المساعد الشخصي الرقمي

مشاهدة النسخة كاملة : صور من الشوكي 2 محرم


ربيق
14/02/2005, 02:29 PM
بسم الله الرحمن الرحيم
.
http://www.w6w.com/w6w.php?pic=331709

يوم الجمعة التقطت هذه الصور من الشوكي مسافة ( 7 كلم ) تقريبا من المحطة اللي بين الشعب وأم رجوم
.
الجهاز يعطيني أن الفيضة اسمها (هليل ) والخارطة تقول ( فيضة غزوى )
وبصراحة أنا أجهل المنطقة
وأتمنى منكم الإيضاح
.
ولكي يتضح أكثر
إذا وصلتم المحطة اللي بين أم رجوم والشعب تجي لوحة تشير لشعيب الشوكي
وفيه شعيب تباريه مسافة ( 7 كلم ) تقريبا تصل للمكان اللي منه الصور
.
وشعيب الشوكي على الجهاز تقريبا 15 كلم إلى 20 كلم
.
تكفون اللي يعرف المنطقة يوضح لنا
.
أترككم مع الصور
.
http://www.w6w.com/w6w.php?pic=331749
.
http://www.w6w.com/w6w.php?pic=331743
.
http://www.w6w.com/w6w.php?pic=333661
.
http://www.w6w.com/w6w.php?pic=331735
.
http://www.w6w.com/w6w.php?pic=331726
.
http://www.w6w.com/w6w.php?pic=331701
.
http://www.w6w.com/w6w.php?pic=331684
.

إلى اللقاء
ونراكم على خير بإذن الله
كشات وماشي
14/02/2005, 10:11 PM
تسلم يالذيب على الصور

بس اللوحة مادخلت الراس ؟؟

تحياتي
كشات وماشي
14/02/2005, 10:14 PM
تسلم يالذيب على الصور

بس لوحة السيارة ما طاعت تدخلت الراس ؟؟

تحياتي ،،،
ربيق
14/02/2005, 11:17 PM
أخوي كشات وماشي
.
مشكوووووووووووووووور أخوي على الرد الجميل
.
وبالنسبة للوحة ليش ما تخش راسك - حنا في زمن العجايب وكل شيء بالدنيا يصير
.
هههههههههههههههههههههه
كنترول
15/02/2005, 12:57 AM
مشكور على الصور الي ترد الروح فعلا



مدري لقيتم زحمة ....................




اقول تبيع اللوحة ,,,,,,,,,,,,,,,,,ها نفتح السوم.......... :p .وش رايك
الضاري
15/02/2005, 07:10 AM
بصراحة اللوحة ... غريبة
رسلان
15/02/2005, 10:08 AM
ماشاء الله تبارك الله ...
صور جميلة جداً ... والربيع بدى ظهوره جيد والغدران مازالت موجودة ...
عافاك الله أخوي ...
صقر
15/02/2005, 02:03 PM
مشكور اخوي ربيق

صور رائعة وكذلك صورة اللوحة الغريبة

بارك الله فيك.
aziz2727
15/02/2005, 02:46 PM
صور جميله
وشكلك انت الي يطبع الوحات هههههههههههه
بــرق الشمال
15/02/2005, 03:25 PM
ماشاء الله..رحله جميله وموفقه اخوي ربيق...شكرا لك
والله يعطيك العافيه..
سهيل واحد
15/02/2005, 04:14 PM
الأخ ............ ربيق

مساك الله بالخيرات .. يا مبدع

ودي أستفسر منك عن الفيضة اللي مصور فيها الجيب ح ح ح 000:
هل هي فيضة وحدة او اكثر من فيضة وفيهن شجر سدر صغار و متوسطات الحجم ...(وأرضهن فيها بعض الرمل) ...؟
هل هن بين الشعيب(اللي ذكرت) و خط ام رجوم - الشعب..؟
و يوم وصلتوا الشعيب اللي تقول إنه يباري ..هل الشجر صغار من بدايتة من جهة ام رجوم ثم يبداء الشجر يكبر كلما إتجهت جنوب جنوب غرب ..؟
إذا كان جوابك على الأسئلة بنعم فا إسم الشعيب (الودي .. تصغير وادي)
منتظر إجابتك ...

والسلام ختام
أبو يوسف
15/02/2005, 05:08 PM
بصراحة صور حلوة

مشكور وانا اسوم اللوحة بعشرين ليرة بالتريل

وللاتصال هاتف رقم

ع ه ا ي ث س ق غ


مع التحية
ربيق
15/02/2005, 09:50 PM
كنترول
.
ياخي فيه واحد زد لقيناه على العامة بهالإسم وحصل لنا معه موقف يحبه قلبك ، فهل نداك ( كنترول )
.
بالنسبة للزحمة ما هنا زحمة تذكر مثلها مثل محارق والديار الثانية بس أكيد أقل من الأماكن اللي يتواجد بها العوائل مثل روضة التنهاة أو روضة خريم ...........
وذلك لوعورة الطريق في بعض الأحيان وكل ما غطست ( بعدت ) كلما قلت الحركة حولك
ومشكور على مرورك
.

الضاري
.
ياخوي لو دريت إن اللوحة بتقطعني من تعليقك على الربيع والمكان كان ما صورتها :confused:
المرة الجاية تكفى لا تحرمنا من خبراتك و معلوماتك
.

رسلان
.
هلا بك
والله يعافيك
.

صقر .
هذا من ذوقك أخوي
( معجبني اسمك ) بس تستاهله


aziz2727
.
الجميل مشاركتك وحضورك معنا عزيزي
وين اطبع اللوحات
ألا قل خلصت اللوحات وسكتوني بأصفار ( على بالي مميز )

.
برق الشمال .
حياك الله أخوي
والله يعافيك
.

سهيل واحد .
أنت يبي لك جلسة
بسم الله
.
أخوي معلوماتك كلها صحيحة بس بالنسبة للرملة بصراحة ما شفت رملة ونا ما ( هجولت ) بالمنطقة
بس الشعيب واضح وهو رايح مع الطريق الزفلتي وتعديت ( الشعب ) ومتجه لــ ( أم رجوم )
تجيك لوحة تشير للجنوب تقريباً وهي بجوار محطة

http://www.w6w.com/w6w.php?pic=338093

خليت المحطة على يدي اليسار واتجهت للجنوب موازي للشعيب وكان الجهاز يشير بأن شعيب الشوكي للجهة الجنوب غربية
.
المهم فعلا مريت بمجموعة فياض صغيرة نوعا ما وقريبة من بعضها ولكن الرمل لا أذكر أني مريتها مع العلم أني لم أذهب للجهة الغربية من الشعيب

.
وربما يكون الشعيب اسمه ( الودي ) وما أدري هو من روافد ( الشوكي ) ولا ( الضاحك )
.
تشكر على المعلومات اللي أفدتنا فيها

وننتظر المزيد من الباقين


أبو هديل

حياك الله
أبد بعتك بالسومة و بركب قاز والبيبس بريال والسفر متعب وسعد نجح
.
جمع كلامي والله يعيني اجمع كلامك
هههههههههههه
.
أشكر الجميع على تفاعلهم وردودهم
وبالنسبة للوحة ماعاد أنا مكررها لأنها بصراحة خربت علي الهدف المقصود من المشاركة وهي مجرد لعبة بسيطة في الفوتوشوب وحطيتها اصفار علشان ما أحرج نفسي مع الشخصيات الكبيرة اللي تبدا لوحاتهم بــ ( ح ح ح ؟ ؟ ؟ )
.
نشوفكم على خير
أبوأحمد98
15/02/2005, 10:12 PM
الله يجزاك خير أخوي على هذه الصور الجميله ,,

الله لا يهينك يالذيب نبي وصف لشعيب وانا طالع من الرياض قسم بالله انهبلت ودي اروح لهالشعيب تكفى ابي الوصف الدقيق ,,وشكرا ...
محب البر
15/02/2005, 11:45 PM
بسم الله الرحمن الرحيم
السلام عليكم ورحمة الله وبركاته

أخي الغالي ربيق

بارك الله فيك على هذه الصور الجميلة

ونتمنى منك وضع إحداثيات للمنطقة وأماكن التصوير

أفرح ترى مو رقم اللوحة مميز بس ، لكن مشاركتك مميزة أيضاً بالرقم 28000

وجزاك الله خير

أبو مروان
الــ@ـا جري
16/02/2005, 06:11 AM
والله صور رائعة تشجع الواحد يروح لذيك الديار

بس سيارتي فورد وخايف أطيح في هلش ثم يمتحق يومي
ربيق
16/02/2005, 07:22 PM
أبو أحمد
.
أخوي ما عندي وصف أكثر من اللي ذكرت إلا أني بقول لك :
.
اتجه إلى طريق الملك فهد شمالا وعند الدائري الشمالي صفر العداد، واستمر على هذا الطريق وعند العداد 119 ستجد مخرج تمير (مخرج 11) اتجه معه إلى اليمين جهة الشرق، وعند العداد 136 ستكون في تمير، استمر على الطريق العام متجها إلى مبايض، وعند العداد 156 تأتيك هجرة مبايض اتجه منها إلى اليمين جهة الشرق، واستمر على الطريق إلى أن تاصل لهجرة اسمها ( الشعب ) بعدها بتدخل في جبال ويبدا الطريق يلتوي ثم تمشي وتجيك محطة ( شف صورتها فوق )
وادخل ( 7 كلم ) تاصل للمكان اللي فيه الصور
[ بداية التوصيف منقول من موقع أمانة مدينة الرياض ]
.
الاحداثية
.
N 25 54 385
E 046 02 275
.
واتمنى لك رحلة سعيدة

.
محب البر
.
الله يبارك فيك أخوي
الاحداثية
شفها فوق ( عجاز لا يكتب مرة ثانية )


لكن مشاركتك مميزة أيضاً بالرقم 28000
توهقت بكلامك هذا قاعد أحلله يومين ، وش يقصد ؟
بس شكلي فهمتها
ملاحظة دقيقة
.
الــ@ـا جري.
هلا بك أخوي
الفورد يوصلك مع الطريق المعبد إلى أن يبقى ( 6 كلم ) بعدها بر وفيه وعورة شوي و الله يعينك على الكعابي
ددسن
20/02/2005, 02:00 PM
المهم ياللي تبي الوصف

وصف الشباب مضبوووووووووووووووووووط بس لامريت مبايض عطنا رساله خاصه وخل نولم القهوه ونقهويك ياطيب الفااااااااااااااااااااال

الا اقول ماتبيع اللوحه ياطارح الموضوع >>>>>>>>>>>>> متأثر بالكنووووود
المطلق
20/02/2005, 02:25 PM
أخوي ربيق

مشكور على الصور الجميلة والرائعة
ابو محمد
20/02/2005, 04:13 PM
أخوي ربيق
هذا شعيب ابو حرملة وهو من شعبان الشوكي
ربيق
20/02/2005, 05:43 PM
ددسن
.
قدها وقدود

ومشكور على ردك

.
الرياعي
.
حياك الله أخوي
ومشكور على الرد

.
أبو محمد
مشكور على المعلومة
بس نبي تفصيل أكثر ( يعني الفياض وش اسمها )
محمد 999
05/03/2005, 02:35 PM
هلا بك اخوي ..


صور جدا ممتعه ورايقه ..

لكن حبيت اسال عن لوحة الموتر هل هي حقيقيه والا لعب .. ؟؟؟؟؟!
ربيق
05/03/2005, 09:37 PM
محمد 999
حياك الله ومشكور على الحضور
لوحة السيارة معدلة بالفوتوشوب
مو حقيقية
.
تخيل لوحة أصفاااااااااااااار
ما تجي
ابو عزووز
05/03/2005, 10:13 PM
مشكور اخوي على الموضوع


وحركات اللوحات




بايخه




لا تزعل اخوي مزحه والوحه للبيع اذ كانت صدق

وشكراً
ابو عزووز
رفيع الشان
06/03/2005, 12:37 AM
صًحت يمينك ولاهنت ... وودي أسالك عن البرنامج اللي مسوي الاطرات لللصور :)


لاهنت