كم تحط في ضغط الكفرات في الأرض الوعرة وصعود الجبال ؟؟

[صدى الحادي]

بسم الله الرحمن الرحيم ..

السلام عليكم ورحمة الله وبركاته ..

حياكم الله جميع ..

ودي يا شباب كل واحد يدلي برايه هنا عن ضغط الكفرات .. كم يناسب في الأراضي الوعرة الصخرية وفي صعود الجبال ..

طبعاً المقصد جبال نجد .. أما جبال الحجاز فغالب حجارتها ملساء .. يعني أمرها أهون في الزلق وهالأمور ..

الحقيقة كنت في منطقة الشعيب يم ملهم والقرينة .. ورقيت لي طلعة في جبل ((جادة قديمة )) والموتر يزلق عند النزول فقلت يمكن لكون للكقرات تأثير في هذا ..

لكن اللي محرصني على الموضوع أن فيه جاة في شعيب من الشعبان قديبمة مرة وأبي أسلكها لكنها وعرة فيها حجارة ما هي بكبيرة مرة لكنها وعرة يعني السيارة يالله تمشي فيها بسرعة 10 كم .. فخفت "أني إذا مشيتها تأثر على الكفرات أو تشقها أو تخليها تحبل (( تصعرر )) ناس يقولون زد ضغط الكفرات لا صرت بتمشي بشويش ولا يمك المطناج وناس يقولون نسم وادعس ..

أبي رايكم يا جماعة في مثل هالظروف ..

وتعرفون ردمية الكهرب اللي بعد شوية حقت أم المصران وعرة مرة .. يعني مثلها وش تقترحون كم يكون في ضغط الكفرات .. وهل تؤيد السرعة في حالة وعورة الجادة أم المشي بالهون .. وهل تؤيد السرعة في المطناج أو المشي بالهون ..


رايكم يهني يا جماعة ..

ومنكم نستفيد ..

والسلام عليكم ورحمة الله وبركاته ..

[بدوي جنوبي]

اللى اعرفه اذا كان الطريق جبلى وكله صخور
الافضل يكون ضغط الكفرات المعدل الطبيعي المعروف
من 30 الى 40

والافضل استخدام الدبل الثقيل فى مثل هذه الطرق
اذا كان الطريق فيه صعود ونزول

لحماية نفسك وحماية المحرك والقير

بالتوفيق

[ريان2002]

بالنسبه لي والكفر بارد يكون على 37 وفي عز الظهر بالصيف يوصل إلى 42 بالكثير وطريق دوامي فيه صخور وحرات 30 كيلو رايح جاي يومياً والكفر يجلس معي أكثر من سنتين السيارة يوكون 2002 والكفرات دنلوب 275-70-16 وسلامتك

[البرتقالي]

اذا كنت بوجم يعني حصى تقل سكاكين لا تزيد الهواء عن 25
يا أما يزحلقها الكفر يمين والا يسار والا يمتص صدمتها بليونته
خذ بكلامي واعتبرني جويهل لو طلع غلط ;)

[- النشمي -]

الاسفلت ضغط الكفر الموصى به من الشركه

بالنسبه للطرق الوعره فهي نوعين
1- الطرق الوعره الصخريه والجبال
الضغط المناسب يكون ثلثين الضغط الموصى به من الشركه

2- الطرق الرمليه (النفود ) والطرق الطينيه ( الوحول والصبخات )
الضغط المناسب يكون ثلث الضغط الموصى به من الشركه



يعني اذا ضغط الكفر الموصى به 40

الطرق الصخريه 26.6

الطرق الرمليه والطينيه 13.3



القاعده هذي تريح الموتر وتريحك بالطرق الوعره

[رفيع المقآم]

الله يجزاكم بالخير

[فيصل التميمي]

انا اعبي الكفرات عندي 30 في الزفلت والوعر ام النفود 15

[صدى الحادي]

جزاكم الله خير يا شباب .. منكم نستفيد ..

بس اللي يبدو لي :

1- في المطناج والردميات اللي خربت من كثر المشي عليها الأفضل التنسيم يعني تقريبا 20

2- الراضي الصخرية أو اللي فيها حصى متوسط يعني ما هو بكبير ولا صغير مرة مثل الحصبا يعنتي حجمها مثلا كبر البرتقالة إلى حجم البطيخ .. أظن أن الأفضل فيها زيادة ضغط الكفرات إلى 40 مع المشي بهدوء وبطء .. لأن الكفر في ظني لو كان منسم فأظنه أسهل أنه ينشق من مثل تلك الحجارة .. ولا أنا واهم ؟؟

.. منكم نستفيد

[satam1389]

انا اعبي الكفرات عندي 30 في الزفلت والوعر ام النفود 15

[أبوعبدالمحسن]

والله على حسب الكفرات عندك البالون سيام تاير وماكسس بالوعر الحره على مسئوليتي لايتعدى 25 ضغط الهوء
الدلوب من 30 إلى 35 لأنه يكرش مع الجوانب
وإذا كان الكفرات مستهلك أزجرها وماجاء عندي

[def409]

اشوف اغلب الناس وكمان الوكاله يعبون 35

[رياح الشرق1]

اذا الارض وعره وكلها سربيط (حجر سكاكين)35 وفوق لان الكفر يحجر ويطرزلك الحجر كيلو عنه ولا يضر الكفر بشي اما اذا كان با العشرينات يسردلك الكفر با النص عا نينا كثير منها ومن يوم زجرنا الكفرات خفت السالفه ذي بكثير

[ذيب ادقس]

بقولك اسأل مجرب ولا تسأل طبيب

بالنسبه للمناطق الجبليه من الافضل ان يكون تعبأت الكفر - 25 الى 30

[BATH 2003]

من ناحيتي انا

في المناطق الجبلية 30
و الرمل 17

[Ra3i.mekshat]

انا اعتقد ان 15 في الطعوس ازين شيء
اما في الجبال فالافضل انك تحجر الكفرات يعني تقريبا 40


اخوكم : فتى الخوالد

[غسان]

أخوي عن تجربة في البطناج نقصها عشره تمشي مرتاح وإذا غرزت نقصها للأخر تطلع السيارة لوحدها 0ويكون معاك كمبروسر تنفخها بعد ماتخرج من الرمل0اما عن الصخور ماعندي علم