سديرآوي
27/03/2010, 08:28 PM
سلام عليكم ورحمة الله وبركاته ,,
مساكم الله بالخير ,,
من باب العظة والعبرة تذكرت قصة مؤثرة رواها لي أحد أقاربي ,,
حدثت قبل 6 سنوات تقريبا ,,
ولا اطيل عليكم بالمقدمات السالفة :
عدد من الشباب الأصدقاء تواعدو مع بعضهم للذهاب مع واحد منهم بـجيب ربع للبر ,,
ضفوا أغراضهم وعزبهم وجا خويهم مرهم بموتره الربع ,,
ركبو الموتر ومشوا للبر ووصلو للمكان المنشود ,,
قعدوا الشباب وانبسطو واستانسو ,,
وبعد ماصلو المغرب اتصلت والدة قريبي عليه ,,
تسأله عن مكانه وأين هو ,,
فأخبرها أنه في البر مع أصدقائه ,,
قالت له أبغااك تجي للبيت الأن فيه أغراض ابيك تجيبها وتوديها لجارتنا العجوز ,,
قال يمه اصبري اجيكم بعد صلاة العشا بشوي عشانا بيقضي بعد ساعة ان شاء الله ,,
قالت أهلك مزينين عشا تعال وتعشى عندنا وجب الأغراض وودها ضروري للعجوز المسكينة ,,
الولد عصب وضاق صدره وسكر السماعة على امه وهو معصب ,,
سألوه ربعه وقال أمي تبيني أجي لها الحين والمشكلة أن سيارتي مهب معي
لأننا كلنا جينا بموتر واحد وهو موتر خوينا الربع ,,
قال راعي الموتر أجل دام امك طلبتك لازم تنفذ امرها ولاتعصيها ,,
قريبي : بس من يرجعني ياخي ,,
راعي الموتر : أصبر واحد من ربعي دق علي قبل ساعه والظاهر انه حولنا هالحين
بيرجعك للديرة ,, قال قريبي خير ان شاء الله ,,
المهم جا الرجال وخذ قريبي ومشو للديره وبالطريق بعد ساعه وشوي ,,
اتصل عليه راعي الموتر خويه ,, رد عالجوال ,,
ويرد عليه رجال مايعرفه ,, قال الأخ فلان صديق فلان ,,
قال أي نعم انا صديقه وكنت معه قبل ساعه وشوي ,,
قال الرجال فلان يطلبك الحل ,, تقلبت عليهم السيارة بالطريق والسائق توفى ,,
والباقين في حالة حــرجة ,,
الولد انــصــدم ماصدق ..!!! يعني كيف ربعي انا معهم قبل ساعه وشوي تنقلب فيهم السيارة ,,
تخيلو لو أن الولد عصا أمه وتعشى ورجع مع ربعه بالسيارة ..؟؟
لكن هذا لطف الله وقدره وكل نفس ذائقة الموت وكل نفس لها أجلها ووقتها وميعادها,,
(ورضا الله من رضا الوالدين)
(( وعسى أن تكرهوا شيئا وهو خير لكم ))
والله يحفظ الجميع من كل شر ويطيل أعمارنا على الخير والطاعة والصلاح ويحفظ عيالنا وذرياتنا ,,
والله يوفق الجميع لما فيه خير ,,
مساكم الله بالخير ,,
من باب العظة والعبرة تذكرت قصة مؤثرة رواها لي أحد أقاربي ,,
حدثت قبل 6 سنوات تقريبا ,,
ولا اطيل عليكم بالمقدمات السالفة :
عدد من الشباب الأصدقاء تواعدو مع بعضهم للذهاب مع واحد منهم بـجيب ربع للبر ,,
ضفوا أغراضهم وعزبهم وجا خويهم مرهم بموتره الربع ,,
ركبو الموتر ومشوا للبر ووصلو للمكان المنشود ,,
قعدوا الشباب وانبسطو واستانسو ,,
وبعد ماصلو المغرب اتصلت والدة قريبي عليه ,,
تسأله عن مكانه وأين هو ,,
فأخبرها أنه في البر مع أصدقائه ,,
قالت له أبغااك تجي للبيت الأن فيه أغراض ابيك تجيبها وتوديها لجارتنا العجوز ,,
قال يمه اصبري اجيكم بعد صلاة العشا بشوي عشانا بيقضي بعد ساعة ان شاء الله ,,
قالت أهلك مزينين عشا تعال وتعشى عندنا وجب الأغراض وودها ضروري للعجوز المسكينة ,,
الولد عصب وضاق صدره وسكر السماعة على امه وهو معصب ,,
سألوه ربعه وقال أمي تبيني أجي لها الحين والمشكلة أن سيارتي مهب معي
لأننا كلنا جينا بموتر واحد وهو موتر خوينا الربع ,,
قال راعي الموتر أجل دام امك طلبتك لازم تنفذ امرها ولاتعصيها ,,
قريبي : بس من يرجعني ياخي ,,
راعي الموتر : أصبر واحد من ربعي دق علي قبل ساعه والظاهر انه حولنا هالحين
بيرجعك للديرة ,, قال قريبي خير ان شاء الله ,,
المهم جا الرجال وخذ قريبي ومشو للديره وبالطريق بعد ساعه وشوي ,,
اتصل عليه راعي الموتر خويه ,, رد عالجوال ,,
ويرد عليه رجال مايعرفه ,, قال الأخ فلان صديق فلان ,,
قال أي نعم انا صديقه وكنت معه قبل ساعه وشوي ,,
قال الرجال فلان يطلبك الحل ,, تقلبت عليهم السيارة بالطريق والسائق توفى ,,
والباقين في حالة حــرجة ,,
الولد انــصــدم ماصدق ..!!! يعني كيف ربعي انا معهم قبل ساعه وشوي تنقلب فيهم السيارة ,,
تخيلو لو أن الولد عصا أمه وتعشى ورجع مع ربعه بالسيارة ..؟؟
لكن هذا لطف الله وقدره وكل نفس ذائقة الموت وكل نفس لها أجلها ووقتها وميعادها,,
(ورضا الله من رضا الوالدين)
(( وعسى أن تكرهوا شيئا وهو خير لكم ))
والله يحفظ الجميع من كل شر ويطيل أعمارنا على الخير والطاعة والصلاح ويحفظ عيالنا وذرياتنا ,,
والله يوفق الجميع لما فيه خير ,,