دغيم الظلماوي

[العودالازرق]

http://www.gulflobby.com/upload/get-12-2008-gulflobby_com_ocnnqbhf.gif


سالفة اليوم يمكن بعظكم سمع بها ويمكن البعض عنده من السالفه الزود
لكن قبل طرح السالفه حبيت أعرج على أهل الشمال دون غيرهم من ناحية الشهرة
فكثير من رجال الجزيرة العربية كان لهم صيت سوا في الشجاعة أو الكريم أو الشعر الخ ... من الصفاة الحميدة لكن جنوب وشرق وغرب الجزيرة ً قليل من يعرف عنهم شيء باستثناء أهل نجد وشمال الجزيرة اللي لهم حصة الأسد في التراث الشعبي فما السبب الذي جعل أهل نجد والشمال تبقى اسمائهم محفورة في ذاكرة التراث الشعبي ؟


السبب من وجهة نظري أن أهل نجد وأهل الشمال خصوصا هم أهل بادية وكان أغلب حياتهم تدور في فلك البحث عن الماء والمرعى والغزوات . وكانت جلساتهم لا تخرج عن هذا المنوال فكانت كل حادثه توثق بقصيدة التي كانت تنتشر لتروي حدث معين أو سالفه معينه . ولولاء قصائد الشعر لما وصل لنا أخبارهم .


جلسات السمر: كانت سبب رئيسي لتناقل الاخبار .
حفظ القصائد : كان هناك عدد كبير من ابناء البادية يحفظ القصائد.
الرواة : أكثر الرواة هم من ابناء نجد والشمال .




هذا دغيم الظلماوي من شمر من اهل قفار كان شاعر جيد وكان كريم والكريم وجه الله


ويوم من الايام وهو قاعد على جال الضو ومعه ولد عمه يقاله (كليب)


وقعد يقصد ويقول


ياكليب شب النار ياكليب شبــــــه http://www.mekshat.com/pix/upload03/images150/mk9232_m5232_23666.jpg عليك شبه والحطب لك يجابـــــي
وأنا علي ياكليب هيله وحبــــــــه http://www.mekshat.com/pix/upload03/images150/mk9232_m5232_23666.jpg وعليك تقليط الدلال العذابــــــــي
الوالمه ياكليب عجل بصبــــــــــه http://www.mekshat.com/pix/upload03/images150/mk9232_m5232_23666.jpg والرزق عنداللي ينشي السحابــي
وإدغث لها ياكليب من جزل خبــه http://www.mekshat.com/pix/upload03/images150/mk9232_m5232_23666.jpgوشبه ليا منه هبا كل هابـــــــــــي
أبي ليا شبيتهـــــــــا ثم قبـــــــــه http://www.mekshat.com/pix/upload03/images150/mk9232_m5232_23666.jpg تجلب ربع سرات(ن) غيابــــي
بنسرية(ن) ياكليب صلف مهبــه http://www.mekshat.com/pix/upload03/images150/mk9232_m5232_23666.jpgليا هب نسناسه تقل سم دابـــــــي
متكتفين وناطحـــــين مهبــــــــــه http://www.mekshat.com/pix/upload03/images150/mk9232_m5232_23666.jpg متلطمــين وسوقهــــم بالعقابـــي
صبه لقرم صرفته ما حسب بـــــه http://www.mekshat.com/pix/upload03/images150/mk9232_m5232_23666.jpg يوم البخيل مكنهب الوجه هابــــي
وصبه لمنعور من جـــاه نبـــــــه http://www.mekshat.com/pix/upload03/images150/mk9232_m5232_23666.jpgيرخص بعمره والدخن له ضبابـــي
وعده عن اللي مايداري المسبــه http://www.mekshat.com/pix/upload03/images150/mk9232_m5232_23666.jpgاللي يدور بالقصير الغيابــــــــــــي
لياباطن الهلباج خطو الجلبـــــــه http://www.mekshat.com/pix/upload03/images150/mk9232_m5232_23666.jpgيازين تالي الليل خبط الركابــــــــي
افرح لهم وابدي سلام المحبـــــه http://www.mekshat.com/pix/upload03/images150/mk9232_m5232_23666.jpgليا شح بالهين كبير العلابــــــــــي
سلام احلى من شخاليل جبـــــــه http://www.mekshat.com/pix/upload03/images150/mk9232_m5232_23666.jpgواحلى من السمن الجديد الرعابــي
وخطو الولد يوم الملاقا نكبــــــه http://www.mekshat.com/pix/upload03/images150/mk9232_m5232_23666.jpgيصير معنا من حساب الزهابـــــي
وش عاد لو يلبس زبون وجبــه http://www.mekshat.com/pix/upload03/images150/mk9232_m5232_23666.jpgمعيرة على غضير الشبابــــــــــي
أنا لقيت الصبر يازين غبــــــــه http://www.mekshat.com/pix/upload03/images150/mk9232_m5232_23666.jpgيرقيك روس مشمرخات الهضابي
ومن لا صبر ياكليب في حكم ربه http://www.mekshat.com/pix/upload03/images150/mk9232_m5232_23666.jpgهذاك يوم البعث ماله ثوابــــــــي



<><><><><><><><><>


الوالمه هي (الدله) وطبعا من كلامه نفهم ان دغيم الظلماوي


يولم دله ويخليها احتياط http://www.mekshat.com/pix/upload03/images150/mk9232_m5232_23666.jpg اذا جاه ضيف والا سبحان الله


وطبعا ياجماعه القهوه ماكانت سهله يعني من الي عنده قهوه ذيك الايام ؟



واشتهر دغيم الظلماوي بعدة اسامي منهن


راع الوالمه


متعب الدلال
وفي أحد الليالي قرر ابن رشيد زيارة مفاجأة لظلماوي بدافع الغيرة منه بسبب الصيت لأن الكريم يغار من الكريم
فقال لربعه الليله نبي ناصل مشوار


ويوم جو بالليل اخر الليل وهم ينخون ركابهم عند الظلماوي


ويتلطمون ويقلطهم


ويوم قلطهم وهو ياخذ الملقاط ويحرك الجمر ويطلع الوالمه


فزاد فضول بن رشيد وسأل دغييم


انت يالظلماوي يوم انك تقوصد وتقول ياكليب ياكليب وش عندك به؟
(يعني وش شايف نفسك)



فقام الظلماوي ومد يمناه لابن رشيد وقال الابيات ذي المرتجله



مده رهن لولاك ماقلت ياكليـــــــب <>ولا قلت شب النار وصرموقد(ن)لـه


يابو الارامل والعذارى ومن عيـب<> وابو من صار العصا ثالث لــــــــــــه


ويابو المحرول والعمى والمحاديب <> ومنضامته بقعا تصير ولد(ن)لــــه


يالجوهر الناريس يالمسك يالطيـب <>ياعنبر من جربه مايمــــــــــــــــــلــه


تقفي محاليب وتملى محاليـــــــــب <> وكبد تيبسها وكبد تبلــــــــــــــــــــــه


ياطير شروى مالقي بك عذاريــــب <> لوتستحي ما تجمع الطيب كلــــــــــه


وان كان هرجي به عليك معذاريب<> سامح عسى الي عقبك بالف حلــــه



ياطير شلوى مالقي بك عذاريب <> لو تستحي ماتجمع الطيب كله



الله اكبر



المهم اعجب بن رشيد بهذه القصيدة


بقى دغيم الظلماوي من الأسماء المشهورة في شمال الجزيرة العربية .


والله أعلم بالصواب أن شاء الله ما ثقلت عليكم

[كساب الطيب]

يعطيك الله العافيه

على هالنقله الطيبه.....

[الوبلي]

ما شاء الله
بمثلك واشكالك لن يضيع ماضينا الله يجزاك خير نسمع كثير من القصص لكن الحفظ ........الله يخلف.

[مرقاب الشرق]

مشكور وجزاك الله خير قصه جميله .

[ابوفرايديز]

والله والنعم باهل الشمال

[فهد الهلالي]

ياطير شلوى مالقي بك عذاريب <> لو تستحي ماتجمع الطيب كله



بارك الله فيك يااخي الفاضل العود الازرق
على نقل هذه
القصه والقصيده
اختيار موفق وهذا دليل ذوقك الراقي
تحياتي لشخصك

[الجرح الحزين]

وعليكم السلام ورحمة الله وبركاته
اسعد الله اوقاتكم بكل خير
بيض الله وجهك أخوي والله يعطيك العافية على هذا القصة والقصيدة .. والله يجزاك الخير

[راجي الكريم]

الله يعطيك العافية اخي العود الأزرق
واسمح لي اخالفك في ماذكرت فأهل المناطق التي ذكرت لهم من المآثر ماتمتلئ به كتب التراث الشعبي ولكن لأن أغلب المؤلفين في هذا المجال من نجد أو الشمال ترى الكثير من الروايات عن هاتين المنطقتين ولكن لو ذهبت لرواة المناطق الآخرى والمهتمين فيها بالتراث الشعبي لوجدت مايسرك

[اااااابو يوسف]

الله يعطيك العافية العود الازرق

اختيار موفق

وفي انتظار جديدك من قصص الاباء والاجداد

تقبل مروري

[star4000]

مشكور وجزاك الله خير قصه جميله .

[أبو أمين]

كل(ن) فيه حقه يالعود الازرق لكن ما يمنع قل اطالعك على باقي الداير عشان تنكر حقهم من الموروث الشعبي لانه يحصل تنشد واحد من اهل الغرب ما يدري عن اهل الشرق وواحد من الجنوب مايدري عن الشمال وواحد من الشرق ما يدري عن المنطقه الوسطى لكن اعيد واكرر كل(ن) فيه حقه والطيب طيب ذكر ولا ما ذكر والي يدور كلام الناس من ورا فعله هذا منافق .

واخيرا ونعم بالجميع

شاكر لك واتمنى اني ما اطلت عليك

[سنام السيافا]

هذه القصيده التي لاتمل ، مهما تكرر طرحها
إذ إنها من القصائد الخالده ، والتي تحلو لكل أحد أن يتغنى بها


سلمت على روعة الانتقاء والطرح

[برج المعيدي]

الله يرحمه يضرب به المثل في كرمه
يامل العافيه على هالقصه والابيات

[النجم السراي]

http://i164.photobucket.com/albums/u26/ajaj2100/a6ff690010.gif

[عجاج السناف]

ههههههههههه
شاف الموت وفكه الله بفصاحته وحسن تصرفه
كان ناويه ابن رشيد


ابيات جميله من شاعر اجمل
ونقل مميز بارك الله فيك
لا تذخر علينا بجديدك ياعم

[binamerah]

بيض الله وجهك
وترا كل ديرة فيها نصيبها من الرجاجيل ان قلت شرق وان قلت غرب ون قلت شمال والا جنوب

[راعى شاهين]

نــــــــــــــــعم بشمر والله انهم اكرام واجاويد

[المتزن]

لك من اسمك نصيب
بسوالفك التي تعطر المجلس من موروثنا الشعبي
من غير قصور بالجميع

[العودالازرق]

حياكم الله مروركم عطر صفحتي

[العودالازرق]

لك من اسمك نصيب
بسوالفك التي تعطر المجلس من موروثنا الشعبي
من غير قصور بالجميع

فالك الطيب شرفني مرورك