وعلى ما اعتقد يوجد للتويوتا بصراحة شغل (ميه ميه) كما له جراب خلف التانكي في التلبيسة مع ضمان 5 سنوات ضد الصدأ ممتاز موقعه مخرج14 الدائري الشرقي إذا جتك كلية المعلمين على يسارك لف يسار ورح شمال بعد صراف الرجحي بشوي بيجيك على اليمين بصراحة طرح كرت الستيل والغلا الزايد اللي مستغلينه فيه ولكم مني ألف تحية
لاتنسونا من دعوة صادقة