المساعد الشخصي الرقمي

مشاهدة النسخة كاملة : لأهل الجيوب


ابوهاجوس
20/02/2005, 07:50 PM
بعد التحيه
أرجو المساعده من أهل الخبره عندي جيب شاص ونا رجل راعي نفود أبي أركب كفرات وش أركب
وبلنسبه للجنوط وشرايكم بجنوط vxr أركبها للشاص علشان النفود . أبي راي أهل الخبره
السالمي
20/02/2005, 10:23 PM
تبي الصراحه انا مايحلا الشاص او الربع بعيني

الا اذا كان مركب له جنوط vxr او جنوط جيب لكزس
الدبل الثقيل
21/02/2005, 12:20 AM
ركب بالون 900 سيام التايلندي او سومتومو شاهين الياباني على جنوط جي اكس ديزل اللي عرض 6 انش.
عاشق الرملة
21/02/2005, 01:03 AM
ركب بالون 900 سيام التايلندي او سومتومو شاهين الياباني على جنوط جي اكس ديزل اللي عرض 6 انش.


ماقصرو الاخوان ولكن مثل ماقالك أخونا العزيز الدبل الثقيل ............. ركب بالون تايلنديات اسمهن
سيام ولكن من ناحية الجنوط لاتتعدى جنوط الجي أكس القطري اللي يسمونهن (هــدد).



هذا والله أعلم .
اسيزو 4x4
21/02/2005, 01:42 AM
ركب بالون 900 سيام التايلندي او سومتومو شاهين الياباني على جنوط جي اكس ديزل اللي عرض 6 انش.

والله الكلام الى في مكانة يالدبل الثقيل مع احترام مشورة الاخوان الاعضاء............
المطلق
21/02/2005, 03:27 PM
أخوي أبو هاجوس

ركب جنوط (VXR)

وتوكل على الله
شاص
21/02/2005, 04:12 PM
جنوط هدد أو جي إكس أو جي إكس ار ديزل + كفرات بالون أو شاهين
عاشق الرملة
21/02/2005, 06:03 PM
لكن ياشباب نسينا شي ماتلاحظون .....................

لو نركب البالون سواءً التايلنديات أو الشاهين على أي جنط (الهدد أو الجي أكس ار)

ماتلاحظون انه مايركب عليهن التيوبلس فقط لازم نركب لساااااااااااتك..................

مافيه حل لهالمشكله ............لأني ركبت البالون على جنوط الهدد وخليتهن تيوبلس ثم كل فتره
يبنشر كفر ولا كفرين ثم ركبتهن على جنوط جيب لكزس ونفس الحكايه لازم لساتك ....


مع العلم ان الجنوط كلهن جدد ..............مافيه حل لهالمشكله (لأن اللساتك قلق في قلق)....



وألف شكر للجميع .
ابوهاجوس
21/02/2005, 06:53 PM
أشكركم جزيل الشكر على هذه المعلومات القيمه .
لكن فيه سؤال بسيط أيش أفضل كفر للنفود يركب على جنوط شد البلد للشاص غير البالون (أسم الكفر ومقاسه وسعره التقريبي)
جمعني الله وأياكم في الفردوس الأعلى.
طارق الحربي
21/02/2005, 07:15 PM
مشكله البالون هي اللساتك بس

ولاهي من احسن الكفرات

يعني اذا نسم واحد منهن ماتقدر ترقعه