ما الأفضل >>> برجستون <<< أم >>> دنلوب <<<

[باترول2008]

السلام عليكم ورحمة الله وبركاته



حيا الله أعضاء ومشرفين وزوار مكشات




يالغالين أنا كفراتي بدن يطرفن خلاص أوشكن على النهايه
وناوي أغيرهن لكني محتار آخذ برجستون وإلا دنلوب


طبعا أنا من زباين البرجستون وكد أخذت طقمين لموتري باترول والكفرات معجباتن لكن أبسأل اللي مجربين الدلوب خصوصا على الباترول هل هو أفضل من البرجستون وإلا مجرد سمعه لا أكثر


مع العلم يا إخواني إني أستخدم كفراتي لجميع الأخراض خطوط ....نفود....جبال....(بحر :D )


طبعا البرجستون رهيبه من ناحية الخطوط والجبال الكفرات قاسيه ويتحملن لكن مشكلتي دايم إن الكفرات من كثر التنسيم يتشققن جوانبهن !!!!:(


فعشان كذا هل الدنلوب تعطيني مزايا البرجستون بتحمل الحجره أو الجبال وأيضا المشي الزين بالنفود
ام إنهن لا يفرقن عن بعض خصوصا على كلام بعض الناس واللي أشوفه بالشوارع إن كفرات الدنلوب لها أصوات مزعجه عند اللفات ....



أتمنى أجد الفايده لديكم


ويا حبذا لو واحد مجرب البرجستون والدنلوب عشان يعطينا الفروق



(وبالنسبه لأنواع الكفرات الثانيه غاسل إيديني منهن :D )





دمتم بود وبإنتظار تجاربكم :good2:








...

[الحائلي338]

البرجستون افضل كفر قاسي شوي بس يكد اكثر من الدنلوب

[ذيب حريملاء]

والله اخووي منزل موضووع اناا موتري ربع باترول 2006

اسأل عن افضل نوع للكفرات

قالوا لي شااااهين ..


اذا عندك خبرهـ ياليت تفيدنااا


موفق ..,

[باترول2008]

البرجستون افضل كفر قاسي شوي بس يكد اكثر من الدنلوب



هلابك أخوي
مشكور على الإفاده والبرجستون أنا مجربه ومجرب قساوته :good2:
لكن هل الدنلوب على مدح الناس يتفوق على البرجستون أم لا




والله اخووي منزل موضووع اناا موتري ربع باترول 2006





اسأل عن افضل نوع للكفرات


قالوا لي شااااهين ..



اذا عندك خبرهـ ياليت تفيدنااا



موفق ..,





هلابك أخوي


في نوع أسمه بالون نقشة شاهين والظاهر إنه دنلوب ويجيك إرتفاعه 85 يتميز بالقساوه وما أدري عن إستخدامه


ومره كد شفت كفرات شاهين على باترول (ليست بالون ) لكن ما عجبتني نقشتها وما تمسكب بالأرض زين
(طبعا اللي جرب أدرى فيها )


عموما أنا جربت البرجستون والهانكوك بالنسبه للبرجستون كفر لا يعلى عليه لكن شفت الكثير يمدح الدنلوب وأكثر اللاندكروزرات عليهن دنلوب فقلت أسأل هل يصف بجمب البرجستون وإلا سمعة فقط


وبالنسبه للهانكوك إبعد عنه لين جدا وعلى طول يحبل وينفقع بسرعة اللي مميزه مشيه بالنفود وكتاباته (لراعين النصب)


والميشلان أحد الزملاء جربه طبعا كفر ما أتوقع ناجح إلا مع السيارات الصغيرة
لأنه من أغلى الكفرات وجمب الكفر سيئ جدا أدنى ضربه مع الجمب أو صعود الرصيف قد يؤدي لإعطابه


وفيه الماكسس (ليس البالون ) يمدحونه الشباب وسعره معقول وأنا ما جربته



لكن الكفرات اللي متصدره سوق الجيوب (طبعا بعيدا عن البالون)


هي
البرجستون والدنلوب
وأنا جربت البرجستون وهو كفر ممتاز لكن يعيبه غلائه شوي يعني لجنط موتري 17/275/65 بـ640ريال :D
والدنلوب يفيدوننا الشباب إن شاء الله



أتمنى إني أفدتك وانتظر باقي الشباب عشان يفيدونن :D

[طير شلوى نجد]

انا من عملاء الدنلوب و ماشيات معي ولله الحمد لاكن عيبهن مع الوقت يصرخن ولا بانفود يريححنك

[ريان2002]

مساك الله بالخير أخوي باترول 2008
الحقيقه على مايقولون ماأزيد على السمن إلا عسل أنا مجرب طقم برجستون وطقم دنلوب وقبل شهرين تقريباً ركبت طقم دنلوب آخر نفس مقاس الأول 275-70-16
وملاحظاتك صحيحه على البرجستون والدنلوب لكن شوف إنطباعي عن الدنلوب على هذا الرابط وعساه يفيدك ولك مني أجمل تحيه
http://www.mekshat.com/vb/showthread.php?t=264200

[fj44]

انا كان معي بالون مكسس
وركبت قبل يومين مكسس
عرض الارتفاع 75
بصراحه ممتاز وقيمته معقوله
ولين وادائه رائع بلا دنلوب بلا كلام فاضي
كفرات الاف جي بـ 2000 ريال وشوي وياليتها تكد فاشله
بصراحه مكسس 100 % والطقم 4 كفرات بـ 1520
ولا بعد حرارة تحمله 540
فالك التوفيق

[لاتكب البيالة]

السلام عليكم
عليك بماكسس ليونه معقوله عمره معقول سعره معقول

[باترول2008]

استنتج من كلام الشباب عن الدنلوب
1. مناسب ومريح على الطرق الصخريه
2. ممتازات بالنفود
3. سعرها الأقل من البرجستون


ولكن يعيبه
1. الصوت عند الدوران




ومن تجربتي مع البرجستون
1. قوية وممتازه للطرق الصخرية
2. جيدات في النفود
3. هدوئها عند الدوران و البوش (المزاعق)


ويعيبه
1. سعرها المرتفع مقارنه بمثيلاتها
2. قساوتها أعلى من غيرها مما قد تدني مستوى الراحة لدى الراكب ( وهذي لا تهمني)





:eek:


إذا كانت هذه النقاط صحيحه


فإني قد أميل إلى البرجستون



هل توافقونني الرأي أم هناك بعض المميزات والعيوب التي لم أذكرها ؟؟؟



ومنكم نستفيد





بالنسبه لأخي صاحب الماكسس
سمعت الكثير ممن يمدحها لكني لا أنجذب إليها لسبب (أحتفظ به)






^

[التعـ King ـديل]

الدنلوب اطول عمر من البرجستون عن تجربه

اذا تبي الكفر عندك الدنلوب والهنكوك مابعدهم شفها على موتري هنكوك مركبها برمضان ومسافر عليها الكويت والاردن وسوريا والامارات والبحرين وماشي عليها الان فوق 25 الف ولو تشوفها تحسب له اسبوع راكبه

[باترول2008]

هلابك أخوي

بالنسبه للهانكوك الصراحه إني كد جربتهن على موتر آخر

لينات بزود ممتازه بالنفود لكن بالحجره آدآئها غير مرضي وعلى طول تحبل (تصعرر)


دمت بود

[سفاري959]

البرجستون لا يعلى عليه انا مجرب الاثنين وموتري قبل اسبوع مغير له دنلوب زين ولين لكن صدقني ما بعد الكفرات الألمانيه الا البرجستون وعيبه الوحيد قساوته بس

[كبسولة2]

جرب الماكسس برافو 760

وشووووووووووف الفرق

[RJA]

جربت الدنلوب 16/70ـ275
البرجستون 16/70ـ265
بصراحة ارتحت للدنلوب أكثر ..... أغلب الاستعمال خطوط ومحجر .
أريح ولاتتشقق بس يعيبها الصوت بعكس البرجستون هادي

بالتوفيق يالغالي

[شمالات نجد]

اخوي الدنلوب نقشة شاهين اللي ارتفاعه 85 لين ومطبه زين بعكس ما ذكرت أعلاه

وفيه دنلوب نقشة شاهين (حق الشاص) ارتفاعه 95 يجي 8 غاط كذلك مطبه زين

============

توكل على الله وركب دنلوب أعرض شي إذا كانت جنوطك كروم (المهم تكون وارد بن زقر)

بالتوفيق

سلام

[نيساني قديم]

هلابك أخوي

بالنسبه للهانكوك الصراحه إني كد جربتهن على موتر آخر

لينات بزود ممتازه بالنفود لكن بالحجره آدآئها غير مرضي وعلى طول تحبل (تصعرر)


دمت بود
أنا توني مركب هنكوك على فتك 2006 ممتاز بالحيل لمن تهمه الليونه والمركب المريح طلع علي الواحد 530 ريال وانا اكثر واحد جرب هنكوك ولم اشتكي منه ولله الحمد وترا يجي منه نوعين بمواصفات تختلف وسعر يختلف

[Mohammed99]

البرجستون افضل عندي والله يعننا وياك على اختيار الصالح

[احساس الصمت]

السلام عليكم ورحمة الله وبركاته

شف يااخوي الغالي بالنسبة لي انا جربت الدنلوب شد البلد وبصراحه لايعلى عليه لكن فيه مشكلة الصوت خصوصاً مع الطرق(بصراحه مزعج إلى أبعد الحدود)وللمعلوميه هو ألين من البرجستون ومشت معي هذه الكفرات (100ِ000)كلم وبعده ضرب عندي واحد منها
وبعدها غيرت الكفرات وطقمت بريجستون وبصراحه متناهيه حسيت بالفرق خاصةً نعومة الصوت في الطرق , حتى جميع من ركب معى لاحظ هذا الفرق بين النوعين وبعدها حرمت على نفسي الرجوع للدنلوب وللفائدة مشت معي هذه الكفرات(140ِ000)كلم
وبعدها غيرت الموجه لليوكوهاما والمدح فيها سابق لأوانه
للمعلوميه مقاس الكفرات عندي(17/65/275)
*يقال ان مقاس(16) للدنلوب أقل أصوات <هذا ان لم تكن موجوده بالأساس> من مقاس(17)*

آمل أني أفدتك ولو بجزء بسيط من خلال تجربتي لكلا النوعين

ودمتم سالمين

[ابورايف]

دالوب افضل

[باترول2008]

السلام عليكم ورحمة الله وبركاته

شف يااخوي الغالي بالنسبة لي انا جربت الدنلوب شد البلد وبصراحه لايعلى عليه لكن فيه مشكلة الصوت خصوصاً مع الطرق(بصراحه مزعج إلى أبعد الحدود)وللمعلوميه هو ألين من البرجستون ومشت معي هذه الكفرات (100ِ000)كلم وبعده ضرب عندي واحد منها
وبعدها غيرت الكفرات وطقمت بريجستون وبصراحه متناهيه حسيت بالفرق خاصةً نعومة الصوت في الطرق , حتى جميع من ركب معى لاحظ هذا الفرق بين النوعين وبعدها حرمت على نفسي الرجوع للدنلوب وللفائدة مشت معي هذه الكفرات(140ِ000)كلم
وبعدها غيرت الموجه لليوكوهاما والمدح فيها سابق لأوانه
للمعلوميه مقاس الكفرات عندي(17/65/275)
*يقال ان مقاس(16) للدنلوب أقل أصوات <هذا ان لم تكن موجوده بالأساس> من مقاس(17)*

آمل أني أفدتك ولو بجزء بسيط من خلال تجربتي لكلا النوعين

ودمتم سالمين




الله يعافيك

أتوقع إن إختياري أصبح واضح :D

وخصوصا إني أكرف الكفرات عادي خلال أسبوع أمر بجميع التضاريس

لكن شكل ما يصلح لي إلا البرجستون :good2: بحكم إن مقاس كفراتي مثل مقاس كفراتك بالظبط

مشكور أخوي



والشكر موصول لكل اللإخوان اللي أفادوني الله يحرم وجيهكم عن النار

دمتم بود :r

[باثفندر]

يالغالي لازم تحدد مقاس الكفر انا جربت الدنلوب مقاس ٢٦٥ - ١٧ ولاحظت انه قمة النعومة وممتاز في البر وفي الخط السيارة كانت باثفندر ، وجربت مقاس ٢٧٥ - ١٧ على باترول لاحظت انها اقسى ولها صوت !!!

[باترول2008]

يالغالي لازم تحدد مقاس الكفر انا جربت الدنلوب مقاس ٢٦٥ - ١٧ ولاحظت انه قمة النعومة وممتاز في البر وفي الخط السيارة كانت باثفندر ، وجربت مقاس ٢٧٥ - ١٧ على باترول لاحظت انها اقسى ولها صوت !!!


هلابك أخوي بالنسبه لي مقاس الكفر 17/65/275


والفرق اللي أنت لاحظته بين الكفرين هو عشان إرتفاع الدعسه يختلف
بالباترول غالبا الإرتفاع 65 لكن الباث أقل (ولو تراجع الرقم الي على الكفر تبي تعرف إن كلامي صحيح)


عموما أنا همي الكفر على الباترول فمن كلامك أنه عيوبه نفس اللي ذكرت سابقا :D



دمت بود:f

[الشنه]

توكل على الله وركب دنلوب أعرض شي إذا كانت جنوطك كروم (المهم تكون وارد بن زقر)