هل البنزين 91 يضر مكينة الفتك

[comابوسليمانwww]

السلام عليكم .....
اخواني معي باترول 2004 سوبر سفاري vtc وبعض الشباب قالي انتبه تعبي غير بنزين 95 هل الكلام هذا صحيح او مبالغة ...
وهل البنزين 91 يضر مكينة الباترول الـ vtc ارجو الافادة .

[الشيخ قوقل]

أبد أبد
3 سنوات من التجربة ولم أشاهد عليه إي ملاحظة
فقط ضعف العزم شيء قليل والاحتراق منتن
دمت بخير وفقك الله

[comابوسليمانwww]

اشكرك اخوي قوقل على السرعة في الرد
وماقصرت ...
واتمنى نسمع خبرات جميع اصحاب البواترل لاني من المنضمين اليهم جديدا .

[قناص خلاوي]

ابد مايضره
الفتك بنزينه 91

[باترول2008]

والله يا أخوي

أنا من يوم شريت الموتر أعبي 95
ومرة عبيت بالغلط 91 بدا الموتر إذا كتمت الدعسه يطلع دخان أبيض
وإذا وقفت الموتر أشوف الشكمان بنقط ماء أسود ولما غيرت البنزين ل95 راحت المشكله
طباعا غير مشكلة نقص العزم
ولا تنسى إن تكلفتها تقريبا زي بعض لأنك تبي تعبي 91 بـ55 تانكين ويبي يمشيك 600 تقريبا
بينما 95 تعبيه بـ70 ويمشيك 700 أو أكثر

وكد جربته على أحد المواتر وتأكدنا إن فيه فرق بالمشي


دمت بود وعموما الوكاله يقولون 91 وما منه ضرر إن شاء الله
لكن أنا أرى إن الـ95 أفضل بمراحل




تحياتي

[عمرولدعلي]

أنا معي فتك 2008
أعبي ممتاز 95
لانه جاني تحذيرات من الشباب وسالت الوكاله قالو مافي ضرر لكن النيسان عموماً ال 95 أفضل له ..

وفيه واحد من الشباب معه فتك 2004 وأول ماطلع البنزين 91 واضب عليه مايعبي غيره وانكسرة المكينه والمكانيكي يقول السبب البنزين

بينما عمي معه فتك 2004 ومايعبي الا 91 وماشاف الا العافيه لكنه الكنبريشن ماكد وصل ال 4 يعني تمشي دايم ..
والعلم عند الله ..

[S4500]

اخوي انا بغيت اوضب البساتم بسبب بنزين 91 لاكن الله ستر

[صباح القايله]

اخوي انا معي فتك 2002 ماء اعبي الا91 وجربت 95 ولا فرق
ولا افرقه بالعزم وكذا واحد اعرفهم نفس طريقتي
لكن اعرف واحد معه 2008 يقول يفرق
لكن 2002 الى 2004 مايفرق
والشكل الجديد يفرق والله اعلم
وفيه واحد يقول ان البواجي حقات الاول تفرق عن الجديد ولاول يقبل 91 احسن من الجديد

[نيساني قديم]

من نزل 91 وانا مااعبي الامنه ولم اشتكي من شي ولله الحمد

[سوبر VTC]

البنزين توفيق احيانا يسلك و احيانا لا
احيانا يسبب تفتفة للمكينة تحصل الابنص يلعب
لكن غالب الربع 91 و الموتر تمام
اللي حللوا عينة بنزين 91 و جدوا ان نسبة الاوكتان 88 :mad:
ليست 91 يعني غسال ماء مهب بنزين
لذلك ال95 طلعت نسبة الاوكتان 93.7 و ليست 95
اذا كان الموتر تلقلق بلوفه + صرقعه
لازم تعبي 95

[سوبر مكشات]

التكلوج مكتوب 91
انا جربت الثنين

95اقوى بس ممشاه اقل من 91

وهذا اللي استغربته

[واثق الخطوه-]

التكلوج مكتوب 91
انا جربت الثنين

95اقوى بس ممشاه اقل من 91

وهذا اللي استغربته

وانا مثل كلام اخوي مجربه وموتري 2009

[الادعج]

الـــ 91 مامنه مضره ان شاءالله ..
لكن الــ 95 أفضل ...
ويكون بعلمك ..لو كان نص التانكي 95 واظطريت تكمل التانكي بــ91 مافيه مشكله ان شاء الله بس عاد لا تفله :D
والمعلومه هاذي أخذها من خبيرنا ومشرفنا سوبر VTC :good2: ...
بس الحمد الله ماظطريت اني اسويه

[حبل الوريد]

من ناحيه الضرر مالي علم

لكن بالصرف مدري احس ان 91 اوفر

من خلال التجربه

لكن عموماً يقولون 95 يطول عمر المكينه

[AMERALNET]

انا معي فورتشينر عبيته 91 ثم غيرته الى 95 والان رجعة لل91 ولم احصل الفرق بينهم

[ftc]

لا مايضر بتتا تا

[wafian]

ما يضر و العلم عند الله

[القنــ أبو تركي ـــاص]

وعليكم السلام ورحمة الله وبركاتة

اخي ان معي بترول 1998 اعبي بنزين 91

وسمعت ان الــ 95 يفرق بالعزم

فـــ جربت الــ 95 وما شفت فية فرق

ورجعت على الــ91 والحمد لله ماشفت منة غير كل خير

وتحياتي لك

[ابو انس111]

و عليكم السلام ورحمة الله و بركاته
عندنا العائلة الكريمه تملك 3 فتكات
من يوم جاء البنزين 91 الوالد حول عليه
بينما انا استمريت على 95 الى ان تمت التجربه في سيارة الوالد
النتيجه لا يوجد فرق لا مسافة الممشي و لا العزم ابدا
علما ان الموديل 2005 و 2006
بالتوفيق للجميع

[دحيم العبود]

اخوي انا عندي سوبرسفاري 2007 وارد الجبر

فيه استكر على غطاء البنزين مكتوب عليه 91

بالنسبه لي استخدم 91 ولا شفت ضرر ولله الحمد

[عمرولدعلي]

الله يكون بالعون المساله محيره !!

[كودو]

الله يكون بالعون المساله محيره !!

لا تحتار ولا تهتم 91 وخل عنك الحيره ولو فيه 87 عبيته ;) اهم شي بنزين يحترق ويوصلنا مشاويرنا
ما حنا داخلين سباقات و تحديات

[أبو هطل]

بنزين 95 والحق اهلك ترى الفتك حساس