المساعد الشخصي الرقمي

مشاهدة النسخة كاملة : ارجووووو منكم الدخول جميعا وخصوصا اهل الخبرة سليفرادو 2007


قنآآآص حريملا
10/04/2010, 07:38 PM
السلام عليكم ورحمة الله وبركاته
اخواني الاعزاء انا كنت ادور موتر صحن من الاشكال الجديدة
ولقيت سيلفرادو غمارة ونص ودبل وفل كامل جاي من امريكا مع واحد وعرضه علي تقريبا بــ72000 الف
والموتر ماشي 12000 ميل
فحبيت اسألكم يا اهل الخبرة عن رايكم .... وش رايكم بالسعر وبالموتر....؟؟ مع العلم بان الاير باغ حق السواق طالع على كلامه صار التماس بولاعة السيارة وخرب الاير باغ
وياليت تردون علي بسرعه الله لا يهينكم
وشكراااا
تناهيت
10/04/2010, 08:40 PM
وش حجم مكينته
ووش حجم الموتر 1500 ولا 2500 دبل ولا بدون ارضي ولا ازرار وعطنا كامل المواصفات وافيدك
الايرباق ما يضر لاكن يجب أن تتأكد من انه ما جته صدوم ولا فيه صدى ودبلاته سليمه والسلفرادو حلو بصراحه
تحياتي
قنآآآص حريملا
11/04/2010, 02:13 AM
والله يا تناهيت
ما ادري وش معناة 1500 و2500 لكن الشاص قصير
لكن الي اعرفه انه دبل ازرار والموتر نظيف البدي والمكينة والموتر فل كامل ltz وانشاء الله اذا صملت عليه بافحصه كمبيوتر وبالوكالة بعد
لكن المشكلة وشو انه صارله التمس ووخرب او انه جاه حرق الطبلون من فوق مو الطبلون العدادات لا الطبلون الديكور اللي عند القزازة الامامية وبعدين وداه محلات الفيبر وصلحه واضطر انه يفك الاير باغ وفصله
وبعدين الديكور فيه اشياء ما تركبت زين
فا ياليت تعطيني العلم وانا اخوك والشباب ايضا اتمنى لا يبخلون بالمساعدة
وشكرا وياليت تعلمني اذا السعر زين ولا لا
تناهيت
11/04/2010, 03:27 AM
هلا بك ونا اخوك

عزيزي فيه فرق كبير بين حجم 1500 و 2500 يسمونه الهد يجي مكتوب عليه HD2500على الباب اسفل او في الأزياق وتعرفها بعدد المسامير

6 مسامير اكيد ان مكينته 4800 سي سي ونصيحه ما ينفع أو 5300 سي سي انصحك بها ,,,والــــــــــ2500 يجي جنطه 8 مسامير ومكينة 6 لتريعني 6000 سي سي ,,على العموم لا تستعجل عطني صورة بس وانا اعرف وش الموتر من لحيه واستخر رب العالمين فهو حسبك ,بعدين الموتر شكل جايه صدمه دامك تقول طبلونة متفكك شف الجمس اذا كان شد وكالته توكل على اللة اما اذا كان ملعوب فيه ما انصحك فيه ترى بيتعبك اسأل مجرب ولاتسأل طبيب .
تحياتي
مقلع الرمث
11/04/2010, 09:49 AM
تبي الشور وانا اخوك ابعد عنه شرينا سياره استعمال امريكي وذبحتنا كل يوم امغيرين دينمو وبطاريه والتماسات ماتصدق اخرتها صار التماس بالطبلون فك الطبلون وبحث حصل سلك مجروح وله اشهور وهو يلعب فينا

المهم اذا بغيت تاخذ جمس خذلك واحد نظيف مره ولو بزود 10 الاف وتفك نفسك من المشاكل وبالتوفيق والاستخاره
قنآآآص حريملا
11/04/2010, 04:44 PM
والله انا شفت الموتر نظيف مرة وواضح انه جديد
لكن مشكلته الالتماس اللي صاير له يخووف
طيب اخوي تناهيت 1500 والـ2500 يختلف بالحجم ولا لا <<<<داري اني ازعجتك لكن وش نسوي انتم الخبرة
و1500 يجي قوة مكينته 5300 ..؟؟
واعذرني على ازعاجك وهاذي صورة لموتر ثاني افكر فيه http://img103.herosh.com/2010/03/30/793654180.jpg
اللي فالصورة طالب فيه حدود السبعين ماشي 88000كيلوا والموتر من الامارات 2008 -lt 1500
قنآآآص حريملا
12/04/2010, 03:07 PM
سؤال اخر
هل الـ 1500 يجي 8 سلندر والمكينة 5300
Riyadh City
12/04/2010, 10:31 PM
عزيزي إذا الدبل مو ضروري بالنسبة لك

عنديلك سلفرادو 2007 أبيض حوض طويل ثمانية سلندر بس بدون دبل كان يصلحلك كلمني وبراعيك فيه

تحياتي
قنآآآص حريملا
13/04/2010, 12:44 AM
عزيزي إذا الدبل مو ضروري بالنسبة لك

عنديلك سلفرادو 2007 أبيض حوض طويل ثمانية سلندر بس بدون دبل كان يصلحلك كلمني وبراعيك فيه

تحياتي
والله ما تقصر ياخوي بس الدبل صراحه اهم شي عندي
طيب سعودي ولا امريكي اللي عندك ....؟؟