لمرتادي الصمان الربيع الطيب والغدران من برك دغيم وشمال غرب

[المترو]

السلام عليكم ورحمة الله وبركاته
مساكم الله بالخير جميعاً
وبعد العوده من الصمان من رحلة الاربعاء والخميس والجمعه 7-9/1/1425 و بعد التجول بفياضه وغدرانه ولقاء بعض اعضاء مكشات الكرام وهم: العارض والجيب الربع والمرنقط والبركه بقناة مكشات 145775 والتى اصبحت وسيلة تواصل بين اعضاء مكشات بالبر للاستفاده اثناء الرحلات والمكاشيت وتبادل المعلومات عن الارض والربيع وخلافه ..............
واليكم تقرير مبدئي بوقع الارض للمناطق التى مرينا عليها وعموما الربيع الطيب من البخرا وشمال ومن برك دغيم وشمال غرب جميع الفياض الصغيره والتى فيها سدر طيبه جدا وما زالت الغدران موجوده فيها وخاصه طرق السيارات التى تمر بداخل الفياض مليانه ماء والعشب جيد جداً
وممطوره من آخر مطر اللى هو يوم الاثنين الماضي على ما اعتقد ويستمر الى الى طريق حفرالباطن ام الجماجم شمالا

ولكن للاسف لم اتمكن من تنزيل الصور اليوم و سوف الحقها بالموضوع غداً اذا استطعت ان شالله
ولكم اجمل الامنيات والسلام
الرحال2003

يتبع بالصور ان شالله

[صقر]

يعطيك العافية اخوي الرحال2003 على هذا الموجز .

وبانتظار الصور ... وان شاء الله الصمان هذه السنة ربيعه طيب .

بارك الله فيك.

[الجارمن]

الاخ رحال

الحمد الله على السلامة
وترانا بانتظار الصور على احر من الجمر
ولي طلب الاخ رحال لو ماعليك كلافة ياليت تقولنا اسماء الفياض اللي مريت عليها وترتبها على حسب افضل ربيع فيهن :director: :director:

[خشم الحصان]

الاخ الغالي
الرحال2003
السلام عليكم
اخي الغالي وشلونك عساك بخير يابعدهم الله يغفر لنا ولك مشاء الله عليك
متعب مطيتك الله يثيبك امين بس ياخيي البعض مثلي مايعرف (البخرا وشمال ومن برك دغيم وشمال غرب جميع الفياض الصغيره ) يعني ياخلفهم لو زوتنا بالاحداثي الله يجزك عنا بدخول الجنه امين ونكون لك من الشاكرين
عموم علمآ طيب من رجل طيب .
اخوك
خشم الحصان

[نفل]

وعليكم السلام ورحمة الله وبركاته

الحمد لله على السلامة اخوي الرحال

ومشكور على التقرير وعجل علينا بالصور
وانا كنت بالصمان الخميس 8/1 ووصلت حتى الخمة وبصراحة
الربيع ما يسوى العنوة والحلال واجد والمناطق اللي مريتها سبق مريتها
قبل شهر وطول العشب فيها لم يتغير وذلك بسبب الرعي الجائر والبرد
والله يبشرك بخير اخوي وكان عندي نية آصل حتى البخراء لكن بسبب
قلة الربيع في بداية الرحلة لم يشجعني بالاستمرار شمالا واعتقدت ان العشب
هناك لن يكون باحسن حالا من ما رايت والله يبشرك بخير مرة ثانية .

اخوك ابو محمد

[رسلان]

الاخ رحال
الحمد الله على السلامة
وترانا بانتظار الصور على احر من الجمر
ولي طلب الاخ رحال لو ماعليك كلافة ياليت تقولنا اسماء الفياض اللي مريت عليها وترتبها على حسب افضل ربيع فيهن :director: :director:

عافاك الله أخوي ... ونحن بالانتظار ...

[الـ ع ـارض]

كان لي الشرف بلقيا العزيز الرحال 2003 عند برك دغيم

وكل الشكر له على احداثيات الفياض الصغيرة التي اخذناه منه واللتي تقع شمال غرب برك دغيم

وهذي صور لها للاسف ما وصلناها الا قبل المغرب بنصف ساعه ولكن الباقي ان شاء الله تكون موجوده بموضع خاص عن رحتلي مع العزيز الاخ الجيب الربع وانا في انتظار الصور الموجوده عنده لتنزيلها جميعها موضومع خاص

اتمنى المناظر تعجبكم ...


((( صورة موتري اللي بالتوقيع اخذتها له من نفس الفيضه اللي اشار علينا بالتوجه لها الاخ الرحال 2003 )))

http://www.mekshat.com/pix/upload/images7/mk350_IMG_00081.jpg

http://www.mekshat.com/pix/upload/images7/mk350_IMG_00161.jpg

http://www.mekshat.com/pix/upload/images7/mk350_IMG_00171.jpg

[الجيب الربع]

أخي العزيز الرحال 2003

كل الشكر على مساعدتك في احداثيات الفياض واحداثية راعي الغنم وكان بودنا انكم تغديتوا معنا ولكن ما كتبها الله لكن الجايات ان شاء الله أكثر.

سعدنا أخي العارض وأنا والزملاء بلقياكم

لك تحياتي

[سيف السيف1]

بارك الله فيكم رحلة موفقة ياليت ولا عليك أمر أسماء الفياض مع الإحداثيات إن أمكن..

[ريف النشاما]

مشاء الله تبارك الله

نحن في أنتضار الصور

ونشكر العارض على هذه الصور الحلوة

وننتضر الوصف والأحداثيات

تحيتي

[الـ ع ـارض]

هذي احداثيات الفيضة ولكن للاسف ما اعرف اسمها

N 27.08.221
E 046.38.562

[شايب الصمان]

رحله موفقه مبدئيا حتى نشوف الصور ......

الصور الصور ياأبوناصر :hot:

أبوناصر رد على ؟؟؟؟...
=============================
الله يوسع صدوركم بالعافيه

[المترو]

السلام عليكم ورحمة الله وبركاته
اليكم تكملة كشتنا والتى تخللها بعض المواقف واخرها بالامس عندما علقت الكمره اثنا تحميل الصور الى الجهاز وكنت قد كتبت الموضوع وصار بدون صور واوجزته وزعلت وقفلت الجهاز
لكن بالامر خيره ان شالله

رحلتنا بدايتها من الرفيعه شمالا وللمعلوميه انا طبعي ما اقرمن مكان محدد بالرحله لكن اضع احداثية اخر نقطه بالوجهه التى انا متوجه اليها وتكون الرحله تمشي
اول موقف مر بالرحله خوينا راعي التنزاني (الجمس ابو شد تنزاني وهذا سبب تسميته بالتنزاني) تأخر ولم يصل الينا بخبراء البخرا الا الساعه 8 مساءً الاربعاء متأخر 3 ساعات واعذاره غير مقنعه

وهذه صوره غروب يوم الاربعاء بخبرا البخرا والتى بتنا فيها ليلة الخميس وخي جيده الى حد ما ولكن زحمه شوي وفيها مخيم راعي حلال وبالليل يشغل ماطور كهرباء (ازعاج)!!!!



http://www.mekshat.com/pix/upload/images7/mk3016_sunsit999.jpg


وهذه التكيه بأنتظار التنزاني وراعيه


http://www.mekshat.com/pix/upload/images7/mk3016_soman4.jpg


وهذه وصول راعي التنزاني ومرافقه الضحيه ابو خالد الهويات حقت المكيف مفتوحه بوجهه من الرياض الى الصمان وصلنا وهو مريض مزكوم ومصدع وحالته حاله(حسب رواية راعي التنزاني انها ما تقفل ابداً وفوق هذا كله مسوي معرس طالع للصمان بغتره وعقال




http://www.mekshat.com/pix/upload/images7/mk3016_soman1.jpg



وفي صباح الخميس بعد الفطور اللي هو كبدة الهرفي بالنسبه لمجموعتنا اما صباح ابو خالد زكام ولا افطور من الخميه الى غمارة التنزاني

وتوجهنا شمال غرب البخرا وجهه لاننا لم نحدد مكان معين ومرينا بعدة فياض وتقهوينا قهوة الضحى في كم روضه بطريقنا
وهذه صور بعض الفياض والمعذره الاحداثيات غير موجوده معي الان بالجهاز بالسياره



http://www.mekshat.com/pix/upload/images7/mk3016_soman91.jpg



روضه وغدير الموقع حوالي 10 كلم من البخرا



http://www.mekshat.com/pix/upload/images7/mk3016_soman7.jpg



يتبع

[الجروووح]

ما شاء الله .


هذي السنة نجدية .


الربيع ولله الحمد كله مابين الرياض وحائل .

وأنا توني جاااي من الشمال .

الأرض رويانه بس ربيعه مهو خبرنا .

الله يجيب الخير انشاء الله .

تقبلو تحياتي اخواني الأفاضل .

[المترو]

فياض مرينا عليها نظيفه نظيفه جداً ومساحتها ممتازه

http://www.mekshat.com/pix/upload/images7/mk3016_soman95.jpg



http://www.mekshat.com/pix/upload/images7/mk3016_soman96.jpg

http://www.mekshat.com/pix/upload/images7/mk3016_soman98.jpg



وهذه صور فياض متوسطة المساحه ولكن جميله وربيعها طيب ونظيفه


http://www.mekshat.com/pix/upload/images7/mk3016_soman5.jpg













http://www.mekshat.com/pix/upload/images7/mk3016_soman6.jpg


فيضه اخرى


http://www.mekshat.com/pix/upload/images7/mk3016_soman8.jpg


فيضه اخرى كذلك

http://www.mekshat.com/pix/upload/images7/mk3016_soman9.jpg

[المترو]

ومن هذه الفيضه قرر الضحيه ابو خالد العوده الى الرياض لتعبه الشديد ؟؟؟؟؟ وفرقا اهيله الله يخليه لهم !!!
طبعا ومعه التنزاني وسواقه

اما نحن فقد اتجهنا شمال طبعا سياره واحده وامرحنا بهالفيضه الطيبه ولو ان فيها كشاته خيمه واحده وقليل من الازعاج !!!!!!


http://www.mekshat.com/pix/upload/images7/mk3016_soman99.jpg







وفي صباح الجمعه اتجهنا الى طريق العوده الرفيعه الرياض وبالطريق صادفنا عضو مكشات المرنقط ابو عبد الكريم واتجهنا الى محارق للغدا جميعا وله جزيل الشكر للاستجابه للدعوه هو واخوياه وسعدنا بخوتهم

زهذه صورة غدانا بمحارق وهو لللاسف ربيع ولكن نفايات بكل مكان وزحمه شوي ؟؟؟؟!!!!




http://www.mekshat.com/pix/upload/images7/mk3016_soman991.jpg












ولكم اجمل الاماني الرحال2003 ابو ناصر
الردود لاحقا لاني تعبت

[أبو فراس]

السلام عليكم ورحمة الله وبركاته

مشاء الله تبارك الله

مشكور يبو ناصر على الصور

ونشكر العارض على هذه الصور الحلوة

هاه وش صار عليك وافق المدير

او نجي ونتوجه لك عنده كوده يوافق

[الجارمن]

رحلة موفقة يابو ناصر وصور احلى

لكن لاتنسى كتابة احداثيات الفياض

[ملبد]

وقفت عند الصورة الخامسة بردك يابو ناصر .. وبقدر ماكانت تحمل من جمال وأخبار تسر عن الأمطار اللي أصابت تلك المناطق بقدر ماتحمل من ( مغثة ) جراء بقايا ( مخلفات ) من سبقكم من الكشاتة ( بح الصوت وماعاد ينفع كثر الحكي ).. :mad:
الجميل بموضوعك أن تزويدنا بالأخبار كان شغلك الشاغل بمجرد عودتك من الرحلة وأوفيت بعدها بالصور.. :good:
------
تعال ( جاء دور النقادة ).. :p
اللحين حسبت رحلاتك ولاحظت إنك من قبل العيد ماتقر من النفود لحرة الحرة للصمان .. لايكون مجلعد بناصر بكل هالرحلات .. ( الله يعين وزارة الداخلية عليك .. ياشاعر ) ;)
ايضا تعال ..
الصور مالحقتها الموضوع إلا بعد رد ( شايب الصمان ) :mad: .. ماتقول لي وش هالسحر بالعود اللي يخليك تلبي أمرة بمجرد ماطلب الصور مباشرة .. او على شانه ( شايب الصمان ) :j

[المهاجرxp]

عوافي يا بعدهم كلهم ما قصرت

[الاصم نجد]

الله يعطيك العااااافيه

[عروان]

الحمد لله على السلامة يا بو ناصر.

رحلة موفقة, علمنا بعلوم المطر اللي هطل الاسبوع الماضي على الصمان, وين أولة من غرب, و وش كثرة؟؟


أطيب تحية

[عبدالعزيز الدباسي]

الحمد لله على السلامة يا ابو ناصر . وما شاء الله عليكم ما غير طردي بهالبران .

والحقيقة اني كنت بهاك المناطق بنفس التاريخ ، ويمكن اني مريت على نفس الفياض اللي انت مريت عليها ،، وخصوصاً الفياض الصغار (النظيفية ) اللي حول البخراء ،،،،

وما ادري يالغالي انت مريت خبراء الروثية ،،، الحقيقة ان ربيعها طيب ،،، ولكن يعيبها ((........)) وللاسف اصبحت ظاهرة سيئة ومنتشرة وخصوصاً هالسنة ،،، ما ادري وش السبب (( اكيد انك عرفت وش المقصد ( القذارة - الوساخة - بقايا الذبايح - بقايا الاطعمة )

نرجع للرحلتك ،،،،، الغريبه فيها ،،،، انه كذلك سوينا غدانا يوم الجمعة بشعيب محارق الشمالي :bounce:

شفت اني اذا بغيت احط عيني على احد ،،،، الحقه وين ما يروح :director:

[الدلمي]

الحمد لله على السلامة أولاً
ويعطيك العافية على الصور الزينه

[ربيق]

http://www.mekshat.com/pix/upload/images7/mk3016_soman91.jpg
.
الللللللللللله ما شاء الله
.
http://www.mekshat.com/pix/upload/images7/mk3016_sunsit999.jpg
.
ما شاء الله
صورة الغروب روعة ومن أجمل الصور اللي رأيتها في حياتي
.
مجهود تشكر عليه
ورحلة موفقة
.
وننتظر جديدكم

[خيال الغلبا]

روعه الله يعطيك العافيه

[المترو]

السلام عليكم ورحمة الله وبركاته
صقر مشرفنا الغالي
هلابك وتشرف الموضوع بمروركم الكريم عليه وموضوع الربيع الطيب عقب ربيع السنه الماضيه ما كل ربيع يملاء عيون زوار الصمان لكن فيه الخير والبركه ولك الشكر

الجارمن خيي الحبيب
هلا وغلا ومرحب فيك يا ابو نواف وعندك الصور ولو انها جأت متأخره نظراً لتعطل الجهاز والكمره مره وحده مع بعض شيء غريب
واما الاحداثيات للاسف انا كل مامريت على احداثيه ضغطت مارك وحط لها رقم وحفظها وطلع عندي حوسه ارقام ولا ادري اي وحده الفيضه المقصوده والزينه ولا ودي اوهق احد بأحداثيه غلط وغير متأكد منها 100%
واما احسن ربيع الفياض فهو من البخراء وشمال ودغيم وشمال غرب كل الفياض طيبه بالحيل وممطوره من اخر مطره الاسبوع الماضي
لك الشكر لمرورك

عمي خشم الحصان
يا عمي الله يحفظك وسعدت بمرورك وموضوع الاحداثيات نفس الكلام اللي قلته للجارمن عندي انحاست الاحداثيات ارقام بدون اسما والمشكله ان فيه احداثيات بأرقام حولها ما ينصح فيها والوصف بسيط توجه شمال من البخرا وابد تجيك الفياض الزينه بعد 10 كم قدامك وان كانك جاي من دغيم توجه شمال غرب وتجي قدامك وتسلم ولك الشكر

العزيز نفل
هلابك يابو محمد وسعدت بمرورك ولا تدقق بالصور الدعوى طقها والحقها
وللاسف لو انك تقدمت الى ان تعديت البخراء تزين الارض والفياض افضل من منطقة الخمه واللي حولها الى ان تصل كما ذكر احد الاخوان الحصبيات لكن المره الجايه ابو محمد .. وربيع العام اعمانا عن ربيع هالسنه طمعنا بمثله وازود وعند الله خير كثير
الحبيب رسلان
هلابك وبمرورك ومثل ما ذكرت للاخوان فيما يخص الاحداثيات والاسما ء
العارض حفظك الله ورعاك
ونحن تشرفنا بلقاكم الميمون ولو انه على عجل ولكن الجايات اكثر ان شالله وشكرا على اادراج الصور ولو ان جمالها غطى على صوري لاني كان عندي مشكله بالكمره والجهاز والحال واحد وانت مكان الروح


الجيب الربع
هلا بك ومرحبا
المعذره على قصر اللقاء ولكن خيرها بغيرها ولك مني اجمل الامنيات وصحبك الكرام

ابو فارس
هلا بك ومرحبا مليون وحفظك الله ورعاك وشكراً لمرورك وكما ذكرت فيما يخص الاحداثيات والاسماء للاخوان الشكر لك

ريف النشاما
هلا بك ومرحبا يالله انه تحييه وصف الفياض شمال البخرا وانت موجه شمال ؟؟
كما ذكرا للاخوان نو احداثيه نو اسم زدنا شرفا بمروكم الكريم وامل ان الفياض عجبتك ولك مني السلام

شايب الصمان
اجل تقول ((((رحله موفقه مبدئيا حتى نشوف الصور ......) طيب واذا ماشفت الصور يا الذهين بتصير ماهي موفقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هلابك وانا تأخرت عشان اخذ بحقي وانت تحترق لك شوي على الجميرات
لا عا د ما تستاهل يا ابو عبد الله ومرحبا فيه ويا هلا وغلا وشفت بعض الناس يقولون وش معنى ما نزلت الصور الى ان طلبها شايب الصمان والله الغيره شينه نسيوا انك المحامي الخاص
امل انها عجبتك الصور وان تغير الدعوه الى التوفيق وسلام من القلب

الجروووح
وعليك السلام ورحمة الله وبركاته
والحمد لله على السلامه من الشمال
بس الله يهديك لو انك ما طمرت بين الصور كان يا حليك ؟؟ امزح حياك ومرحبا بك بمكشات

ابو فراس
هلا وغلا ويالله ان تحييه يا بعدي امل ان الصور حازت على رضاك يا خلفهم ولك اجمل الاماني والى لقاء قريب الموضوع الى الآن محفوض بالدرج !!!!! لكن الامل موجود


الجارمن
مره اخرى اقول وراك نطيت لي مره اخرى يا خوي ماعندي احداثيات خذها من العارض او الجيب الربع لاني اعطيتهم ايها بوقتها امزح يا ابو نواف وشكراً للاطراء الجميل على الصور مع انها طقها والحقها وسعدت انها اعجبتك سلامي

ايه جينا للي يبيلنا تعديل بجلستنا ونبحلق عشان نشوف وينهو ملبن لنا فيه

ملبد
هلا هلا هلا هلا وغلا ويا والله الساعه المباركه انك مريت من هنيا على موضوعنا المتواضع !!
وموضوع الصوره الخامسه الله المستعان ولكن هونها وتهون وهبايب وشموس قيض نجد كفيله بشيل ما ذكرت وتطهير الارض من مخلفات البشر اول لبده خلصنا منها !!

الثانيه شغلي الشاغل هو بسبب محبتي لاهل البر وعشاقه الكرام مثلكم وشرواكم جميعا يا اهل مكشات اللبده الثانيه خلصنا منها !!!!!!!

الثالثه اذكر الله يا رجال ويقول المثل الصيني التيواني (البر بريره والغثا بالديره )
وموضوع الغليم ناصر لا لا تخاف منيوم تبداء الدراسه نو كشته نو روحات وكذلك البركه بالدوري الاسباني والله ماادري وش الباقي اللي منشغل فيه متابعات
اما موضوع الداخليه قاضين من هالموضوع منذو مبطي بالحيل وكله يا عم بالتفاهم ؟؟؟ اللبده الثالثه قضينا منها وكانت جنب اكبر رمثه يالله تشوفها

الرابعه لا ابد تأمر امر انت والباقين بس حظه هو ان رده جاء قبل تنزيل الصور مباشره وكلكم على العين والراس وحماته داعية له ؟؟؟ هذا ماهي لبده هاذي درج بين الرمث الحمدلله خلصنا هلابك مره اخرى وزي العسل على القلب تعليقاتك ولبداتك الجميله يا ملبد مكشات

مهاجر الرس
وعليكم السلام ورحمة الله وبركاته الله يعافيك

الاصم نجد
وعليكم السلام وانت كذلك شكرا لمرورك


عروان
هلا وغلا ومرحبا بك وشلونك عساك بخير تشرف الموضوع بمروركم الكريم
وعلوم المطر من البخراء الى ان وصلت قبل الحصبيات كل الارض ممطوره مطر طيب الفياض جميعا فيها غدران كما لاحظت بالصور وهو المطر الله العالم اللي جاء يوم الاثنين او هو الثلاثاء وكلمت احد الاصدقاء كان متوجه الى حفرالباطن عن طريق خط البطيحانيه يقول اشوف المناقع وانا على الخط يمين ويسار الخط وهو ما نزل من الازفلت والنفود جايها رش مطر بسيط حول خب الرضم وخب النوم بالدهنا ء
وامل ان الصور نالت على رضاك

شقردي
مرحبا وسهلا وهلا وش هالطله الجميله علينا وعلى الموضوع المتواضع نورت الموضوع والله يا شقردي مكشات
وبعدين يا خوي ما ودك تذكر الله اذكر الله يامل الغنيمه !!!!!
ومن البخرا وشمال فعلا هي افضل الفياض من حيث النظافه العشب والغدران وكل ما رحت شمال
وموضوع انك كنت هناك هاذي يبيلها اللتفاته طيب وينك عن 145775 على الاقل نسلم ونلتقي لتبادل المعلومات المكشاتيه وقع الارض والربيع وغيره واعطيكم احداثيات هرافا للبيع ؟؟؟؟؟؟؟؟؟؟؟على ضفاف الفياض كما حصل مع الجيب الربع والعارض والمرنقط وغيرهم كثير ولكن خل نقول المرات الجايه عشانك سوبر مشرف ؟؟؟؟؟
وفيضة الوثيه اعتقد اني مريتها بس فعلا اول ماشفت الشكل المحزن خليت سيرها عدل الله الهادي هونها وتهون وشموس وهبايب قيض نجد كفيل بتطهيرها للسنه الجايه ؟؟

وموضوع غداكم بمحارق بالعافيه وفعلا هو يعتبر استراحة محارب للي جاي من الصمان والمره الجايه سوى ان شالله ونتشرف بلقاكم الكريم وموضوع حطت العين ابركها من ساعه الحق ونوقف لك بعد وتلقا علوم تسرك بس انت إلحق وورنا وجهك وتسلم ولك جزيل الشكر

الدلمي
الله يسلمك وشكراًُ لمرورك على الموضوع واطرائك الحسن على الصور المتواضعه لك الشكر

ربيق
هلا بك ومرحبا والساعه المباركه انه ا سعدك الموضوع وتشرفنا بأعجابك بالصور ولك السسلام الكثير واجمل الاماني

خيال الغلبا
هلا بك وشكرا لمرورك على الموضوع وتسلم يا غالي
الرحال2003

ملاحظه: فيه خمس صور لم اتمكن من ادراجها بالموضوع وكذالك صار فيه خربطه صاحبت هذا الموضوع ولم يخرج الموضوع كما كنت مخطط له