وش رايكم ياجماعه اشتري فورتشنر 6سلندر او هايلكس 4x4 طبعا قير عادي

[abdo]

وش رايكم ياجماعه فورتشنر 6سلندر او هايلكس 4x4 طبعا قير عادي
والله انا محتار من ناحية القوة والصبر والمميزات العيوب رايكم يهمني وراي مالكه يهمني اكثر
ولــــــــــــــــــــــــــــــــــــــكـــــــــ ـــــــــــــــــم مني اطــــــــــــيــــــــــب تــــــــــحــــــيــــــــــــة

[ذيب زلفاوي]

اكيد الفرتشنر اقوى مكينه من الهايلوكس واريح وفيه دفلوك
اما الهايلوكس تقريبا فيه قساوه ومكينه 4 سلندر
( الجيب لا يقارن بالهايوكس )
وش رايك بالفتك افضل واقوى منهم كلهم

[ابوحمد1992]

هلابك اخوي
والله كلها ممتازه عن تجربه انكانك راحي تحميل وشيل في البر خذ لك هايلكس نشيط وحلو وعملي
اما انكانك منتب راعي تحميل ولاشيل خذلك الفوتشنر

[لاتكب البيالة]

اتوقع ما بينهن فرق كبير فرق بالسعر وهذا طبيعي الجيب اغلى وفرق بالنشاط وكلهن نشاطه ممتاز
يعني تبي جيب خذ فورنشر تبي ونيت خذ هايلكس
اما اذا بغيت شي يجمع بين سعر الهايلوكس ومواصفات الفورنشر وانشط منهن كلهن خذ اكستيرا

[الشنه]

اكيد الفرتشنر اقوى مكينه من الهايلوكس واريح وفيه دفلوك
اما الهايلوكس تقريبا فيه قساوه ومكينه 4 سلندر
( الجيب لا يقارن بالهايوكس )

[فيصل التميمي]

مثل ماقال الاخوان الهايلكس ميزة التحميل والجيب اريح وشخصة

[قاهر التضاريس]

السلام عليكم
والله اخوي انصحك وبقوة خذ فورتشنر 6 سلندر عادي ولا تشاور
اسال مجرب ولا تسأل طبيب
من ناحية القوه مافي مقارنه بينه وبين الهايلوكس
ومن ناحية الراحه برضو
والله يوفقك لكل خير

[ابويعقوب4]

وانا اخوك الهايلكس افضل من ناحيتي لان الهايلكس خراباته رخيص لو بتصلحها وقطع غياره رخيص هذا مضمون وصندوق تحمل عليه اما الجيب فورتشنر صراحه شكله ماهو معجبني ولا اعرف عنه كثير

[معهم]

(قالوا حيرة قال خيرة)

[ناصر الدهمشي]

على حسب استخدامك

اذا كانت سيارتك الوحيدة فالنصيحة بالفورتشنر 6 سلندر تصلح سيارة عائلية وسفر وبر من حيث الشكل <-=- عاجبتني هالكلمة

اما اذا كان عندك غيرها فالهايلكوس تصلح للبر وللتحميل وللكشتات لكنها ماتصلح عائلية وللديرة

من حيث الشكل <-=- حلوه

يعني استخير وانا اخوك

وان شاء الله بالجيب احسن :)

[شبح الصحراء]

اكيد الفرتشنر اقوى مكينه من الهايلوكس واريح وفيه دفلوك
اما الهايلوكس تقريبا فيه قساوه ومكينه 4 سلندر
( الجيب لا يقارن بالهايوكس )
إلا يقارن ، انا كان معي هايلوكس دفرنسين والحين معاي جيب ستة سلندر ، الأماكن اللي اقدر آصلها بالجيب أقدر آصلها بالهايلوكس يعني نفس الشي بس الفرق اني بالهايلوكس آصل مكاني محمل عفشي والماء والخيمة وكل اللي يطيب خاطري بعكس الجيب يالله اغراض طلعة خفافية والمشكلة لو معاك ناس تحتار وين تحط عفشهم ، ولولا حاجتي ما بعت ذيك الهايلوكس .
عليك بالهايلوكس يا bdo كانك راعي مكاشيت كثيرة تراها بتطيب خاطرك .

[SRAAAB]

انا يالنسبة لي :
أفضل الهايلوكس من ناحية القوة والتحميل وكل شي
وشكرا على الموضوع

[N-xterra]

وش رايكم ياجماعه فورتشنر 6سلندر او هايلكس 4x4 طبعا قير عادي
والله انا محتار من ناحية القوة والصبر والمميزات العيوب رايكم يهمني وراي مالكه يهمني اكثر
ولــــــــــــــــــــــــــــــــــــــكـــــــــ ـــــــــــــــــم مني اطــــــــــــيــــــــــب تــــــــــحــــــيــــــــــــة

أنا جربت الإثنين وكلهن بالبر ظعيفات والهايلوكس أظعف من الفورتشنر ال 6 سلندر طبعا بحكم اختلاف المكينة

خذ إكستيرا عطية الله هجين بين الإثنين - سست ورا ويجي منه خليجي أوف رود تاخذه من الرستماني في دبي ب 112 ألف ( ما عليه جمارك ) فيه كل مواصفات الفورتشنر
دفلوك - مثبت سرعة - 6 سيددي - تلفون - بلوتوث - آيوكس - كشافات ظباب - شبك جنوط - دعاسات - وأهم شي مراتبة تسدحها تصير متساوية تفرش فراشك وتصكها نومه لو أنت وعيالك يكفيكم!!!

وفيه والله النشاط اللي ما يحتاج تعديل (أقوى من جيب اللكزس أبو 570 والإف جي)
وعليه تعليق وكالة من نيسان نيسمو وبالراحة هو والفورتشنر زي بعض مع انه سست!!

موتر طرب الطرب خفيف نفس في البر وقوي على الخط والأهم انه حديد في حديد مو بلاستك كوري

وان كانك ملزم على التايوت خذ الفورتشنر على الأقل أخف من الهايلكس بس أنصحك تسمع اللي ذكرت لك وتجرب على الأقل قبل تشتري

الله يسوقك للي فيه لك خير قبل كل شي