صدق اولاتصدق يوم الخميس 18-4-1431هجري تم بيع باترول V8 ب380000 ريال بمعارض النسيم

[ريثان القصيم]

السلام عليكم ورحمة الله وبركاته.....................................وبعد

اسعد الله اوقاتكم اعضاء وزوار جميعا

شهد الله وشهد خلقه يوم الخميس 18-4-1431هجري في احد معارض النسيم بالرياض

ومن اشهر المعارض بالنسيم عرض الباترول الجديد V8 وصادف حضوري عصر هالخميس

ورايته والعالم متجمعه عليه بشكل فظيع المهم طلع زميلي يعرف راعي المعرض وسلمنا على

بعض وسألناه عن الباترول قال انهم جابه على سطحه ظهر الخميس وتم عرضه العصر وبعناه

بنفس وقت العصر جاء زبون ودفع عربون عليه بقيمة :looney: :looney: :looney:

380000 ريال سعودي :looney: :looney: :looney: :looney: الله يبارك له

ولولا الله ثم اني بحضرة صاحب المعرض ماصدقت وهذا ان دل على شي فانما يدل على فارق

الطبقيه بين المواطنين والله اننا جميعا سيقال لنا يوم القيامه( وقفوهم انهم مسئولون) عن هذا

البذخ والاستغلال من بعض التجار ولا يفوتكم المقطع سيشرح لكم ما اقصده ولا تناظرونه حتى

يكتمل التحميل لتبلغكم رسالتي الصغيره


http://www.youtube.com/watch?v=hIVMsmif5pE

____________________________________________

تحياتي وتقديري

ريثان القصيم

[أطلال نجد]

الطبقيه موجوده
وجشع التجار عدنا خصوصاً في مجال بيع وشراء السيارات حدث ولا حرج
لكن أنا أعتقد أن القصة هذي دعاية للمعرض وللسيارة أيضاً
ويجوز أن الشاري منهم وفيهم كالعادة

[ثعبان الصحراء]

والله وانا اخوك من عين الحنا تحنا على قول المثل الله يربحه

[moooj]

ريثان
حياك الله وانا اخوك
والله يبارك للشاري والبايع

[حمود 1430]

خلاص ماعادنشري سياره جديده الله يخلف(بس الامل بالله انها ترخص) الناقه بالملايين يالله رحمتك يارب

[باث 3]

وين هذا يا ولد بخليه يشتري ددسني بمية الف:D :D :D :D
الله يبارك له..

[ريثان القصيم]

شكر الله لكم جميعا وانا لا احسد البايع ولا المشتري الله يبارك لهم على تقوى وانما هناك ناس في

غياهب مملكة الانسانيه حالهم لايصدق من الفاقه وهاؤلاء يدفعونها في مركبه يمكن ان يجدو اقل

منها ولكنه المفاخره نسأل الله السلامة والعافيه ولاحول ولاقوة الا بالله

__________________________________

تحياتي وتقديري

ريثان القصيم

[صباح القايله]

زي ماء قالوا الاخوان دعايه بس

[الغرابيM]

فيهاا شي اكيد ولا راح يدفع هالمبلغ ليش ؟؟

[هواوي صيد]

اللي اشوف انها مجرد دعاية وتسويق

[أبو عبد الوهاب]

الله يبارك للبايع والشاري .
على كل حال يظل حاله أفضل من اللي شرى لوحة السيارة بإمارة أبو ظبي ب14.2 مليون دولار

[التعـ King ـديل]

هذا طال عمرك ربي معطيه ماشاء الله تبارك الله

ويبي يكون اول واحد يركب الموتر بالسعوديه .. وشراه بهالقيمه الغاليه

[اااااابو يوسف]

الله يرحمنا برحمته

كل الشكر ريثان القصيم

وصلت الرسالة الله يجزاك الخير

[الوسيطاء]

اخوي لو قالوله 250الف ماشراه المغفل بس قالو له 380 ويحس انه متعالي بركوبه

[ابومحيميد]

بصراحة ماألوم التاجر لاصاروا المهبل كثر التراب

على العموم الله يبارك لهم

[لن أمل من العطاء]

انا اشوف سعره مناسب جدا
ويتحمد الله حصله بهذا السعر قبل لا يرتفع

يعتبر ارخص من مزاين ام رقيبه ومزايين الامارات !!!

[PATHFINDER 4]

أصلا ماشراه بهالسعر الا وده يكون أول واحد يسوقه بالرياض


مثل سالفة جيب الانفنتي FX50 اللي قوة مكينته 390 حصان
أول مانزل في الامارات جابه واحد على سطحة
وجلس تقريبا شهرين يدور به بالرياض
الين ما نزل في وكالته


عالعموم الله يبارك لهم

[أبوحمد 505]

الله يعطيك عافية أخوي

وأنا أقول الحل في الدين حنا كل مابعدنا عن الدين زادت مشاكلنا الأقتصادية والأجتماعية والسياسية والأخلاقية والله العرب لو يطيرون ويوقعون مالهم إلا التمسك بالدين الحنيف ليعزهم الله
















أصلا ماشراه بهالسعر الا وده يكون أول واحد يسوقه بالرياض
مثل سالفة جيب الانفنتي FX50 اللي قوة مكينته 390 حصان
أول مانزل في الامارات جابه واحد على سطحة
وجلس تقريبا شهرين يدور به بالرياض
الين ما نزل في وكالته
عالعموم الله يبارك لهم




أما هذا مريض منتهي مكانة شهار

[ريثان القصيم]

هذي السياره اللي على الرابط وكالتها بشارع التحليه بالرياض يبدأ سعرهالسياره من

7500000ريال سعودي


والله اني جالس مع موظف المبيعات والله العظيم يقولي بنفسه يجماعه وقعنا عقد لاحد الزباين

بمواصفات خاصه جدا طبعا افضل المواصفات على الاطلاق بسعر وشكلكم ما لن تصدقوني

12000000 ريال

انها المفاااااااااااااااااااااااااااااااااااااااااااااا اااااااااااااااااااااااااااااااخره فقط نسأال الله السلامة والعافيه

يبون يتفاخرون وبس مثل البعارين والتيوس اجلكم الله اغلا من ابن ادم الذي كرمه الله

هناك اطفال وارامل بحاجه ماسه جدا لهذه الاموال التي يلعب بها يمينا ويسارا
________________________________________
طبعا هاسياره اسمها

بوجاتي فيرون من شركة فولكس واجن الالمانيه

السياره دفع رباعي واسرع سياره بالعالم 16سلندر 4 تيربو بسرعة 407 كلم بالساعه
على الرابط كصور

http://www.supercars.dk/bugatti/burnout-bugatti-veyron_d235m27.aspx
_______________________________________________
على الرابط فديو

http://www.youtube.com/watch?v=LO0PgyPWE3o

_________________________________________

ولا تحسبون اني احسدهم ابد بس هذه مبالغ لو اعطيت للمستحقين لكان افضل وهذه السلع تفقد

قيمتها بشكل هائل وكذا تطير الاموال اللي الفقراء بحاجتها وشكر الله لكم
_______________________________________

تحياتي وتقديري

ريثان القصيم

[محمدالعريني]

اخوي ريثان وصلت رسالتك والله انه شي يحزن ويتقطع له القلب وان استمرينا على هذه الاعمال فلننتظر العقووووووووووووبه
الله يعفو عنا ويرحمنا ويغير حالنا

[- النشمي -]

الله يبارك للبايع والمشتري



الباترول الجديد يستاهل كل ريال يندفع فيه لانه شيخ المواتر

[ساري 111]

عااادي ترااه مهب اول مره تصير

ناس عندهم دراهم زااايده ومايدرون وين يودونه ..

الشي الثاني ترى السفاري 98 اول مانزل بيع بحدود 200 الف

الحركات ذي دائماً تصير بالمعارض يجيبون موتر قبل الوكاله ويتضربون فيه ..

[محسن اليامي]

الله لا يبلانا ونسأل الله السلامة والعافية والحمدلله على نعمة العيش

[أبو هاجوس2000]

أنا صراحه أنا اول ما شفت العنوان فرحت حسبت أن فيه باترول بيع بـ 38000 قلت أن السيارات رخصت . بس يوم دخلت في الموضوع وقف شعر راسي . ما أقول إلا اللهم أبعد عنا الغلا وأرخص أسعارنا . يا أخوان عليكم بالصدقه والدعاء . وشكراآ لصاحب الموضوع ...

[riyadhali]

ماحد يدري يمكن التانكي مليان بنزين
:) :)
شكراً لك وصلت الرسالة وفقك الباري

[سفاري959]

شي عادي انا اعرف شخص اشترى جيب الكزس 2008 بعد ما نزل في الوكاله بس كان بالحجز ماهو متوفر وهذا معطيه الله اشتراه من معرض ب 380 الف والمصيبه جاه واحد قبل لا يطلعه من المعرض وقاله هذا مكسب 50 الف وخله وباعه الرجال عليه هذا وهو نازل عند الوكاله بس كان بطريقه الحجز يعني ثلاث او اربع شهور عشان يوصل وسبحان الله عجزان هالشخص لا يصبر كأنه بيموت جوع لو ماركب جيب الكزس كلن بعقله راضي مشكور اخوي ريثان القصيم

[ريثان القصيم]

نسأ الله السلامة والعافيه قال صلى الله عليه وسلم
(لن تزولا قدم عبد يوم القيامه حتى يسأل عن اربع )

ومنها

(وعن ماله من اين اكتسبه وفيما انفقه )

الله جل جلاله لايعرف يوم القيامه عادي وكل بعقله راضي

ومقتدر وكل من قال هذ الكلام وهو مؤمن به يقينانا و لو

ان معه نفس المال لفعل مثله سيحشر معه يوم القيامه

ايا كانت نوع السياره فالحذ الحذر الحذر لما يكتب الانسان

وهو لايلعم االله يرضى عن هذا اولا
__________________________________________________ ____

تحياتي وتقديري للجميع

ريثان القصيم

[سيف الظفير]

الله المستعان الفل كامل من الباترول الجديد بـ 315


والله يرزقه يارب

[عمرولدعلي]

الله يبارك له

[حبران والمسمى]

الموتر مهما كان نوعه او موديله او شكله
ما ترفع قيمة الرجال ابد ولاتسد النقص الحاصل عند بعض الناس
ونقول لخونا اللي شرى الموتر الله يباركله بما عطاه الله امكن الرجال راعي صدقه او راعي ايتام متكفل فيهم او بار في والديه والله رزقه ما دخلنا قلوب الناس علشان نحكم عليهم لازم لزوم نحسن النيه انا معك ان الموتر غالي مره لكن كلن يمد لحافه على قد رجليه .
وعني انا احب الشاص موديل 94 لو فلوس الدنيا ما بعته .:D
واعيد واكرر الموتر ما يرفع قيمة الرجال
ما يرفع غير الدين والعلوم الغانمه
اخوكم ابو ضاري

[ريثان القصيم]

لاخلا ولا عدم والله يكتب

اجرك يابوضاري


ريثان القصيم

[سوالف]

الله يعطيه خيره ويكفيه شره

والتفاخر ليس في السيارات فقط بل شمل حتى البعارين و الصقور


وبالتوفيق للجميع

[rigidman]

رسالتك وصلت الله يجزاك خير

[kamalhome]

سبحان الله لو أن الانسان تاجر مع الله لربح الكثير وصار عنده رصيد يوم يسافر للآخرة بعد كم سنة غصبا عليه والفالح اللي يجهز لسفره ويا ويله اللي يخسر وينسى الآخره ترى القبر كل يوم ينادينا كما أخبر الرسول عليه وعلى آله وصحبه السلام.
سبحان الله تبني في آخرتك بشيء يسير بصدقه أو صلاة أو كلمة طيبة وتسبيحة أة تهليلة وانت مخلص لله تعالى.
اللهم احفظنا جميعا يوم لا ينفع مال ولا بنون الا من أتى بقلب سليم.

[ناصر الدهمشي]

الله يرزقنا الجنة

[VIP-503]

ما يسلفني ذا


مشكووور على الطرح اخي رثيان