استفسار بخصوص الجمس مقاس 2500 الله يحفظكم

[fof6666]

السلام عليكم

حصلت جمس سوبربان 2005 حجم 2500 ودبل
السؤال
هل حجم 2500 فيه مشاكل وغير مرغوب لأني حصلته ب700000 وهو مامشى ولا مية الف

علما ان عندي جمس حجم 2500 له 12 سنة ومشي زي الحلاوة ماشاء الله:good2:

[لن أمل من العطاء]

حبيبي
اذا السيارة نظيفه وام شيء رباعي الدفع

فخذها ولا تشاور
وما منها اية عيوب


ثانيا
مقاس 2500
يجي من نوعين للمحركات التي تعنل بوقود البنزين
محرك سعة 6000 سي سي وهو من الالمونيوم ومصنع في مصانع ايسوزو اليابانية
محرك سعة 8100 سي سي وهو على شاكلة اخيه 7400 سي سي (454) مع تغير بعض الاشياء للافضل

المحركين ليس عليها غبار

[الشهابة]

اخوي .. مافيه رد بعد رد العضو لن أمل من العطاء .. لأنه ما شاء الله عليه خبرته تتكلم و من تجارب و ما أقول إلا الله يرزقه بالسياره اللي في خاطره ..

عندنا يا طويل العمر .. جمس حوض مقاس 2500 مكينه 6000 لتر موديل 2004 سعودي ستاندر وارد الجميح و شارينها مستعمل من راعيها اللي شاريها جديده ..

و لله الحمد السياره مافيها مشاكل صعبه او غريبه او كل يوم خراب و عله .. انت بس حافظ على صيانتها .. و عطها حقها و تعطيك اللي تبي ..

يعيبها في رأيي الشخصي صعوبة توفر بعض قطع الغيار ( غير استهلاكيه ) و لكن في النهايه ممكن توفيرها من السوق بدون الوكلاء و تتوفر بدائل لها كثيره عن محلات متخصصه ..

طبعاً السياره قير تماتيك و الدبل أرضي عصا تعشيق ..

[fof6666]

الله يعطيكم العافية وما قصرتو
والموتر مكينته 6100 على كلام راعيه وطبعا تراي أتكلم عن السوبربان وليس الحوض

[GS5]

سوبر بان تتشريه لعائله
دور لك بس 1500 مكينة 5300 ازين لك اقل صرفيه و كانك منتب تستخدمه إلا سفر وروحات وجيات بس و البر ماتقربه إلأا تمشي خفييييييييييييييييييييييف ماتحتاج دبل يعني خذ لك سنقل ازين والله الموفق

[عبدالعزيز-1]

2500 افضل بكثير بس تاكد من نظافة السياره

[fof6666]

الله يعافيكم
لا والله الدبل ضروري اللي معي بدون دبل و مبهذل بي
والموتر أحمله واجد وأخاف ال1500 ينزل

[GS5]

^^ أجل 2500 دامك تحمل وتبي دبل

[تناهيت]

الله يعطيكم العافية وما قصرتو

والموتر مكينته 6100 على كلام راعيه وطبعا تراي أتكلم عن السوبربان وليس الحوض




هلا بك اخوي بالنسبه لمكينة 6100 سي سي ما نزلت عندنا الا على الدينالي والاسكاليد الموديلات الجديدة ومكينه الموتر اللي تقول عليه هي 6 لتر وقيره l80 هذا حجمه ويعتبر من افضل القيور اللي نزلت على الجموس من ناحيه التحمل وقله الخراب حتى دفرنشه يختلف حجمه يجي 14 مسمار(بلوط) :good:



على العموم دامك راعي تحميل وخطوط وكرف لا تتعدى هالموتر وانصحك بشده فيه لأن الـ1500 شاصه صغير وما يتحمل الجور والتحميل ومكينته 5300 سي سي وقيره اعتقد l60 حجمه بس لا تنسى تفحص الموتر زين بس سعرة غويلي وبالتوفيق اخوي

[fof6666]

الله يعطيك العافية اخ تنها هيت

[رفيع المقآم]

اشتر يالغالي ولا تشاور بس اهم شي افحص الموووووووووتر

[عاشق z71]

هلا بك اخوي بالنسبه لمكينة 6100 سي سي ما نزلت عندنا الا على الدينالي والاسكاليد الموديلات الجديدة



مكينة الدينالي والاسكاليد هي 6200 وليس 6100

[ا ب ب 8777]

السلام عليكم
عندي جمس حوض 2002 حجم 1500
8 سلندر وودي اعرف كم قوة السي السي

[سيف الظفير]

يالغالي اذا انت بالرياض افحص عند البريدي بالنسيم حوال المعارض وهو يعطيك العلم الوافي


ثانياً انا معي مثل اللي لقيت شارية جديد موديل 2006 2500 ولله الحمد من هاك اليوم الى الحين زيت وبنزين وكفراته غيرتها في شهر 9/1430

هذا اللي سويت فيه والحمد لله على كل حال

ممشاه 88.000 وامده مد