بالصمان .. هجوم على مكشات من معارضين

[ملبد]

سلام يامكشاتيين
لو اتيحت فرصة لمنتدى ( مغاير) لمكشات يضم المقصودين بموضوعات ستراها بين السطور القادمة( خصوصا فيما يتعلق بالصمان ).. لتوقعنا أن نرى ( اتجاها معاكسا ) لحملتكم يا رواد البر العقلانيين.. فقد ترى وجهة النظر التالية:
------ :mad:
المتابع لكم يامن تكتبون بمكشات يشوف إن – عندكم حملة - هذه السنة ( مبلشين حالكم فيها .. ومسوين فيها زعط )..
كل يوم وكل ماطق عود طلع واحد منكم بالبيئة والنظافة وانقذوا الصمان ..
واحد كاتب (انقذوا فياض الصمان لقد تحولت الى مكب للنفايات (http://www.mekshat.com/vb/showthread.php?t=27692)) وكاتب كلمات كبيرة مثل ( مناظر مقززة , دمار , تلوث ) .. ومسوي لي فيها مثقف .. لهالدرجة .. وش فيها إذا صار نفايات ( كلنا على البر نفايات ..)
وثاني (متنكد ) من هذه الصورة :

http://www.mekshat.com/pix/upload/images7/mk5247_tree.jpg
الحقيقة غريب إنك زعلان .. شف الأكياس وش لون مظلله ومعطية منظر .. شي..
لا وحاط فلاشات (قضية .. خطر ... (http://www.mekshat.com/vb/showthread.php?t=27721)) < تكفا يالدفاع المدني..
وآخر كاتب شي اسمه تحلل المواد (http://www.mekshat.com/vb/showthread.php?s=&threadid=644).. حتى المناديل يبينا نجمعها ( ألا ياجامع ) < أقول بس ماتسلفنا الربع اللي بتوقيعك .. :mad:
وفيه بعد شايب مخوفنا بالمصران (http://www.mekshat.com/vb/showthread.php?t=27988)ويقول غلط ياناس ويبينا نشيل الكرش والمصران ..

http://www.mekshat.com/pix/upload/images7/mk2673_mk5_DSCN2750.jpg
أقول ..حنا عيال الحمايل تبينا نخم المصران .. مابقى إلا هي..
المصيبة بذاك اللي يقول أجيال قادمة ومغادرة (http://www.mekshat.com/vb/showthread.php?s=&threadid=14886).. و غيره ثاني مشقي حاله بحملات (http://www.mekshat.com/vb/showthread.php?t=19038).. وطابع شي يسمونه ( استكر توعية ) على شان يلزقونه بسياراتهم ..

http://www.mekshat.com/pix/upload/images4/samh3.jpg
على فكرة مادامكم تقولون ( الأجيال القادمة ) .. اذا بغيتوا تطبعون ستكر ثاني خلوه مقاسات وأهم شي مقاس ( XXL ) وحطوا عليه صورة جينفر لوبيز أو برتني سبيرز من فلمها الأخير حتى (نفل الحجاج اللي ماهو حجاجكم ).. ;)
وفيه واحد راص كلمات فوق بعض يقول ( اعضاء وزوارمنتدى مكشات الكرام الرجاءالمحافظه على نظافة مناطق التنزه البريه لزيارتها مره أخرى وللاخرين من بعدك (http://www.mekshat.com/vb/showthread.php?t=28157)) < وحنا مكلوفين بغيرنا .. شف الرعيان وش هم مسوين:

http://www.mekshat.com/pix/upload/images5/mk1377_fiddrt3.jpg

( وسع صدرك ولا تدقق .. جيزنا جيز الرعيان )

وكله كوم .. بذاك اللي عاني من الديرة ورايح ينظف البر الوسيع من البلاستيك (http://www.mekshat.com/vb/showthread.php?t=28196&page=1&pp=15).. وش هالنشاط الزايد .. تبي الكشتة تروح خسارة وقت بجمع القمايم .. وش يبقى للتفحيط والتطعيس ( والتطيين) :( والرقص..
------- خلصنا من ( وجهة النظر المغايرة ) :mad:

في كل ماسبق فتش عن ثالوث ( الكسل , واللامبالاة , والعربجة ) يحركها ( عقول فارغة .. أو مفرغة ) .. والنتيجة ( قلة حياء ) .. ولكي تحل المشكلة ينبغي مجابهة ( قلة الحياء ) .. وهذه المجابهة لو بدأت فيها مع هذه الفئة ( وتبي تسوي فيها مثقف على قولتهم ) تصبح كمن يمشي في (حقل ألغام ) إن أوغلت في المسير زاد الخطر ..
الأمل في ( الكسولين ) .. هؤلاء فيهم رجاء .. لكن كيف تعرف إن هؤلاء ( كسولين وبس ) ..
إذا لاحظت مجموعة كاشتين حولك (رايقين وغير مزعجين , ولا يقومون إلا الظهر ) ونصفهم توها خاطة شنباتهم ولابسين طواقي فوق الهامة كأنها ( طاسة أو غضارة ) ..هؤلاء ( زولة .. حط العين عليهم ) وحاول باللطافة توعيتهم إن رأيت ما يكدر صفاء مسيرة الحملة المكشاتية ,, وأخلي مسؤليتي لو طلع لك ( لغم معارض) من بينهم ماحسبت حسابه.. وتحمل عدم فهمك لهذا الجيل وارضخ ( لصراع الغضارات ).. :)
وسلامتكم

[مشغول]

هلا اخوي الملبد

في بداية كلامك .. احمد وجهي واصفر وازرق .. وينك لو تطيح في يدي .. وشوي شوي بدأ اللون الطبيعي يرجع الحمد لله

أما نهايته كلامك في محله الله يعطيك العافية

تسلم يالغالي

[صقر]

صدقت ياخوي ملبد .....أعضاء مكشات هذه السنة غير .... همهم نظافة البيئة وقد رأينا بالفعل مكشاتيين قاموا بتنظيف فيضة كاملة ...

ونتمنى أن يزيد الوعي لدى المكشاتيين في قادم الأيام لأبعد من ذلك بعد أن تصل رسالتهم الى جميع رواد البر.

تذكرت هذا الموضوع للمكشاتي المميز فرد حمزة :/ هل نحن المتسببون ؟؟؟ هل يكون هذا درساً لنا!!! هل نتكتم عن أماكن الربيع! (http://www.mekshat.com/vb/showthread.php?t=6981)

http://w41.47.saudi.net.sa/~u474102600/mekshat/Pic/NoGood/NoGood3.jpg


وأخــــــــيرا


ولابد لنا من ذكر موضوع أيمن الشهير :/ يا رواد البر .. المحافظة المحافظة على البيئة!! (http://www.mekshat.com/vb/showthread.php?t=644) والذي كتب في بدايات افتتاح المنتدى عام 2001م.

شكرا اخي ملبد

وبارك الله فيك.

[سداااااح]

هههههههههههههههههههههههههههههههههههههههههههههههههه هههههههههههههههه

[راع الكحيلة]

كله كوم يا الملبد .. وذاك المطنوخ كوم

وشفيه ذاك المطنوخ؟؟


تصدق يوم انه شدّد حلاله من عقب ما أبطى في محله
وشاف اللي حوله من دثارة صبيانه والسافي اللي دافنها ..تصدّق وش سوّى؟؟

راح أستأجر تراكتور شيول مع قلاب وقشط ها الدثرة من الارض قشط وحملها القلاب ودفع لهم كاش ..قيمة طلي سمين بالحيل.

تهقاه مطنوخ؟؟ :) :)

[الجمس]

اخوي ملبد
عزالله انك طولت الغيبه ! وين اللناس والا كثرة دراهمك؟؟؟؟؟؟؟؟؟؟؟
اقول ليه ما تعدل بيت الشعر اللي بتوقيعك اصرفلك
تحياتي

[حد السيف]

الغالي ملبد
فكرة ممتازة للاستفادة من الاتجاة المعاكس لايصال كا ما تريدة
الاكيد اننا سوف نصل باذن الله
لن البر برنا والارض ارضنا جميعا
الصبر والمثابرة وترا كل ما يسعدك ويسعد كل غيور من اجل رسالتنا جميعا
مهما كان الاحباط من الاخرين

محبك اخيك حد السيف

[ابو درع]

بداية أحب أن اؤكد على أمر معين ، وهو وان كان يبدو من صيغة الموضوع النظافة ،، النظافة ،،

النظافة ،، النظافة

النظافة كيف ... يعني وين أوديها ..... قلي :mad:

النظافة مته ... كل أوراقي وكيأسي شالها الهواء :p ... قلي وشلون

أطارد ورها ... :p

النظافة أين ... يعني قصدي مكاني انا وربعي ولا البر كله ... :director:

النظافة لماذا ... يعني فيه هواء وشمس تحرق كل شي خل عنك . :burnout2:


النظافة وشوله انت في البر لمنك صرت في البيت ايه خذ ولد . :good:









وا الكثير الكثير من هذا الكلم كيف تتعامل مع من لا يبالي ،،

ارد عل من يقول(( كيف ))اقول اقل شي احرق البلاستك خاصة

لأنها حاجب قاتل للنبات وتسبب إضرار على الأغنام وغير ه

النظافة(( مته )) الله يصلحلي قلبك من البدايه خلي بجنبك

كرتون كيس اجمع فيه كل نفاياتك ..

النظافة (( أين )) يا معود أهم شي تقوم ومكانك نظيف كذا تكون

قدوه للي معك وشوي اشوي الوعي ينتشر بين الصغير والكبير

والله يقويك ان شفت شي على طريقك وأزلته فهذي صدقه لك

النظافة (( لماذا)) هذه الصور تغني عن الكلم ،

http://www.mekshat.com/pix/upload/images7/mk9458_556666.JPG

وكذالك الصور التي عرضت في هذا الموضوع ..

النظافة ((وشوله)) الله يهديك تبي واحد يدعي عليك لمنه جلس

تحت ظل اشجره امتلأت من الأكياس والقذرات التي خلفتها أنت

أو جرفها الهواء وعلقت تحت ضل هذ المكان الذي يستظل فيه

أخوك المسلم ،اعتقد انك ما ترضه لنفسك .


تحياتي ..

[المربد]

وانا اقول وين الرجال ما له مشاركات ، عسى ماهو " ملبد" اوعسى ما تـســبـب له "خشم الحصان" عقب المحاكمة..!!!
وقعدت اهوجس بهم يمكن جته وحده من هالمقمع او نحته هالشايب ....!!!
يا حافظ يا عقايل الله
والحمد لله على العقلان يا بعدهم.
ومن طول الغيبات جاب الغنايم

فعلا استاذي العزيز هذه رسالة اتمنى من مكشات واعضاء مكشات الاكارم حملها وتـثـقيف انفســنا (اولادنا واخواننا) اولا ثم نشرها لدى الاخرين لينعم الجميع بطبيعة صافية نقية.
فما يضرنا لو حملنا معنا كرتون من اكياس القمامة السوداء واهدينا من نـتـواجه معهم في طريقنا كيس او اكثر ليستفيدوا منها

[بن عبدان]

النظافة من الايمان
لا تعليق

[شخاميط]

اسلوب اكثر من رائع اهنئك عزيزي ملبد على هذه الامكانيات :good:

قرأت المقال اكثر من مره وتوقفت عند ( حرب الغضارات )ههههههههههههههههههههههههههه

اسمحوا لي باستفسار ؟

هل للغضارات دور في رفع مستوى التفكير للانسان ام ان للانسان الدور الاكبر في استعمال الغضارة كغطاء واقي له عن استعمال الطاسة التي هي اصلا قد تكون مفقوده لدى البعض او اندثرت ؟

مع ان لدي معلومات مؤكدة جدا جد هههههههههه ان الطاسة لازالت موجودة وبحالة جيدة المصدر شفت الطاسة مع كثير من الاخوان بمهرجان الجنادرية والمثل يقول اذا كذبت فاسند

ماهي العوامل التي ادت اختفاء معالم الطاسة التي هي اصل الغضارة ؟

يؤ ;) ههههههههههههههههههههههه سوال يدور بكثير من الطاسات من اين اتت الغضارة ههههههههههههه


ياشين حرب الغضارات من جد دخت وانا اكتب هههههههه :looney: :looney:

[عريدان]

ترا كلامي ذا تخويف لهم فقط وإلا والله لو البلديات أو دورية مراكز الهجر تمر هالفياض اللي فيها (بعض ) أهل الغنم والابل ورعيانهم اللي ما تربو مثل ما تربت غنمهم اللي مفليينن فيها ويأخذون غرامه منهم "هرفي " عن كل كيس شعير أو جيفة مرمية تحت شجرة أو بشجرة في الفيضة أو حواليها واللي هو رازح بخيامه وشبوكه وقراشيعه وخمامه فيها طول السنه ولا يهمه إلا لين كنستها غنمه شد وخلى الوسايخ والمخلفات بالأرض "حسبي الله ونعم الوكيل، وإلا الكشاته أمرهم هين بعد لأن كل مجموعه أتوقع لازم يكون واحد فيهم على الأقل قلبه حي ويراعي هالأمور من منظور شرعي وهو أن النظافة من الايمان ويحتسب الأجر وخاصة أن رسولنا الكريم صلى الله عليه وسلم قد حث على النظافة العامة و نهى كما ورد بأحاديث كثيرة ألا نتبول بالضل أو نرمي الأوساخ بقارعة الطريق فما بالك بمن يرمي الجيف القاذورات بأماكن نزول المسلمين و جلوس المسلمين ونقاهتهم ولكن "الله يهدينا أجمعين ويصير خير بإذن الله" وعلى كل حال الله الهادي.

[عريدان]

إيه نسيت ترى بها الديرة ما تمشي الأمور إلا بالشدة والشكم وإلا فيه عالم ما خرب الا هم مستهترين بكل شيء يأكلون الزلط ولا أحد مالي عينهم إلا إذا كسر خشومهم ورباهم بس بالقوه والتخويف والتغريم لأنهم ما يعرفون الأدب ولا الذوق ولا الحياء من الله فما بالك من خلق الله.

[مغباش]

كنت رايح بسرعة ومنفعل برد عليك قبل لا اكمل موضوعك
بس الا هداني وشفت مشاركات الفطاحل اعضاء مكشات وشكيت في الامر
وقلت يا شين العجلة اخسر زميلي (زميل في محاكمة خشم الحصان) بسبب تسرعي
ثم رحت وكملت موضوعك (ولو انه طويل ) وقلت اي هذا صاحبنا وهذا عشمنا فيه راعي مواقف طيبة وما يخيب ضنا فيه (شعقبه بعد ما شكيت فيك)

[السومر]

الله يعطيك العافيه

بارك الله فيك

[meqdam]

اخوي ملبد تسلم على هالموضوع ويعطيك العافيه ..........

[منــاكد]

شكراً أخي ملبد على هالموضوع...

والله يجزاك خير على التذكير...

[اسيزو 4x4]

بارك الله فيك

وكلامك عين العقل يالنشمي

[nahham]

قلت وش بلا الرجال

ياساتر

حركه حلوه