حر تام

[حطام]

سلام عليكم يالربع...

ندخل بالموضوع دغري :)


انا مرسول من واحد يبي يسأل عن قيمت طيره بالسوق

المهم مالكم بالطويله...الطير حر تام وعلى مااذكر قالي يمكن قرانس 10 او9 والله مااذكر زين..معلم على حباري وارانب وكراوين وقماري وطيور واجد غيرها...

بس مشكلته الوحيده ان الرجال كبر بالسن وترك المقانيص به مده طويله والطير عنده بالاسر بسبب محبته له :r

ياليت اللي عنده خبره بكم يسوى على حالته الراهنه وتراه بعد معروض للبيع

دمتم بود:l

[صقار الأسياح]

اخوي وش لون ريشته وسبقه وعلومه الباقيه وعلى الوصف اللي قلت بحدود 5000 ريال

[قناص الهمله]

يفيدونك الاخووان

[حطام]

اخوي الطير مافيه كلام ابد من جميع النواحي ...وللعلم مشتراه وهو وحش 33الف



فمان الله

[صاحب نوماس]

ياليت تحط صور لة ومقاسات الطير وتوافينا بعلومة الكاملة


وهل صاد والا بس تعلوم طول هالسنين

[الف999]

قرناس عاشر ومعلم على حباري
والسنين لى فاتت نايم هههههههههههه

[حطام]

ارحب صاحب نوماس...ودري والله انزل صورته لاكن الرجال والطير بديره وانا بديره ثانيه...


وبالنسبه لمقاسه والله ماعندي علم ...الطير صاد وصيده يروع مهي تعلوم...

وعلى كلام الربع عندي يقولون بعد كل سنه من مقياضه يذكره بالتلواح بس ...والله اعلم..

[المغتر الهداد]

السلام عليكم اخوي عمره 10-9 سنوات ومعلم على حباره يعني ماشافه صعبه انصحك تقص اعلومه عدل وتعطينا الريشه ويش والمثايل

[حطام]

رقم دوريات ارحب...انا يمكن خاني التعبير بوصف الطير او ماتوفقت بنقل كلام صاحبه لاني مااعرف كثير بالطيور ...لاكن اوضحلك الصوره باسلوب ثاني...الطير مهوب زي اي طير يخلونه موسمين متتاليه بدون قنص والموسم اللي بعده يقنصونبه بتذكيره بشي قليل من ماتعلمه ...وصيده يسر الناضر يمدحونه..

[حطام]

لا اله الا الله كلامي اشوف انه واضح يالربع....رجاءا لاعاد احد يسأل

[معطاب 1]

يامرحبابك اخوك /الطير وش نوعه يعني فارسي ولا باكستاني ولا جرودي الخ
وكم مقاسه والله لايهينك الصوره عشان نعطيك قيمته انشاءالله
اخوك /معطاب

[هولاكو2008]

الله يوفقك راعي الطير بالقيمة الطيبه

[رفحاوي 999]

الله يعينك على الردود

الطير على كلامك شرط الصيد 5600 الى 7500

لان الطير كبير شوي ومارح تستفيد منة الا موسم او ثلاث مواسم

وبعدها يبدا يتردى النظر وطيار الطير ولاكن مو شرط انه يتردى بعض الطير وصلت

الى 20 سنة وماشاء الله طلع وركادة وصيد

والله يوفقك ويرزقك بالنادر

[ألحر العراقي]

الله يوفقك راعي الطير

[حطام]

رفحاوي ارحب ....مشكور على المرور والاضافه العطر

كلامك صحيح وبمحله....ان شاء الله عن قريب راح انزل صورله بموضوع آخر

مشكورين جميعا على المرور"" دمتم بود

[الفياض***]

الله يوفقكم