الجيب يطب الارض

[غربي هواوي]

السلام عليكم




عندي يالربع جيب لاندكروزر 2002


كل ما ركب معي كم شخص او حطيت عزبتي فيه يطب الارض وخشمه يطير فوق


وش الحل ؟ هل اغير يايات او ...؟

:)

[سوبر VTC]

شف طالع عمرك

اذا انت راعي حمل عزبة تانكي حطب...الخ
يحطون ياي استرالي مقاس 2 وسط

اذا كان العكس حط كعكات فوق الياي

موفق

[الربع الغالي]

ركب ياي استرالي من عند الرماية
لا ينزل من العزبه لا من الركاب وزين فالطريق
وريح مخك

[غربي هواوي]

طيب يا اخوان هل الياي مريح سواء كانت محملة السيارة او فاضية

[محيسن1]

السلام عليكم
اخوي
انا مركب ياي استرالي وسط
وضعه تمام التمام
كان فاضي او محمل
الموتر اخو موترك
وسعرها 550 من الرمايه

[غربي هواوي]

بيض الله وجوهكم ما قصرتوا

لكن هالحين وين محل او موقع الرماية لان بالمدينة مافي. اعتقد اقرب شيء القصيم او جدة اذا فيه

اذا ممكن احد يدلني على اقرب فرع

[باترول2008]

والله زي ما قالولك الشباب المقاس الوسط زين
ولا هو قاس على الظهر
وبالنسبه لمحلات الرماية
ما ادري عن المدينه
لكن فيه بجده فرع الرماية بطريق المدينه اللي داخل البلد الظاهر إسمه النازل وإن شاء الله تلقاه عنده


دمت بود

[sameer_1798]

الحل مثل ماقالولك الشباب ركب يايات استراليه من الرمايه .
وهي أطوال وأوزان أختار المناسب لك .
عندي بالاند ركبت ياي رقم 865 ارتفاع 4 سم ويتحمل وزن 200 كيلو (اختار نوع بدون اكس عشان ماتسمع طقاته )
جبتها عن طريق الاخ ياسر السوداني في المركز الرئيسي بالرياض ... اتصلت عليه وطلبت الياي وأرسله لي للمدينه وركبته عند الميزان .
التكلفه الياي بـــ 550 ريال ..... التوصيل 10 ريال ....... التركيب 100 ريال .

[غربي هواوي]

الله يجزاكم خير

ما قصرتوا

انا اليوم جبت رقم فرع الرماية بجدة وقالي قيمتها 550 مثل ما ذكروا الاخوان اللي هو الوسط
والشحن 10 ريال

وهذا رقمهم في جدة بعد أذن الإدارة للفائدة 026653112

مرة اخرى جزاكم الله خير على تفاعلكم

[رفيع المقآم]

الحمد الله الذي بنعمته تتم الصالحات