وش ينفع لي من موتر؟؟؟

[faf o]

بسم الله الرحمن الرحيم

انا نويت اشتري موتر بر وبيكون سيارة ثانية لان
عندي فورد ما بها الا العافيه الموتر بيصير استخدامه
خميس و جمعه و ايام الربيع و الكشتات:good2: و مطااااامر
فالنفود:D فيا الوجيه الطيبه انا ابسألكم وش الموتر اللي
ينفع لي و ابيه يصبر لان رجلي حااااره شوي:mad:
و راااعي مطااامر و الميزانية خمسين الف الى سبعين

اشيروا علي جزاكم الله خير

[VIP-503]

عليك بالددسن دبل

تحياتي

[اليكي]

والله الخيارات كثيره ولله الحمد

لكن انا ارشح لك
فورتشنر ...

انواعه كثيره .. اسعاره حلوه ... مواصفاته عاليه ... وهو حق المطامر ...

واكيد كل موتر فيه عيوب ....

والشباب يفتونك اكثر ...

[ابوحمد1992]

ان كانك راعي مطامر وبدون تحميل وتبي الراحة خذلك فوتشنر 6 سلندر حلو ومجرب
بالبر والنفود نشيط
وان كانك راعي تحميل وشيل ومطامر عليك بالهايلكس الدفرنسين 2009 او2008 حلو ونفس الكلام مجربة
والله يوفقك بالسياره اللي ترضيك

[faf o]

في اي بي

اليكي

ابوحمد

اشكركم على ردودكم الصاروخية

و الله الددسن الدبل ما اعجبني من ناحية القوة و الطرب بس التحمل والخرابات و البدي خذ موتر

الفورتشنر كويس و عالقائمة امس اخوي الصغير قال لي ورا ما تشتري غمارة قلت وشوو؟؟ رجال ابو بنتين وولد الله يصلحهم و يشتري غماره

شباب شرايكم فالاكستيرا؟؟

[S4500]

اخوي خذلك باترول فتك 2004 نظيف بتلقاة في حدود سبعين

[مبارك الشمري]

اخوي عليك بالربع تايوتا حق كرف اي موديل خذ وسعرة فية ماتحسف نصيحة اوخذ هدد يكون نظيف بعد سعرة فية وكل نفس وماتهوا انا مجرب

[بدوي جنوبي]

اذا الاستخدام للبر
وخميس وجمعه فقط

خذ لك باترول من موديل 97 وتحت
وبيكون بسعراقل من ميزانيتك بكثير

بالتوفيق

[مبتكر]

اذا الاستخدام للبر
وخميس وجمعه فقط

خذ لك باترول من موديل 97 وتحت
وبيكون بسعراقل من ميزانيتك بكثير

بالتوفيق

[لاتكب البيالة]

اخي الكريم مدام تبي سيارة للبر وعيالك 3 الله يصلحهم ومعك سيارة ثانية والميزانية تاصل السبعين عليك بالاكستيرا اولا تبي تاخذ شي ما مضى عليه الاسنتين ثانيا نشاط وتحمل وقوة رابعا اشوف انه عليه اقبال وهذا يوحي اليك انه بيمسك سعره بنسبة كبيرة خامسا الله يوفقنا وياك

[abo-sultann]

اذا الاستخدام للبر
وخميس وجمعه فقط

خذ لك باترول من موديل 97 وتحت
وبيكون بسعراقل من ميزانيتك بكثير

بالتوفيق
انا من رايي نفس راي بدوي جنوبي اذا كان طلعاتك ماهي بعيده

[هوايتي مكشات]

ياغالي الرايء رايك لكن من رايي اما اشتر هدد او اشتر فوتشنر على الشرط 6 سرندل
يصلح لك

[باث 3]

اسمع يالغالي أنت تقول راعي مطامر ورجلك حاره وتبي موتر قوي
خذ نصيحه من واحد مجرب عليك بالباث 2005 قير عايدي والله أنه مجنوووووووووووون في البر ونشيط الى ابعد الحدود وفوق ذلك أنه خفيف ويتحمل الكرف وأنت لك الخيار وبالتوفيق ومبرووووووووووووووك مقدما...

[دامر الصيد]

اقولك ووجهت نظر باترول ربع من 97 وتحت بتلقا نضيف مره او عليك بلي اتمناه وهو الباث فندررر ولله موووووووووووووتر

[الادعج]

والله تسانك راعي مطامر ورجلك حاره ..وبنفس الوقت تبي موتر تطرب به عمرك بالقوه والنشاط ..وبنفس الوقت كان تبيه للكشتات البعيده ...فخذلك اكستيرا ...عز الله انه موتر تحطه على الجرح يبرا ..من ناحيه القوه والنشاط الخرافي اللي به ..والتحمل الاكثر من ممتاز ^سست خلفيه^
...واللي يجوزلك وترتاح له أكثر خذه ماعليك من كلامي ولا من كلام الناس ...لكن مجرد وجهه نظر

[غواص وقناص]

ياغالي الرايء رايك لكن من رايي اما اشتر هدد او اشتر فوتشنر على الشرط 6 سرندل
يصلح لك
انا معا اخوي
معاي انا قوة وخفيف جدا
ورافع ويطربك والله انه طرب
بس غالي شوي v6والله يكتبلك
اللي فيه الخير

[الجحفة]

عليك بالربع تايوتا حق كرف اي موديل خذ وسعرة فية

وبس يالغالي

[ابوحمزة 2009]

لا تتعدى جيب الربع تايوتا اونيسااان ..من موديلات 93 وفوووق

[بواردي الدلم]

جيب التايوتا الربع لا تاخذه لو بلاش

صح إنه قوي بس ياسرع ماينسدح على جنبه ووالله إن يبهذل عيالك بالمطبات

باث فايندر 2005 أنا مجربه ولا عمري طعست عليه ولا جلدته ولا شيء ومع ذلك انشعرت روس المكينه في عز البرد وانا على خط الرياض والسبب مبرد زيت القير صار فيه تهريب على موية الرديتر ولا عاد صارت المويه تبرد ووالله كانت درجة حراره الجو 6 درجات مئويه بعد صلاة الفجر والنتيجه 6800 توظيب

إن كانك تبي موتر والله ماتتحسف عليه ابد خذ لك هايلكس غمارتين دفرنس او دفرنسيين من الموديلات الجديده لانه يجمع لك ثلاث سيارات في سياره :-

1- يشيلك إنت وعيالك بدون زحمه ولا ضيق ولا إنزل ابركب نزل المرتبه ولا خرابيط = خصوصي

2- تستفيد منه لو تبي تحمل غنم او عفش في الحوض = نقل

3- فيه دبل وعزمه قوي = جيب

[عين حصنان]

والله ياخوك انا ودي انصحك لوجه الله .... تنحاش عن 4 سلندر وبس

والباقي اي شي .... مبروك مقدما

[سفاري959]

اما الفورتشنر لا يقربك نصيحه لوجه الله امس ماسكين عليه خط مسافه ماتجي 150 ك موديله 2009 قسم ان مليت ماوصلنا الراحه فيه معدومه ما توقعت انه كذا ومع الهواء صفير غير طبيعي للأبواب انا اشوف الاكستيرا افضل الخيارت

[S4500]

اخوي والله الفورتشنر ما فية اي راحة

دورلك اي سيارة غيرها

[أبو عبدالرحمن 2010]

اخوي فيه وانيت متسوبيشي 200لـ سبورت دبل فل كامل انا ماخذة من الكويت شامل اللوحات وكل شي بـ
(75 الف ريال )
تحصل قير عادي بسعر ميزانتيك وجديد وياباني 100%

الصوره مقتبسة من اخونا لن امل العطاء http://www.mekshat.com/pix/upload04/images154/mk103195_mk43653_dsc00193.jpg

هذا موضوع اخونا لن امل العطاء فيه معلومات وافيه عن السيارة
http://http://www.mekshat.com/vb/showthread.php?t=171202

موفق اخوي والله يكتب لك كل الخير

تحياتي

[ابو سمسم]

في اي بي



اليكي


ابوحمد


اشكركم على ردودكم الصاروخية


و الله الددسن الدبل ما اعجبني من ناحية القوة و الطرب بس التحمل والخرابات و البدي خذ موتر


الفورتشنر كويس و عالقائمة امس اخوي الصغير قال لي ورا ما تشتري غمارة قلت وشوو؟؟ رجال ابو بنتين وولد الله يصلحهم و يشتري غماره



شباب شرايكم فالاكستيرا؟؟


انت الي تسال وبنفس الوقت جاوبت على سوالك
بصراحه بعد الاكستيرا مافي وخذ نصيحه لك وللزمن وجيب تحطه على يمناك مره ماعاد فيها مشاوره توكل على الله

[NissaN 1990]

نصيحه طب المعارض خميس وجمعه ودور لك باترول سوبر سفاري من 2002 إلى 2004 قير تماتيك عايدي vtc 4800


فخامه فتحه أنوار زينون مكيف لمس دفلك عاج على الطبلون بوصله ودرجة حراره و إلخ ،،،،،،


قوه وراحه ونشاط لا يعلى عليه وخف الموتر في القومه وفي المشي مع الخطوط السريعه وكل العلوم الزينه فيه



بس إحرص على النظيف واللي ممشاه قليل وصدقني لو تستخدمه بتخلي الفورد و وتستخدم الباترول بالديره وبالسفر وبكل أمورك



فيه عذروب قرقعه في الباب الخلفي ويقولون لها حل ،،،


والمواتر كلها زينه وما أعذرب في باقي المواتر بس أني ما أعرف غير الباترول والأمريكي

الأمريكي GMC حلو وقوي بس أنه حساس شوي ولا فيه راحه و نشاط بعد ماهو صاحي

[قمرنا]

انا رأيي من رأي بدوي جنوبي
الله يوفقك للرأي السديد,,,,

[N-xterra]

والله تسانك راعي مطامر ورجلك حاره ..وبنفس الوقت تبي موتر تطرب به عمرك بالقوه والنشاط ..وبنفس الوقت كان تبيه للكشتات البعيده ...فخذلك اكستيرا ...عز الله انه موتر تحطه على الجرح يبرا ..من ناحيه القوه والنشاط الخرافي اللي به ..والتحمل الاكثر من ممتاز ^سست خلفيه^


...واللي يجوزلك وترتاح له أكثر خذه ماعليك من كلامي ولا من كلام الناس ...لكن مجرد وجهه نظر


ههههههههههه

الإكستيرا سست ونفس الراحة في الفورتشنر الياي
أقوى من سيارات وجيوب التويوتا كلها (فورتشنر - إف جي - كروزر - بما فيها اللكزس أبو 5700 سي سي)!!!:good2:

بالبر بطل وعلى الخط شيخ رساوة وهدوء محركات
مايعرف الحرارة ولا التعب
أنصحك تدور لك واحد أوتو بما انك أبو عيال تبي تكيف عليه وتنبسط

تحياتي

[ذيب زلفاوي]

انا اقول 70 الف واجده على موتر تبي تستخدمه للبر فقط ويمكن لا سمح الله تنقلب عليه ولاشي
انا اشور عليك بانك تاخذ شروكي باب واحد موديل 99 الى 2001 سعره مايتعدا 23الف بس اهم شي النظافه
والباقي ياخي سو فيها مشروع ولا اسهم ولا اي شي فيه فايد اما الي يقول سياره جديده عشان توقفها عند الباب واذا تكشت شغلتها هذي صعبه شوي

[الشقردي]

وكلام ذيب زلفاوي على متمه
اذا الفورد اللي معك سيدان, خذ لك موتر بر وسيع تستفيد منه حتى في السفر,

بعدين سؤال بعد اذنك وشلون يعني رجلك حاره , الى أي درجة؟
مثلي أنا وياك (الي عندهم عيال) يبيلهم يترفقون شوي وينتبهون لأعمارهم الحين ورانا ذريه ومسؤوليه
مهيب مثل سوالف العزوبية من أول شغّل وطامر ووجه أي مكان

أتمنى الفكرة تكون وصلت

[faf o]

s4500

والله يا اخوي الفتك كويس بس مالي رغبة بالقديم والميزانية ما تسمح بالجديد


اخوي بدوي جنوبي

الباترول كويس وصبر بس زي ما قلت قديم وما ينفع للطلعات الطويله




لا تكب البيالة من زمااان وانا ابي اعرف ليش اختر هالمعرف:D

المهم يا اخوي كانك تقرا افكاري

هوايتي مكشات

الفورتشنر كويس بس الراحه ما هنا راحه:mad:

باث 3

تبي تورطنا مع قريبي باث 2003 قير عادي قسم بالله هبل فيه
حراره ووجه الراس لقاه منشعر و الصرصره و الاصوات بس فالنشاااط خذ موتر

دامر الصيد

انا رغبتي في موتر جديد شوي

الادعج

يوم الخميس مواعد واحد من اخوياي ان شاء ييسر لنا الله ونطلع معه اكستيرا 2009 قير عادي ابجرب و اشوف

غواص وقناص

الفورتشنر كويس بس الراحه:mad:

الجحفة

الربع كرررررررف بس ما ينفع لواحد متهور لانه بيجيب التنده وبيكسر الظهر:p

ابو حمزة 2009

اقتراحك ممتاز بس انا ما ابغا قديم لاني اباخذ الموتر ولا راح ابيعه الا خمس سنين اقل شي

بعدين القديم اكيد بيطلب

بواردي الدلم

كلامك:good2: :good2: :good2:

ابو عبدالرحمن

بنبحث ونقرا الموضوع ونسال عن هالموتر وش هو من لحية

ابو سمسم

بديت اصمل عالاكستيرا بس عندنا تجربة الخميس ثم نقرر

nissan 1990

مشكور بس ابي موتر جديد شوي

اكستيرا

ان شا الله الخميس نقرر والله يوفق

ذيب زلفاوي
قل لا اله الا الله
يا اخوي لا تفاول بالشر






مبتكر
مبارك
ابو سلطان
عين حصنان
سفاري

اشكركم على مروركم جميعا و ردودكم الاكثر من رائعه

[faf o]

وكلام ذيب زلفاوي على متمه
اذا الفورد اللي معك سيدان, خذ لك موتر بر وسيع تستفيد منه حتى في السفر,

بعدين سؤال بعد اذنك وشلون يعني رجلك حاره , الى أي درجة؟
مثلي أنا وياك (الي عندهم عيال) يبيلهم يترفقون شوي وينتبهون لأعمارهم الحين ورانا ذريه ومسؤوليه
مهيب مثل سوالف العزوبية من أول شغّل وطامر ووجه أي مكان

أتمنى الفكرة تكون وصلت


اخوي الشقردي الله يوفقك و مشكور عالنصيحة انا الحمد لله ما عمري خذت مخالفة سرعه ولا احب السرعه الزايده فالخطوط بس قصدي برجلي حاره فالبر يعني راعي مراقى و مطامر بس و الواحد يضغطه الدوااام واذا طلع الاربعاء يبي يرفه عن نفسه ويشوف عياله و يقابل الشباب و يفرغ الطاقات اللي فيه

[نجم الليل1]

انا اقول فكر باللاندكروزر بجميع موديلاته لانه سيارة كرف و قطع الغيار رخيصة و متوفرة في كل مكان
او الباترول من 97 و تحت سيارة كرف حقيقي

[أبوحمييد]

اخوي الفورتشنر لك احس انه ممتاز وراحته لابأس بها هاذا اذا ماكان افضل من الاكستيرا في الراحه وبالنسبه لنشاط فل فورتشنر ماشاء الله نشييييط ويتميز انه مكييفين ومرتبه ثالثه والدبل عصا مهوب كهرب وانت تبي موتر يكفيك خمس سنين وعائله دائما يحتاجون للمرتبه الثالثه والمكيف الخلفي...
والله يكتبلك الي فيه الخير ...
ولاتنسى الاستخاره...

[عاشق الحيسية]

أخوي

خذ لك فورتشنر وإلا GX

[بريداوي اصليm]

اسمع يالغالي أنت تقول راعي مطامر ورجلك حاره وتبي موتر قوي
خذ نصيحه من واحد مجرب عليك بالباث 2005 قير عايدي والله أنه مجنوووووووووووون في البر ونشيط الى ابعد الحدود وفوق ذلك أنه خفيف ويتحمل الكرف وأنت لك الخيار وبالتوفيق ومبرووووووووووووووك مقدما...


أنا معك أخوي والباث يستخدمونه بالراليات
أعرف واحد معه بس يقووول قطع الغيار نااااار
غاليه مره

[الكدن1]

http://sub5.rofof.com/img3/04vcoan6.jpg (http://www.rofof.com)تبي الصراحة خذلك باترول1997م باب واحد وعلى ماقالو سبعاوي يجرح ويدوي:s

[العبله]

اولا الله يصلح عيالك ويبارك فيهم
ثانيا شف الباترول الربع زين مريح وقوي و وذف وتراه وسيع من داخل وبيطربك .
والله يكتب لك اللي فيه الخير.

[الادعج]

ههههههههههه

الإكستيرا سست ونفس الراحة في الفورتشنر الياي
أقوى من سيارات وجيوب التويوتا كلها (فورتشنر - إف جي - كروزر - بما فيها اللكزس أبو 5700 سي سي)!!!:good2:

بالبر بطل وعلى الخط شيخ رساوة وهدوء محركات
مايعرف الحرارة ولا التعب
أنصحك تدور لك واحد أوتو بما انك أبو عيال تبي تكيف عليه وتنبسط

تحياتي

طيب ليش حاط كلامي باقتباس وتضحك عليه باول كلامك:( :confused: :(
ومدلول كلامك نفس مدلول كلامي
ولاقصدك شي ثاني..;)

[المتزن]

إذا هذا هدفك ومقصدك انصحك بالباترول سفاري من 93 وفوق يبي يحقق اللي تبي ويطربك وسعر مناسب جدا بحدود الميزانية اللي راصدها واقل وجهزه بالشي اللي تبي. يكفي انه دفرنسين وخف نفس ولا حراره وبالطعس شيخ.
تقبل مروري واحترامي

[ابوطاقية]

انحش من اي موتر كلبليتر وخاصه النيسان
ترى بتروح الخميس والجمعه وانت بالصناعيه تصفيه

[الباثفندر 3.5]

اولا يا اخي الكريم و خر عن النيسان تدري ليش
1 قطع غيار نار
2 خرابات
3 شرب و قود غير طبيعي
و ابي انصحك لوجه الله وخر عن الاكستيرا تدري ليش؟
خوي عنده اكستيرا 2009 الي لاحظته على الاكستيرا
1 ضيق من الداخل
2 يناقز من 120 و انت طالع و الله انه غير مريح بالخط
3 خطر جدا باللفات و بساع يقلب
4 قطع غياره نار
و حتى الباث وخر عنه لانه بعد قطعه نار لاكن ما عليه كلام في البر
و انصحك بالهايلكس غمارتين و صدقني راح تدعيلي

[أبوغيث 2003]

شف أخوي أنت معك سيارة صغيرهـ

فعشان كذا انصحك بالهايلكس الدفرنسين موتر بر وثاني شي تبي تستفيد من الصندوق واجد حتى بالديرة

ولا خذ لك VX.R موديل 98-99

[سفاري959]

اولا يا اخي الكريم و خر عن النيسان تدري ليش
1 قطع غيار نار
2 خرابات
3 شرب و قود غير طبيعي
و ابي انصحك لوجه الله وخر عن الاكستيرا تدري ليش؟
خوي عنده اكستيرا 2009 الي لاحظته على الاكستيرا
1 ضيق من الداخل
2 يناقز من 120 و انت طالع و الله انه غير مريح بالخط
3 خطر جدا باللفات و بساع يقلب
4 قطع غياره نار
و حتى الباث وخر عنه لانه بعد قطعه نار لاكن ما عليه كلام في البر
و انصحك بالهايلكس غمارتين و صدقني راح تدعيلي
سبحان الله الى هالدرجه متعصب للتايوتا يعني الهايلكس اريح من الاكستيرا تناقض نفسك بنفسك وانا جربت الاكستيرا امس مع انه سست ورا الا انه اريح من الفورتشنر وعلى طاري شرب الوقود اللي انت طالع فيها خويي معه فورتشنر 4 سلندر 2009 جديد يعبيه من شرق الرياض ويداوم عليه للخرج وابشرك اذا رجع للرياض بنزينه مخلص وتانكيه كبر تانكي الباترول الاساسي هذا وهو 4 سلندر سلمني على الأقتصاد في البنزين الله يهديك بس

[الباثفندر 3.5]

سبحان الله الى هالدرجه متعصب للتايوتا يعني الهايلكس اريح من الاكستيرا تناقض نفسك بنفسك وانا جربت الاكستيرا امس مع انه سست ورا الا انه اريح من الفورتشنر وعلى طاري شرب الوقود اللي انت طالع فيها خويي معه فورتشنر 4 سلندر 2009 جديد يعبيه من شرق الرياض ويداوم عليه للخرج وابشرك اذا رجع للرياض بنزينه مخلص وتانكيه كبر تانكي الباترول الاساسي هذا وهو 4 سلندر سلمني على الأقتصاد في البنزين الله يهديك بس
اخوي انا عندي نيسان باث و لما اقول هالكلام فأقوله من واقع تجربه انا مجرب الاكستيرا و نقلت لكم السلبيات و لاني متعصب للتيوتا و لا مدحت الفورتشنر و لا جبت طاريه و حبيت اقولك انه التيوتا اقسم بالله انه افضل من النيسان من ناحية قطع الغيار و من الخرابات و الله اني ضحكت يوم قلت نيسان انت تدري انه كله النيسان من 2006 و انت طالع كله صناعه امريكيه و مو مال كد ما عدا الباترول ياباني و ارد واقول انه ما في سياره خاليه من العيوب و الله يهديك

[faf o]

المهم التجربة خير برهان ان شاء الله نجرب الاكستيرا الخميس ونشوف


و الاخ اللي يقول النيسان كله امريكي الددسن وش صناعته؟ و الصني؟ و التيدا والنافار ان كاني منيب واهم

[سوبر152]

باترول 96 رخيص وراعي امطااااااااااااااامر وبر

[سفاري959]

اخوي انا عندي نيسان باث و لما اقول هالكلام فأقوله من واقع تجربه انا مجرب الاكستيرا و نقلت لكم السلبيات و لاني متعصب للتيوتا و لا مدحت الفورتشنر و لا جبت طاريه و حبيت اقولك انه التيوتا اقسم بالله انه افضل من النيسان من ناحية قطع الغيار و من الخرابات و الله اني ضحكت يوم قلت نيسان انت تدري انه كله النيسان من 2006 و انت طالع كله صناعه امريكيه و مو مال كد ما عدا الباترول ياباني و ارد واقول انه ما في سياره خاليه من العيوب و الله يهديك
شف وانا اخوك والله اني اقدرك واحترمك وطز في النيسان والتايوتا لكن اذا النيسان امريكي الفوتشنر ابشرك اندونيسي والهايلكس تايلندي وشف مشاكل تايوتا ياخي التايوتا من 97 وانت نازل وانا كنت مستخدم للموديلات هذي بس بعد كامري 2004 جديده خبطت غسلت يدي من تايوتا الجديد رايي الشخصي ما بقى في التايوتا موتر يعتمد عليه الا الشاص والمعذره وانا اخوك اذا غلطت بحقك تراك اخو عزيز وغالي والحديد الله يعطينا خيره ويكفينا شره تقبل تحياتي وتقديري لشخصك الكريم

[الباثفندر 3.5]

شف وانا اخوك والله اني اقدرك واحترمك وطز في النيسان والتايوتا لكن اذا النيسان امريكي الفوتشنر ابشرك اندونيسي والهايلكس تايلندي وشف مشاكل تايوتا ياخي التايوتا من 97 وانت نازل وانا كنت مستخدم للموديلات هذي بس بعد كامري 2004 جديده خبطت غسلت يدي من تايوتا الجديد رايي الشخصي ما بقى في التايوتا موتر يعتمد عليه الا الشاص والمعذره وانا اخوك اذا غلطت بحقك تراك اخو عزيز وغالي والحديد الله يعطينا خيره ويكفينا شره تقبل تحياتي وتقديري لشخصك الكريم
بارك الله فيك و الله يكثر من امثالك و انت بمكان اخوي الكبير

[GS5]

تبي جديد
نفارا ديزل تربو دبل
العزم حول 400 !!!! < عزم اسطووووووري بالنسبه لأكا الموتر
عزمه اكثر من الباترول 4500
همن تبي جيب خذ لك فتك ولا باترول 97 وتحت
و تبي جيب مايرده اي شيي خذ لك باترول 97 وتحت عليه lq9 < حقت الجمس 2500 سعته 6 لتر
او عليه LS1 طبعا استخدام يومي
موتر يطرررربك و يبيض الوجه ويجمل و سعره حلو

[Hwer]

تبي جديد
نفارا ديزل تربو دبل
العزم حول 400 !!!! < عزم اسطووووووري بالنسبه لأكا الموتر
عزمه اكثر من الباترول 4500
همن تبي جيب خذ لك فتك ولا باترول 97 وتحت
و تبي جيب مايرده اي شيي خذ لك باترول 97 وتحت عليه lq9 < حقت الجمس 2500 سعته 6 لتر
او عليه LS1 طبعا استخدام يومي
موتر يطرررربك و يبيض الوجه ويجمل و سعره حلو

يالاخو عسى ماشر
تبي توهق الرجال يطاعس بديزل
الديزل ماينهضم بالزفلت تبيه عاد بالطعوس
وبعدين تبي توهق ابو عيال بالترهيم كل يوم وهو فوق سطحه هو عياله
اسمع ياراعي الاستشاره
عليك بالربع التايوتا من مديل 93 الى اخر مديل وانتبه تقرب النيسان الربع ترى عزمه مخيس ويلهم بنزين تقل عليه مكينة 454
والدبل جنزير بعد كم استخدام يبدا يطقطق عليك ويروح الشتا والطلعات والفله وانت بالصناعيه مع قايد وشلته

[ربع2009]

خذلك ربع تويوتا
انا معي واحد مجربه والله ياهو مجنون من ناحية العزم والتحمل وانت استخر وشف وضعك

[فهد773]

نصيحه خذ لك سيارة تحت الثلاثين سفاري تحت 97 ولا ددسن

[سفاري959]

بارك الله فيك و الله يكثر من امثالك و انت بمكان اخوي الكبير
ويكثر من امثالك وشرف لي طال عمرك الله يجزاك الجنه ووالديك ومن يقرى

[سفاري959]

يالاخو عسى ماشر
تبي توهق الرجال يطاعس بديزل
الديزل ماينهضم بالزفلت تبيه عاد بالطعوس
وبعدين تبي توهق ابو عيال بالترهيم كل يوم وهو فوق سطحه هو عياله
اسمع ياراعي الاستشاره
عليك بالربع التايوتا من مديل 93 الى اخر مديل وانتبه تقرب النيسان الربع ترى عزمه مخيس ويلهم بنزين تقل عليه مكينة 454
والدبل جنزير بعد كم استخدام يبدا يطقطق عليك ويروح الشتا والطلعات والفله وانت بالصناعيه مع قايد وشلته
ياخي خلك عقلاني اذا تكلمت الباترول استخدمت اكثر من 10 وكل هالعيوب اللي قلت ما شفتها ولله الحمد خذ مثل باترول بابين 93 اشتريته ماشي 155 ب 32 الف استخدمته 4 سنوات قسم بالله مع الردميات 160 وتطعيس ما حطيت فيه الا حاجات استهلاكيه بعته ماشي 385 ب 29 والظاهر ناوي تنكب الرجال وعياله ربع تايوتا هذا اللي خطر يقلب وهو واقف خلك بعيد عن التعصب وتمن لأخوك ما تتمناه لنفسك

[الرمح العربي]

خذلك باجيرو
ما غيره
واسأل عنه زين
وجربه عند أحد خوياك ماكينة كبيرة 6 سلندر من 2003 وأنت طالع.
سيارة تستحق الاقتناء.

[GS5]

يالاخو عسى ماشر
تبي توهق الرجال يطاعس بديزل
الديزل ماينهضم بالزفلت تبيه عاد بالطعوس
وبعدين تبي توهق ابو عيال بالترهيم كل يوم وهو فوق سطحه هو عياله
اسمع ياراعي الاستشاره
عليك بالربع التايوتا من مديل 93 الى اخر مديل وانتبه تقرب النيسان الربع ترى عزمه مخيس ويلهم بنزين تقل عليه مكينة 454
والدبل جنزير بعد كم استخدام يبدا يطقطق عليك ويروح الشتا والطلعات والفله وانت بالصناعيه مع قايد وشلته

وش به الديزل ؟
شكلك ماتعرفه زين , ولا اخذن فكرة على ان الديزل للحين دجه ههههههههههههههه
مير النفارا وهي ديزل وتماتيك بالخط تصقع الـ200 بالراحه
و الديزل تراه تطور معاد هب مثل من اول
ومن قال اني بوهقه بالترهيم وكل يوم بسطحه ههههههههههه
هذا شيبانا ياكثر الي معهم وعليهن مكاين ولا يشتكون منهن
الوالد شرا بابين 93 عليه LS-1 بعد مالزمت عليه يجربه وكان مثل فكرك كل يوم بسطحه
باعه وهو ماوده يبيعه و الحين اشوفه يدور غيره

عزم النيسان الـ4200 صح مهب زين بس يبيض الوجه و يوصلك و من يقول جنزيره يطقطق هههههههههههههه
هذولي المرهمات حقين اللعن مايشتكون ابد منهن
وقير ودبل الباترول من اصبر القيور
و الحين تنصحه بالربع 93 ؟ لاقوه ولا شكل ولا راحه ولا ممشا ولا عود
اقل شي قل لاند 93 تنبلع اما ربع 93 :D

[نديم الغرباء]

هيلكس 2005 دبل

[التعـ King ـديل]

اكستيرا 2008 - باترول 2004

عز الله انك راح تدعيلي

[faf o]

انا اسف لاني نسيت الموضوع بس سفر و ظروف ومشاغل بس بعد تجربة الاكستيرا الامور:good2::good2:


الاكستيرا فالسوق قليل المستعمل لا وقليل القير العادي و القير العادي ما يعلى عليه

رحت انا و اخوي نفرفر بالمعارض ثم الوكالات بعد ما نويت على جديد من اقتراحاتكم

قال لي تبي غمااره..!

قلت :rolleyes: مدري بس كويسه قال الموتر يمسك سعره و رخيصه قطع غياره

قلت طيب مرتي و عيالي

قال ابي تحسب كم مره طلعت معهم البر

قلت ثلاث مرات بس لا والثمامه

المهم بعد هالحوار نويت على غماره بس فل كامل فيا اخواني وش ازين العماني او القطري او البازعي او السعودي ترا ما عندي اي مشكله اروووح لعمان او قطر عشان اجيبه:D