المساعد الشخصي الرقمي

مشاهدة النسخة كاملة : اللي يعرفون الاجرائات المروريه ( دلوني )


sands
08/04/2010, 01:36 PM
السلام عليكم ورحمة الله وبركاتة
كيف حال المكشاتيه عساكم بخير
الموضوع يااخواني اني فقدت اللوحة الاماميه للسياره في البر
وياليت للي يعرف اجرائات بدل الفاقد يدلني مع العلم ان الاستمارة مجدده لاكن البلشه لا قالو لازم تفحص السياره
جزاكم الله كل خير
الشهابة
08/04/2010, 02:34 PM
و عليكم السلام و رحمة الله و بركاته ..

قبل فتره ضيعت لوحة وحده من السيارات اللي عندنا .. وكانت الإجراءات ..

1 - تروح لأقرب قسم شرطه و تبلغ بفقدان اللوحه و تاخذ ورقة البلاغ معك .
2 - تروح للفحص الدوري و تفحص السيارة (إذا كان الفحص الدوري منتهي)
3 - تروح للمرور و تجدد الإستماره (إذا كانت الإستماره منتهيه)
4 - تروح لأقرب مركز مرور و تطلع برنت على السياره برقم اللوحه المفقوده (لمعرفة المخالفات و إذا كانت السياره مطلوبه او عليها مشاكل)
5 - تسدد المخالفات على السياره (اذا كان عليها مخالفات)
6 - ترتب اوراقك (بلاغ فقدان اللوحه من قسم الشرطه + برنت المرور + الفحص الدوري + الإستماره + صوره من بطاقة الأحوال)
7 - تروح لأقرب مركز مرور فيه لوحات (مرور الروضه - مرور المربع - مرور الملز - مرور الناصريه - مرور المطار)
8 - تقدم الأوراق و تدفع 35 ريال قيمة إستماره جديده و 100 ريال قيمة لوحات جديده (بيعطونك لوحات جديده بارقام و حروف جديده غير اللي كانت على السياره و مادري ليش ما يعطونك القديمه)

السالفه اخذت مني ثلاث ايام رايح جاي و كنت اظن اني لازم اعلن في الجريده .. بس قالوا اذا تبي نفس الارقام و الحروف القديمه لازم تعلن في الجريده و تراجعنا بعد 10 ايام ..

و بالتوفيق و الله يسهل أمرك ..
GS5
08/04/2010, 05:59 PM
و عليكم السلام و رحمة الله و بركاته

^^ ماقصر اخوي الشهابة
لكن انتبه تقول مضيعه بالبر
يقولي واحد من العيال ضيع لوحته بالبر قالو له رح دوره ولا ادري عن صحة هالمعلومه !!
لكن للإحتياط قل بالديره او طار الصدام او اي تصريفه
sands
09/04/2010, 04:19 AM
الله يعطيكم العافيه اخواني ماقصرتو
والله انا شاكر تعاونكم معاي الف الف شكر
الله من الحوسه انا والله ياني شايل هم الفحص لاني معدل في السياره وخوفي انهم يقولون رجعها شد بلد ذيك الساعه وايش العمل الله يستر من هالبلشه
الشهابة
10/04/2010, 12:28 AM
حياك الله اخوي ..

بس بخصوص التعديل و هل يعدي في الفحص و إلا لا .. هذ و الله ما افتيك فيها ..

وبالتوفيق و الله يعينك إن شاء الله و يسهل أمرك ..
فيصل الرحيمي
10/04/2010, 12:34 AM
يارب ان امورك تتيسر وتزين.... قل آآآآآآآآآآمين