كفرات جديدة بدون هواء، يعني ما في خوف من انه يبنشر ان شاء الله. [الأرشيف]

BASSAM

15/02/2005, 11:59 AM

وش رايكم في هذه الكفرات

لاحظوا ان الجنط مرن.

http://www.mekshat.com/pix/upload/images7/mk7984_33333333.jpg

http://www.mekshat.com/pix/upload/images7/mk7984_22222222.jpg

http://www.mekshat.com/pix/upload/images7/mk7984_22.jpg

http://www.mekshat.com/pix/upload/images7/mk7984_33.jpg

http://www.mekshat.com/pix/upload/images7/mk7984_55.jpg

http://www.mekshat.com/pix/upload/images7/mk7984_111111.jpg

http://www.mekshat.com/pix/upload/images7/mk7984_555555.jpg

http://www.mekshat.com/pix/upload/images7/mk7984_777777.jpg

هاه وش رايكم؟

الجارمن

15/02/2005, 12:30 PM

اخ بسام اعتقد في راي انها ممتازة لكن تبي تقطع رزق بعض الناس ( البناشر)

وهناك بعض التساؤلات
- هل هي نزلت للاسواق ام هي تحت التجربة من قبل شركة ميشلان
- وهل هي متوفرة بالاسواق السعودية
- وهل هي متوفر بمقاسات عديدة
- وان حصل الاسعار

شايب الصمان

15/02/2005, 01:18 PM

بسام جزاك الله كل خير

بعذر شركة مشلان ربحانه من كثر بناشر موتر وأركب جديد؟؟؟؟؟؟؟؟؟؟
ولكن يبيله من الموتر الحنونه الي تعرف الاسفلت فقط ؟؟!!! توقع تمشى بالصمان والا الدهناء وخابر ضليعات يحبه قلبك تمزح مع الكفر بس تشقه وترميه على طول مابه طب ( تراي متعقد من البنشر والحمدلله تغير كفر على طول ).
=========================
نفس أسئلة أخوي أبو نواف ؟

وأذا كانت بتزل عندنا ويكون الوكيل قوي وممتاز فأنها سوف تضرب السوق .

BASSAM

15/02/2005, 01:28 PM

هلا اخوي الجارمن
الصور جاتني بالايمل ولا عندي معلومه عن الاسئله ولكن شف الرابط حق نفس الشركه والظاهر انها تجارب لانهم عارضينها بالمعرض الدولي.
لكن الرابط بالانجليزي.

http://www.michelinman.com/difference/releases/pressrelease01102005a.html

اخوي شايب الصمان
معلش كلامك غير صحيح،، اتوقع انها تصبر اكثر لانها لو انشق الكفر تقدر تمشي ولا يحتاج تغير الكفر
وبما ان الجنط مرن راح تكون المطبات مريحه .

ولا وش رايك؟؟؟؟؟؟

لاتزعل!!!!!!!

ولدك بسام

ناصح

15/02/2005, 01:29 PM

سبحان الله كنت متوقع نزول هذا النوع من العجلات في يوما ما

لأن العجلات الموجودة الان سببت كثير من الوفيات والإعاقات بسبب انفجارها

ثم ان السيارات العسكرية بعضها مجهزة بإطارت بدون هواء .

والان جاء الدور على السيارت المدنية

لكن اتوقع المسألة تحتاج عن مالا يقل عن خمس سنوات او أكثر كي تنتشر ويكون سعرها في متناول الجميع
مشكورBASSAM ما قصرت على طرح الموضوع

BASSAM

16/02/2005, 07:05 AM

اخوي ناصح

كلامك صحيح واويدك عى كلامك انها يبيلها فتره حتى تكون منتشره

وشكرا للمشاركه.

شاهد عيان

16/02/2005, 09:38 AM

فكرة راااائعة ...

وأتوقع بأن الكفر الاحتياطي الذي بالسيارة سوف يتخلون عنه ..

بس هذه الكفرات لا تنفع مع الرمل كون الرمل يدخل في تجاويف الكفر !

كذلك راح دور الفيري !

وشكراً على الموضوع

أقرب نداء

16/02/2005, 11:18 AM

شكرا على الموضوع

لو ما يجي من الكفرات الجديدة إلا هالصورة ان كان كفت:

http://www.arab3.com/images14/95095646.jpg

ولك التحية،

أقرب نداء

http://www.arab3.com/images14/4504509.jpg

صقر

16/02/2005, 12:39 PM

يعطيك العافية اخوي بسام

وان شاء الله تنزل لأسواق المملكة ونستمتع وننسى هم شي اسمه بنشر

لكن السؤال كيف انزل هواء الكفر علشان ادخل بالنفود براحه .
واذا اصطدم الكفر بصخرة واعوج كيف يتم اصلاحه.؟؟

مجرد اسئلة

بارك الله فيك.

ابو وطبان

16/02/2005, 01:45 PM

يعطيك العافية اخوي بسام بهذه الطريقه نسغني عن الاستبنه ونحط مكانها تانكي ماء :light:

حد السيف

16/02/2005, 01:48 PM

الغالي بسام
حياك الله
مشاء الله تبارك الله
وش ذا الزين
على فكرة بالنفود وشهي من كفرات

محبك اخيك حد السيف

saag

16/02/2005, 02:20 PM

مشكور اخوي على المبادرة بعرض الصور
الله يذكرك بالشهادة ذكرتني ايام السياكل والكفر الحجري

كشاته

16/02/2005, 03:35 PM

أتوقع أنه فيه مشكلة إذا زادت حمولة السيارة

لآن الكفر بيفرش

ويحتج لك هو اء

لكن الكفر هذا ما يتعمل بالهواء

ولا أنا غلطان .؟؟؟؟؟

BASSAM

19/02/2005, 07:53 AM

الاخوه الغالين:

شاهد عيان
أقرب نداء
صقر
ابو وطبان
حد السيف
saag
كشاته

حياكم الله وشكرا على المداخلات والاسئله ومثل ما قلتو بتريح من البناشر.

بالنسبه لمشي السياره بالصخور،، اتوقع بتكون ممتازه جدا لان الكفر مع الجنط مرن وبالتالي امكانيه اعوجاجه قليله
والصور السابقه تبين مرونه الكفرات (((وكذلك هذه الصوره)))

http://www.mekshat.com/pix/upload/images7/mk7984_tweel_010.jpg

بالنسبه للرمال،، الكفر مع الجنط اخف من الكفرات الحاليه ولكن اشك في قدرتها وادائها في الرمال ولكن لا استطيع
الجزم بعدم فعاليتها ولكن التجربه خير برهان (نتظر الكفرات لين تجي )
او يمكن يصنعون كفرات بنفس الفكره للرمال..........................الله اعلم.

جزاكم الله خير.

محب الشمال

20/03/2005, 11:22 AM

صراحه يا اخوان انها رهيبة وتوفر على الناس شراء كفرات بمئات الريلات
شباب اذكر مره قريت خبر في صحفنا السعوديه بس نسيت اسم الجريدة عن مواطن سعودي انه اخترع كفرات
لا تبنشر وانه مستعد ان يعمل تجربه عنها اماما الجمهور وانه تلقى عروض من شركات عالمية وصراحه الكلام هذا يمكن من خمس سنوات بس من بعدها ما عاد قريت عنه اي خبر ولا ادري ايش صار في اختراعه
ويا ليت تقوم احد الشركات في المملكة باخذ وكالة هذي الكفرات وتقوم ببيعها بالسعوية
والله يحفظكم ويرعاكم

د.الكاشت

20/03/2005, 02:10 PM

والله ممتاز بس ماتدري كم يبغاله من سنة

ftoosh

20/03/2005, 03:07 PM

ههههههههههههههههههههه
شكله حلووووو حك بر والتطعيس هههههههه
من اوله يغرز ههههه تسلم يالغالي

Bader-M

20/03/2005, 04:37 PM

السلام عليكم ورحمة الله وبركاتة

.............

هذه التفنيه تعتبر قفزه جباره في عالم الاطارات

و اعتقد بل اجزم انه خلال السنوات القادمه

راح يكون بدل للاطار المستخدم في هذا الوقت

ولكن السوال هنا
متى تكون متوفره لاصحاب الدخل المتوسط و متى يتم تجهيز السيارات الجديده بها

ولك مني كل محبه و تقدير

الموضوع مثبت

الطعس الذهبي

20/03/2005, 04:40 PM

أخوي بسام انا بقول شي بس اخاف تزعل

أنا لقيت الموضوع والصور بساحة السيارات مادري انت الي كاتبة بساحة السيارات

ياأخوي بسام لازم تكتب منقول إذا كان منقول

الطعس الذهبي

20/03/2005, 04:45 PM

abo s3od

20/03/2005, 06:29 PM

صراحة فكرة في منتهى الروعة وراح تساعد في كثير من الأشياءبس لاكن مايقدرو ينطلو فيه :D

أما إلي ما يبي إستبنة فهناك كفرات جديدة مثل الكفر العادي لاكنه يتعبى (بانيتروجين) مع واحد أعرفه شرواكم إنسلخ عليه الكفر ولا كأنه صار شي يمشي طبيعي بس يمشيك لمده معينه 150 كيلو يعني ساعه ونص بس سعر الكفر غالي شوي

محب الشمال

21/03/2005, 09:44 AM

تكفى ابو سعود علمنا وين عنوان المحل حق الكفرات الي تعبى بالنتروجين

القــانص

21/03/2005, 06:21 PM

أخوي بسام بصراحه في قمة الروعة والجمال بس تصور لو دخلت بسياريك في وحل كيف يكون مصير الكفرات راح تمسك في الطين والوحل لأنه بيدخل داخل الفتحات ويمسك الكفرات .....

صحيح كلامي

أخوكم القانص

abo s3od

21/03/2005, 07:56 PM

أخوي الميناء والله ما عندي علم لكن هذا إلي أقولك عنة جات معاه من الوكالة (BMW)بس أعتقد أنهم يبيعونه في البناشر المشهوره أو الصناعيه لأن في محطات هناك تعبي بانيتروجين

أي سؤال أنا جاهز أخوي

سنتافي

22/03/2005, 05:27 PM

والله فكره رهيبه

على كذا الواحد يرتاح ماعاد تلقى البزران منسمين كفرات الموتر

سنتافي

22/03/2005, 05:29 PM

ايه بعد اذا تسألون عن النتروجين تراه موجود عند مراكز البنشر حقت وكالة بريلي ينفخون اي كفر

وفيه الحزام وهو يجي بالسيارات الالمانيه وهو حزام مثل الكفر يركب في الجنط او حولين الجنط يغطي المساحه او الفراغ الي في الوسط وبعدين يتركب الكفر فوقه

مفك عجل

23/03/2005, 05:04 AM

موضوع رائع جداً
وإن شاء الله تطرح الأسواق هذا النوع من الكفرات قريباً

واتوقع راح يآخذ وقت الين يطلع لعامة الناس
يعني قصدي ماراح ينزل إلا مع موديل معين من السيارات
وتبدأ المصانع تعتمده في موديلاتها الجديدة

والله أعلم

بس فيه مشكله واحدة بس :looney:

..

...

..

..

..

...

راح تقل الحاجة لــ" مفتاح العجل "

يعني لزووووووم أغير أسمي :D :hot: