اللي عنده خبره في تطعيس الهايلوكس اقلط وعطنا خبرتك

[جزر العرب]

السلام عليكم ورحمة الله وبركاته
ودي استفسر عن احسن كفر للسفر وتطعيس لاني كل يوم اروح من الرياض للخرج بالهايلوكس
فما ادري الكفر العريض خطير في السفر ؟ ولا لا؟
وسمعت ان اليوكوهاما عريض زين في الطعوس
ومنهم يقول جنط ؟ ميرسيدس ؟ هل له دخل في الطعوس ؟من ناحيتي انه ماله دخل بس للزينه بس ما جربته


وشكرا

[أبو نـآيف]

جنط مرسدس ويوكوهاما 205 ان كانك تهتم للشكل
و 215 تصلح لكل شي

واذا تبي طقم مرسدس مع كفرات جدد ونظيفه ردلي

[راعي الصطحه]

بالتوفيق وتقبل مرووري

[شبح الصحراء]

أخي العزيز لم توضح هل سيارتك هايلوكس دفع خلفي أم دفع رباعي؟ ، بالنسبة للدفع الرباعي انصح بإطارات الدنلوب مقاس 245-70-16 ولكنها تأتي بدون نقشة ملونة على جانب الإطار وهناك التويو ممتاز وتأتي بنقشة ملونة على جانب الإطار وكذلك الفايرستون ممتازة ، أما الهايلوكس الدفع الخلفي فلا اعرف الإطار المناسب لها ولكن البركة في بقية الأعضاء .
بالنسبة للإطار العريض اتوقع هو أكثر أماناً في السفر لأنه يوفر تماسكاً اكثر مع الإزفلت مما يوفر استقراراً للسيارة وهو كذلك افضل للتطعيس بشرط عدم الإفراط في عرض الكفر لأنه يستهلك من قوة المحرك فيضعف عزم السيارة ، وإن كان يهمك التطعيس اكثر فإطارات هانكوك الكورية معروفة بأنها مناسبة اكثر للرمال والكثير ينصح بها للتطعيس ، أما جنط المرسيدس فحسب علمي يتميز بخفة الوزن لذلك فهو لا يسبب استهلاك في عزم السيارة ويستخدم في الهايلوكسات الدفع الخلفي فقط .
آمل اني أفدتك وتقبل تحياتي .

[صقر الفيافي]

ما نزيد على كلام الإخوان

ولكن بالنسبة إذا تبي تطعيس ( جنوط جي تي ) لأنها تتميز بالخفة والعرض
بس بالخط ما أدري عنها الصراحة

أما إذا تبي تطعيس وخط ( جنوط مرسيدس وكفرات يوكوهاما 205 )

أتمنى إني أفدتك

[أبوياسر1]

ردود الاخوان كافية..

بالتوفيق

[جزر العرب]

جزاكم الله خير وما قصرتو
عطيتوني العلم كله
وماهي غريبه فيكم


ومليووون شكر

[صقر القصيم 16]

والله يابعدي انصحك بجنوط مرسيدس وكفرات يوكوهاما 205 تعطيك شكل وآداء

[ذيب زلفاوي]

جنوط مرسدس ويوكوهاما 205 افظل شي للتطعيس ومريحة جدا بالخط