المساعد الشخصي الرقمي

مشاهدة النسخة كاملة : يالربع الحقوني .. وش اشري موتر ؟!!


فوزان
19/02/2005, 03:06 PM
السلام عليكم ورحمة الله وبركاته ..

يالربع بغيت منكم النصح والمشورة ، وطالب فزعتكم لاهنتم ..

انا بأشري موتر ، ولا أدري وش أشري ؟؟!!

الخيارات اللي أمامي :

1 - هايلكس ( دفرنس ) .
2 - هايكس (دفرنسين) .
3 - هايللكس ( دفرنسين ) ديزل ..



اللي له تجربة والا يعرف احد سبق وجرب هالمواتر .. لا يقصر علينا بالرد .. لا هنتوا ..




فــــوزان ..
Bader-M
19/02/2005, 03:40 PM
الاختيار الثاني
هو الجيد

ولكن

وش رايك اعطيك اقتراح رابع

وهو
ايسوزو ماكس

ديزل تربو و 4*4

ولك مني كل محبه وتقدير
السالمي
19/02/2005, 05:17 PM
نعم الاقتراح ياطاير بالعجه

واذا عودة للهلكس عليك بالبانزين

لانك بتاخذ غمارتين لو غماره تهون

لان الغماره اقوى عزم واخف من الغمارتين
الربذي
19/02/2005, 05:27 PM
ارى اسيزو
ديزل 25 ريال تمشيك حوالى 500كم وشكل حلو وذف لكن الهايلكس لاغبار عليها لكن مرتفعة مرة مرة بالحيل تقول هذا مايعرف حاجة اسمها اسفلت
طارق الحربي
19/02/2005, 09:59 PM
الدفرنسين القير طالع من تحت اقل ضربه يخرب عليك
اسيزو 4x4
20/02/2005, 02:10 AM
انا انصحك ياخوي فوزان بالاسيزو اسال مجرب

والهايلوكس زي ماقال اخوي طارق الحربي الدفرنشين نازل قيرها
راعي المقانيص
20/02/2005, 04:54 AM
أخوي فوزان الحاير بين المواتر
اذا عندك دراهم غير الشاص لاتدور
واذا ماسكه على الهايلوكس انا بغيت اشتريه في رمضان عام 1425هـ ونصحوني عنه ناس ان قيره يفرط ونصحوني بالأيسيزو دفرنسين
وخربتها وطلعت باترول تقسيط
اخوك / راعي المقانيص
راعي الفزعه
20/02/2005, 01:24 PM
الاخ فوزان : عليك بالنيسان غمارتين دبل تراه قوي وعزمه 160 حصان (بخاخ) وسعره الجديد مناسب ومجرب وقوي وقطع غياره رخيصة ....
فوزان
20/02/2005, 10:13 PM
الحين أقول باركولي ..

بعد النظر في ردود (( الشقردية )) .. تم إقرار ما يلي :

شراء هايلوكس 2004 خليجي ،،


صح ان خطوطه ما تخارج على قولة أهل الجنوب !!

لكن مد يدك على قد لحافك .. :(


ردودكم أيها كانت محل اهتمام من سماحتي ، لكن شاورت واحد من العيال فرط القير معه مرتين ،
وبعد تحقيق معه اتضح ان الرجل ، ما عنده الا تفجير نمر ، وتنتيف ،


أسأل الله أن يفجّر قلوبنا ..


























بالإيمان !!








ملاحظة : تراي وانا اكتب المقال مبسووووووووووووط !! يعني العذر والسموحة على الفلسفة ..
اسيزو 4x4
21/02/2005, 01:35 AM
على البركه ماشاء الله يطعمك الله من خيرها ويكفيك شرها شرنا عليك الشور الطيب بس مكتوب لك وبالبركة انشاء الله
راعي المقانيص
21/02/2005, 02:02 AM
الف مبروك اخوي فوزان والله يعطيك خيره ويكفيك شره ( وتقطعه بالعافيه ) وجعله الله من المواتر الصالحه دوم
المطلق
21/02/2005, 03:17 PM
أخوي فوزان

نصيحة مني لك

اشتر اسيزو دفرنسين 4*4 (2004) أو (2005)

بنزيم

ترى قيمتها زي الهايلكس
طارق الحربي
21/02/2005, 03:21 PM
مبروك الف الف مبروك

ونعم الراي

الله يعطيك خيره ويكفيك شره
ظلال الشمس
22/02/2005, 12:54 AM
اييه ياحبك لعبد اللطيف جميل يا فوزان
" محفوفه "