بخصوص سرقة السيارات حلول وافكار واقتراحات

[رحال300]

السلام عليكم ورحمة الله وبركاته

ما يخفى عليكم ياجماعة الخير كثرة سرقت السيارات ها الايام
طبع السرقه موجوده من زمان لاكن لاحظت في الفتره الاخيره زياده في عمليات السرقه فكل يوم احد يحط موضوع عن سرقة سيارته
المشكله ان 70% من السيارت ما يحصلونهن يعني تروح عليك السياره عاد قيمته 80 الف او 150 الف
والسرقه مو معينه على سياره واحده اول كانت تسرق سيارات التفحيط زي الكامري والتيما وغيرها
لاكن حاليا تطور الوضع قريت اعلان اليوم لسيارتين مسروقه واحد اف جي والثانيه اوريون
وقبل اسبوع سرقة فكسار 2007
وغيره الكثير يعني ماصار ينفع السكيرتي حق السياره
يعني لاحد يقول سيارتي فيها سكيرتي وماراح تنسرق
المغزى من الموضوع
نبي ارئكم واقتراحتكم لهاذا الموضوع الخطير
لائن السيارات مو زي اول حاليا الاسعار من 100الف وفوق
وهاذي مو بسيطه ابد

وتحياتي للجميع

[لاتكب البيالة]

من الحلول لا تنزل من السيارة الا انت مطفيه حل سهل جداااااااا ولا يبي شي لا تبعد عن السيارة متر الا المفتاح بمخباتك سواء فاضيه او به حريم او اطفال او به رجال ماله لحيه ولا شنب لانه ما يفرق عن السابق ذكرهم ولا له هيبه وانا اتوقع اكثر السيارات تسرق لان راعيه نازل ومخليه تشتغل ولا لو هو مطفيه وشلون يسرقونه يشلونه بسطحة ولو كيف

[راعي السيل]

نعم فيه بعض الناس انسرقت سياراتهم باستخدام سطحه وسحب السيارة ، يحط لك تحت كفرات السيارة (شحم) ويسحبها. الله لا يجزاهم خير ولا يوفقهم دنيا واخره

[رفيع المقآم]

والله وانال اخوك اللي سيارته يفتحها اي مفتاح يركبلها اللي على الدركسون يسمونه قفل دركسون ويكبر المخده وينام

[أبو لافي]

بضيف نقطه اخوي في الموضوع الي هي كسر قزاز السياره وسرق اما مسجل او استبنه او اي اغراض في السياره الله لايوفقهم لادنيا ولااخره الله يورني فيهم عظيم قدرته اليوم ياشباب انكسرة سيارتي عند المدرسه والحبيب ماخذ راحته بقوه بحيث انه مفتش الدرج حق السياره تفتيش بالسانتي الله لايوفقه غير المركا الي بالنص حقت الوكاله بحيث فيها درجين واحد كبير والثاني صغير وغير المخبا الي في الباب ماطلع من السياره الا وهو نافض امها نفض وهي قدام المدرسه حسبي الله ونعم الوكيل فيهم ماطلع الاوهو سارق جوالي بس تصدقون انه محترم بقوه بعد نضارتي ماركه شالها من مكان النضاره الي فوق الدرج الخاص فيها بالسياره وحطها عند الكاسات وش تقول وايش تخلي لاحسيب ولارقيب والله ماحولهم احد لو يمسكون لك كم واحد ويقون لك يده والله لتشوف الخلق يمشون جنب الجدار وشكرا لكم وسامحوني على الاطاله

[صقر القصيم 16]

سبب كثرة السرقات واضح وهو ترك التنفيذ الشرعي وهو قطع اليد لو كانت اليد تقطع بتشوف الحال كذا لا والله ماتشوفها
ما اقول الا انا لله وانا اليه راجعون

[هوايتي مكشات]

(من امن العقوب اساء الادب)
اذا السارق مسكوه وبواسطه بعد عشر دقايق تلقاه سابقك مع الباب
وش بيكون منه اكيد كل شوي يبي يبعث
والشي الثاني قول اغلب الحرامية من اي فئة الحرامية (بدون) ولا مراهقين بدون رقابة

[أبو لافي]

(من امن العقوب اساء الادب)
اذا السارق مسكوه وبواسطه بعد عشر دقايق تلقاه سابقك مع الباب
وش بيكون منه اكيد كل شوي يبي يبعث
والشي الثاني قول اغلب الحرامية من اي فئة الحرامية (بدون) ولا مراهقين بدون رقابة
والله ياخوي كلهم في الهوا سوا والحرامي يبقى حرامي والله يعوضنا ويعويض جميع المسلمين ويهديم يارب

[ريان2002]

السلام عليكم ورحمة الله وبركاته
أنا أنصح اللي عنده سيارة جديده أو غاليه أو يخاف على سيارته حتى لو هي قديمه مايبخل عليها ويركب لها جهاز تتبع اللي من عند شركة الإتصالات قيمته مع التركيب 1000 ريال تقريباً ورسوم شهريه 100 ريال
صحيح المفروض اللي يتبنى هذي الفكره المرور ويكون بإشتراك شهري رمزي لتقليل السرقات لكن لا تعليق
وقرأت قبل سنه تقريباً أن سائق شاحنه آسيوي سرق تريله بحمولتها من عند كفيله والكفيل مركب هذا الجهاز بكل السيارات اللي في مؤسسته وعن
طريق الأقمار الصناعيه حدد مكان التريله وبلغ عن سرقتها مع الدلاله على مكانها
بالنسبه لي ماني مركبه لقلة السرقه عندنا ولله الحمدولم أقصد الدعايه لهذا الجهاز ولكن تلبية لرغبة طارح الموضوع أدليت بإقتراحي
ولكم أجمل تحيه

[شلقة]

ياخي كحل أحترازي - تأمين شامل -
مع أنه قد يقول البعض أنه ينافي التوكل والأمر فيه أمور شرعيه وكلام علماء يرجع له

الشيء الثاني أنا أنسرق موتري قبل شهرين - كامري -
وكان فيه شريحة موبايلي لكن لسوء الحظ كانت غير مفعله على الشبكة يعني قديمة ولا كان نفعت ..

الحمد لله موتري رجع عاد

[رحال300]

من الحلول لا تنزل من السيارة الا انت مطفيه حل سهل جداااااااا ولا يبي شي لا تبعد عن السيارة متر الا المفتاح بمخباتك سواء فاضيه او به حريم او اطفال او به رجال ماله لحيه ولا شنب لانه ما يفرق عن السابق ذكرهم ولا له هيبه وانا اتوقع اكثر السيارات تسرق لان راعيه نازل ومخليه تشتغل ولا لو هو مطفيه وشلون يسرقونه يشلونه بسطحة ولو كيف
هاذي وانا اخوك مقدور عليه
بس تدري ان اغلب السرقات وانت اصلن منت موجود يعني نيم في البيت تطلع تحصل السياره مسروقه طبعا مقفله وضابط امورك
انا اعرف واحد سرقت سيارته وهو يصلي الجمعه
انا قصدي هنا ولا الى يخلي سيارته مفتوحه هاذا اهمال منه
بس المشكله لاطلعت تبي تروح لدوم ومالقيت سيارك هنا المشكله

[رحال300]

والله وانال اخوك اللي سيارته يفتحها اي مفتاح يركبلها اللي على الدركسون يسمونه قفل دركسون ويكبر المخده وينام
هذاك منول
اقولك سرقت اف جي واريون وفكسار هاذي تنفتح بي مفتاح!!!!!!
ماوقفت على المفتاح هي كسر القزازه مايبيله شي
والله يعين يارجل

[رحال300]

ياخي كحل أحترازي - تأمين شامل -
مع أنه قد يقول البعض أنه ينافي التوكل والأمر فيه أمور شرعيه وكلام علماء يرجع له

الشيء الثاني أنا أنسرق موتري قبل شهرين - كامري -
وكان فيه شريحة موبايلي لكن لسوء الحظ كانت غير مفعله على الشبكة يعني قديمة ولا كان نفعت ..

الحمد لله موتري رجع عاد
كلامك منطقي صراحه
لاكن السؤال اذا انسرقت السياره وش يسوي لك الضمان الشامل؟
يعني يعطيك بديل ولا قيمة السياره ياليت شوية معلومات يا الغلا
وهل اجرائتهم سهله ولا يمرمطونك لين تدوخ
ياليت تعطينا تجارب لا التامين الشامل

[عقيعقب]

سبب كثرة السرقات واضح وهو ترك التنفيذ الشرعي وهو قطع اليد لو كانت اليد تقطع بتشوف الحال كذا لا والله ماتشوفها
ما اقول الا انا لله وانا اليه راجعون



أضف إلى ذلك
الفقر الذي يعاني منه الشعب السعودي

حتى أصبح السعودي مضرب مثل في الفقر عند الدول الخليجية

[الجمــــــــــــــل]

سبب كثرة السرقات واضح وهو ترك التنفيذ الشرعي وهو قطع اليد لو كانت اليد تقطع بتشوف الحال كذا لا والله ماتشوفها
ما اقول الا انا لله وانا اليه راجعون
صدقت هذا هو السبب الحقيقي لكثرة السرقات هذه الأيام عدم تنفيذ الحد الشرعي




أضف إلى ذلك
الفقر الذي يعاني منه الشعب السعودي

حتى أصبح السعودي مضرب مثل في الفقر عند الدول الخليجية


الفقر ليس عذرا للسرقه يا أخ عقيعقب
وإلا في وقت رسول الله صلى الله عليه وسلم كانوا أشد فقرا وما كانت السرقه موجودة لوجود الخوف من الله
حتى في وقت أجدادنا وأبائنا كان الفقر منتشر وكانت السرقه قليله

السبب باختصار هو عدم الخوف من الله وعدم تطبيق الحد الشرعي
((ولكم في القصاص حياة يا أولي الألباب (http://www.ebnmasr.net/forum/t31996.html)))

[رويشم]

السلام عليكم
ياأخوان الجوع والبطاله سبب من اسباب التسيب والسرقات لا تقولي زمن الرسول صلى الله عليه وسلم ما كان هنالك تكنلوجيا ولا افلام اجنبيه ولا غلاء زي هلوقت كانت الامور تمشي حسب الموجود لكن هلوقت الله يكفينا شره وصار الواحد يفكر نفسه عايش والله ما حد داري عنك يا خوي الواسطه علشان تعيش ولا شهاده نقعها وشرب مايها وهذا هو سبب السرقات على شان يبي ياكل ولله يسرقون البانزين من السيارات الواقفه امام البيت شرايكم
نأسف على الائطاله وشكرا

[ميمون111]

ماقول إلا الله يستر علينا وعلى المسلمين ويصلح الحال والأحوال ويكفينا شر السرقات

[عقيعقب]

صدقت هذا هو السبب الحقيقي لكثرة السرقات هذه الأيام عدم تنفيذ الحد الشرعي




الفقر ليس عذرا للسرقه يا أخ عقيعقب
وإلا في وقت رسول الله صلى الله عليه وسلم كانوا أشد فقرا وما كانت السرقه موجودة لوجود الخوف من الله
حتى في وقت أجدادنا وأبائنا كان الفقر منتشر وكانت السرقه قليله

السبب باختصار هو عدم الخوف من الله وعدم تطبيق الحد الشرعي
((ولكم في القصاص حياة يا أولي الألباب (http://www.ebnmasr.net/forum/t31996.html)))


عمر بن الخطاب رضي الله عنه أوقف حد السرقة حينما جاع الناس

ونحن نحسن إلقاء اللوم على هذا وذاك وبطوننا مليئة بالخيرات بينما بيننا أناس لايجدون قوت يومهم

وبيننا من يأن والديه من الأمراض وهو لايجد قيمة دوائهم

وبيننا من يرفض أبناءه الذهاب لمدارسهم لأن والدهم لا يستطيع تأمين ( الفسحة )

وبيننا وبيننا وبيننا .. الكثير والكثير

لم يسرق أحد من غنى (وأنا لا أبرر السرقة) ولكن إذا أردت معالجة السرقة فابدأ بمن سرق حقوق هؤلاء

الفساد تفشى في كل مكان والمليارات تخرج ولا يرى لها أثر إلا على الورق

حتى أن أحد المسؤولين الكبار في البلد قال أن الميزانية الماضية خرج منها 109 مليار فقدت ولايعلم أين ذهبت .. وأنا لا أعلم أين ذهب صاحب التصريح (رحمه الله حياً وميتاً )

الكلام كثير وكثير ولكن خلنا نبحث عن مواضيع تعديل السيارات و وبيع الصقور

أما الفقراء الذين لايجدون لقمة العيش .. والبدو الذين باعوا مواشيهم (لغلاء الشعير) .. والمعلمين الذين أكلت حقوقهم .. وحد السرقة الذي عطل .. والعلماء الذين أقيلوا من مناصبهم .. فمناقشة ذلك ليس من اختصاص أي مواطن .. ولا تسألني من اختصاص من .؟ فأنا مثلك لا أعلم شيء

[NOYEB]

بسم الله الرحمن الرحيم
(والسارق والسارقة فاقطعوا ايديهما جزاء بما كسبا نكالا من الله والله عزيز حكيم )


هذا هو الحل

[شلقة]

لاكن السؤال اذا انسرقت السياره وش يسوي لك الضمان الشامل؟
يعني يعطيك بديل ولا قيمة السياره ياليت شوية معلومات يا الغلا


والله على ما أظن يعطونك قيمة موترك ..
لكن تأكد أن قيمة التأمين أصلاً على حسب الموتر
يعني مثلاً : ( أقول مثلاً ولا أنا ما أدري عن أسعارهم )
هدد بـ 3000
هايلكس 1500

أما عن الأجرائات فمادري عنه لكن أنت أمن عند شركة معروفة مثل التعاونية وأحس الأمور تبي تصير تمام ..

على فكرة .. التأمين الشامل من مميزاته لو تنسرق لك جنوط أو تنكسر قزازك ولا أنحرق الموتر لا قدر الله تجيب المرور ويسجله ضد مجهول ويعوضونك ..

عموماً ,,هذا رابط من موقع التعاونية الرسمي بخصوص التأمين الشامل

http://www.ncci.com.sa/FromBuilder/productAr.aspx?pid=50&tab=50&iType=1

[أطلال نجد]

^^^^^^^^
لا يهمونك
تقعد أنت وأياهم 6 سنين عشان يعطونك نصف قيمة سيارتك هذا أن عطوك أصلاً
وعلى فكرة
ترى ما فيه جهة رسمية تحميك من شركات التأمين بالسعودية .

صار على أخوي حادث عام 2006 والخطأ على الطرف الثاني 100% مع العلم أن الطرف الثاني مأمن عند شركة معروفة ومعتمدة وإلى الآن أخوي ما أخذ منهم ولا ريال بالرغم من المطالبات الضائعة
المبلغ 11.000

أعقلها وتوكل وأنا أخوك

[سوبر VTC]

ابتكاري الجديد(وداعـاً لسرقة السياره وهي في حالة التشغيل) (http://www.mekshat.com/vb/showthread.php?t=177730)

http://www.mekshat.com/vb/images/misc/subscribed.gif حيلة جديدة قديمة (( لسرقة السيارات)).... مع بعض الحلول لدرء السرقة (http://www.mekshat.com/vb/showthread.php?t=154904)

[البرتقالي]

يااخوان مهوب اي سرقة تقطع اليد علشانها في شي اسمه حرز وفيه مافيه من التفصيل
الصحيح ان نترك هالامور لأهل العلم
ونركب باب كنترول مايكلف الفين ريال وقضي الأمر ;)

[رحال300]

بعد البحث والتحري
طريقه غير مكلفه وفعاله 100%
تروح لكهربائي فاهم ويفضل يكون سعودي
وفيه كهربائي فاهمين ها الشغله والى عرفته ان واجد الى مسوين ها الحركه
وهي يحطلك فاصل من السلف وها الفاصل تحطه بمكان خفي كا تحت المرتبه ويكون ما يشاف
او تحت الطبلون بس يكون خفي وتاصله يدك لكي يسهل فصله وشبكه
وميزته يفصلك الكهرب مره
يعني لما يحاول يشغل ما يطلع له شي ابد يعني ولا دقه سلف
وبكذا راح يشوفله احد ثاني وهو ماراح يجلس يدور مكان الفاصل
ولو نقول انه تحمي 60% تكفي
والتكلفه 90ريال مع الفاصل وشغل اليد
وهاذا حل من احد الحلول