المساعد الشخصي الرقمي

مشاهدة النسخة كاملة : جنوط GXR,VXR من وكالة عبداللطيف جميل صينية (غش علني)


ابوعروب
20/02/2005, 12:38 PM
نعم جميع جنوط VXRوGXR من وكيله عبداللطيف جميل مغشوشة وهي جنوط صينية رديئة الصنع وتسبب ارتجاج قوي للسيارة 0 هل يعقل ان تشتري سيرة بهذة القيمة وتكون الجنوط صينية ورديئة الصنع 0اين ؟ هيئة المواصفات والمقاييس عن هذاء النصب والغش الكبير 0فقط ختم واستكر واسم وليسى لهم اي قيمة والعملية مصالح للوكلاء و من يتوارى خلفهم من اصحاب النفوذ 0 واكثر شي عندنا الهيئات الفاشلة واخرها هيئة سوق المال ‍‍‍‍‍‍0 ‍‍‍‍‍‍‍ يجب ان يرفع على عبداللطيف جميل شكوى جماعية وتشوية سمعة الشركة شركة النصب 0
* الخطيب *
20/02/2005, 01:42 PM
أخي / أبو عروب

معي vxr 2003 رقم 2 سعودي
وجنوطه أصلية عليها ختم بلد الصنع حفر ولم أعاني من رجات .والحمد لله ، والجنط مقاس 17 ،والمسجل أصلي والاكسسوارات كذلك باستثناء الدعامة النيكل فوق الصدام الأمامي فهي صينية .
أما الــ gxr فمعي أحد الزملاء بالعمل فعلا وجد ماذكرته جزاك الله خيرا من أن الجنوط تسبب رجات بالموتر . وكذلك المسجل صيني وبعض الاكسسوارات كذلك ، وشكاوي هو والوكالة حتى استطاع ترجيعه واسترداد القيمة مع خسارة سبعة آلاف بعد جهد جهيد .

فعلا المسألة تريد حماية مستهلك صح !
aziz2727
20/02/2005, 01:52 PM
انا معي GX-R مديل 2004 والغريب ان جنوط الخليجي يجي مقاس 17 وعبداللطيف مقاس 16 !!!!! وحسيت انها مهيب اصلي من اكواع الجنوط شكله مسويه اي كلام .. بس اليحين وش الحل ؟؟؟؟ نشتكي والا كيف ؟؟؟
SilverSniper
20/02/2005, 09:32 PM
الأخ العزيز أبوعروب....
أشكر لك اثارة الموضوع... جميع الجنوط التي تدخل للمملكة مفحوصة ومختبرة ومطابقة للمواصفات السعودية والأمريكية .. ولكن تتفاوت في هذا التطابق.. فبعضها مطابق بجدارة والبعض الآخر كما يقولون على الحفة.. ولكن كلها مطابقة للمواصفات السعودية..
بالنسبة لسيارات تويوتا.. الجنوط المستخدمة يابانية الصنع وذات جودة عالية وهذا ما رأيته في مختبر المعادن.. ولكن ما أراه في المعرض شيء.. وما أراه في الارسالية شيء آخر.. وهذا يدل على تحايل عبداللطيف جميل حتى على الأنظمة الحكومية كذلك.. وللأسف.. لا سلطة لنا عليه.. لأنه يستخدم جنوط صينية مطابقة للمواصفات السعودية مع أن مطابقتها على الحفة ولكنها تعتبر نظامية.. وللتاجر الحق في التصرف في بضاعته نظاميا كيفما يشاء..صحيح أنه غش وخداع ولكن لا سلطة لنا عليه.. :mad:...على العموم... لي عودة بعد التثبت من بعض الأمور المتعلقة بالموضوع وأخذ بعض المعلومات من مختبر المعادن ومختبر السيارات..
ابوصالح91
20/02/2005, 10:01 PM
الصراحه موضوع غش عبد اللطيف جميل ما ينسكت عليه
شف الهايلكس السعودي القير مهب اصلي والدليل1كل يومين اوثلا ث تلقا واحدطايح قيره
2لقمةالريوس للخليجيه بدون قررررره سواءا واقف او مدحدر بخلاف السعودي
ابوعروب
21/02/2005, 12:22 AM
اخواني الاعزاء ما ذكرتة شاهدتة بعيني واعتراف من وكالة تايوتا نفس العاملين فيها يقولون ان الجنوط صينية !!! ومكتوب عليهاء !!! والدليل حينما يحدث اي رجة في السيارة و تذهب الى تايوتا وهي تحت الضمان يدخلون السيارة ويفيدونك انها تحتاج الى ترصيص فقط !!! حتى لا ينفضحو ويشتكيهم صاحب السيارة0 !!! البضاعة مضروبة اصبحنا في سوريا ههههه
أخو شما
21/02/2005, 01:30 AM
اعذروني بس عبداللطيف جميل ما يلمس اللكزس بجميع أنواعه والvxr أما ال gxr وباقي السيارات فخذ غشا وتجميعا
الوالد معه vxr 2 موديل 2003 من عبداللطيف جميل مثل الاخ طويلب علم جاي كلش أصلي وكلش شد بلد
وأنا معي هايلكس فل glx جاي من اليابان بدون مكيف ولا مراتب ولا مسجل ولا جنوط
ومركب مكيفهم ومراتبهم وجنوطهم في جدة
والمسجل تدري انه تسذب شكله ما يركب على السيارة من داخل مثل الجي اكس ار 2003 وتحت
وعشان يسكتنا حاط حساسات ونور يتحرك و فيبر أسود بالصندوق





تشتكي والا ما تشتكي ما عندك أحد
اسيزو 4x4
21/02/2005, 01:31 AM
والله انة نصاب كبير كلن يشتكي بس وش السواة
مامعك الا عبد اللطيف الله لا يوفقه......
ابوعروب
21/02/2005, 11:39 PM
وازيدكم من الشعربيت ان مسجل بايونير الي في GXR ماليزي 0 والجناح الخلفي صيني ‍‍‍ 0 الله لا يوفقهم لو تشتري بقيمتة 5 جيوب كورية احسن من الصناعة الصينية
السالمي
21/02/2005, 11:53 PM
لبيه يالشروكي والنيسان

مايعروفن السوالف ذي

كلش اصلي من وكالته

حتى دبله دفرنس ماغيرو فيه شي

ان غيرو تلقاهم يطورون فقط
ابو شكاع
22/02/2005, 12:54 AM
ولو اثر الأمور مدبرة

فعلا شي يقهررر

الله لايوفق كل من يغش المسلمين
ابوهاجوس
22/02/2005, 05:37 PM
حسبنا الله ونعم الوكيل
مالك بن الريب
22/02/2005, 10:14 PM
عليكم بالنيسان طويل العمر مايعرف الغش بس عيبه شفاط لقاط للبنزين وقطع غياره نيراااااااااااااااااااااان
قصيمي دب سريع
22/02/2005, 10:36 PM
وحشتون
رحت لقيت جنوطي مرصصه
وموتري فكس ار رفم 2 خليجي
شاريه ب150 الف ريال
بس مو انا الي فاكه
عموما كل جنط فيه مع الجنب يمكن 3 حروف بارزه بس مادري وشو ومالقيت كتبة مديان يابان
اغيرهن والا لا
تراي شكاك
بن عدوان
22/02/2005, 11:02 PM
أنا شريت موتري اللي بالصورة تحت جديد من الوكالة .. وهو نوع GXR-J المطور موديل 2004

ولكن بدأت الاكسسوارات اللي ركبها عبدللطيف جميل على شكل السيارة تظهر مساوئها ..فمثلا :

الأنوار الأمامية .. : لما غسلت السيارة أول مرة بعد ما طلعتها من الوكاله .. دخل فيها الماء .. وأصبحت قطرات الماء داخل الأنوار ..ثم رجعت للوكالة وقالوا أنهم غيروها ..ولما رجعت مرة أخرى وغسلتها بالمغسلة .. دخل الماء في الأنوار مرة أخرى .. وأعدتها لهم عند فحص العشرة ألاف كيلوا .. وغيروها .. والحمد لله لم يدخلها ماء إلى الأن .

الصدام الأمام : يصدر صرير أثناء المطبات .. بل وعند ركلك له بالقدم بشكل خفيف .. وأعدتها للوكاله وتم تنزيل ربلة الصدام الأمامي وإعادة تركبه مرة أخرى .. وذهب الصوت ..ولله الحمد ..

الشكمان : وضع عبدللطيف جميل شكمانين لهذا الموديل ..وياليته مافعل .. فأنا راجعت الوكاله ثلاث مرات .. بسبب أصوات الصرصرة الصادرة من احتكاك الشكامين بالبدي !! كأنك راكب هايلكس موديل 70 .. وإبشركم .. إلى الآن ما انحلت المشكلة .. وأخرها قال لي مسئول الصيانة : هذه الاكسسوارات هشه .. وضعيفه ...

ربلة الصدام الخلفية : ضعيفة جدا .. جدا .. وأول ما يلامس الرمل أثناء التطعيس .. راح يقوس .. وينتفخ ويصبح كأنه به ورم سرطاني خبيث !!! دفع الله البلاء عنا وعنكم ..

هذا اللي طلع لي في هالموتر اللي تشوفونه .. وهو ما مشى إلا 14000 كم فقط .. والله يستر من الخافي ..

واللي عنده مثل هالموديل راح يعرف كلامي ..
وسلامتكم ..

أخوكم بن عدوان
ناصح
23/02/2005, 10:26 AM
انا اشتريت gxr 2002
جديد من الوكالة

كله تلفيق الصدام والخطوط والديكور والمسجل والحساسات والكشافات كلها صينية والخافي اعظم

لكن اول ما تغير عندي الكشافات صارت بعد شهر غير شفافة رحت للوكالة وشبت عليهم وقلت لهم ان بها عيب تصنيعي ولم اقل لمهم انها صينية ومع الشد معهم غيروها لي ياباني اصلية
صعرنج
23/02/2005, 01:33 PM
السلام عليكم ورحمة الله وبركاته
انصح جميع الاخوة المتضررين مخاطبة الشركة الام في اليابان وسوف يكون هناك تجاوب حيث اعرف شخص خاطب شركة جنيرال موتر عن الجميح وتفاجأ ان شركة الجميح اتصلت به وعوضته عن جميع الاضرار
راعي الكيف
23/02/2005, 11:07 PM
ياناس وراكم ماتفهمون ............ إذا بغى اي واحد منكم يشري اي سيارة يروح إما للامارات أو دبي ....


شغل ياباني صحيح مو عبد اللطيف !!!!!

اكلت لي مقلب وتحسفت كثر عدد شعر راسي يوم شريت سيارتي من عبد اللطيف ....

شريت كامري جي ال اي مواصفات عاااااااااادية جدا جدا

الخليجية جي ال اي جنوط + مسجل بسي دي + جناح + فتحة + كشافات + اير باقين ...

عبد اللطيف ما عنده ولا شي من ها اللي قلت ماعدا ايرباق للسواق فقط
القناص
24/02/2005, 12:08 PM
الله يكون في عون كل عاشقين الجي اكس ار اللي في احسن حالاته يجي بدون مثبت سرعه"فضيحه" سيارة سفر وبر بدون مثبت سرعه!
نهر العطاء
24/02/2005, 12:15 PM
الله ياخذ وجهه هالوغد
شاص
24/02/2005, 01:25 PM
وش اللي حادكم على عبداللطيف جميل ؟؟؟
إذا كنت أبدفع لي فوق المائة ألف أبطمر لقطر وإلا الأمارات واخذ المواصفات اللي أبي وعلى كيفي وإن كان مالي بالمشاوير أباخذه من البازعي أواليحيى ...
راعي النفيد
24/02/2005, 10:26 PM
انا اخوي عندة GXR2001 الشمعات الامامية صينية هي والاصطبات الخلفية بعد ان فكها للتنضيف اكتشف هذا الغش واستحى يعلمنا يوم نقلة له هذا الكلام الي في هذا المنتدا قال علم الشباب الشكو للة،،،،،،،،،،،،؟
Abi
25/02/2005, 03:06 AM
:director: :director: يااخ أبوعـــــرب
بعد اذنك تراي نشرمووعك في اكثر من منتدى
لأن الموعوع في غاية الأهميه
ولا يجب السكوت ت عليه
شايف الناس بهايم عنده يجب توعية الناس النايمه
إلى متى أصحواااااا.........................
Abi
25/02/2005, 03:11 AM
يااخ أبوعـــــرب
بعد اذنك تراي نشرموضوعك في اكثر من منتدى
لأن الموعوع في غاية الأهميه
ولا يجب السكوت عليه
يجب توعية الناس النايمه...................
:director: :director: :director:
kial_04
25/02/2005, 11:41 PM
بسم الله الرحمن الرحيم تعقيبا على كلام الاخ بأن جنوط GXR صينية صحيح في تاريخ 1/1/1424 هـ شري الوالد جيب GXR 2003 من شركة عبداللطيف جميل بتبوك رقم واحد وفي أول مشوار له وكان ماشي الجيب خمسة كيلو مترات عند سرعة 120 كيلو يهز الدركسون والمقاعد وبعد ما رجعنى من المشوار رجعناه الشركة وقال المهندس أن السيارة ((((مفيهاش حاجه ))))على قول المصرى وبعد أسبوع سافرنى للديرة ونفس المشكلة في السيارة ورجعنا السيارة للوكالة وعلى هذا الموال إلين مامشية السيارة 10000 كم وكل مارحنى للوكالة يقولونه 1) وزن هواءكفرات السيارة ناقص 2) صواميل الكفرات يغاله تغيير 3)الكفرات يغالها ترصيص 4)ممكن تكون الرجه من الأسفلت 5) احنى طلبنى مهندس من جدة وراح يجى يفحص على السيارة وخلوها عندنا لمدة ثلاثة أيام وأجرة الوكالة سيارة لنا على حسابها ,وبعد طول عناء مع الوكالة قالت احنى راح نغير جنوط الGXR ونحط جنوطVXR بس تدفعوا لنا 11000 قيمت جنوط والكفرات VXRرفضنى الدفع لأن السيارة على الضمان وبعدين قالوا تدفعو قيمت الكفرات 2850 ورفضنى دفع أيت مبلغ لأن السيارة ماأنتهى ضمانها وركبو جنوط VXR وزبطت السيارة ولله الحمد بعد عناء دام ستت أشهر تقريبا مع الوكالة تويوتا وهذا يدل على الغش في هذه الوكالة في غير الجنوط ايضا للأن الأكسسورات الداخلية للسيارة تتغير في جدة
ناصح
26/02/2005, 07:58 AM
يا أخوان وكالة تايوتا ( عبداللطيف جميل )
يستجيبون تحت التهديد والضغط عليهم

وسبق ان ذكرت لكم انه حتى الكفرات غيروها لي على الضمان
الطعس الذهبي
26/02/2005, 08:38 PM
أنا معي vxr 2005 وماحسيت برجة الي مع سعودي لاكن الشين به خطوطة غبية
ماجد الشمري
27/02/2005, 05:08 PM
السلام عليكم .....

ياجماعة الخير الله يهديكم توكم تدرون ؟؟
مهوب بس الاند كروزر كذا حتى الكامري ... به كامري بالشرقية جاية من امريكا من جوة فيها 6 ايرباج واي بي اس ومسجل وسيدي وستارة اصليه ومساعداتها نازله شوية زيادة عن حقتنا وفيها مثبت سرعة وفيها اشياء ثانية كثير غير ..
انا ودي افهم انتم وش حادكم للتويوتا ؟؟ الله يخلي نيسان .......
والله رغم انها تتفكك الا انها ارخص بكثيييييير ومكاينها احسن من تويوتا الف مرة ..
وسيارات شبابية ومريحة وراسية ومواصفاتها اعلى ...
شوفوا الكامري الاكس ال اقل نوع اغلى من الماكسيما السياحية بكثير ... مع ان المكسيما انتاج اليابان وستة سلندر ومكينة من افضل 10 مكاين بالعالم ...
ابفهم هالوحش ذا اللي ب 135 للفل كامل يعيبه شي ؟
http://www.nissan.com.sa/vehicles/armada/images/mur_main.jpg
اخذه بهالقيمة ولا اخذ في اكس ار ب 200 الف ريال ولا جيب لكزس ب 240 الف ريال ... اساسا مهبول اللي يشتري جيب لكزس ويخلي الرنج روفر اللي اغلى ب 5 الاف ريال ...
ولعلمك هذا اقوى بمراحل من اللاند كروزر واقل نوع ب 110 الاف ريال وتلاقونه ارخص بالمعارض ووسعه مثل السوبربان وفيه عزم عالي مرة وبالبر وبالخط يعجبكم ...
واذا ما عجبكم ولا ناويين البر نية شينه وعندكم ميزانية خذ لك باترول الجديد من الداخل فخم جدا وبجير تيبترونيك والجلد هيليوز مثل الفياجرا ويفتح النفس وارخص بكثير من اللاند اللي يتفقع الهيدروليك حقه مع كثرة التطعيس ..
http://www.nissan.com.sa/vehicles/patrol/images/patrol_gal_b_img1.jpg
واذا ميزانيتك لك عليها مالك الا ابو بندر .. يعجبك بالبر خفيف مرة وعزمه عالي ..لكن اللي معزم يشتريه ينتظر السنة الجاية بينزل الجديد بمكينه على كيف كيفكم اقل استهلاك بكثير من الحالي واعلى عزم وقوة ..





اخوكم ماجد الشمري
ماجد الشمري
27/02/2005, 05:12 PM
ترى على فكرة للي يقولون انهم يقدرون يشتكون عبداللطيف جميل اقول لكم ما يمديكم ..
لأن الرجال شاري اسهم كثير بالشركة وكل ماله يشتري اكثر وحتى ان الشركة راضيه عليه ومعطيته وكالة لكزس باليابان لان باليابان ماكان فيه شي اسمه لكزس كانت سيارات لكزس باسم تويوتا وفي عام 2004 قرروا ينزلونها باسم لكزس وهو اصبح الوكيل لها .....








اخوكم ماجد الشمري
ناصح
01/03/2005, 12:14 PM
الخطوة القادمة ان شاء الله

في هذا الرابط (http://www.mekshat.com/vb/showthread.php?t=28348)
2500HD
02/03/2005, 03:02 PM
انا املك لاند كروزر من شركة عبداللطيف جميل
موديل 2004 ب 148000
اولا المكيف يختلف عن الخليجي
اعاني من ان المكيف ما يشتغل مضبوط الا لما يكون على اقل درجات البارد فقط
ثانيا المسجل يختلف عن الخليجي
علما بان المسجل الذي لدي مكتوب عليه تويوتا ومامداه يكمل سنة الا وهو خربان (اول ما ادخل الشريط يلفظه ويكتب ايرور)
ثالثا الجنوط تختلف عن الخليجي
الجنط مقاس 16 والخليجي مقاسه 17
رابعا التخشيب يختلف عن الخليجي
التخشيب اللي عندي لونه غير لون الخليجي ويقتصر فقط على جوانب المكيف وازرار الزجاج علما بأن نوعيته سيئة جدا
الخليجي يأتي مخشب كامل
الموتر بعد ما مشى 20000 كيلو غيرت كفراته لانها كانت تصرصر ويوم جاء البنشري يفك الصواميل انكسرت صامولة من كل كفر من اللي قدام

الكشافات السفلية تتأثر بالماء
ولكن عبداللطيف جميل يعوض هذا كله في مراكز الصيانة والخدمة حيث يهتم فيها اهتمام كبير ولكن مع ذلك هذا مايفيد الزبون , اذا صرت تبيع له بضاعه رديئة وتحسن الخدمة .

هذا كله والسيارة موديلها 2004 ومامشت حتى الان الا 38000فقط

ما اقول الا حسبي الله عليك يا عبداللطيف جميل
أبو يحيى
08/03/2005, 06:06 PM
أقول الله يستر علينا .......
والله عندي GXR1 2005 فية صوت خفيف بالقزاز الأيسر الي قدام - الظاهر الجلدة- بس ماودي أوديه لهم ......ليش؟
خايف يغيرون المكينة بوحدة مستعملة.
لذلك اقترح علي أحد الشباب إني أقفل الكبوت بظبة حتى ما يأخذون شي.
محب الشمال
23/05/2005, 10:57 AM
اخواني رايح اذكر ردي المتواضع على شكل نقاط
1/ يتقدم مجموعه على شكوى شركة تويوتا في المملكه
2/ مخاطبة الشركه في اليابان عن سوء الخدمة المقدمه من شركه تويوتا ومن القطع الرديئه التي تركب بالسياره وان ذلك يؤثر على سمعة الشركة بشكل عام
3/ كما قال الاخ ماجد الشمري انا في الحقيقه اشرهه عليكم يا اخوان الخيلج ولله الحمد قريب الله يستر علينا وعليكم اروح هناك اطلع لي واحد على كيف كيفك ياباني ويقعد معك باذن الله بعد حسن الاستعمال سنوات ما يحتاج صيانه لا عند تويوتا ولا غيرها
ملاحظه :- اخوي ماجد الشمري انت ذكرت ان الباترول يحتاج تربيط هذا الكلام غير صحيح ابداً انا كان عندي باترول 97 وجلست معي حوالي سبع سنوات ولا خليت فيه من الكرف الي يخطر على بال احد منكم الا وسويته فيه من صمان للطوس لارصفه لطرد في البراري ولا مره سويت له تربيط بس تقريباً كل سنه او حتى سنتين اسوي له ترصيص كفرات
وأويد كلام الاخ السالمي للي ما يبي يشتري من الخليج يروح شركة نيسان ويشتري له باترول
الباترول ماكينته اقوى من الاندكروزر
الباترول 4800 سي سي الاندكروزر 4500
الباترول الدبل اقوى من الاندكروزر

هذا رايي الشخصي وانتم اخبر واعلم مني في هذي الامور
والله يحفظكم يرعاكم ويعافيك ... آمين
انا ناصر
21/08/2005, 08:12 PM
شكرا على النصيحة الله يوفقكم
بو خليفه
12/10/2015, 12:05 PM
اكتشفت المشكلة فيكم اللى تشترون من عبداللطيف جميل و هو يغشكم
ابوراكان تبوك
12/10/2015, 12:50 PM
اكتشفت المشكلة فيكم اللى تشترون من عبداللطيف جميل و هو يغشكم

مساء الخير


الموضوع من 2005 وكدو مواترهم الناس:D
بربنجي
12/10/2015, 04:38 PM
اذا الخبر صحيح فصراحه قهر
يعني انا متكلف ودافع فلوسي وبالاخير يجيب لي شي مشي حالك
لعنه الله عليه
صلفيق
14/10/2015, 02:23 PM
الله اسعار زمان 148 gxr
مطر وسم
15/10/2015, 01:32 PM
هل تتوقعون الغش هذا من عبداللطيف جميل نفسه او اوامر الزاميه من اصحاب النفوذ العلياء في الشركه