الباثفندر

[مفك]

السلام عليكم ورحمه الله وبركاته

اسعد الله اوقاتكم بالخير

كيفك يالربع

عندي استفسار بغيت له اجابه الله لايهينك

الباثفندر من موديل 2005 الى 2003

كيف الموتر هل هو صمله

كيف العزم

هل فيه مشاكل

واتمنى احد يعلمني الفئات الموجوده ومواصفاته

ولكم ودي وفائق احترامي

[abw1122]

اخوي اذا انت جازم على هاذا الجيل من الباثفندر لا تاخذ الا من 2000 الى 2002
لانه احسن من 2003 الى 2005
والمشاكل تكون من الحراره و مسامير الثلاجه وحساس الهواء

والا نصيحتي خذ من 2006 وطالع افضل بكثثثثثثثثثييييييييييييييييييير

[ساري 111]

2002 وتحت ينشد فيه الظهر

اما 2003 الى 2005 لايقربك ابد مشاكله واجد

على ذمه حدى الربع اللي جربوه يقول ينقص نقص مهب صاحي وهو ماتعدى الـ100 الف
وفيه مشكله الحراره بالنفود على طول يولع وفيه مشكله المسامير وفيه مشكله منظم الهواء

2006 ماذكر لابخير ولاشر لكنه قليل مع الناس ,,

[مفك]

abw1122

ساري 111

الله يبيض وجيهك

بس هل شكل 2002 نفس شكل 2003 الى 2005

والمشاكل اللي ذكرتوها هل هو سهل حلها

لان مالي نيه اشتري موتر كل شوي في ورشه

[لاتكب البيالة]

السلام عليكم
الباث بالموديلات ذي ما يخلى من المشاكل وصرف البنزين اما العزم والقوه ممتاز لكن لو تزود بالقيمة 15 او حوله وتاخذ اكستيرا 2008 حول الحجم واكبر بالقوة والتحمل واجدد

[قاضي]

انا مجرب 2001 قير عايدي

حق بر صح

[الربذي]

انا جربت استعمال امريكي موديل 97 ولكنه مثل ال 98 سعودي بعته وهو ماشي 330الف تقريبا عيبه بس قطع غياره غاليه شوي عندنا بحائل .قعد عندي8سنين حلو .
تبي العزم القوي خذ من 2003 وطالع لكن ابي اقولك قصه ابن عمي اشترى 2005 ويوم مشت 25الف وهو يتصيد بالبر ويعلق الابنص ويبلش فيه وتطفي ودها للوكاله وصلحا ولقى عندهم كثيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييير وخصوصا 2005
لكن صراحه عليها عزم خيال وخصوصا القير العادي يطربك .
وبعض الناس ماشي معه 200الف 2005 وهي تمام التمام ..

[حبة فستق]

انصحك أبعد عن الداب وشجرتة , مشاكلة كثيره جداً ,, حسنته الوحيدة عزمه قوي..يطربك.. وغيره كثير من السيارات عزمهن قوي .أنا أقصد من 2003 إلى 2005 .عن تجربه....

[الشريف سلطان]

المواتر ما هي سوا

بعضها نظيف وتقول جديد هذا اللي يطربك
وانا انصحك به من 2003 الى 2005
المكينه اقوى


النظيف ثم النظيف ثم النظيف

ولا يهمك السعر لو زاد شوي

والافضل العادي

[ابومحيميد]

الموتر مايخلى من المشاكل من 2003 الى 2005 عن تجربة

لكن خفة وقوة تطربك والقير العادي يقوم على الربع والفورتشنر هوى

[س ل ي م ا ن]

تقدر تقول هي سياره توافيق ممكن تطيح لك على نظيف ماتعرف الورشات

وممكن تطيح على واحد تقعد تتدعي على اللي صنع السياره