المساعد الشخصي الرقمي

مشاهدة النسخة كاملة : سكويا v سوبربان


متعوب عليه
22/03/2010, 10:14 PM
ناوي إذا الله أراد أشتري سيارة تصلح للسفر وللبر على خفيف ومحتار بين سكويا دبل او تاهو طويل دبل و ما استغني عن نصائح اهل ها المنتدى الرائعين .
S4500
22/03/2010, 10:30 PM
انا من ناحيتي افضل اسوبربان لانة معروف من اول لاكن سكويا توة جديد على الدنيا
ما تدري وش مشاكلة و عيوبة لاكن سوبربان معروف من زمان من ناحية الراحة و الفخامة

لاكن نصيحتي سو الاستفتاء افضللك
درب الصحراء
22/03/2010, 11:26 PM
خذلك تاهو ابرك لك فخامة قوة راحة اقل استهلاك للبنزين

ولاتنسى ان العيوب المصنعية كثيرة في سيارات تويوتا الجديدة

وغير هذا السعر مبالغ فيه بشكل كبير

بسعر السكويا تاخذ كاديلاك اسكاليد

والله يعطيك خيره ويكفيك شره
مكشاتي الجزيرة
23/03/2010, 12:39 PM
سيكويا اقصر من السوبربان بكثير واوسع من السوبربان للمقاعد الامامية والخلفلية والصف الثالث فقط يتفوق السوبربان بالشنطة الكبيرة لك السيكويا فيها ليضاشنطه كبيرة تشيل 3 شنط كبيرة وتقدر توسع من الشنطة بطريقة تنويم وسفط المرتبة الثالثه ( حيث تنقسم المرتبه الثالثه الى قسمين قسم يتكون من مقعدين وقسم من مقعد واحد ) فتسطيع تنويم احد القسمين لتوسيع الشنطة انا معي سيكويا ومع الاهل سوبربان اذا نزلت المرتبه الثالثة ذات المقعد الواحد صارت مساحة الشنطة تساوي مساحة شنطة السوبربان تماما...ثم لاتنسى ان السوبربان طويل وصعب القيادة فيه والمناورة وايجاد موقف له بعكس السيكويا تطير فيها وتبتون بين السيارات كنك راكب كامري....
والقرار الاخير لك
رسمال
23/03/2010, 12:50 PM
رغم ان السوبربان والتاهو ربما اكبر حجم لكن نصيحة
هج عن السوبربان والتاهو يكفي مشاكل طرمبة البنزين اللي دوخك ويمكن تعطل انت والأهل وهذا ما حصل لصديق لي قبل اسبوع بالبر قالت هذا مكاني
السيكويا إلى الآن اثبتت انها تويـــــــــــــــــــــــــوتا لك وللزمن
ابوطاقية
23/03/2010, 01:02 PM
ناوي إذا الله أراد أشتري سيارة تصلح للسفر وللبر على خفيف ومحتار بين سكويا دبل او تاهو طويل دبل و ما استغني عن نصائح اهل ها المنتدى الرائعين .



كم سعر اليوكن وكم سعر السكويا ؟
الشنه
23/03/2010, 02:03 PM
سيكويا اقصر
سرور المحيط
23/03/2010, 03:37 PM
خذ سوبربان شفرليت وتوكل على الله
حديد قوي + راحه على الطريق والديره + قوه بالمكينه + أنه مصنوع خصيصا من قبل السكويا للسفر والرحلات وغيرها
وواسع وأيضا سعره جدا مرضي
وهذا رايي وأنت براحتك
وبالتوفيق أخوي
ولد وايل..
23/03/2010, 07:34 PM
انا من رايي انك تأخذ يوكن طويل او تاهو قصير اما التاهو الطويل ((سوبر بان ))شكله ممطووط بالحيل... اليوكن اوذف ان كان طويل....


لاتفكر بالسكويا ولا تقربه تقل بقرة اعوذ بالله ....وسعر مباااالغ فيه ع غير سنع....




.ثم لاتنسى ان السوبربان طويل وصعب القيادة فيه والمناورة وايجاد موقف له بعكس السيكويا تطير فيها وتبتون بين السيارات كنك راكب كامري....
والقرار الاخير لك

عزيزي قد سقت يوكن او تاهو الجيل الجديد ...؟؟

جرب احكم... تحياااتي...
العبله
23/03/2010, 07:38 PM
والله انا اشوف ان الامريكي افضل بكثر ولا فيه مقارنه
والله يكتب لك اللي فيه الخير
المنيعي1
23/03/2010, 07:44 PM
سوكيا شكله غلط بايخة بعدين ماتجي دفرنسين دفع خلفي فقط
خذ يوكن أو أرمادا دفع رباعي اكشخ وأفضل شكل
moooj
23/03/2010, 07:53 PM
استخير قبل كل شيء
واذا بتشتري بناء على رأي الناس ما راح ترتاح
شف وش خاطرك فيه
رأيي الشخصي
السيكويا ما ينعرف خيرها من شرها
السوبر اطول واوسع من السكويا ومعروف خيره من شره
اذا انت راعي عايلة كبيرة وراعي سفريات وحمولة السوبر ما يعلى عليه
السيكويا بصراحة ما شفتها من الداخل لكن حسب تصنيفها فهي من فئة التاهو واليوكن القصير يعني ما عندك شنطة
والمراتب تنسفط في التاهو واليوكن والسيكويا
انا شخصيا سيارتي المبروك الي بالتوقيع مرتاح لها كثير
واذا انتهت مدة صلاحيتها اخذت نفسها موديل جديد
ط
ابو محمد ....
23/03/2010, 07:55 PM
انا أشوف الاكسبديشن اريح وأقوي وأفخم ............لأن شركة فورد نجحت نجاح باهر في السوق
من خلال الفكتوريا على سبيل المثال لا الحصر
ابو محمد ....
23/03/2010, 07:57 PM
سوكيا شكله غلط بايخة بعدين ماتجي دفرنسين دفع خلفي فقط
خذ يوكن أو أرمادا دفع رباعي اكشخ وأفضل شكل
الان نزل 4×4....حسب دعاية جمول
- النشمي -
23/03/2010, 08:11 PM
السوبربان عريق ويعتبر من العادات والتقاليد موتر شعبي ومعروف



اما السيكويا فانحش عنه نحشتك عن الذيب موتر كثيرتن مشاكله وفيه عيوب مصنعيه

واكثر عيوب التويوتا الاخيره كانت في السيكويا والافالون
أبوعذااب707
24/03/2010, 10:05 PM
السوبربان عريق ويعتبر من العادات والتقاليد موتر شعبي ومعروف



اما السيكويا فانحش عنه نحشتك عن الذيب موتر كثيرتن مشاكله وفيه عيوب مصنعيه

واكثر عيوب التويوتا الاخيره كانت في السيكويا والافالون



هل جربت السياره؟؟
السيكويا له سنه عندي وما اشتكيت منه والجمس ما عليه كلام !!
مكشاتي الجزيرة
27/03/2010, 02:29 PM
انا من رايي انك تأخذ يوكن طويل او تاهو قصير اما التاهو الطويل ((سوبر بان ))شكله ممطووط بالحيل... اليوكن اوذف ان كان طويل....


لاتفكر بالسكويا ولا تقربه تقل بقرة اعوذ بالله ....وسعر مباااالغ فيه ع غير سنع....





عزيزي قد سقت يوكن او تاهو الجيل الجديد ...؟؟

جرب احكم... تحياااتي...

عندنا شفر سوبربان 2007 وشفر سوبربان 2009
ويوكون قصير 2009 وبليزر 2008

تحياتي
ولد وايل..
27/03/2010, 03:53 PM
عندنا شفر سوبربان 2007 وشفر سوبربان 2009
ويوكون قصير 2009 وبليزر 2008

تحياتي



طيب قد سقتها ..؟ خخخخخخ << دعاااابه دعاابه...

الله يبارك لك فيهم ..
رفيع المقآم
27/03/2010, 09:25 PM
والله وانا اخوك ان بغيت سكويا تراه ما عليه ممتاز والشفر معروف من اول
عضو مكشاتي
27/03/2010, 10:55 PM
انا انصحك عن طريق تجربتي للسكويا 2010 دبل

المكينه نفس مكينة اللكزس واظن ان المكينه هي اهم شي


الموتر نفس التاندرا الا انه صالون

الي معي اقل فئة مثبت تماتيك عادي

السعر 138000
الحوت798
27/03/2010, 11:04 PM
أقول خذ سوبربان وخل المصخرة
الحوت798
27/03/2010, 11:06 PM
والله سعر السكويا مابلغ فيه
لكن التاهو سعره فيه
مكشاتي الجزيرة
28/03/2010, 10:12 AM
ياجماعه جننا الرجال...شكله الحين خذله هايلكس وصندقه وحط فيه مراتب علشا يرتاح..
هاهاهاهاهاهاهاهاها..............
مكشاتي الجزيرة
28/03/2010, 10:15 AM
طيب قد سقتها ..؟ خخخخخخ << دعاااابه دعاابه...

الله يبارك لك فيهم ..

والله يبارك فيك...
بصراحه لا تقرب البليزر....شيييين ....غير مررريح ابدا.....

بالترتيب الراحه طبعا ...
1- سوبربان 2009
2- سوبربان 2007
3- اليوكون
4-...
5-...
1000 - البليزر
ابوعقل
28/03/2010, 11:26 AM
اذا تبي سوبر شفر هذا هو

لا تتعداه مقاسه 2500

http://www.Pixsup.com/uploads/1e5d0cd58a.jpg (http://www.Pixsup.com)

http://www.Pixsup.com/uploads/63054e2878.jpg (http://www.Pixsup.com)

شف وشلون مرتكز ما همته الحموله

http://www.Pixsup.com/uploads/a1c74bf4d0.jpg (http://www.Pixsup.com)

http://www.Pixsup.com/uploads/97017a0871.jpg (http://www.Pixsup.com)

http://www.Pixsup.com/uploads/58c2b6b365.jpg (http://www.Pixsup.com)

http://www.Pixsup.com/uploads/27e02b34ed.jpg (http://www.Pixsup.com)

http://www.Pixsup.com/uploads/093d9877d8.jpg (http://www.Pixsup.com)

هذي المكينة

http://www.Pixsup.com/uploads/7fac25e97c.jpg (http://www.Pixsup.com)

وقوتها 6000

http://www.Pixsup.com/uploads/163b78c81d.jpg (http://www.Pixsup.com)

هذا التعليق الخلفي سست

http://www.Pixsup.com/uploads/7473b5df4d.jpg (http://www.Pixsup.com)

وهذا الأمامي

والله يكتب اللي فيه الخير

والله يرزقني واحد مثله وانت ان شاء الله
حسين السبيعي
29/03/2010, 05:40 PM
والله انا احب السوبربان سياره لكل شي ولاكن السكويا عجبتني بس الشباب يقولو فيه عيوب مصنعيه جرب السيارتين عن طريق التجير كل وحده يومين وبعدين استخر والله يهديك الى كل خير
أطلال نجد
29/03/2010, 08:55 PM
الله يعينك يا راعي الموضوع
كل واحد له رأي
آخرهم واحد يفتي من رأسه أن السكويا ما تجي دفع رباعي !!
من وين لك هالمعلومة أبي أفهم بس ؟!

أنا من رأيي تبحث في النت عن معلومات شامله ودقيقة عن السيارتين
لا بد تأخذ تقرير كامل ومفصل بعدها تقرر الاختيار الصحيح والمناسب لك ولعائلتك
الله يكتب لك اللي فيه خير .. موفق
N-xterra
30/03/2010, 12:50 PM
مدري بس أحس ان السيكويا بدية خفيف زي باقي التويوتا وبرضوا يوحي لك ان القلبه ماتبيش - من أول حذفة وانت على التندة!!!

الله يستر من السيارت كلها
عبدالرحمن السالم
30/03/2010, 12:57 PM
خذ لك يوكن ياطويل العمر ، موتر ماعليه كلام
وعندك الاكسبدشن وعندك الاكسبلورر ( فورد ) كلهن ممتازات والله

والله يكتب لك مابل الخير
softy
30/03/2010, 01:37 PM
السكويا يمكن اكثر صرف بنزين من الصالون لاكن السكويا اوسع من الداخل

ولا تنسى انة تايوتا ما يتفكك
مزدهر
30/03/2010, 01:42 PM
السكويا ولا تشاور إذا ما أنت مغير عن الإثنين
أما إذا تبي تغير شف الإرمادا أو الباترول 2010
عـبـود 911
30/03/2010, 01:45 PM
السيكويا كان ينزل في امريكا من زمان بس توه ينزل للسوق الخليجي ..
والسوبر ... موتر ما يحتاج اتكلم ما قصرو الشبااب
واذا تبي راي جديد مثل ما قال اخوي عبدالرحمن السالم عندك الاكسبدشن شكل وفخاامة أحسن من الجمس ..

وعليك بالاستخارة قبل لا تتوكل على الله
راعي جيوب
30/03/2010, 02:26 PM
أنا رأي مثل ماقلوا الأخوان أستأجر سكويا وشف إذا جاز لك فالحمد لله لأنه أكيد مجرب الجمس بما أنه عندكم حسب كلامك وعليك بالأستخاره
أبوعلي الجاسر
31/03/2010, 01:53 PM
السلام عليكم

أخوي أنا مافريت ولارد

لكن وأنت مغمض سوبربان مافيه أي مقارنة

السيكويا والسوبربان كله أمريكي يعني من ناحية الخراب يبي يصير كله واحد

لكن السوبربان أكثر إنتشار وأقدم للعلم أن عمر السوبربان من موديلات الخمسينيات

فما فيه وجه للمقارتة مع سيارة عمره سنتين وأول مره تجي بدبل

وبعدين السوبربان من كلام مجرب راحة وإقتصاد بنزين قيادة ممتعة

وبعدين مو صحيح اللي يقولك إن السيكويا أوسع لأن السيكويا المرتبة الثانية تشيل ثلاثة بالمقابل السوبربان يشيل أربع بنفس الوسع أو يكونون متوسعين أكثر بعد وبعدين المساحه الخلفية وين راحت

بعدين مافيه مقارنة من ناحية البدي من أقوى السيارات تماسكاً للبدي بعد المرسدس سيارات جنرال موتورز بلا تايوتا بلا نيسان بلا خرابيط وكلام مجرب

والله يدبر الأصلح
متعوب عليه
01/04/2010, 02:21 PM
صحيح ماخاب من إستشار.....
ممنون كثير جداً من الي أفادوني برئيهم وتجربتهم ولا ألحق جزاهم لأني فعلاً إستفد ، وكلي شكر وعرفان لمن رجح السكويا التي ممكن بعد مدة تجربة أطول تكون هي السيارة الأفضل في منطقتنا ، وانا توكلت على الله وحجزت سوبربان دبل ثمان مسامير من العيسى ..... جعلكم الله من الفائزين بالدنيا والأخرة وجمعنا الله بالجنة كما جمعنا في هذا المنتدى الرائع .
ابوعقل
01/04/2010, 11:43 PM
الله يبارك لك فيه

بس عطنا مواصفاته وكم طلع عليك؟؟
أطلال نجد
02/04/2010, 01:03 AM
مبروك إن شاء الله
والله يعطيك من خيره ويكفيك شره
عاشق الجموس19
03/04/2010, 11:22 PM
اكيد خذلك تاهو افضل واحلى واكشخ
وابعد عن السكويا ابركلك لنو كلو عيوب مصنعيه لاكن اكثر الناس من يوم ماسمعوا كلمة تايوتا قالو السكويا افضل من الجمس لاكنهم مهب بدارين بالعيوب الصناعيه الي فيه بالهبل ومهم بدارين كيف جا السعوديه عندنا
وسبب قدومه الى السعوديه انو فشل في امريكا لاكن تجارنا الله يصلحهم من دون ذكر اسامي قالو خلينا نجرب محنا خسرانين وخش ودر في المواقع الاجنبيه ودور على عيوب السكويا وشوف كلامي صح ولا لا
والجمس يكفيك تاريخو لاكن وكلاء الجمس والشفر عندنا يميشوا الحال في الصيانه يوم وديت موتري جمس يكون 2005 الوكالة رجعلي بحرق في المقعد واسلاك انوار الدعاسه الجانبية طايحة
مكشاتي الجزيرة
05/04/2010, 09:31 AM
اكيد خذلك تاهو افضل واحلى واكشخ
وابعد عن السكويا ابركلك لنو كلو عيوب مصنعيه لاكن اكثر الناس من يوم ماسمعوا كلمة تايوتا قالو السكويا افضل من الجمس لاكنهم مهب بدارين بالعيوب الصناعيه الي فيه بالهبل ومهم بدارين كيف جا السعوديه عندنا
وسبب قدومه الى السعوديه انو فشل في امريكا لاكن تجارنا الله يصلحهم من دون ذكر اسامي قالو خلينا نجرب محنا خسرانين وخش ودر في المواقع الاجنبيه ودور على عيوب السكويا وشوف كلامي صح ولا لا
والجمس يكفيك تاريخو لاكن وكلاء الجمس والشفر عندنا يميشوا الحال في الصيانه يوم وديت موتري جمس يكون 2005 الوكالة رجعلي بحرق في المقعد واسلاك انوار الدعاسه الجانبية طايحة

لا تكون مجرد تردد الكلام الذي تسمعه...
مغلي
12/04/2010, 12:08 AM
اذا انت كاش
فلا تبعد عن اللاندكروزر
.
.
واذا انت نص ونص (في السيوله) فأيضا خذه مستعمل
التيوتا فيك فيك

اما اذا تحب تجرب معنى القراده
فاهلا بك في عالم الجموس والشفرات وخراب الطرمبات


اما السكويا ... انا ماهضمته وشكله غبي .... بس ميزته محركاته (مكينه + قير +دفرنسات) كلها...لكزس
khaled1417
12/04/2010, 10:38 AM
اخي العزيز

اقترح الاطلاع على المقارنة بالرابط التالي وستكون انشاء الله كافية لك

http://www.motortrend.com/roadtests/suvs/112_0804_fullsize_suv_comparison/index.html

الملخص عبارة عن مقارنة بين السيكويا والارمادا والتاهو والاكسبيدشن كمواصفات وكذلك تجربة قيادة

وكانت النتيجة كالتالي:
الاول السيكويا
الثاني الارمادا
الثالث الاكسبيدشن
الرابع التاهو

الموقع لشركة امريكية معروفة
أبوعلي الجاسر
13/04/2010, 03:33 AM
الله يطعمك خيره ويكفيك شره إن شاء الله
ابو عبووودي
13/04/2010, 11:07 AM
خذ اسكويا ولاتفكرويكفي انه تويوتا كد ومد
مكشاتي الجزيرة
14/04/2010, 12:13 PM
السيكويا كل يوم تثبت جدارتها......
gm2009
16/04/2010, 03:08 PM
ابعد عن اسكويا اولا اصلا ما يجي دبل يعني حده ازفلت وثاني شيء صحيح مكينتة 8 سلندر لاكن واحد مجربه ويقول اطبله ما يمشي وغير مشاكل تيوتا الي صايره هاليومين
خذ لك سوبربان او يوكن اكس ال كلهم واحد بس الشكل يختلف وغير فرق السعر والمواصفات كلها لصالح اليوكن والسوبر بان
أطلال نجد
16/04/2010, 03:41 PM
السكويا نزل منها دبل وموجودة بالأسواق من سنة
عطيب الشمال
16/04/2010, 07:52 PM
سكويا دبل

اممممممم

الي اعرفه السكويا ما تجي دبل
الجندي2005
16/04/2010, 10:43 PM
اذا تبي سوبر شفر هذا هو

لا تتعداه مقاسه 2500

http://www.Pixsup.com/uploads/1e5d0cd58a.jpg (http://www.Pixsup.com)

http://www.Pixsup.com/uploads/63054e2878.jpg (http://www.Pixsup.com)

شف وشلون مرتكز ما همته الحموله

http://www.Pixsup.com/uploads/a1c74bf4d0.jpg (http://www.Pixsup.com)

http://www.Pixsup.com/uploads/97017a0871.jpg (http://www.Pixsup.com)

http://www.Pixsup.com/uploads/58c2b6b365.jpg (http://www.Pixsup.com)

http://www.Pixsup.com/uploads/27e02b34ed.jpg (http://www.Pixsup.com)

http://www.Pixsup.com/uploads/093d9877d8.jpg (http://www.Pixsup.com)

هذي المكينة

http://www.Pixsup.com/uploads/7fac25e97c.jpg (http://www.Pixsup.com)

وقوتها 6000

http://www.Pixsup.com/uploads/163b78c81d.jpg (http://www.Pixsup.com)

هذا التعليق الخلفي سست

http://www.Pixsup.com/uploads/7473b5df4d.jpg (http://www.Pixsup.com)

وهذا الأمامي

والله يكتب اللي فيه الخير

والله يرزقني واحد مثله وانت ان شاء الله

هل السيارة بهذه المواصفات توجد عندنا بالسعودية ،،،،،،،،،،،،،،،،،،،،،،،

ثانياً : انظر الصورة الأخيرة غريبة حديد بعضة جديد وبعضة محلى (فيه صدا )