المساعد الشخصي الرقمي

مشاهدة النسخة كاملة : وش المساعدات الزينة للباثفندر ؟ + مشكلة


أبوناصر
19/02/2005, 04:52 PM
المشكلة عندي طقه قوية أسمعها في الخلف وكل مرة يزداد الصوت

الصوت عبارة عن طقه حديد في حديد ويطلع مع تقويمت الموتر أو وأنا أطعس

مدري هل أحد مرت عليه المشكلة

===============


بالنسبة للمساعدات بغيت مساعدات تركب وتكون قوية تحد من نزول السيارة في حال التحميل
الربذي
19/02/2005, 05:18 PM
اخي ابو ناصر يمدحون اليايات الاسترالية انا نفس المشكلة تنزل لكن فية موضوع يمكن يفيدك
http://www.mekshat.com/vb/showthread.php?s=&threadid=8892
كحيلان البدراني
19/02/2005, 07:21 PM
الطقة طال عمرك من المقصات الخلفية غير الجلب هي ثمان الوحدة ب40 ريال غير اللي خربانة
توي مغيرها أنا


والباقي بعدين ابعلمك انا مشغول
ابو ســــاره
19/02/2005, 10:20 PM
الطقة تحس انها قريبه منك مره بل هي تحتك بالضبط !
ادخل تحت الموتر وشف مواصير الشكمان فيه وحده تحت الراكب والثانية تحت السواق الي تحت السواق عادة يكون ضغط الهوى عليها اكبر وتلقاها تطق في شيال القير على تحت تضرب .
اخوي الاسود انت تتكلم عن جلب المقصات وكانها متوفرة عند نيسان انا لي ثلاثة اشهر وانا رايح جاي للوكالة واخر شي اظطريت اني اشري مقصات كامله من الربل حسبي الله عليها من وكالة (( تيسان )) وما كان في السيارة صوت من الربل بس فيه رجه مع الخطوط الطويله .
كحيلان البدراني
20/02/2005, 12:29 AM
هلا أبو سارة
بالنسبة للمشكلة اللي ذكرتها صحيحة وحصلت لي وطفشت منها وآخر شيء شريت وصلة شكمان سيارة ثانية (الوصلة الأخيرة عند المكينة) وخليت ابو يمن يلحمها ويرفعها واجد والحمد لله الأمور ماشية
اما مشكلة ابو ناصر فهي مثل ماذكرت حتى لو يتأكد من الشكمان ويطقه بيده بيوضح له
لكن اللي ذكره يجي مع تقويمة الموتر واذا عطاه نمرة وشب عليه وهذا من المقصات الخلفية (الرباطات)
وهذي المشكلة حاصلة لي واليوم شريت الجلب (لي اسبوعين اروح للوكالة ويقولون مافيه ) مالقيتها الا في محل واحد من بد الرياض كله ووصفه عندي (الله الله بالسعي) وانا متأكد من كلامي
ابو سارة تقصد انت المقصات الأمامية...؟

عموما قريبا ابنزل موضوع كامل عن الباثفندر وكل مايخصه ....
ابو ســــاره
21/02/2005, 12:04 AM
اخوي ابو ناصر انصحك بالمساعدات الاستراليه خذها من الرماية مركبها من سنوات وما اشتكت من شي .
هلا اخوي الاشهب اووو اسف قصدي الاسود لا االي اتكلم عنها المقصات الخلفية وما فيه شي في الخرندر الا خرب معي وصلحته باغلا الاثمان وعساي القى القطعه بعد واي شي تبيه في هالموتر اسئل وتأكد راح اقولك غيرته وقد خرب واظاهر اني دفعت كثر قيمته قطع غيار.
وين لقيت الربلات انا ما خليت محل لا شبيب ولا الماضي ولا كل الوكالات حتى اني فكيت المقص ودرت به على المخارط ابي احد يرهملي محله اي ربله وما وصلت نتيجه واخدت جوز المقصات بــ 600 ريال الله يخلف .
هاوي نفود
21/02/2005, 12:22 AM
أخوي أبو سارة

حلة قولتك
النيسان تيسان <====== واحد لقى له فرصه للتشمت

عموماً حبينا نشارك بالموضوع ولو بتنكيت ثقيل
كحيلان البدراني
21/02/2005, 01:24 PM
ابو سارة دورت الربلات في الصناعية القديمة كله (الماضي وشبيب و...الخ ) ولا لقيت
ودورت في كل فروع الوكالة
ودودرت في ام الحمام ولا لقيت
صدفة قاعد اسأل عن قطعة في صناعية ام الحمام عند محل يجي قبل الحمراني ( خل مسجد الكلباني على يسارك ورح شرق ) وداخل شوي سألته عن الربلات فاعطانياهن الوحدة ب40 وركبتهن ولا حس ولا خبر , طلع وكالة
الجنوبي
22/02/2005, 08:01 PM
الاخوه الا فاضل
ابو ناصر
الا سود
ابو ساره
الربذي
بالنسبه للطقه الخلفيه للباث فايندر غير يايات استرالي وانس الموضوع
المشكله في الطقطقه الا ماميه كل يوم بزياده بموتري؟
هل ضروري تغيير المساعد بالكامل؟
وتأ ثيرها على المقصات في حالت التأخر؟؟؟؟؟
والله يخا رجنا من عمنا الحمراني.............ارجو الا فاده من خبراء الباث....................الجنوبي
أبوناصر
23/02/2005, 01:46 PM
مشكور لك الاخوان على التفاعل الجميل حول الموضوع

فعلا الربلات الخلفية فيها مشكلة والآن هي في الورشة تحت التغيير وبشوف النتائج

أما المساعدات لقيت مساعد فيه ثلاث طقات قوي ووسط وثقيل عن السبيت في الصناعية ويقول الشايب إن كل من خذها يمدحها من أهل الباث

بقي ليه الرلات تقطع أصلا هل المشكلة إن المساعدات ما تشيل الموتر صح فيكون عليها الحمل

ولا طريقة السواقة من رجال لثاني

ولا وش السبب يا اخوان

بالنسبة للمساعدات الاستراليه بكم وين موجوده ؟
بن يحيى
25/02/2005, 05:06 PM
السلام عليكم
يا شباب انا طفشت من شركة نيسان في مسئلة قطع الغيار عندي بثفاندر وكل ما اسئل عن قطع بسيطه غاليه ولا انتظر يطلبونها من اليابان ويش الحل ولا اخلاق الوكالة جداً جداً تجاريه يعني تشتري السيارة من عندهم يشيلونك فوق راسهم واذا تمت البيعه ورحت تسوي صيانه عند الجبر والله ولا يعبرونك وينظرلك انك دخيل او بيتفضلون عليك انهم يكشفون على السياره مع انك دافع لهم دراهم ويش الحل مع الوكاله هذي وصارت لي قصه ان الجنوط الاربعه انسرقت علي رحت اسئل عن سعر الجنوط نيسان 2002 بثفاندر قيمة الجنط ب3900 من غير الكفر وطلبيه بعد. اتصلت على الامارات احد وكلاء نيسان لقيت سعر الجنوط الاربعه 4500ما هو الحل مع هذه الوكاله؟