من يركب الهوك على القراند شيروكي بهذي الطريقة (يوجد صورة للتوضيح )

[احب البر]

السلام عليكم ورحمة الله .


حياكم الله يالحبايب

بغيت اركب هوك على السيارة المبروكة :redcar: وموديلها 99 وقال لي المعلم اللي عند السليماني :


انا بس اركبه لك تحت الصدام مثل مافي الصورة هذي :



http://www.mekshat.com/pix/upload/images7/mk7380_00234.jpg

قلت ياولد .. بتكون السلة بهذي الطريقة قريبة من الارض مرررره ..



وخير ان شاء الله راكبين كورلا ( مع احترامي للكورلا ) :p و هذا الهوك النازل بيعيق السيارة عند المطامر في البران والشعبان :) هذي توقعاتي وماادري اذا فيه احد مجرب بهذي الطريقة !



المهم شفت في يوم من الايام قراند مركب الهوك كما في الصورة التالية :




http://www.mekshat.com/pix/upload/images7/mk7380_0234.jpg






قلت هذا عز الطلب .. وهذا الشغل المضبوط . لك وللزمن .


وسمعت ان بعض الورش تركبه كذا .
.

وكانت السيارة اللي شفتها ومركبه الهوك بهذي الطريقة .. واقفة في مكان عام وماهوب عندها صاحبها وما حبيت اني اسنتر عند السيارة الين يجي صاحبها .. حشا لو اني المباحث الفيدرالية :)


سؤال ياشباب :

هل فيه ورشة تركب الهوك بهذي الطريقة الثانية وهل يحتاج الى قص الربل الملبس على الصدام او لابد من تغييره . ماادري يمكن ان الربل المقصوص فقط شد بلد ..



ياليت من عنده علم يسعفنا :type: وحتى يستفيد الجميع

وكلي شوق لمشاركاتكم ولو برد السلام فقط :rolleyes: . وتحياتي لكم كلكم .



وفي أمان الله .

[طارق الحربي]

وعليكم السلام

والله ماعندي علم

بغيت اسلم بس

[السالمي]

اول شي السلام عليكم

<<<< موضوع فيه طاري الشروكي لازم يرد

اخوي احب البر

اتمنى والله لو عندي معلومه بسيطه عن اللي طلبته

وفي انتظار من عنده الخبره حتى نستفيد حميعا

لاكن القراند شروكي يجي يايات ورى يعني راح ينزل الموتر مع السله

لذالك افضل انك تركب عربانه افضل من السله

[الربذي]

شف اخي احب البر
السلام عليكم
محاجيك عندة باثفايندر موديل 98
اولادي اشغلوني اشتري لهم دباب واذا شافوا احد يجر قلص تعلقوا فية ابويا اشتري مثلة لية ماتركب مثلة لان الدباب مايجي بالباث وكنت عندي سيارت فور رانار واسعةوتاخذة بسهولة بس شغلة شغلةبالحيل مايركب الا والعرق يصبصب
المهم اشتريت دباب حجم 100 سي سي وقلص 1400 من جينان ورحت لمحل الحديد بالجملة وجبت حديد 5مل وقصة لي عشان يدخل بالسيارة ورحت لواحد اعرفة وفك صواميل الخطافيات الخلفية وخرم الحديد وشدهن طبعا الحديد مثل برواز الباب الحديد اي يركب بالجدار بس كبير 5مل الي مع الاطراف يشبة حرف التي وبعد كذا قص بالصاروخ جهة وثبت الطرف الاخر بمسامير الشناكير حق السيارة من الخلف للجر وتجي وكالة وكانها تحت الصدام واحد عند الكنداسة والثاني بالزاوية الاخرى عرفتة ولا
وبعد كذا ثناة لانة لو ماقصة ماانثني لانة قوي جدا ولازم يثبت بمسمارين مع كل جهة حتى لايتحرك وذا طقت براسك فكيتة وركبت الشناكير!!!بعد كذا يقوم بعمل صدام بوضع الحديد تين متقابلات ويلحمهن من داخل يصير كذا ...[.... عجزت القى شبيهة ويقوم بتلحيمة مع الاطراف للمنظر والقوي وبعد كذ يلحمة بالحديد الي ركب ويخرنم بالنصف اربع فتحات عشلن يركب الهوك الدائري او حق الاند الاسود شفة بكل الجيوب ا لاند والسفاري وتصبغة بلون السيارة او اسود وتركب الهوك ومقطورة النوع الصغير بها كل اغراض البر توانك ومكان للعفش تحصلها عند السنيدي او جيهان شركة للفلاتر
عسى افدتك وهناك هوك جاهز يركب للباثفايندر تحصلة بموضوع الاخ راعي النيسان بموضوعة لضرورة القصوي عاجل جدا بخيمة السيارات المهم الي ركبت كلفني 204 الاربع والخمسين قيمة الحديد وبوية بخاخ بعشرة اريل واحد قعيطي وحول 150 شغل يدة بس لو ماشاء الله اجر تريلة مايتحرك شغلة مضبوط ويتقنة مرة وقبل شوي جايين من حوالي 80كم وفية دباب 100 سي سي حوالي 120كم ورواق 12متر سنيدي وزنة حوالى 18كم وخيمة صعنونة واربع جراكن ماء عشرين لتر واسطوانة غاز وقز وقيمتة القص 1400 ريال شبك مخصص لدبابات لكن حلو لة عندي اسبوعين فقط لكن مالاحظت علية شي اخي احب البر طلعت عن موضوعك ويمكن لم افيدك لكن السلة ماكل واحد يضبطها ولازم اداري بانزلات والجروف وتشغلك لكن القلص هذا حلو وفكة من السيارة مع فيش الانوار ولمبات البريك فقط اقل من 30 ثانية وتركيبة كذا لانة القص او الهوك الي شكلة بيضاوي تسقطة وتقفل علية وتحط خابور الامان وايضا لسلامة اكبر افضل تشبك سلسلة الامان تجي معة
وسلامتك والمعذرة عن الصور لبي اقول لك شي بس لاتعلم احد مكشات لازم صورة تصغرها حتى يحتاج لك مجهر لتراها وليس لدي كمرة رقمية
اخوك مدمن بر

[نمر بن حثلين]

وعليكم السلام ورحمة الله وبركاته

للاسف اخوي ماعندي فكره عن طلبك
ولكني قريت موضوعك الظهر ويوم طلعت العصر ووقفت عند الاشاره واثر قدامي شروكي فيه طلبك على طول تذكرتك وقلت ما بدهاش اطق له صوره بالجوال عل وعسى يزيد الايضاح بموضوعك :)

http://www.mekshat.com/pix/upload/images7/mk7373_hooksh.jpg

[احب البر]

طارق الحربي .. تسلم أناملك اللي كتبت واشكرك على مرورك ..


السالمي .. ياهلا وغلا .. وعلى قولتك السيارة تجي يايات .. اتوقع انه يمكن حلها والله اعلم بتركيب مساعدات اضافية مثلا او حسب مشورة مهندسي الترهيم .

ويعني انا واياك شركاء في الهم .. الا على فكرة انت مافكرت تركب سلة >>>>>>> يبي يوجع راسه .

وما اقول الا الله يبارك لك في الشروكي ويطعمك خيره ويكفيك شره .



الربذي .. أشكرك على شرحك الوافي وباين عليك وسيع صدر وبالك واسع .. وياليت تدعم اقتراحك بالصور لان اخوك ضعيف في الفيزياء :rolleyes: .. وتسلم لمحبك .

نمر بن حثلين .. اكيد انك راعي قنص .. :BUTT1: مبدع في اقتناص الفرص . والف شكر إلك . كفيت ووفيت .




ولازلت المسألة تريد من يقول لها : أنا لها .


.

[رفيع الشان]

أخوي أحب البر (يازين اسمك )

هذي طال عمرك بالسيارات المستورده امس قابلت ولد عمي الا وهوراكب شروكي 2002 قلت ماشاء الله وعالبركه المهم وهو يمدح السياره تذكرت ان فيه واحد يسأل في المنتدى :) وحبيت أعطيك خبر ...

يعني لازم تشتري صدام شروكي مستورد ولا تشوف دبره من هنا ولا هنا


فمان الله

[احب البر]

الله يرفع شأنك في الدنيا والآخرة يااخوي .. واشكرك اني كنت على بالك ومهتم في موضوعي ..

واقول لك بان سيارتي هي مستوردة اقصد استعمال امريكي ومع ذلك لايوجد بها هذا الهوك واتوقع ان الموديلات الحديثة هي فقط اللي يوجد بها .. ومع ذلك اتوقع انه يوجد محترفون يتقنون عمل هذه الافكار . واظن ان الامر سهل ان شاء الله .

[راعي الواير]

أخوي أحب البر

1 - لو تحاول تنسق مع أحد الصالات المتخصصه في إستيراد السيارات الأمريكية وتعرض عليهم أنك تستبدل ربلة الصدام الخلفية الخاصة بسيارتك بإحدى السيارات المماثله لديهم وتحمل الخاصية المطلوبه ماأعتقد أنهم بيخالفون خصوصاً لو تقول بزودكم .

2 - فيه محلين متخصصه في تصليح القلوص عندك المواهب اللي بالصناعية القديمه يقع في شارع العويضه .والمحل الثاني يقع في شمال الرياض طريق الثمامه أول دوار تخش يمين باتجاه الدائري الشمالي يجيك على اليمين قبل مبنى مرور الشمال محل متخصص في صيانة الدبابات الصاحية وماهي بعيدة عنه أنه يساعدك في هالفكرة بحكم موقعه .
محل ثالث ممكن أن عندة خلفية عن هالحركة هذي ورشة ( MY CAR ) شارع العروبه شمال الرياض