برادو 2010

[ساري 111]

والله منتب سهل يالبرادوو .. توي ادري بك

تقنيه عاليه وقوة جباره ,,

انا اقول انه احسن وراخص من الانفتنتي فيه اربع كميرات وتحديد مسار حتى انك تشوف المكان اللي يبي يوطى الكفر عليه
ومميزات المشي بالطين ورقي الجبال وخاصيه النزول من المنحدرات .. الخ حدد الوضع اللي انتي فيه وامسك الطاره بس لاتدوس لابنزين ولاتدعس فرامل هو يسوق عنك ومالك إلاتاصل بالسلامه ان شاءالله :D

هذا البرادو وش لون اللكزس هههههه الله يصلحكم بس واللي مايعرف الصقر يصور معه :p



<<<تراه مهب يقصد احد

من جد التويوتا مايوتا .. تقنيه متانه جودة ... الخ
لامسامير ثلاجه ولاكتاوت ولاطرمبه بنزين ولاقرقعه بيبان وتنده وديكور ولاغبار ولارجه ولاشعر راس ولاخراب منظم هواء ولاتهريب زيوت من عند الكفرات ... الخ
لكن عيبه سعره غالي لكن قالوها اخونا المصرين الغالي سعره فيه
والعيب الثاني ان السالفه كله كهرب لكن ماعليك من تويوتا ارقد وآمن
الجيب من 98 ودبله كهرب ومااحد شكى منه

لاتفوتكم هالمقاطع بس تراه مصحوبه بموسيقى الرجاء كتم الصوووت ..

مشاهده ممتعه



تجربه شاقه نوعاً ما مهب دلع مثل ...
http://www.youtube.com/watch?v=qx1RpG7s09A

http://www.youtube.com/watch?v=Y0A4y698bmg


مقاطع للبرادو القديم
7

http://www.youtube.com/watch?v=aIq9YdTdWs4

http://www.youtube.com/watch?v=lyl7ytk1YIw

[ريثان القصيم]

اسعار البرادو2010 تبداء من 103000 ريال سعودي الي 197000 ريال سعودي

هذا من اللكزس GX 460 فئه منه 245000 ريال سعودي واعلى فئه 265000 ريال سعودي

بغض النظر عن المواصفات هل الاسعار منطقيه؟؟؟؟؟؟؟؟؟

[ساري 111]

حياااك اخوي ريثان

والله الحقيقه الاسعار مهب منطقيه غاليه جداً
وحتى الشكل مهب بالمستوى المطلوب فمن وجه نظري ان البرادو من سيي الى اسواء من ناحيه الشكل


لكن من ناحيه القوه والتقنيه والمتنه فاعتبره قمه
قبل فترة سقت موتر حدى العيال في البر ماشي فوق الـ130 الف ورب البيت ماتسمع فيه لاقرقعه ولاقرشعه ولارجه مراتب هو واللي توه مطلع من الوكاله واحد تحس الموتر جامد ومليان

[رفيع المقآم]

والله وانا اخوك البرادو حلو وتمام بس فيه عيب انه يقلب بسرعه مفروض يباعدون مابين كفراته وسعره غالي اشتري في اكس ار اصرف منه الف مره

[ساري 111]

هلابك اخوي

كفراته مابهن خلاف وبعدهن زين بس المشكله رافعين جرم الموتر زياده عن اللزوم

[ابوطاقية]

2010 V6 سافرنا عليه لمكة وكان لواحد من الزملاء ومادرى وش نوعه لاني ماعرف انواعه لاكن يقول قيمته 137 الف لاكن بالخط موتر بكل ماتعنيه الكلمه حتي انه يكلم بالجوال من خلال البلوتوث للسياره والرجال يحسبه يكلمه بالبيت من الهدوء وعدم الضوضاء مع انه كان يسوق بسرعة 160
وكذلك اقتصادي بالوقود فللنا السياره بعد خروجنا من الرياض
عند المزاحميه على ما اضن ولا احتجنا للبنزين الا قبل دخول الطايف تقريبا 30 كيلو
السياره تصلح لعائله مكونه لخمس اشخاص هذا والله اعلم

[هواوي]

انا امس السبت كنت في الوكاله اسال عنه

الموتر صراحه خرافي

اقوى من اللاند كروزر

وانااتكلم عن القير العايدي سته سلندر

اقوى من الاند جي اكس ار قير عايدي 6 سلندر وافخم من جوى سواء في عدد الاحصنه او قوة العزم اقوى بكثير بالاظافه الىفارق الوزن بينه وبين الجي اكس ار


اما التماتيك فما فيه مقارنه بالاند التماتيك طبعا لصالح البرادو


والشكل الجديد فخم وكبير وعريض شكله بيحب البساط من الهدد بل بيسحبه لانه اقوى وارخص ونفس حجم الهدد 2007



وهذي مواصفات البرادو وبعدها اللاند من موقع الشركه

http://www.toyota.com.sa/index.asp



محرك 6 سلندر سعة 4.0 لتر كامات علوية مزدوجة مع 24 صمام
- صافي الخرج الأقصى: 271 حصان
- ناقل الحركة: ست سرعات يدوية / خمس سرعات اتوماتيكة
- ناقل حركة تتابعي لمغير السرعة الأتومايكي
- جنوط المونيوم 7.5JJ
- مقاس الكفرات: 265/65R17
- فرامل مانعة للإنغلاق, موزع فرامل الكتروني, مساعد فرامل لمغير السرعة اليدوي
- نظام التحكم في توازن السيارة, نظام السيطرة على الإنزلاق
- نظام المساعدة على هبوط المنحدرات, نظام مساعدة الانطلاق على المرتفعات لمغير السرعة الأتوماتيكي
- وسائد هوائية امامية للسائق والراكب
- نظام حماية ضد السرقة لمنع تشغيل المحرك
- اقفال الأبواب كهربائية
- نوافذ كهربائية (اتوماتيكي الكل)
- المرايا الخارجية كهربائية
- جهاز فتح وقفل الابواب عن بعد (المفتاح الذكي)
- راديو, مشغل 6 اسطوانات
- مشغل ام بي ثري
- منفذ معلومات رقمي
- منفذ مصدر صوت خارجي
- بلوتوث
- عدد 9 سماعات
- ازرار تحكم على المقود: صوت
- كشافات ضباب امامية
- مكيف امامي: يدوي
- مكيف خلفي: يدوي
- مثبت سرعة
- مخرج لسحب العربات
- جناح خلفي
- الشبك الأمامي: ملون مزود بكروم
- عتبة جانبية
- مقابض الابواب الخارجية: ملون
- المرايا الخارجية: بلون السيارة
- اشارات ضوئية على المرايات الخارجية
- حساسات خلفية
- شريط حماية جانبي
- عوارض سقفية
- مقود القيادة: جلد رباعي الشكل
- ثلاجة
- فرش المقاعد: قماش
- تعديل حركة مقعد السائق يدويا
- تعديل حركة مقاعد الصف الثالث يدويا
- حركة مقود القيادة:تلسكوبي و يميل للاعلى و للاسفل يدويا
- دعاسات ارضية

- أضف ل تي إكس إل (6 سلندر) ...
- نظام تعليق ديناميكي حركي (KDSS)
- مقاس الكفرات: 265/65R18
- وسائد هوائية ستائر
- وسائد هوائية للركبة
- كاميرا خلفية
- مخرج لجر العربات غير متوفر
- انوار امامية: هالوجينية عالية الكثافة
- فتحة سقف
- مكيف امامي: الكترروني بتحكم مستقل
- مكيف خلفي: الكترروني بتحكم مستقل
- حساسات امامية وخلفية
- دعاسات ارضية فخمة

- أضف ل في إكس 1 ...
- راديو , مشغل 6 اسطوانات دي في دي
- عدد 17 سماعة
- شاشة ملاحة
- ثلاث كاميرات للرؤية الخلفية والأمامية و الجانبية(الجهة اليمنى)
- ازرار تحكم على المقود: صوت, شاشة متعددة المعلومات, بلوتوث
- تعديل حركة مقاعد السائق كهربائي
- تعديل حركة مقاعد الصف الثالث كهربائي
- فرش المقاعد: جلد
- حركة مقود القيادة:تلسكوبي و يميل للاعلى و للاسفل كهربائيا
- سخان للمقاعد الأمامية

- أضف ل في إكس 2 ...
- نظام تعليق متغير متكيف
- نظام تعليق خلفي هوائي إلكتروني
- نظام الزحف
- نظام تحديد التضاريس
- اربع كاميرات للرؤية الخلفية والأمامية و الجانبية(الجهة اليمنى و الجهة اليسرى)
- نظام ترفية خلفي (دي في دي)
- تخشيب داخلي
- مقود القيادة: جلد + تخشيب رباعي الشكل

- محرك 4 سلندر سعة 3.0 لتر كامات علوية مزدوجة مع 8 صمامات
- صافي الخرج الأقصى: 94 حصان
- ناقل الحركة: خمس سرعات يدوية
- جنوط 6.5 J
- مقاس الكفرات: 245/70R17
- فرامل مانعة للإنغلاق, موزع فرامل الكتروني, مساعد فرامل
- وسائد هوائية امامية للسائق والراكب
- نظام حماية ضد السرقة لمنع تشغيل المحرك
- اقفال الأبواب كهربائية
- نوافذ كهربائية (اتوماتيكي الكل)
- المرايا الخارجية كهربائية
- جهاز فتح وقفل الابواب عن بعد (ريموت كنترول)
- راديو, كاسيت, و مشغل اسطوانات احادي
- عدد 6 سماعات
- مكيف امامي: يدوي
- مكيف خلفي: يدوي
- جناح خلفي
- الشبك الأمامي: لون اسود
- عتبة جانبية
- مقابض الابواب الخارجية: لون اسود
- المرايا الخارجية: لون اسود
- اشارات ضوئية على المرايات الخارجية
- حساسات خلفية
- مقود القيادة: يورثين رباعي الشكل
- فرش المقاعد: قماش
- تعديل حركة السائق يدويا
- تعديل حركة مقاعد الصف الثالث يدويا
- دعاسات ارضية

- أضف ل تي إكس ديزل ...
- جنوط 7.5JJ
- مقاس الكفرات: 265/65R17
- راديو, مشغل 6 اسطوانات , بدون كاسيت
- مشغل ام بي ثري
- منفذ معلومات رقمي
- منفذ مصدر صوت خارجي
- بلوتوث
- عدد 9 سماعات
- ازرار تحكم على المقود: صوت
- كشاف ضباب امامي
- الشبك الأمامي: ملون مع كروم
- مقابض الابواب الخارجية: ملونة
- المرايا الخارجية: ملونة
- مقود القيادة: جلد رباعي الشكل




وهذي مواصفات اللاند كروزر ج و جي اكس وجي اكس ار من الموقع

وتخيل الثمانيه سليندر من اللاند كروزر مكينتها زي مكينة السته من البرادو


محرك 6 إسطوانات سعة 4.0 لتر كامات علوية مزدوجة مع 24 صمام
- صافي الخرج الأقصى: 240 حصان
- ناقل الحركة: خمس سرعات يدوية / خمس سرعات اتوماتيكة
- جنوط حديد 7 J
- مقاس الكفرات: 245/75R17
- عدد9 مقاعد
- فرش المقاعد: قماش
- مقاعد الصف الثالث متوازية
- فرامل مانعة للأنغلاق, موزع قوة الفرامل الكهربائي, مساعد الفرامل.
- وسائد هوائية امامية للسائق والراكب
- نظام حماية ضد السرقة لمنع تشغيل المحرك
- اقفال الأبواب كهربائية
- نوافذ كهربائية
- المرايا الخارجية كهربائية
- جهاز فتح وقفل الابواب عن بعد (المفتاح الذكي)
- راديو, كاسيت, و مشغل اسطوانات احادي
- عدد 4 سماعات
- مكيف امامي: الكتروني بتحكم مستقل
- مخارج تكييف الخلفية
- الشبك الأمامي: لون اسود
- عتبة جانبية
- مقابض الابواب الخارجية: لون اسود
- المرايا الخارجية: لون اسود
- ثلاجة.
- خطاف خلفي لجر العربات.
- فرشات أرضية.

- أضف ل جي ...
- جنوط المونيوم 8J
- مقاس الكفرات: 285/65R17
- عدد8 مقاعد
- الشبك الأمامي: اسود مع كروم
- مقابض الابواب الخارجية: بلون السيارة
- المرايا الخارجية: بلون السيارة
- اشارات ضوئية على المرايات الخارجية
- مثبت سرعة .
- كشافات ضباب امامية
- حساسات خلفية
- راديو, كاسيت, مشغل 6 اسطوانات
- عدد 6 سماعات
- مكيف خلفي: يدوي
- مراية الرؤية الخلفية ذاتية التعتيم مع بوصلة.
- عتبة جانبية
- حامي صدام أمامي
- جناح خلفي
- أضاءة ارضية داخلية
- تخشيب داخلي
- شريط حماية جانبي
- ريموت لتشغيل المحرك عن بعد (على موديلات ناقل الحركة الأتوماتيكي)
- فرشة لصندوق الأمتعة.
- إضاءة تحت غطاء المحرك.


- أضف ل جي إكس أر ...
- فتحة سقف
- قفل دفرنس خلفي
- رذاذ ماء للمصباح الأمامي
- نظام ترفية خلفي (دي في دي)


- محرك 8 إسطوانات سعة 4.8 لتر كامات علوية مزدوجة مع 32 صمام
- صافي الخرج الأقصى: 271 حصان
- ناقل الحركة: خمس سرعات اتوماتيكة
- جنوط المونيوم 8 J
- مقاس الكفرات: 285/65R17
- عدد8 مقاعد
- فرش المقاعد: قماش
- فرامل مانعة للأنغلاق, موزع قوة الفرامل الكهربائي, مساعد الفرامل.
- وسائد هوائية امامية للسائق والراكب
- نظام حماية ضد السرقة لمنع تشغيل المحرك
- اقفال الأبواب كهربائية
- نوافذ كهربائية
- المرايا الخارجية كهربائية
- جهاز فتح وقفل الابواب عن بعد (المفتاح الذكي)
- راديو, كاسيت, مشغل 6 اسطوانات
- عدد 6 سماعات
- مكيف امامي: الكتروني بتحكم مستقل
- مكيف خلفي: يدوي
- مراية الرؤية الخلفية ذاتية التعتيم مع بوصلة.
- الشبك الأمامي: اسود مع كروم
- مقابض الابواب الخارجية: بلون السيارة
- المرايا الخارجية: بلون السيارة
- اشارات ضوئية على المرايات الخارجية
- مثبت سرعة .
- كشافات ضباب امامية
- حساسات خلفية
- عتبة جانبية
- ثلاجة.
- حامي صدام أمامي
- جناح خلفي
- أضاءة ارضية داخلية
- تخشيب داخلي
- شريط حماية جانبي
- خطاف خلفي لجر العربات.
- فرشات أرضية.
- ريموت لتشغيل المحرك عن بعد
- فرشة لصندوق الأمتعة.
- إضاءة تحت غطاء المحرك


- أضف ل جي إكس أر ...
- كفر إحتياطي على الباب الخلفي وتحت الهيكل.
- وينش
- قفل دفرنس خلفي
- بدون حامي صدام أمامي.
- بدون حساسات خلفي
- عوارض سقفية


- أضف ل جي إكس أر ونش ...
- فتحة سقف.
- رذاذ ماء للمصباح الأمامي.
- نظام ترفية خلفي (دي في دي)
- حساسات خلفية
- بدون ونش
- بدون كفر إحتياطي على الباب


- محرك 8 إسطوانات سعة 4.8 لتر كامات علوية مزدوجة مع 32 صمام
- صافي الخرج الأقصى: 271 حصان
- نظام تعليق ديناميكي حركي (KDSS)
- نظام الزحف
- ناقل الحركة: خمس سرعات اتوماتيكة
- جنوط المونيوم 8 J
- مقاس الكفرات: 285/60R18
- عدد8 مقاعد
- فرش المقاعد: مخمل فاخر
- فرامل مانعة للإنغلاق, موزع فرامل الكتروني, مساعد فرامل
- نظام التحكم في توازن السيارة, نظام السيطرة على الإنزلاق
- نظام المساعدة على هبوط المنحدرات, نظام مساعدة الانطلاق على المرتفعات
- وسائد هوائية امامية للسائق والراكب
- وسائد هوائية ستائر
- وسائد هوائية جانبية امامية
- دعامة للظهر الراكب
- نظام حماية ضد السرقة لمنع تشغيل المحرك
- كاميرا خلفية
- اقفال الأبواب كهربائية
- نوافذ كهربائية
- المرايا الخارجية كهربائية
- جهاز فتح وقفل الابواب عن بعد (المفتاح الذكي)
- راديو , مشغل 6 اسطوانات دي في دي
- عدد 14 سماعة
- شاشة ملاحة
- منفذ معلومات رقمي
- منفذ مصدر صوت خارجي
- نظام ترفية خلفي (دي في دي)
- مكيف امامي: الكتروني بتحكم مستقل
- مكيف خلفي: الكتروني بتحكم مستقل
- مراية الرؤية الخلفية ذاتية التعتيم
- الشبك الأمامي: فضي مع كروم
- مقابض الابواب الخارجية: بلون السيارة
- المرايا الخارجية: بلون السيارة
- اشارات ضوئية على المرايات الخارجية
- مثبت سرعة .
- فتحة سقف
- كشافات ضباب امامية
- حساسات امامية وخلفية
- عتبة جانبية
- ثلاجة.
- حامي صدام أمامي
- جناح خلفي
- جناح امامي
- أضاءة ارضية داخلية
- تخشيب داخلي
- شريط حماية جانبي
- فرشات أرضية.
- ريموت لتشغيل المحرك عن بعد
- فرشة لصندوق الأمتعة.
- إضاءة تحت غطاء المحرك.


- أضف ل في إكس أر ...
- فرش المقاعد: جلد
- وسائد هوائية جانبية امامية و خلفية

[التعـ King ـديل]

الله يرحم الحال يوم كان الفل ب 130 الف عرضوه شوي وحطو كم كميرا وقالو ب 200

سبحان الله مغير الاحوال لو انه الباترول كانو قلتو مايستاهل يرتفع سعره

انا معكم ان البرادو موتر وعندنا 2 اربعه وسته سلندر موتر ماعليه كلام واقولها لكم هو الموتر اللي يملا العين من مواتر تويوتا

لكن ابدفع 200 الف في برادو لا والف لا بعد

عطيه الرحمن باترول ثمانيه سلندر 5.6 بدون جلد ولا شاشه ب 190 الف مكينه 400 حصان وقير 7 تغيرات

مع احترامي للبرادو وعشاق التويوتا

[كاشخ 24 ساعه]

بصراحه موتر جبار ويعتبر منافس قوي لسيارات الدفع الرباعي وهو قادم بقوه لينافس الانفنيتي والطوارق


نقله من تويوتا جميله وهو اكيد الافضل بعد اللاندكروزر وقيمته معقوله بعد الاسعار الخياليه لسيارات الدفع الرباعي الاخرى من فئته مثل النيسان الباترول والانفنيتي والطوارق

[مواسي الطعوس]

اجل توك تدري عن السيارات ؟؟

** يمدحون خراب الكارونه ...واللي قدام اكثر من اللي ورى ...ورالي حائل يشهد واهل التطعيس يعطونك العلم ان كنت جاهل ,وهو الاقرب.

** هلا بخراب الدوده يقولون تغير 3500 ريال هههههههههههه.
**وش اسم القطعه اللي بين الدبل والقير ....اذا خربت مايمشي الموتر ويحسبونها ((كلتش)) هههههههههههههههه.

** لاتنسى تغير الفحمات كل 35000 الف ,,,,,

** انتبه تعلق عليك دواسة البنزين وتذبح لك مسلم ... والا انت راضيه لنفسك وبكيفك .. وترى من مات منها ماهو مدري وش سببه ...والموتر تشليح؟؟؟


**كم نوع تجي الهوبات .....يقولون 6 انواع لى كلام واحد من اهل الهاليكسات.


**فلتر المكيف ..الشباب غيروه مرتين والموتر 2007م والان نفخه ضعيف؟؟؟؟؟؟؟


**يقولون انهم يبحثون عن حل لسقوط ((الاشارات))في الهلى والجيب ..اذا طلع للبر.

**الموتر اللي تانكي البنزين حقه مايقفل سمعت انهم يرهمون له غطاء هههههههههه.

**فحمة الكلتش كم سعرها ؟؟؟؟؟؟؟؟؟؟؟؟؟


**كم سعر الكبس حق الصدامات؟؟؟؟؟؟؟ههههههههههههه.



** سحكية ((الاف جي ))قدام وش حلها ؟؟؟؟؟؟؟؟؟؟؟؟


*** الكامري من 2003م وفوق ماتنجح توضيب ... وخبطت مع رفيقي 2006م وش حلها؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**مع واحد من الربع فورتشنر 6 سرندل قير عايدي ويفضي مع المطبات ؟؟ واهل التويوتا يقولون
امسك القير مع البطانيج والمطبات نبغى حل غير هذا ؟؟؟؟؟؟؟؟؟؟؟؟؟؟؟

***البرادوا 4 سرندل مع المكيف والعفش حده 145 وش الحل؟؟؟؟؟؟؟؟؟؟

** البرادو ال6 سرندل اما تاخذه فل والا ذبحك بالمطب ...والاربع سرندل ضعيف؟؟؟؟وان غيرنا المساعدات الخلفيه يتعب بالنفود؟؟؟؟ما الحل ؟؟؟؟؟؟

*** المزيد في حلقات قادمه لعيون سر سر 111.

[ابوطاقية]

الله يرحم الحال يوم كان الفل ب 130 الف عرضوه شوي وحطو كم كميرا وقالو ب 200

سبحان الله مغير الاحوال لو انه الباترول كانو قلتو مايستاهل يرتفع سعره

انا معكم ان البرادو موتر وعندنا 2 اربعه وسته سلندر موتر ماعليه كلام واقولها لكم هو الموتر اللي يملا العين من مواتر تويوتا

لكن ابدفع 200 الف في برادو لا والف لا بعد

عطيه الرحمن باترول ثمانيه سلندر 5.6 بدون جلد ولا شاشه ب 190 الف مكينه 400 حصان وقير 7 تغيرات

مع احترامي للبرادو وعشاق التويوتا

مالك لوا
ال 400 حصان ماتجي الا على رقم واحد
وهذا منقول من نيسان العربيه

منقووول
السلام عليكم ورحمة الله وبركاته

بدخل في الموضوع على طــول ..

اليوم رحت احجز الباترول 2010 وانصدمت بصراحة من الفئات الموجوده ..


اقل فئة بقيمة 180 ألف درهم .. واحس انه السعر مبالغ فيه تدرون ليش لأنه القوة 320 حصان -
بدون جلد - المقاعد يدوية مب كهربائية - بدون فتحة سقف - بدون نافجيشن - فقط كامرتين قدام وورا - بدون زينون ( مصابيح عادية صفراء ) - وبعد اشياء كثيرة مش موجوده لكن مااتذكرها بالضبط ..

..............................


وتدرون انه جميع فئات الباترول الجديد حتى اللي قوته 400 حصان تجي بدون ( نافجيشن ) وبدون جلد ماعدا رقم واحد فقط به هذه المميزات .. واللي سعره 260 ألف وبعد بدون( الدعامية) الأمامية المميزة .. ومع الدعامية الامامية يصير سعره 277 !!


مدير المبيعات بالوكاله بنفسه قالي انه هذا اكبر غلط قامت به الشركة انها وفرت النافجيشن والجلد فقط لأعلى موديل ...




بصراحة وبالمختصر المفيد ..

اعتبر اقل فئة واللي سعرها 180 ألف ..


( استاااااااانـدر - سلـــق )

[التعـ King ـديل]

مالك لوا
ال 400 حصان ماتجي الا على رقم واحد
وهذا منقول من نيسان العربيه

منقووول
السلام عليكم ورحمة الله وبركاته

بدخل في الموضوع على طــول ..

اليوم رحت احجز الباترول 2010 وانصدمت بصراحة من الفئات الموجوده ..


اقل فئة بقيمة 180 ألف درهم .. واحس انه السعر مبالغ فيه تدرون ليش لأنه القوة 320 حصان -
بدون جلد - المقاعد يدوية مب كهربائية - بدون فتحة سقف - بدون نافجيشن - فقط كامرتين قدام وورا - بدون زينون ( مصابيح عادية صفراء ) - وبعد اشياء كثيرة مش موجوده لكن مااتذكرها بالضبط ..

..............................


وتدرون انه جميع فئات الباترول الجديد حتى اللي قوته 400 حصان تجي بدون ( نافجيشن ) وبدون جلد ماعدا رقم واحد فقط به هذه المميزات .. واللي سعره 260 ألف وبعد بدون( الدعامية) الأمامية المميزة .. ومع الدعامية الامامية يصير سعره 277 !!


مدير المبيعات بالوكاله بنفسه قالي انه هذا اكبر غلط قامت به الشركة انها وفرت النافجيشن والجلد فقط لأعلى موديل ...




بصراحة وبالمختصر المفيد ..

اعتبر اقل فئة واللي سعرها 180 ألف ..


( استاااااااانـدر - سلـــق )



كلامك على متمه اذا رحت الجنادريه بتشوف الابيض اللي برا سعره 190 الف

قيره سبع نمر ومكينته 400 حصان على كلام موظف الحمراني مب سوالف مواقع

واللي داخل الذهبي الفل اوبشن سعره 240 الف

[هاوي غماره]

بصراحه موتر جبار ويعتبر منافس قوي لسيارات الدفع الرباعي وهو قادم بقوه لينافس الانفنيتي والطوارق


نقله من تويوتا جميله وهو اكيد الافضل بعد اللاندكروزر وقيمته معقوله بعد الاسعار الخياليه لسيارات الدفع الرباعي الاخرى من فئته مثل النيسان الباترول والانفنيتي والطوارق


هههههههههه اما سعره معقول صادز انت والله ماعندك سالفه

صندوق حطوبه كمرتين وسعره 200 الف وين عايشين يابيي

[هاوي غماره]

كلامك على متمه اذا رحت الجنادريه بتشوف الابيض اللي برا سعره 190 الف

قيره سبع نمر ومكينته 400 حصان على كلام موظف الحمراني مب سوالف مواقع

واللي داخل الذهبي الفل اوبشن سعره 240 الف


ياكنق التعديل ماعليك منهم
ذولا يجيبون حتسي من قيل وقال :good2:

[S4500]

اخوي كاشخ 24 ساعة


من جدك تقارن البرادو بالانفنتي و الطوارق و الباترول


مقارنة غير صحيحة

[ساري 111]

ابوطاقيه
حياك الله الموتر فعلاً هادي ومريح الموديل السابق لكن الجديد الحقيقه ماجربته





وتخيل الثمانيه سليندر من اللاند كروزر مكينتها زي مكينة السته من البرادو

هلابك عزيزي
مالك لوااا صحح معلوماتك
الهدد يجي مكينتين وحده نفس اللي ع البرادو 6 سلندر 240 حصان
اما الثمانيه اللي هي 8 سلندر فهي فوق 270 حصان


الله يرحم الحال يوم كان الفل ب 130 الف عرضوه شوي وحطو كم كميرا وقالو ب 200

سبحان الله مغير الاحوال لو انه الباترول كانو قلتو مايستاهل يرتفع سعره

ليه فيه احد قال ان البرادو رخيص ؟؟ بالنسبه لي مستحيل اشريه بهالقيمه مايستاهل

الشي الثاني التقنيه اللي موجوده بالبرادو الان مهب موجوده بالباترول 2010

وياخوي وش تبي بالبرادو و4 سلندر بعد هذا مايسمى جيب بعه وشر لك فتك :eek:

[ساري 111]

وهو قادم بقوه لينافس الانفنيتي والطوارق

يزعلون عليك حقين النيسان هههههههههه

حياك اخوي

[NOYEB]

اسعاره مبالغ بها بلحيل

[ساري 111]

اجل توك تدري عن السيارات ؟؟

الا ادري بس عن التقنيه الجديده بالبرادو 2010 توي ادري
فهمت ؟؟

الشي الثاني وش هالاحتقان اللي صاير عندك ع تويوتا ؟؟
شف اخوي ان منب مكلف اتكلم عن النيسان وعيوبه وليس لي مصلحه في مدح التويوتا
بالاول والاخير انا مستهلك وين مالقيت السلعه الطيبه اباخذه واصرف نظري عن الباقي
مثلاً من ناحيه الجيوب بدون منافس التويوتا بالصداره
لكن لو خطر ببالي سياره صغيره ممكن اخذها من نيسان ع سبيل المثال مكسيما الجديده اعتبرها تحفه لو فكرت بسياره صغير ماترددت اني اشتريها

يعني لايجي في بالك اني خلاص تويوتا كل شي بحياتي مثل مالنيسان بحياتك كل شي

فانا شخص ابحث عن مصلحتي وراحتي اولاً وقبل كل شي لامصلحه احد اخر

لاكن بما اني فاضي شوي راح اقعد اطقطق عليك شوي

انا ادري انه اثار حفيظتك الاعطال اللتي ذكرت انا في بدايه الموضوع مع اني لم احدد سياره بعينها لكن يقال اللي ع راسه بطحاء يحسس عليه ..

اخي الكريم .. الاعطال اللي ذكرت انا موجوده فقط في الباترول يعني ماتطرقت لاعطال السيارات الثانيه من نيسان مثل الددسن والباثفندر والسيارات الصغيره ... الخ

لكن حيله العاجز دائماً تكون مبعثره ليتك حصرت المساوي والعيوب بالسياره المنافسه فقط عشان تبين الحقيقه مهب تروح تلم اعطال تويوتا كله مابقى الا الكيروباص ماقلته ..
اراح اعلق على جميع ماذكرت مع اني ماااودي اكسر خاطرك بس عاد وش اسوي انت اللي تحرث عن نفسك



يمدحون خراب الكارونه ...واللي قدام اكثر من اللي ورى ...ورالي حائل يشهد واهل التطعيس يعطونك العلم ان كنت جاهل ,وهو الاقرب.

مثل ماقلت رالي يعني تتوقع الاستخدام راح يكون شاق او عادي ؟؟ اترك الاجابه لك



هلا بخراب الدوده يقولون تغير 3500 ريال

ماعندك مشكله بعد 200 الف او بعد 5 سنوات من الاستخدام عادي خله تخرب
لكن مشكلتك من موتر يطيح به مسمار ويخبط وهو ماتعدى الـ 50 الف


وش اسم القطعه اللي بين الدبل والقير ....اذا خربت مايمشي الموتر ويحسبونها ((كلتش))
عطنا اسمه ياصاحب المعرفه




** لاتنسى تغير الفحمات كل 35000 الف

ياايها الفطن الفحمات له عمر يبدا بعد ماتجيها الحراره وهو تقريباً سنه وبعد السنه تتحجر وتكون قاسيه نوعاً ما وبالتالي تضر بالهوب (يحبل) ويتشقق فأنت اذا غيرته كل 30 الف تحافظ ع الهوب بشكل اكبر

لكن سمعت ان الهايلوكس تمشي اقل من 15 الف وهذا امر مزعج <<استنانس يلا
وطبعاً هذا عيب بالوكيل مهب عيب بتويتا لانه ماوفر القطعه الاصليه




** انتبه تعلق عليك دواسة البنزين وتذبح لك مسلم ... والا انت راضيه لنفسك وبكيفك .. وترى من مات منها ماهو مدري وش سببه ...والموتر تشليح؟؟؟

يابن الحلال تعليقه البنزين مقدور عليه طف الموتر وانتهى الموضوع
بس المشكله بدعسه الفرامل اللي ماله حل .. ع فكره ولم رجلك عشان اذا نطلق الفرامل تنزله:D


**كم نوع تجي الهوبات .....يقولون 6 انواع لى كلام واحد من اهل الهاليكسات.
هذي مشكله الوكيل وليست مشكله تويوتا .. وهذي من مصلحه الزبون يرخص قطع الغيار

[ساري 111]

فلتر المكيف ..الشباب غيروه مرتين والموتر 2007م والان نفخه ضعيف؟؟؟؟؟؟؟

بالله جاد انت او تستهبل ؟؟ من جد ماحولك احد


يقولون انهم يبحثون عن حل لسقوط ((الاشارات))في الهلى والجيب ..اذا طلع للبر.

طبعاً هذي مهب مشكله جوهريه يعني خلها تطيح بالبر السياره ماراح توقف بسببها
الشي الثاني هذه المشكله انتهت من 2006 لتحديث معلوماتك

*
الموتر اللي تانكي البنزين حقه مايقفل سمعت انهم يرهمون له غطاء هههههههههه.
لايغمى عليك من الضحك الله يصلحك
هذي جديده علي ومااعرفه ليتك تعطينا نبذه عنه


**فحمة الكلتش كم سعرها ؟؟؟؟؟؟؟؟؟؟؟؟؟
**كم سعر الكبس حق الصدامات؟؟؟؟؟؟؟ههههههههههههه

ماادري ياليت تقول لنا سعره وع طريقك شف لنا حقت النيسان بكم





سحكية ((الاف جي ))قدام وش حلها ؟؟؟؟؟؟؟؟؟؟؟؟


ع هونك اخوي ترى هالمشكله موجوده بالباثفندر قبل الاف جي
والقادم احلى مع موتر كله مقصات والله من السحل اللي تبي تشوفه بعد
والحل شد رمان العكس ووزن الاذرعه ونتهى الموضوع


*** الكامري من 2003م وفوق ماتنجح توضيب ... وخبطت مع رفيقي 2006م وش حلها؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا صار الميكنيكي مايعرف او القطع مهب اصليه اكيد مهب ناجحه
لكن ماسالت نفسك سوال ؟؟
الموديل اللي تتكلم عنه عايش مع التكاسي حتى هذا اليوم
لكن ماتلقى معهم سياره نيسان بنفس الموديل ؟؟ ليش ؟؟
او اهل التكاسي يدورن السيارت اللي يصرفون عليه مهب اللي تصرف عليهم ؟؟

كلامك هذا مرفوض وغير مقنع فالشارع والواقع يشهد بعكس ماتقول

إلا اقول زيت الباثفندر وين هو يروح ؟؟
واحد من الربع يحلف انه يغلق الزيت مع كل تعبيه بنزين والموتر ماتعدى الميه ؟؟



**مع واحد من الربع فورتشنر 6 سرندل قير عايدي ويفضي مع المطبات ؟؟ واهل التويوتا يقولون
امسك القير مع البطانيج والمطبات نبغى حل غير هذا ؟؟؟؟؟؟؟؟؟؟؟؟؟؟؟

الحل غير قاعده العصاء وتنتهي السالفه مهب اختراع صاروخ
واكثر سياره تعاني من هذا المشكله هي الددسن او تسوي نفسك ماكد مرت عليك ؟؟ ياعيني ههه



***البرادوا 4 سرندل مع المكيف والعفش حده 145 وش الحل؟؟؟؟؟؟؟؟؟؟

ياخوي 4 سلندر وش ترجي منه ؟؟ سبحان الله هههه



** البرادو ال6 سرندل اما تاخذه فل والا ذبحك بالمطب ...والاربع سرندل ضعيف؟؟؟؟وان غيرنا المساعدات الخلفيه يتعب بالنفود؟؟؟؟ما الحل ؟؟؟؟؟؟


التعلق واحد والراحه وحده يالاخو الاربع والست مايختلفن



*** المزيد في حلقات قادمه لعيون سر سر 111.

عساك ع القوة .. وتراي فاضي هاليومين ادور شي يلهين
واقترح عليك اقتراح وش رايك تحصر اعطال الاندكروزر بس مهب تروح تجمع لي اعطال التويوتا عشان يصير شغلنا مرتب ونطلع بنتيجه
وانا ابحصر لك اعطال الباترول بس منب رايح للددسن والباثفندر ... الخ
وابجيبه لك بالروابط والصور وكل حاقه بس انت اجزم

ونشوف وشهي النهايه ؟؟

[مواسي الطعوس]

انا مشغول ها اليومين لكن اطقطق على 10 من امثالك . لكن ولدي الصغير تعبان ومشغول معه ...وانا اعرف الاعطال واعرف السيارات وماهي الموديلات الناجحه والفاشله من يوم انت تلبس ((بيبي جوي))....نرجع للموضوع:

** توك تدري وموديل 2011م على الابواب هههههههههه.

** لو مالك مصلحه ماقلت ها الكلام ؟؟؟؟ وذا بغيت تمدح لاتسب منافسك صلح عيوبك .

**مثل ماتطورت ((الماكسيما تطور : الباترول ..الفاندر ..الاكستيرا.. الارمادا...النفارا))
وافهم ان كان في الخرج احد؟؟؟
**انا ابحث عن مصلحتي واعرفها قبل تولد ...ههههههههههه.يزم الدنيا خضراء هههههههههه.

** الاعطال اللي ذكرت منها 2 تخص نيسان وعرفت انك تقصد النيسان ..مثل لو تذكر لاعبين من نادي اكيد الباقين منه.وان كنت تستغبي الناس تراك ما انت شي عندهم .ههههه.
** انت تحب النيسان وتطريه كثيررررررر ومايحتاج تحليل ماسبيته الا هو واطي على رقبتك . ومخليك تلخبط امورك .

** ضد البرادوا ((الفاندر )) ومن 2006م وطالع احداك من اليوم لين تموت تلقى به عذروب.

تحلم تلقى به عذروب ومع الشباب مشى والله العظيم فوق 200 الف ولاغير ولا زيت لقير ...مع انه خطاء كبير .
**غير فيه السيور والفحمات فقط.
***********************************

** الكارونه بغير الرالي كل اهل التطعيس يعرفون هالشي .. واهل البر خاصه الاماميه .

وان كنت تجهل مر على الصمعاني ويعلمك ...لاتستمر جاهل هههههههههههه.

**شف كارونة الباترول يركب عليه مكاين جباره مع تعديلها ولا اشتكوا منه وهم يطيرون فيه طيران في الجو ..الطيار والحمد وغيرهم كثير .....

**الدوده اسأل اهل القنص عمرها موسم موسمين ....لاتسال اهل النصب والديره .

**ياليت كل سيارات فيه المسمار كلها 70 ريال فقط ...وبعمر الموتر مره واحده ...بلاك من اللي كل سنه يتكرررررررررر..ههههههههه. والا مع تغيير البواجي على دربه يفكها مجانا .

**اللي بين الدبل والقير ((الله يزيدني بها جهل )) اسأل اللي يركبونها ..والا اهل الورش .

والا انت حدك الشكليات والنصب ههههههههههه.والتغطيس والرزق على الله .


**الفحمات اللهم لاشماته ...وشو الموتر اللي اذا مسكت فرامل جاء على جنبه ؟؟؟؟؟ والنيسان مايعرفون تغييرها قبل 150 الف الا اذا كان ربعه مثلك وقالو له غيرها ...


**تطفي الموتر هههههههههههههههههههه..... ماتصرفت به وهو يشتغل وشلون تطفيه .


** اجل ارخص القطع ...المعافى بنعمه احسب كم تكلفتها وبكم تغييرها وكم من الوقت في الورشه ((مامعنى وقت نغير الزيت )) نفضي للفحمات والهوبات ... الهوب اسمع بتغييره فقط .هههههههههههههههه. وصلت الفحمات ال 15000 الف فقط اللهم لاشماته .هههههههههه.

**الفلتر اسأل اهل المنتديات واهل الكوامري والجيوب وتدري ((لو ان شكلك صغير وماتعرف شي ابد لكن يمكن يقراه غيرك ويطلع )) رب مبلغ اوعى من سامع .ولاتسأل احد ماعنده فلتر شد بلد ههههههههه.

**اجل ماتعرف الموتر اللي ماينقفل غطاء البنزين .. الشرهه علي اللي اتكلم مع جاهل مايعرف كوعه من كرسوعه .انت لازم نبداء معك من الصفر ...هذا كفر وهذاقير وهذه مكينه ههههه.

ماتعرف الموتر اللي يسمى السجن ...نوضح لك ابو سحكيه ههههههههه.

**اجل تعليق البرادو ال 4 سرندل وال 6سرندل واحد .......ههههه لايسمعك احد . اعذرني صعبه انزل نفسي لواحد مايعرف شيييييي ابدددددد. احسن لك خلك متابع للموقع 3 سنوات بعدها تكلم فشلتنا وطيحت مصداقية الموقع .


*******************************************

اعتذار :

اعتذر لكل قراء هذا المنتدى وقبله للمشرفين اننا نتكلم عن مشاكل السيارات لكن هذا الشخص بداء الموضوع ولازم ارد عليه واعلمه انه شخص لايفقه شي .

** المفترض الشخص اذا اراد ام يمدح سياره يمدحها بكل مايملك ...لكن لايسب غيرها وهو لايفقه شي .

** من اراد ان يشاهد ان لايفقه شي يرجع لردوده في هذا الموضوع وغيره من المواضيع ...لكن هو يريد الشهره ولايعرف لانه لايملك اداتها واي معلومات مجرد ناقل من المنتديات فقط .. ويريد المشاكل بين اعضاء المنتدى لكن لن يستطيع ....يرد عليه باشياء لايعرفها تبين عجزه وجهله .

والله الموفق. والسلام ختام

[شورت]

السلام عليكم


والله عن تجربه النيسان مكاين فقط لاغير
والتيوتا يتحمل ويصبر معاك ولا يكلفك صيانه ووكيله كويس واسعار القطع جيده نوعا ما ويمسك سعر في البيع والصيانه جيده جدا في الوكاله بعكس النيسان وكيل تعبان جدا
بخصوص الخرابات الي جايا من المصنع تم اصلاحها وتفاديها من قبل الصيانه والحمد لله ومن غير اي مقابل ولا اي شروط كان عندي ارمادا وطلع فيها عيوب وليس عيب واحد مصنعي واشطرتو عليا ادخلها صيانه 5000 عشان يصلحولي هيا عل ضمان وياريت صلحوها مظبوت رجعت ثاني ولما رجعتلهم قالولي دخلها صيانه 10000 عشان نسويها عل ضمان ساعتها ماقدرت امسك نفسي وسويت فضيحه في شركه نيسان علين ماسولي هيا يعني يبغالك تزعق وتنرفز اعصابك وتدني اخلاقك عشان تاخد حقك في صيانه ال 10000 غيرولي كفرات عل ضمان وفي صيانه ال 20000 طلبو تغيرها كمان معناتو نوع الكفرات الي بيستخدموه وعارفين انهم بيستخدمو نوعيه رديئه جدا ومع ذلك بي كابرو وي حطولك هيا وطز في حياتك وحياه من معك وحياه من في الطريق ومجموع فواتير الصيانه الدوريه من تاريخ شراء السياره من الوكاله على الزيرو الين ماوصل 50000 خمسون الف كيلو بلغ عشره الاف ريال يعني في اول سنه عشره الاف بعد كدا كم حتكون تكلفه الصيانه
واسف لو ما عجبكم كلامي بس هذا الي صار معايا

[ابوطاقية]

اعتذار :

اعتذر لكل قراء هذا المنتدى وقبله للمشرفين اننا نتكلم عن مشاكل السيارات لكن هذا الشخص بداء الموضوع ولازم ارد عليه واعلمه انه شخص لايفقه شي .

** المفترض الشخص اذا اراد ام يمدح سياره يمدحها بكل مايملك ...لكن لايسب غيرها وهو لايفقه شي .

** من اراد ان يشاهد ان لايفقه شي يرجع لردوده في هذا الموضوع وغيره من المواضيع ...لكن هو يريد الشهره ولايعرف لانه لايملك اداتها واي معلومات مجرد ناقل من المنتديات فقط .. ويريد المشاكل بين اعضاء المنتدى لكن لن يستطيع ....يرد عليه باشياء لايعرفها تبين عجزه وجهله .

والله الموفق. والسلام ختام

تبي الصراحه
انت الي داخل على موضوع الرجال بالعرض
الرجال يذكر محاسن سياره اعجبته وانت دخلت تعذرب بالسياره
ياخي الناس فيما يعشقون مذاهب
وفعلا رد الاخ سارى عليك كان معتدل ومثل ماقال الواحد يدور مصلحته لايهمه اي شركه اهم شي مصلحتة الشخصيه
تحياتي

[ابوعبدالعزيز2220]

البرادو الي بابه الخلفي تقول ثلاجة

[هبــ حريملاااء ـبوب]

السلام عليكم ..
لا تعليق على الموضوع ..

بس ودي اقول للأخ ابو طاقيه ..

يبدو انك لم تقرأ الموضوع .. لا تشره وخلك محضر خير يمال الغنيمه

[ساري 111]

اخوي مواسي .. قل امين الله يعجل بشفاء ابنك
ثانياً أسأل الله الكريم اللي كبرك بعمرك يكبر عقلك ويزيد مدى الأدراك والأستيعاب عندك ويرزقك الركاده
ثالثاً ربما تكون اكبر مني عمراً لكن تذكر كم من ولد فاق ابيه علماً وادباً وادراكاً ومعرفه ..
فالانسان بعقله وليس بسنه ياشايبنا العزيز ..


** الاعطال اللي ذكرت منها 2 تخص نيسان وعرفت انك تقصد النيسان ..مثل لو تذكر لاعبين من نادي اكيد الباقين منه.وان كنت تستغبي الناس تراك ما انت شي عندهم .ههههه.
** انت تحب النيسان وتطريه كثيررررررر ومايحتاج تحليل ماسبيته الا هو واطي على رقبتك . ومخليك تلخبط امورك .

طيب ياخي النيسان مهب يخرب ابد بس لاتزعل
<<ياخذك ع قد عقلك



** ضد البرادوا ((الفاندر )) ومن 2006م وطالع احداك من اليوم لين تموت تلقى به عذروب.
تحلم تلقى به عذروب ومع الشباب مشى والله العظيم فوق 200 الف ولاغير ولا زيت لقير ...مع انه خطاء كبير .

الباث فندر من 2006 مبيعاته محدوده جداً وماله شعبيه والشوارع تشهد بذالك
لذالك لم تظهر عيوبه
الشي الاخر اذا بتقارن السيارتين ببعض ابحث من بدايه هالمودلين وحتى هذا اليوم وشف ايهم اجدر بالثقه



وان كنت تجهل مر على الصمعاني ويعلمك ...لاتستمر جاهل هههههههههههه.

**شف كارونة الباترول يركب عليه مكاين جباره مع تعديلها ولا اشتكوا منه وهم يطيرون فيه طيران في الجو ..الطيار والحمد وغيرهم كثير .....


تدري وش مشكلتك ؟؟
مشكلتك جاهل وتدعي العلم ..
رح اسأل الصمعاني وشي الكورين اللي يحطه ..



**الدوده اسأل اهل القنص عمرها موسم موسمين ....لاتسال اهل النصب والديره

لنفرض ان كلامك صحيح اغير دوده كل سنتين او اغير ربطات وجلد ... الخ كل 6 شهور ؟؟
وأسال اهل القنص اذا كنت تجهل ,,





**ياليت كل سيارات فيه المسمار كلها 70 ريال فقط ...وبعمر الموتر مره واحده ...بلاك من اللي كل سنه يتكرررررررررر..ههههههههه. والا مع تغيير البواجي على دربه يفكها مجانا

دليل ضعف شركه نيسان مسمار بسيط مهب قادره تحل مشكلته ؟؟
تدري ليه لاقيه ضعوف تستغلهم


**اللي بين الدبل والقير ((الله يزيدني بها جهل )) اسأل اللي يركبونها ..والا اهل الورش .

ترى الرجال مهب يتكلم عن شي يجهله .. او ماعلموك شيبانك ؟؟
انا ماتكلمت عن شي إلاعايشته وشفته بعيوني وإلافيه امور كثيره من المشاكل لاكني لم اتطرق لها لانه ماصارت لي واسمع عنها مثل خلط زيت القير مع ماء الرديتر .. الخ


والا انت حدك الشكليات والنصب ههههههههههه.والتغطيس والرزق على الله .

يبدو ثقافتك عااااليه جداً تعرف امور مانعرفه .. حبيت اسالك

وش معنى نصب ؟؟
وش معنى تغطيس ؟؟




الفحمات اللهم لاشماته ...وشو الموتر اللي اذا مسكت فرامل جاء على جنبه ؟؟؟؟؟ والنيسان مايعرفون تغييرها قبل 150 الف الا اذا كان ربعه مثلك وقالو له غيرها ...

يابن الاجواد اغير فحمات كل 50 الف ولاكل شهرين واقف عند كهربائي
ياازين عددات الطبلون ياازين كتاوت يااصلح زر التانكي الثاني ياااغير مكينه قززه كل يوم تخرب وحده ... الخ
<<ذكريات قسم بالله عرفت الكهربائين كلهم


**الفلتر اسأل اهل المنتديات واهل الكوامري والجيوب وتدري ((لو ان شكلك صغير وماتعرف شي ابد لكن يمكن يقراه غيرك ويطلع )) رب مبلغ اوعى من سامع .ولاتسأل احد ماعنده فلتر شد بلد ههههههههه
مبسوط قوة من هالنقطه طيب اذا مضيقه صدرك اجدع الفلتر وانتهى الموضوع
الامر الثاني الفلتر ماسكر وضعف دفع الموروحه الا من جوده نوع الفلتر مايدخل عليك لاغبار ولاغيره وبدقيقتين افتح الدرج وانضفه ورجعه .. والله انك مسكين اللي مالقيت الاهالمشكله تقوله دور شي اكبر الله يصلحك يالكبير خخخ





** اجل ارخص القطع ...المعافى بنعمه احسب كم تكلفتها وبكم تغييرها وكم من الوقت في الورشه ((مامعنى وقت نغير الزيت ))

الحين معجبك اسعار قطع غيار النيسان ؟؟
ماشاء الله اجل ماعندك وقت تغير الزيت وجالس مسوي محامي ع النيسان ليه ؟؟
هو احد امرين إما انك الحمراني او لك شركه نيسان الام وهذي ماحد يلومك لو دافعت:p
او انك مالك لاناقه فيها ولاجمل وهذي ينطبق عليها المثال القائل (لكل داء دواء يستطب به إلا الحماقه عيت من يداويها)



**اجل ماتعرف الموتر اللي ماينقفل غطاء البنزين .. الشرهه علي اللي اتكلم مع جاهل مايعرف كوعه من كرسوعه .انت لازم نبداء معك من الصفر ...هذا كفر وهذاقير وهذه مكينه ههههه.

شف ياعزيزي اللي مسوي فيها فاهم اللي اعرفه ان الفورد الجديد اذا انت تقصده فا يامدعي العلم وانت من جنبه وتجهل امور كثيره الفورد الجديد فيه غطاء داخلي يفتح في حال تعبية البنزين ويغلق اذا انتهت التعبئه .. وهذا الموضوع لايعني الكثير .. وبعض الناس يعتبره ميزه



**اجل تعليق البرادو ال 4 سرندل وال 6سرندل واحد .......ههههه لايسمعك احد . اعذرني صعبه انزل نفسي لواحد مايعرف شيييييي ابدددددد. احسن لك خلك متابع للموقع 3 سنوات بعدها تكلم فشلتنا وطيحت مصداقية الموقع .


ياساتر صعبه تنزل نفسك ؟؟ عيب عليك والكبر مهب من شيم الرجال .. لكن ماعليك شرهه
وسيد العارفين مانستغني عنك عطنا وش الاختلاف بينهم ؟؟




اعتذر لكل قراء هذا المنتدى وقبله للمشرفين اننا نتكلم عن مشاكل السيارات لكن هذا الشخص بداء الموضوع ولازم ارد عليه واعلمه انه شخص لايفقه شي .

يدعي العلم من لايعرفه << من علامات إيش ؟؟




** المفترض الشخص اذا اراد ام يمدح سياره يمدحها بكل مايملك ...لكن لايسب غيرها وهو لايفقه شي
.
ياخي الكريم لم اذم سياره بعينها لكن ذكرت ان السياره لاتعاني من اعطال تعاني منها الكثير من السيارات واصبحت هاجساً مقلقاً للكثير
وانت اقريت ببعضها ..
وانت عامل بالمثل اذا عندك ملاحظات اوعيوب في السياره المذكوره اعلاه بس عطنا اياه لاتشعب الموضوع
وتدخل سيارت محنب لمه .. ياليتك تدرك وتفهم مااقوله






** من اراد ان يشاهد ان لايفقه شي يرجع لردوده في هذا الموضوع وغيره من المواضيع ...لكن هو يريد الشهره ولايعرف لانه لايملك اداتها واي معلومات مجرد ناقل من المنتديات فقط .. ويريد المشاكل بين اعضاء المنتدى لكن لن يستطيع ....يرد عليه باشياء لايعرفها تبين عجزه وجهله


ليس من صالحك رجوع القاري الى ردودك وردودي لأن العاقل والفاهم يبي يدرك اشياء ليست في صالحك

اجل ادور شهره ههههههه الله يكبر عقالك عاجلاً فيه احد يدور شهره بمنتدى ؟؟ ههههه يالله لك الحمدعلى العافيه



ويريد المشاكل بين اعضاء المنتدى لكن لن يستطيع
حسبي الله عليك قل امين .. الله لايحللك ولايبيحك وعساك تشوفه باعز ماتملك
اعوذ بالله من حالك وطبعك التهم جاهزه عندك



يرد عليه باشياء لايعرفها تبين عجزه وجهله

ايه تحسب كل الناس كل يوم بالصناعيه ويعرفون كل شي يالكبير
يابن الحلال سألنك عن اشياء تدعي انك تعرفها وتهربت من الاجابه عليه ..
وش تسمي هالشي مهب جهل ؟؟

[ساري 111]

ومجموع فواتير الصيانه الدوريه من تاريخ شراء السياره من الوكاله على الزيرو الين ماوصل 50000 خمسون الف كيلو بلغ عشره الاف ريال يعني في اول سنه عشره الاف بعد كدا كم حتكون تكلفه الصيانه


اكيد ادبله بدل الـ10 بتصير 20 .. لذالك شف اسعاره بالمعارض مايسوى قرش ..

حنا دخلنا بموضوع حنا بغنى عنه ومالنا حاجه فيه .. واللي دخلنا فيه متعصبين النيسان الله يهديهم



ابو طاقيه .. اشكرك عزيزي



السلام عليكم ..

عليك السلام .. وحياك الله ياددسن

[دحيم العبود]

حسبي الله عليك يابطل الدروب

بدت الناس تجمع سياراته علشان تطلع بعض مواصفاتك

[مزدهر]

والله أنا أقول كل السيارات به عيوب ومميزات
اليويوتا فيه من مديل 2007 إلى 98 فيه السبير كان يطيح كم مره نلقا سبيرات طايحات
صح إن بعض الناس غيرو الواير حق الإستبنه وحطو بداله سلسله
لاكن أغلب الناس ماتغير
أيضا كثر استهلاكة للفحمات
وفيه الإسكان الجانبية والكبوس مع البر الجامد تطيح
كذلك الكوارين في التويوتا ضعيفة حتى الديزل يكسر الكارونه وبدون كرف أو شدة بالأستخدام
أيضا في حالة الإنقلاب لاسمح الله أركان الغمارة ما تشيل الموتر يعنى التندة تكبس على المراتب على طول وهذا خطير وهذي تمت معالجتها في المديل الجديد
من مديل 2008 وفوق في عيب شديد وهو نزول المقصات الإمامية مع العلم أن كفره كبير مره يعني في حال الإستبدال لازم كفر البلد وإلا ينزل الموتر زيادة

الباترول فيه الكهرباء خاصة حساس الهواء وكذلك كاتوت الطرنبة و دعسة البنزين اللي في بداية الثلاجة
وحساس الهواء والدعسة المشكلة من فلتر الهواء مهب عيب بالتصنيع
القير العادي عمر قيره من 180000 ألف حتى 280000 وقليل اللي يتجاوز 300000

[ساري 111]

دحيم .. حياك الله

مزدهر .. اضافه جيده للموضوع تشكر عليه

[ساري 111]

مقطع جديد يشرح التقنيه المستخدمه في الجيل الجديد بتفصيل اكبر ومقارنه مع منافسين

مشاهده ممتعه .. بس اكتمو الصوت

http://www.youtube.com/watch?v=0msPb7vVv4A&feature=rec-LGOUT-farside_rn-3r-4-HM


http://www.youtube.com/watch?v=NLF6n3nMwww

[ابوبدرالصفرات]

:d
يااخي نسيت تذكر الاطارات الاربعه من السياره ولا ذكرتها

[الضاحي]

الله يهدينا ويهدي الجميع

اخي مواسي الطعوس: تعوذ من ابليس واذكر الرحمن الرحيم

ترى تويوتا ونيسان ما جابوا خبر احد من العرب