من يصدق vxr 2010 ماشي 168 الف كيلو

[ابوطاقية]

السلام عليكم
واحد عارض VXR 2010 للبيع ويقول انه ماشي 168 الف كيلو متر
هل يعقل يمديه مشاها بالمده القصيره

رابط الموتر (http://www.haraj.com.sa/1172488/للبيع_جيب_في_اكس_ار_2010VX_R_بريمي/)

[(ابو عبدالله)]

هذا اهل في الدودمي وكل يوم يدوم بالخشم العان

[العودالازرق]

والله شكله ما طفاها من يوم شراها

[Nawaf alrawaily]

ليش لا

نعم ممشاة صحيح و هذا شيء عادي

لأن ممكن تاريخ صنع السيارة في شهر مارس من عام 2009 على انه موديل 2010 وبهذة الطريقة يكون موديله 2010 ولكن صار له أكثر من سنه وهو يمشيء عليه وبإمكانك الرجوع إلى تاريخ صنع السيارة عن طريق باب السائق والتأكد منه .
تحياتي
عشق وجنون

[Magellan]

انا شفت الرابط وشفت الردود
وواحد منهم علق وحسب المعدل اليومي ووصل إلى 1000 كلم
والصراحة الموضوع فيه مبالغة الا اذا كان الموتر يتناوب عليه اكثر من شخص وعلى طول شغال ممكن
وانا ضد الكلام ان الموتر يضره المشي
إلا يضره ويقصر من عمره
لأن فيه استهلاك كبير للمكينة والقير والاجزاء المكنيكية كما يضره طول الوقفة والتخزين السيء

[ابومناحي]

اعوذه
ياخوك شكل عنده حلال بالربع الخالى وكل يوم يروحلها
والا متزوج اربع حريم وحده بالشمال وحده بالجنوب وحده بالشرق وحده بالغرب

[أرض الحجاز]

شكله شغل مكده

على رقم تكسي من الرياض إلى خميس مشيط والرياض جدة والرياض الدمام


وهكذا بالتناوب


أعرف ناس هذي شغلتهم على حسب الأووووف


كسب رزق الله يرزقنا ولا يبلانا بالمكدة

[أطلال نجد]

الله ما شفناه بالعين عرفناه بالعقل
ياخوي صدقني هذا شكله ماشي 16.800
ترى فيه ناس كثيرره ما تعرف تقرأ العداد لا تستغرب

[أطلال نجد]

الظاهر أني استعجلت ورديت قبل ما أفتح الرابط

كل شي جايز
ووالله أنه أبن حلال وأجودي
لو كان من أصحاب الذمم الرخيصة نزل العداد والبيعة مضمونة سلام سلام
أخو الجديد

[ذيب زلفاوي]

شكله شغل مكده

على رقم تكسي من الرياض إلى خميس مشيط والرياض جدة والرياض الدمام


وهكذا بالتناوب


أعرف ناس هذي شغلتهم على حسب الأووووف


كسب رزق الله يرزقنا ولا يبلانا بالمكدة
ههههههههههههههه يكد على فكس ار
اقول الرجال يقول انه مغير الكفرات يعني من جده ماشي 165 الف
الوالد عنده 2010 حتى اللون الازرق الي على الكتابه ماراح

[ابوطاقية]

هذا اهل في الدودمي وكل يوم يدوم بالخشم العان

الدوادمي الي خشم العان اقل من 1000 كيل
حياك الله


والله شكله ما طفاها من يوم شراها

شكل يناوبون على الموتر اكثر من واحد




ليش لا



نعم ممشاة صحيح و هذا شيء عادي


لأن ممكن تاريخ صنع السيارة في شهر مارس من عام 2009 على انه موديل 2010 وبهذة الطريقة يكون موديله 2010 ولكن صار له أكثر من سنه وهو يمشيء عليه وبإمكانك الرجوع إلى تاريخ صنع السيارة عن طريق باب السائق والتأكد منه .
تحياتي

عشق وجنون



ياخي حتي لو للموتر سنه من تاريخ صنعه مستحيل الواحد يمشي 168 الف بسنه

انا شفت الرابط وشفت الردود
وواحد منهم علق وحسب المعدل اليومي ووصل إلى 1000 كلم
والصراحة الموضوع فيه مبالغة الا اذا كان الموتر يتناوب عليه اكثر من شخص وعلى طول شغال ممكن
وانا ضد الكلام ان الموتر يضره المشي
إلا يضره ويقصر من عمره
لأن فيه استهلاك كبير للمكينة والقير والاجزاء المكنيكية كما يضره طول الوقفة والتخزين السيء

صدقت اخي العزيز
كثر الممشي يقلل من عمر محركات السياره


اعوذه
ياخوك شكل عنده حلال بالربع الخالى وكل يوم يروحلها
والا متزوج اربع حريم وحده بالشمال وحده بالجنوب وحده بالشرق وحده بالغرب

:D



شكله شغل مكده

على رقم تكسي من الرياض إلى خميس مشيط والرياض جدة والرياض الدمام


وهكذا بالتناوب


أعرف ناس هذي شغلتهم على حسب الأووووف


كسب رزق الله يرزقنا ولا يبلانا بالمكدة

كل شي جايز


الظاهر أني استعجلت ورديت قبل ما أفتح الرابط

كل شي جايز
ووالله أنه أبن حلال وأجودي
لو كان من أصحاب الذمم الرخيصة نزل العداد والبيعة مضمونة سلام سلام
أخو الجديد

صدقت الرجال راعي ذمه وضمير


ههههههههههههههه يكد على فكس ار
اقول الرجال يقول انه مغير الكفرات يعني من جده ماشي 165 الف
الوالد عنده 2010 حتى اللون الازرق الي على الكتابه ماراح

الله يخليلك الوالد ويباركله بسيارته
يمكن بعد 7 سنوات يوصل ممشي جيب الوالد 168 الف

[بو خليفه]

بسبب رخص وزهد الوقود سعره 0.45 هللة

انا عندي جيب خلال السنة لا يقطع مسافة 5000 خمسة كيلو بسبب ارتفاع الوقود والمحرك ديزل سعر اللتر 3.5 ريال بما يعادل فقط الخروج للصيد و استخدام قليل جداً

[فيصل التميمي]

العداد 167000 الف (مئه وست وخمسون الف ) قابلةللزيادة


يالربع اتوقع ان الرجال غلط في كتابة الرقم او ان الموضوع في كل منتدى يزود الف كيلو
كاتب الموضوع يقول 168 الف كيلو متر
وصاحب السيارة يقول 167 الف كيلو متر
والرقم كتابة 156 الف كيلو متر

[ريثان القصيم]

اللي يبغى يشوف الاعلان للتأكد بعد اذن الاداره على الرابط

ولو تلاحظون ذاكر رقم العداد بدون كلمة كلم او كيلومتر اترك لكم التاكد

http://www.haraj.com.sa/1172488/%D9%84%D9%84%D8%A8%D9%8A%D8%B9_%D8%AC%D9%8A%D8%A8_ %D9%81%D9%8A_%D8%A7%D9%83%D8%B3_%D8%A7%D8%B1_2010V X_R_%D8%A8%D8%B1%D9%8A%D9%85%D9%8A/

________________________________________

تحياتي وتقديري

ريثان القصيم

[hightech]

العداد 167000 الف (مئه وست وخمسون الف ) قابلةللزيادة

اللي فوق كلام الرجال وطالع العداد بالرقم ومابين القوسين كتابه طبعا واضح

الاختلاف واتوقع والله اعلم ان الرجال غلطان بالرقم واقرب شي 67000 والرجال

زود رقم واحد بس برضه لييييييييييييييييييييييييييييييييييييييييييييه !!!

والروايه الثانيه يمكن الرجال كثير سفرات لمكه وجده بالاسبوع اقل شي مرتين

يعني 4 الاف كيلو بالاسبوع يعني باالشهر 16000 الف كيلو واذا قلنا 2010

نزل قبل 6 شهور يصير 96000 وهذا اسؤ احتمال....

الموضوع فيه لغز ياجماعه والرجال باين من ردوده انه صادق .

الله يهديك يابوطاقيه اشغلنتا الله لايشغلنا الا بطاعته

[sultan911]

واااااو مسكينه السياره
الصراحه هو يقول
ومركب لها طقم اربع كفرات جديدة
باسمي من الوكالة من شهر 10/1430
يعني في 6 شهور مشى كذا يمكن مركب عليه دينمو كهربا للبيت ومخليه شغال على طول الله اعلم

[رفيع المقآم]

اوووما ذا في اكس ار ولا تاكسي

[رفيع المقآم]

اوووما ذا في اكس ار ولا تاكسي

[رفيع المقآم]

اوووما ذا في اكس ار ولا تاكسي

[دليله]

معي كرولا 2007 ماشيه فوق 250 الف وافيه يد مسكتها غيري ولا عندي شفل دوري برا الديره.." الرجال ماعرضه الى انه يبي يبيعه وان بغيت تتاكد من الممشى والمديل رح شف الموتر..

[ابورايف]

غير صحيح
تقبل مروري

[HA22]

ليه وشفيه هالممشى
يعني معدل في الست اشهور يكون ممشه 28 الف في الشهر عادي
يمكن الرجال راعي معدات ومقاولات ولا يحب السفر بالطيران

[(((.ابوتميم .))))]

الظاهر ان الموتر ما يطفى ابدا
حتى وهو واقف تلاقيه مرفع على بلك ومخليه يمشي
اقول
جعلي ماني موتر في يده
احس ان موتره يقول اعتقني تكفااا

[def409]

يمكن صادق الرجال الله اعلم

[ابن عكاش]

بصراحه إذا الممشى صحيح فهذي دعايه للتايوتا والمفخرة بشكل خاص شي مهوب سهل استخدام على طول وممشى خيالي

[AlMo7TaReF]

الظاهر ان الموتر ما يطفى ابدا
حتى وهو واقف تلاقيه مرفع على بلك ومخليه يمشي
اقول
جعلي ماني موتر في يده
احس ان موتره يقول اعتقني تكفااا

خخخخخخخخخخخخخخخخخخخخخخخخخخخخخخخخ اطلق رد :D

[روقي]

طيب يمكن عنده بضاعه يودي ويجيب

بعدين الموتر يقول صاحبه ان فيه ترميل في الوجهيه

[ديرتي نجد 999]

ياخوان ما فيه شي مستحيل

سيارتي جيب 97 مشى في 9 اشهر 73 ثلاثة وسبعون الف كيلوا

وهو ممل مع الخط ومتعب لكن الظروف اجبرتني اني اقضي لزومي عليه

فما بالك 2010 ماشاءالله عليه (( انا أقول طبيعي جداُ)

[بن سليمان]

الرجال صاحب الموتر ذكر انه عنده ظروف هي اللي خلته يمشي الممشى
هذا رد من ردود صاحب الجيب


الي ماهو بمصدق لا يصدق وهذا رقم جوالي للي يبي يشوف السيارة ومستعد اوريه السيارة
وبعدين يا اعليان السويد لاتكذب الياجيل ال اذا معك شي بين واحترم نفسك عندك كلام زي الرياجيل ولا لاتعلق
وانت ماتعرف ظروفي عشان تكذبني لو انك تعرفني كان قلت انها شوية بعد
وسيارة بدي ومحركات لا مخوش ولا حكات 100% وكالة بس فيه ترميل بسيط في وجة السيارة


والمشرف قبل 17 يوم طلب بصورة للعداد


السلام ،،

نآمل من المعلن وفي اسرع وقت تنزيل صور لقراءة العداد حتى تتضح الصورة ،



مشرف الموقع


أنا استغرب ليش صاحب الموتر ما وضح سبب الممشى وارتاح بدل من التشكيك فيه

[شروركي 111]

والله انكم فاضين تحللون كم مشى وليه كثير وش عنده ظروف

[سعد الاحمد]

يا ناس دعو الخلق للخالق ...

وش عليكم منه .. ان شاء الله يمشي موتره مليون ..

من خلال كلامه وردوده انه صاااادق ..

اللي معجبه الموتر يشتريه واللي مو مصدق ولا هو عاجبه ممشى الموتر لا يشتري ... وانتهت المشكله ..

الحين عرفت اسباب التجمهر والتجمعات والزحمات عند حوادث السيارات .. لاننا شعب ملقووووووف للأسف الشديد .. الا من رحم ربي ...

[قرم العيال]

لا يمكن يمشي هالمشي ابدا .

[سعد777]

هههه ولا زاد وصل الممشى 170 الف هههع

[مسفر الاكلبي]

اذا صدق صاحب الموتر بالنسبه للعداد قبلاشك الموتر يتناوب عليه شخصين واكيد يمسك خطوط طويله

بدليل الترميل في واجهة السياره

[صياد القويعيه]

كذاااااااااااااااااااااااااااااااااااااااااااااااا اااااااااااااااااااااااااااااااااااااااااااب

[محمد-الرس]

هو شكله يتردد يوميا من طريف الى جيزان.....التاكسي ما يمشي الممشى ذا

[ابوطاقية]

الرجال يمكن عنده ضروف قاهره

[moooj]

شكله تكسي في عزبة بنقالية

[- أبو سالم -]

لا يمكن يمشي هالمشي ابدا .

ياخي ليه لايمكن يمشي هالممشى .
الرجال واضح من ردودة انة صادق وقال عندي ضروف .
و واضح ان الرجال صاحب ذمة وضمير ليه يكذب الناس تفصل العداد علشان إذا باعة على انه ماشي قليل لكن هالرجال ما فصل العداد وقال الصدق .

[- أبو سالم -]

كذاااااااااااااااااااااااااااااااااااااااااااااااا اااااااااااااااااااااااااااااااااااااااااااب

اول شئ يا إنك تصير رجال و ترد زي الرياجيل او انك تسد فمك ولا ترد وترى ردك يدل على انك كذاااااااااااااااااااااااااااااااااااب و تحسب كل الرجال مثلك.

[- أبو سالم -]

شكله تكسي في عزبة بنقالية
معليش لكن ثاني مرة لا ترد إلا اذا صرت رجال يا ...... كمل الباقي .

[ساحووق]

يا ناس دعو الخلق للخالق ...

وش عليكم منه .. ان شاء الله يمشي موتره مليون ..

من خلال كلامه وردوده انه صاااادق ..

اللي معجبه الموتر يشتريه واللي مو مصدق ولا هو عاجبه ممشى الموتر لا يشتري ... وانتهت المشكله ..

الحين عرفت اسباب التجمهر والتجمعات والزحمات عند حوادث السيارات .. لاننا شعب ملقووووووف للأسف الشديد .. الا من رحم ربي ...


كلامك ينحط على الجرح ويبرى ياسعد

ناس ملاقيف صدق

[أبوراشد]

طيب واللي موديل 2007 وماشي 20 ألف ومامعه غير السيارة وش تقول عنه ؟!!!
المشكلة أغلب الناس طاحوا بفصل العداد وهذي المصيبه
ولا تقدر تعرف الصادق من الكاذب
والمشتري ياخذ اللي مامشى لو عرف انه مفصول ولا يشتري اللي عداده حقيقي

,,,

[بخيت الدوسري]

ليش ماتصدقون أنا أعرف واحد من الشباب شاريله ربع تويوتا خلال سنه ونصف الموتر مشى حوالي 180000 كلم
وأيضاً واحد من الشباب شاريله كامري 2007 ماكملت سنة إلا وماشيه قرابة 130000كلم نظراً لسفرياته الكثيرة
ليش اروح بعيد وعندي مثال لشخص قريب مني ولد خالى شراله كامري 2005 وخلال ثلاث سنوات مشت السيارة قرابة 500000 كلم وخبطت المكينة ووداها لتويوتا وغيرلها مكينة ومشى عليها 70000 خلال ثمانية شهور وباعاها

فلماذا نكذب هذا الاخ
عن نفسي أنا مصدق هالاخ ممكن اهله في ديرة وهو في ديرة ويداوم كل يوم

[أبوالمثنى]

انا اشك صراحه

والدليل الموضوع حذف من موقع حراج

[محمدين عتريس]

السياره على ما اعتقد تنقل معلمات لمسافة 400 كلم ذهاب و400 عوده

الله اعلم

انا شفت الاعلان ومتاكد والرجال اكد الممشى وكتب العداد كتابه وليس رقم

[كاشت...]

شكله ما طفى أبد
من يد واحد لواااحد


لا يوقف لااااااااااااايوقف :)

[faris2006]

انا عندي دادسون موديل 2003م
نقلوني عملي للجبيل جلسة سنة وثلاثة اشهر
كل اسبوع بالرياض غير اني ساكن بالدمام
يعني كل يوم اداوم من الدمام الى الجبيل
وكل اسبوع اسافر للرياض
طبعا من الدمام الى الجبيل تقريبا 65الى 70كلم لو قلنا 65*5=325كلم هذا في الاسبوع 325*4=1300 هذا في الشهر 1300*12=15600 هذا في السنة
من الدمام الى الرياض تقريبا 380كلم واذا كان من الرياض الدمام 380*4=1520كلم هذا في الشهر 1520*12=18240كلم هذا في السنة
اذا جمعنها 15600+18240=33840
هذا من غير المشاوير من داخل وخارج الدمام( طبعا المشاور للعمل)
مرتين اذهب الى الجنوب من ثم الى مكة الى الرياض
اكثر ماعجبني كفرات الي صبرت على المشاوير

[rigidman]

يعني معدل ممشاه اليومي 809 كيلو متر

الله يرزقه والمسلمين من واسع فضله

[عذب الروح]

حقيقتاً شيء محير

وأنا عن نفسي مصدق الرجال

لأن ليس له مصلحة بالكذب

وبالعكس الله يجزاه خير دنياء وأخرة ويوسع له في قبرة

لأنه مافصل العداد وباعة على هالمسلمين وقال ممشاه 30 ألف ولا أحد يشك أنه مشى الممشى الحقيقي له(170,000)

تحيتي