ابشتري يوكون وش رايكم ( ابغى من الله ثم منكم النصيحة )

[مكتف الغزلان]

السلام عليكم ورحمة الله وبركاته

انا عازم ان شالله اني اشتري يوكون ، لكن انا مالي اي خبرة مع السيارات الامريكية واتمنى اججد منكم النصيحة
انا محتار بين اليوكون العادي من غير دبل ، او الي يسمونة ملكي او الدينالي كذلك الالوان ايهم افضل الفاتح البيج او الاسود؟

مع العلم ان عندي جيب للبر يعني ماراح ادخل فية بر ابد كذلك اذا احد يقدر يعطيني الفرق بين اليوكون العادي والدينالي غير الاشياء الواضحة الي هي الشبك ومسكات الابواب اكون له جدا شاكر

واعتذر لو اني نزلت الموضوع في مكانة الصحيح

تحياتي للجميع

اخوكم مكتف الغزلان

[زعفراني]

الدينالي مكينته 6 لتر والدبل دايم متصل واكسسوارات اكثر
اليوكن مكينته 5.3 والدبل يمكن فصله
انتبه تشتري يوكن بدون دبل حتى لو انت ماراح تدخل به البر .
في السوق.... اليوكن بدون دبل مثل السياره بدون مكينه

[رويشم]

الكلام مو صحيح الدبل كثير مشاكل الله يعينك على المشاكل
الى بدون افضل من كل النواحي
وشكرا

[أطلال نجد]

أنصحك بالدبل
إذا بتشتري يوكن أو تاهو أو حتى جمس

[DARK2]

طبعا الافضلية للدينالي قوة الماكينة
والمواصفات افضل من اليوكن العادي وطبعا الدينالي مخصص
للاعمال الشاقة حسب وصف الشركة
والافضل من 2005 وانت طالع وطبعا اما يكون مواصفات خليجية او امريكي من ولاية تكساس علشان الحرارة

[مسفر الاكلبي]

انصحك باليوكن الدبل

[Magellan]

اليوكن يجي 3 فئات
1-sle
2-slt
3-denali
طبعا الاول سياحي ومايجي فيه حساسات خلفية وينقصها بعض الأشياء
طبعا المشكلة في أن الوكلاء يختلفون بالمواصفات عادة الجميح مواصفاته سياحية لكن العيسى افضل مواصفات
وبالبيد ارخصهم ويجمع بينهم مع اختلاف بين المواصفات
والتوكيلات العالمية افضل الوكلاء وارامكوا ماتاخذ الإ من التوكيلات

اذا تبي نصيحتي خذ بدبل حتى لوماتحتاجه لأن اللي بدون دبل ماله سوق وقت البيع مثل الدبل
ونصيحتي لواخذت دبل انك تشغله حتى على ازفلت كل شهر لمسافة كيلو وحدودها عشان مايخرب

[abo_hoor]

الله يرزقك بالشي زين ويوفقك يارب
ولاتستعجل بشريه شوف واسال وشباب مايقصرون معاك واسال اللي عنده يوكن
انا والله مالي خبره فيه

[مركزالعبد]

دبل ولا تتردد

واذا تقدر على قيمة الدينالي تكفى لايفوتك ،،، مكينته تطربك 6.2

[- النشمي -]

الجمس موتر العادات والتقاليد

انتشارالجموس ماجا عبث وذلك بسبب صبرها وقوة تحملها


واليوكن موتر يستاهل كل ريال يندفع فيه


ونصيحتي لك اذا بتاخذ يوكن خذ بدبل لانه مرغوب اكثر في البيع

[GMS96]

الدينالي
افضل و نصيحة استاجر لك سيارة يومين وشف المواصفات احسن لك

الله يبارك لك

[بن نويشر]

ليش ما تشوف الفورد ((اكسبديشن)) نفس الغرض وأرخص .

ويجي Xl . وترى الفورد عطايا الله ..

مجرد اقتراح ...

[ساري 111]

بدون دبل اخف وعملي اكثر

لكن عيبه مهب مرغوب في حال البيع

[مكتف الغزلان]

اخواني الكرام

اشكركم من الاعماق على اهتمامكم ونصائحكم الجميلة


تقبلو تحياتي ,,,

[علي عبد الله]

انا اخذت دينالي 2010 طويل اسود اليوم 31/3/2010 من الجميح واستلام الموترالاسبوع القادم . سعرة كاش 207000ريال. سأجربة واوافيك بالنتيجة ان شاء الله
وفقك الله .

[مكتف الغزلان]

الله يبارك لك فية ويعطيك خيرة ويكفيك شرة

ياشباب ابي الي عنده خبر يفيدني

الان اليوكون يجي عادي ستاندر ويجي ملكي ( على حسب علمي )

الفرق بين العادي والملكي

1) الكراسي الامامية في الملكي مفصولة
2) الشبك في الملكي دوائر صغيرة
3) شاشة الدفي دي
4) مرات جلد

السوال :

هل هذي المعلومات صحيحة ؟ وهل فية شي غيرها ؟

وعندي استفسار صراحة ماحصلت له اجابة ؟

هل اليوكون العادي فية بلوتوث ؟

اقصد تقدر تشبك الجوال وتكلم بالوايرس حق البلوتوث ؟

اتمنى من الي عنجه اجابة لا يقصر علينا

تقبلو تحياتي

اخوكم

مكتف الغزلان

[السنع كله]

في السوق.... اليوكن بدون دبل مثل السياره بدون مكينه::
هذا اللي جاري

[ff34d]

على حسب كل منطقه
بعظهم مايرغب اليوكن ابو دبل يقول انه ثقيل في الخط وغير مرغوب في البع
اناس اذواق

[هاوي غماره]

وشلون دينالي طويل

الله يطعمك خيره ويكفيك شره يارب

[أبوعلي الجاسر]

أخوي أنصحك بالبعد عن اليوكون لكثرة أعطال كهربائياته

وأنصحك بالتاهو Ls والله اللي يكتب اللي فيه الخير

[yukooon2003]

اخوي ..... مساء الخير ....

انا معي يوكن 2003 دبل .... انا سمعتك تقول ان معاك جيب لطلعات البر والمكاشيت ....

وانك ماتحتاج اليوكن في البر....لذلك .... انصحك اذا انك تبي اليوكن للمدينه وللعائله وتبي موتر خفيف ...

خذ لك يوكن بدون دبل ( في حالت انك مستخدم يعني ماانت بياع ) لان اليوكن بدون دبل ماهو

مرغوب ...ومن تجربتي (((( كان معي جمس سوبر بان طويل قبل اليوكن .... ولاحظت ان

السوبر اخف من اليوكن بكثييييير رغم انه طويل (لان اليوكن دفرنسين)... ))))



هذا ماعندي وصلى الله على نبيه .... وتقبل مروري