سفاري ولا شيروكي (( انصحوني ياجماعة )) [الأرشيف]

الطرشي

01/03/2005, 12:51 AM

السلام عليكم ورحمه الله وبركاته وبعد

اخواني الكشاتين هذى اول مشاركة لي معكم

وبصراحه اعجبني المنتدى وسمعته وشهرته الواسعه

وبكل صراحه ايضا يستااااااهل والله بقوووووووووة

مكشااااااااااااات

موضوعي الله يجزاكم خير اني رجال احب البر :good2: واحب الطلعات :good2: والمكاشيت :good2:

وموتري اللي معي سيارة صغيرة ماتمشي فالبراااان :redcar:

وبعتها مو عشان البر والله عشان ظروف خاصة والحمد جابت لي قيمة حول الـــ 50 الف

قلت ياولد ليه ماطق لي جيب فيه نص الحال منها دوام واشغال ومنها مكاشيت وطعووووس

واحترت صرااااااااااااااحة بين سيارتين مولع ومغرم فيها وهـــــي /

سفاري (باب واحد )

او

شيروكي

وللمعلومية ترى الفلوس اللي مخصصها للسيارة حوالي 25.000
وان حصلت الموتر النظيف مو مشكلة نزيدها لحـــد 28.000

بس هل تجيب لي سفاري باب واحد 2000 او 2001

وكذلك الشيروكي

افيدوني جزاكم الله خيرا

وش الافضل ايجابيات وسلبيات

ناصح

01/03/2005, 12:13 PM

حياك الله يا أخي

إذا انت تبي تروح بعيد بالجيب وتاخذ راحتك

خذ ياباني ( سفاري وا تويوتا )

يتحمل اكثر

و الصيانة متوفرة ويصلح بإي ورشة

قطع غيار متوفرة

والاعطال اقل بكثير من الشروكي

وانا جربت السيارتين ووجدت الفرق

د.الكاشت

01/03/2005, 03:29 PM

شيروكي

شكرا

ماجد الشمري

01/03/2005, 03:58 PM

اخوي شين الحلايا ...
نصيحة انتظر واصبر وجمع لك شويتين على هالمبلغ لان المبلغ ذا صعب يجيب لك باترول او شيروكي نظيف مرة ...
ورا ما تدور لك باثفايندر 2003 اقل نوع ؟؟ تلاقي سعره حول 40 ومكينته 3.5 لتر قوي بالحيل بالبر والخط ... واقل استهلاك بنزين ...

اخوكم الشبابي

abo s3od

01/03/2005, 04:47 PM

أخوي شين الحلايا ...
إذا كنت مستعجل فانصح لك سفاري, واذا ما وراك شي فلاأي من رأي الأخ ماجد.

الطرشي

01/03/2005, 10:37 PM

الله يعطيكم العافية

جميعاًًً

بس مسالة الباثفندر اخوي ماجد فيه ناس يصيحون علي يقولون

انه ماينفع فالبران (( يعني حق ديرة )) بعدين سعره اتوقع غالي

ماراح القى بالـــ 30 الف

---------

بعدين السفاري زي مالقالوا الاخوان ونصحوني فيه

هل بحصل 2000 او 2001

في بحر العشرينات
27000
28000

الطعس الذهبي

01/03/2005, 10:46 PM

إذا هو باب واحد شروكي

اسيزو 4x4

02/03/2005, 03:03 AM

الباترول وبس

ولاتفكر بالامريكي تراه علة

وبالتوفيق

وهبى

02/03/2005, 03:47 AM

ســــــــــــــفــــــــــــــــــــــــــــــــــ ــــــــــــــــارى وبــــــــــــــــــــــــــــــــــــــس

الربذي

02/03/2005, 06:59 AM

اخوي شين الحلايا !!!الله يخس بليسك الشين والله الامريكي
تبي نصيحتى عليك بالسفاري وخذ نظيف لو 95 والموديل القديم ارغب من الاخير لان القديم لو معك اخوياك راكبين ورا ويبون يتفرجون على السيول والربيع ويشمون هواء يفتحون الدرايش الجانبية
اما من 98 وطالع فغير مرغوب لان الزجاج قطعة واحدة تقل سيارة سجن وبس مالك تناظر الا من وراء القزاز واقصد الي راكبين ورا وهذا غير ممتع مامثل انك تطلع خشتك للهوا والمطروتشوف زين بدون قزايز
وتصدق السفاري حلو اذا ماقدرت على التايوتا ولد عمي معة1993فاكة شبه وكاله وهالحين ماشي فوق 300الف ماشاء الله ولاغير فيه شي وعزمة قوي وحليل ويصلح سفر وبر
اما الفايندر فماحولك شي لان 2003من الخمسين وفوق اما النظيف مره
ففي 58 الى 60
لكن اخوي شين !!!تري النيسان سفاري افضل بكثير من الشروكي صحيح ان الشروكي قوي مع الطعوس لكن يبي يعيفك البر كله و95 من الناس يسبونه مره الا اذا انك عاشق روحات وجيات للورش وكل ماهاذا وسيارتي بالورشه ولاكل واحد يصلحه لعدم توفر قطع الغيار اخوك بحايل كل ماروح للقصيم اطلع هناك شهريا الا وكم وااحد من عشاق الشروكي يوصوني قطع اشتريها لهم من هناك لعدم توفرها بحايل تخيل !!!!يقلون كود طلبية وتتاخر !
فطعشور اخوياك وخذ سفاري لو قديم لان المركب مايختلف والشكل القديم افضل ومرغوب و97 اغلى من 98 ويصلح باي ورشه وقطعه بكل مكاااااااااااااااااااااااااااان ومبروك مقدما
هذا شوري وانت حر
اخوك

عنبري تمير

02/03/2005, 10:40 AM

سفاااري وبس وترى الشروكي خراباته وااااجد مره
عند واحد من الربع والله انه قبل في الورشة
وليت خرابة
مثل السفاري
مافيه الا لزخ قروووش مايتعاملون الا بالالوف

محب الشمال

02/03/2005, 11:41 AM

انا رايي السفاري والله يحفظك

السالمي

03/03/2005, 12:20 AM

السلام عليكم

اول شي اهنيك اخوي شين الحلايا

على اختيارك لافضل جيبين قديما وحديثا <<<< وجهة نظر خاصه

اول شي اقيامها رخيصه لاكن افعالها كبيره

يكفيك انها مريحه وقويه وماتغير من مواصفاتها وجودتها شي يكفيك انها الا الان دفرنسين

وبالنسبه للنيسان ومع الاشكال والموديلات الجديده منه سنتين ثلاث ويغطي على التايوتا

بقولك شي يمكن ماتصدقني فيه وتقول هذا انهبل

البارح راكب مع واحد معه جيب لكزس موديل 99 على فخامته ومواصفاته اللي فيه

والله ثم والله ان النيسان والشروكي اريح منه بالمركب

انت تقول ان معك بحدود الثلاثين الف

اذا بغيت تاخذ فيها نيسان بتحصل من موديل 97 وتحت

وهذا الصراحه انصحك فيه اكثر لان من 98 الى 2000 ماتصلح واكثر الناس يرغب من موديل 2002 وفوق

النيسان مريح وقوي ووسيع وموتر يريح بالك صحيح يصرف بنزين لاكن من بغى الدح ماقال اح

اما الشروكي وهذا هو عشقي والموتر الللي افضله وكل شخص له ميوله

انا معي قراند شروكي للشايب بس تحت يدي دايم

الصراحه مع انه قراند شروكي لاكن والله موتر ماشفت منه اي شي وكل اللي يقولون عنه من خرابات ماشفتها

عطلاته والاشياء اللي تخرب فيه تصير في كل موتر

يكفيك انه افضل جيب من ناحية صرفية البنزين هذا وهو تانكي واحد واتحدى واحد ينكر الشي هذا

ثاني شي موتر قوي في النفود ويقص معك مايغرز طبعا خبرة السواق مطلوبه

الحراره اللي معي سعودي حرارته ماتتعدا الربع صيف والا شتا واذا ارتفعت وصلت الثلث

وتبي تلقى موديل من 96 الى 98 قراند شروكي 6 سلندر( طبعا الثمانيه ما انصحك فيه ) بحدود مبلغك

واذا انت ماتبي القراند وخايف منه عندك الكلاسك مايعيبه شي وكثير اللي يرغبونه

والثلاين بتجيبلك الا موديل 99

قطع غيار الشروكي بشكل عااااام عاديه ومتوفره وماهو صعب الحصول عليها

صحيح الياباني متوفر اكثر منه بس هذا مايمنع ان قطع الشروكي صعب الواحد يلقاها

واسعارها مقارنه مع الباثفندر تعتبر رخيصه ومقارنه مع الاند كروزر نفس القيمه تقريبا

اتمنى لك التوفيق

احب البر

03/03/2005, 07:14 AM

اخوي انا معي قراند شروكي .. وبصراحة سيارة رهيبة في الطعوس والبر .. مع ان له معي فترة اشهر فقط .. الا اني وقبل مااشتريه سويت بحث ( تقول رسالة ماجستير ) :) لقاءات مع اصحاب الشروكي ومهندسي الشروكي خاصة في عدة ورش مرورا بأصحاب قطع الغيار .. وخلصت الى التالي :

* قطع الغيار متوفرة اذا مالقيتها عند الوكيل فهي متوفرة بكثرة لدى الموزعين .( خاصة اذا انت ساكن بالرياض )

* مؤخرا خفضت الوكالة اسعار القطع قرابة 10% طبعا لبعض القطع وهذا توجه طيب .

* المشاكل والخرابات اللي يشتكي منها اصحاب الشروكي هي والله اعلم من سؤء الاستخدام وليس عيبا في السيارة نفسها .. وهذا كلام اكثر من معلم من معلمي الورش في مواقع مختلفة .. وسبب ذلك هو أن الشروكي قمة وروعة في الرمال والطعوس حتى انه يتفوق على الاندكروزر في الرمال لخفة وزنه .. وهذا يغري الشباب في التطعيس به وقطع قلب المسكين . اضافة الى السبب التالي وهو :

* ان فيه نوعين في ذراع التحكم بالدبل الاول يمكنك من فصل الدبل نهائيا عن السيارة وهذا افضلها حتى لا تكثر عليك خرباته وانما تشغله وقت الحاجة فقط مما يقلل من اعطاله واعطال الدفرنس وتوابعه .

النوع الثاني : وهو مافيه خاصية فصلالدبل نهائيا وانما الدبل اتماتيك وماتقدر تفصله فقط تتحكم فيه قوي وضعيف اما فصل نهائي مافيه بل هو يفصل نفسه اذا وصلت السرعة الى 80 كم تقريبا . وهذا مع السبب السابق . يجعل السيارة كثيرة المرور على الورش .

فاذا انت معزم على الشروكي فخذ النوع اللي فيه خاصية فصل الدبل نهائيا .

واذا تريد ازودك بصورة لذراع الدبل اللي تبين انه من النوع اللي يفصل الدبل نهائيا فابشر ومن عيوني . انت آمر .

* ونصيحة اذا تبي تشتري شروكي سعودي فلاتاخذ الا من واحد تعرف ان استخدامه نظيف لا كثير من السعودي منكرف كرف خاصة ان كثير من الشباب يحبه واذا تبي تعرف سو زيارة لطعس التحدي . وافضل لك تشتري استخدام امريكي لان الامريكان في الغالب من البيت للعمل مايعرفون مطامر في البران مثلنا .. طبعا فيه ناس منهم لهم رحلات لكن مايقارنون بربعنا . على كل حال الاستخدام الامريكي افضل لك خاصة لما تكون السيارة استخدام عجوز ماتتعدى حارتها . :D :p

ختاما هذا اجتهاد مني بعد البحث والمشاورة وما خاب من استشار .

الدبل الثقيل

03/03/2005, 08:00 AM

السلام عليكم ورحمة الله وبركاتة ....
يااخوي اذا ماتقدر على التويوتا عليك بالنيسان السفاري الربع موديلات 95/96/97 فل كامل او وسط لأنه يجي بخاخ .. تراه ممتاز بالحيل ولايقارن بالشروكي الأجرب... وعيوبه يشرب بنزين ويقربع ويطيح سعره لكن خذ مكد وصبر وراحه ورساوه ومنظر.. أما الشروكي ياخوي السالمي قطعه اسعارها نار أحد الأقارب معه شروكي سبور عادي انكسر عليه الأصطب الخلفي يمين راح للوكالة قالوا بعد الخصم 500 ريال راح يدور تجاري لقي ب 250 ريال لكن ترتيب الألوان مختلف عن الأصلي... هاه وش رايك...

وأخيرا ياأخ شين الحلايا فيه نصيحة ثانية ان أعجبتك .. اشتر هايلكس غمارة بشرط يكون طارةهوا ومكينه بخاخ يعني من 2002 وطالع .. تحصل 2002 ب34 او حولها .. تراه موتر مجنون بالحيل ... حمار مكده....
وجزاك الله خير والله يسهل أمورك..

special

03/03/2005, 10:56 AM

الباترول ولا تناظر الشروكي

السالمي

04/03/2005, 12:56 AM

أما الشروكي ياخوي السالمي قطعه اسعارها نار أحد الأقارب معه شروكي سبور عادي انكسر عليه الأصطب الخلفي يمين راح للوكالة قالوا بعد الخصم 500 ريال راح يدور تجاري لقي ب 250 ريال لكن ترتيب الألوان مختلف عن الأصلي... هاه وش رايك...
..

رايي كويعا وانا اخوك

وماهو تكذيبا فيك لاكن انا سبق واخذت له قطع عديده

واغلبها مستهلكه وشفت انها عاديه حول سعر السيارات الباقيه

اما كلمت انها ناااااااااااااار وينا فيه لو هو رانج روفر والا لكزس

الدبل الثقيل

04/03/2005, 01:55 PM

لاتكابر يالخو هذا الواقع ...حنا بعد كان معنا شروكي وأذكر القطع نارين مهو نار وحده ... والصراحة مافي مقارنة بين الياباني والأمريكي ...الياباني أفضل بدون منازع... خصوصا في الأجواء الحارة والشوارع المكسرة مثل السعودية وبالأخص جدة...

الربذي

04/03/2005, 06:12 PM

تعوذوا من ابليس !

متيهة البكار

04/03/2005, 09:39 PM

ياجماعة

اللي ماجرب الشروكي يشويه

الطرشي

05/03/2005, 01:36 AM

9 أصـــوات للسفاري

5 أصـــوات للشيروكي

ولازالت الانتخابات قائمة :hot:
---------------------
--------------------

1 باثفاندر و 1 هايلكس <- - - - - مدري وش يبون :no2:

بس صراحة الشباب حقين الشيروكي ( السالمي واحب البر ) كلامهم يشجع عالشيروكي

خصوصاً انهم يلمحون برخصه مو ديل 97 او 98 او 99 بالفلوس اللي معي

عموماً الله يعطيكم العافية ولاهنتم جميعاً ومعي وقت قرابة الشهر
لاني انتظر مساهمة بنك البلاد اول مايبدا التداول ابيع الاسهم
واتوكل عالله للمعااااااااااااااااااارض

-----------------

اخوي السالمي / اذا تخدمني وتخبرلي صالة عرض او سيارات مستعملة للشيروكي بالرياض

السالمي

06/03/2005, 07:53 PM

كلهن عينين في راس

النيسان والشروكي

لاكن على دراهمك انا نصحتك بالشروكي

لاني جلست فتره طويله لين اشتريت الشروكي اللي في توقيعي

اما عن المعارض في الرياض

انا موتري شاريه من النسيم من معرض الهلال

وماشاء الله لقطه مع اني من اهل الشرقيه

لاكن القدر ساقني للرياض

والصراحه ما اخبر معرض معين يبيع شروكيات

لاكن المعارض قدامك دور

ونصيحه تأكد من الدفرنسه حقه قبل تشتريه

ترى الشروكي حق كرف معروف في قوته عشان كذا

اذا طاح في يد واحد مراهق تلقاه يحلل مندوبه خصوصا الـ 8 سلندر ترى هو اكثر شي يخرب دفرنسه

وركز على السعودي اكثر شي ولاتقرب الـ 8 سلندر

وترى فيه مواتر ثانيه جيده لاكن ماهي في قوت النيسان والشروكي

اللي هي الجيمي والاكسبلور بتحصلها بالدارهم اللي معك وبتلقى نضيف بس

ماهي عمليه زي النيسان والشروكي

ahmed007

06/03/2005, 08:15 PM

حبيبي خذ تويوتا وبس

http://us.autos1.yimg.com/img.autos.yahoo.com/aic/toyota_landcruiser_4x4_2005_385x192.jpg

القناص

06/03/2005, 09:35 PM

http://www.autopress.be/Temporaires/SALON/GENEVE/JEEP%20CHEROKEE.jpg

صح لسانك
اللي ما يعرف الشيروكي يشويه

السالمي

07/03/2005, 11:01 PM

8
8
8
8

صح لساااااانه

اخوي الـ ahmed007

الرجال يقول فلوسه بحدود الت 30 الف ريال

ماقال 100 الف

algali_100

08/03/2005, 10:04 PM

نصيحة ياخوي من مجرب .
شريت قراند شيروكي 95 قبل أربع سنوات ب 26 ألف (ستة سلندر) وبدون مبالغة خسرت عليه 40 ألف وبعدين بعته ب 13 ألف .
خوي ترى العمر الإفتراضي للسيارة الأمريكية أياً كان نوعها 10 سنوات فقط ثم تبدأ في الطلب .

وإن كنت مخربها مخربها خذ شيروكي عادي ونظيف جدا جدا ولو كان غالي ، وتعرف لك على ميكانيكي حبيب ولا ناسبه (حج وقضا حاجه ) .

والسلام ختام
أخوك الغالي

المطلق

08/03/2005, 10:21 PM

اخوي

انا ماعندي سلبيات

بس السفاري مافي اخف منه بالنفود

واسأل وشف

السالمي

08/03/2005, 10:22 PM

نصيحة ياخوي من مجرب .
شريت قراند شيروكي 95 قبل أربع سنوات ب 26 ألف (ستة سلندر) وبدون مبالغة خسرت عليه 40 ألف وبعدين بعته ب 13 ألف .

اخوي بالله وش حطيت فيه يوم ياصل الا ها القيمه

اذا كانت مكينته مستعمله ومضمونه بـ 4 الاف ريا ل

والقير بحدود الالف وخمس ميه وانا والله ماسعرته

والدفرنس اذا طق طق بالالفين ريال وانا ماسعرته ايضا

مع ان فيه حل وسبق وذكروه الاخوان وهو نوع من انواع الزيوت سعره بـ 25 ريال

يريحك اذا كان الدفرنس يطلع له صوت

مع ان معي شروكي لاكن الحمدلله ماشي معي تمام ولا اشتكيت منه في شي

واقرب راعي ورشه اصفط عنده تراه شروكي يالغالي ماهو همر 2005

خوي ترى العمر الإفتراضي للسيارة الأمريكية أياً كان نوعها 10 سنوات فقط ثم تبدأ في الطلب .

والجموس اللي ماليه الشوارع من موديل 79 و78 وانت طالع

والبرمائي البليزر موجود الا لان وماشي زي الحلاوه

ولو تقارن مكينته مع مكينة جيب لكزس راح تلقاها اقوى

والشروكيات الكلاسك من موديل الـ 90 الا اخر موديل

اي سياره تطلب مهما كانت حتى التايوتا

لان المصنع ماراح يستفيد لو كانت السياره ماتطلب قطع غيار مع مرور الوقت

الكورولا قيمتها 40 الف اصطباتها اللي ورى كل واحد بحود الالف

يعني كم طلعت عليهم بـ 42 الف

algali_100

09/03/2005, 12:08 AM

أخوي الغالي السالمي حفظه الله
الحقيقة يا أخي إني كل ما شفت واحد معه جراند شيروكي إني أرأف لحاله ، والأسباب كما يلي :
1- وظبت القير بقطع مستعملة بستة آلاف ريال ، وبعد ما استلمت السيارة ، لقيت لمبة إقفال الأوفر درايف شغالة على طول . يعني ما تغير للرابع ، مع إن الورشة سنعتها ممتازة .
رجعت لهم قالوا هذي الطنجرة تحتاج تغيير ب 1500 ريال فقط .
ثم جاء دور الدفرنس 3000 ريال .
أما المكينة فهي نادر أن تتعطل في الشيروكي ، ونرجع لسعر القير الجديد التجاري لا يقل عن 15000 ريال
وأنا لا أخفيك ان السيارة اشتريتها وهي ليست نظيفة تماما ولكني أغير كل شيء بقطع جديدة .
وبصراحة يندر أن يمر أسبوع دون أن أدخلها الورشة وتعلرف أسعار صيانة الشيروكي .
ومثال على ذلك وزن أذرعة لا يمكن أن تجد من يقوم بها إلا ورشة الدرع أو المجد ,بالرياض ، وبسعر خيالي والسبب معروف الصيانة صعبة .
2- أحد الإخوان أخرج جراند شيروكي 2004 من الوكالة ( العربية للسيارات ) وأثناء سيره في طريق الملك فهد يفاجأ بانفراط الاطارين الأماميين تماما ، مما ترتب عليه إصابة صاحبنا إصابة بليغة وعمل أسياخ في قدميه الاثنتين ، مما حدا به لشكوى الوكيل في الولايات المتحدة وتم تعويضه ، واسم الرجل وعنوانه موجود لمن يريد التأكد بنفسه .
3- طلب الوكيل من المشتري عدم فتح كبوت السيارة لمدة 3 سنوات خارج الوكالة بما فيها تغيير الزيت .
عندما ذكرت 40000 لم أكن أبالغ فكل أسبوع يمر أدخلها الورشة ، أي بعد أي كشتة خفيفة لا بد أن تتحمل مبلغ وقدره .
4- لو تلا حظ يا أخي أن السيارة أثناء سيرها على الرمال ترتفع حرارتها بشكل سريع ثم يتوقف المحرك عن العمل حتى يبرد ، وكأنك تسوق دابة أعزك الله .
5- أغلب من يقتني هذه السيارة اقتناها إعجابا بقوتها الهائلة ، ولسلاستها على الطريق ، وقلة صرف البنزين مقارنة بغيرها ، ورخص قيمة المستعمل مقارنة بغيرها من سيارات الدفع الرباعي ، لكن مشاكلها أنفة الذكر تلغي جميع هذه المزايا أيها الأخ الحبيب .
وأخيرا فإن اختلافنا في الرأي لا يفسد للود قضية أيها الحبيب ولكن الأخ سألنا النصيحة فنصحناه والدين النصيحة .
واسلم لأخيك أيها الكريم
أخوك الغالي

سهيل واحد

09/03/2005, 12:46 PM

الشباب الأعزاء

ولا هو نقص بالباترول او التويوتا لكن .. مبرد الكبد .. قصدي .. الشروكي .. وهنا أقصد الشروكي و ليس القراند شروكي لاني ما جربتة ..
جربت (يعني كنت املك) الباترول و الشاص و التويوتا الصالون وأخيراً الشروكي كلاسيك موديل 2001 (4.0) وما شاء لا يعلا عليه يعني لو تجيب لي تويوتا 8 سلندر او باترول مرهم يمكن و أكرر يمكن يدخلن شغايا و نقر يدخلهن الشروكي .. اسف يا راعين الباترول و التويوتا ... لكن الحق حق .
اما با النسبه للخرابات فالشروكي مظلوم بهالاتهام لاني لو ادخل بالباترول او التويوتا الاماكن اللي ادخلبهن بالشروكي كان وديتهن التشليح و بالرغم من ذلك خراباتة بسيطه جداااااااااااً
والسلام عليكم.

طـــع شوري

09/03/2005, 03:47 PM

أخوي زين الحلايا !!!! أسف قصدي شين الحلايا

السلام عليكم ورحمة الله وبركاته

إذا تبي نصيحة مجرب طع شوري واشتر نيسان باترول 97 ربع زي موتري

..........................................http://www.mekshat.com/pix/upload/sign/images/mk13974.gif

special

09/03/2005, 05:40 PM

ياخوي تقارن الياترول بالشروكي !!

ياخي بالمنطق .. الشروكي شكله حلو وفخم ومريح وماودك الا تركبه هل توقع سيارة بهالمواصفات ويصير سعرها رخيص !!

بالتأكيد لا .. عموما خذ الشروكي اذا كنت تحب دايم تسير على الورش ..

اما الباترول .. والله انه بدون مبالغة موترعلى كيف كيفك .. مريح ونشيط .. والي تبيه .. صح انه في ناس يقولون يتفكك

مهب مشكلة خله يتفكك .. كل عقب شتاء ربطه ب 100 وقضينا

وفي الاخير الخيار راجع لك

special

الطرشي

09/03/2005, 05:42 PM

11 صوت للسفاري

8 للشيروكي

ولازالت المعركة حاااااااااامية

--------------

اخوي طع شوري

السفاري 97 واللي تحته 96 95

ربع ....

شكله ضيق وغبي في نفس الوقت
مدامني باخذ من سبعة وتسعين وفيها

باخذ بابين

الله يعطيكم العافية جميعاً

السالمي

09/03/2005, 07:23 PM

1- وظبت القير بقطع مستعملة بستة آلاف ريال ، وبعد ما استلمت السيارة ، لقيت لمبة إقفال الأوفر درايف شغالة .
رجعت لهم قالوا هذي الطنجرة تحتاج تغيير ب 1500 ريال فقط .
ثم جاء دور الدفرنس 3000 ريال .

6 الاف ريال قطع غيار في القير خير ان شاء الله

مركبله قطع غيار من ذهب

ياخوي لو شريت قيرين اثنين من التشليح ماوصلن الـ 6 الاف ريال

أما المكينة فهي نادر أن تتعطل في الشيروكي ، ونرجع لسعر القير الجديد التجاري لا يقل عن 15000 ريال
وأنا لا أخفيك ان السيارة اشتريتها وهي ليست نظيفة تماما ولكني أغير كل شيء بقطع جديدة .
وبصراحة يندر أن يمر أسبوع دون أن أدخلها الورشة وتعلرف أسعار صيانة الشيروكي .

اما كل اسبوع الله يعينك اخوي اذا كان باقي عندك الشروكي بعه ترى مايصلحلك ابد

وبعدين ترى كل شي عند الوكاله غالي والشي ذا معروف في جميع السيارات

لاكن بقولك شي

تدري ان نصف الماكينه حقت الشروكي ارخص من نصف الماكينه حقت الاندكروزر

وان ماكينة الكراسيدا بحدود 13 الف ريال

ومثال على ذلك وزن أذرعة لا يمكن أن تجد من يقوم بها إلا ورشة الدرع أو المجد ,بالرياض ، وبسعر خيالي والسبب معروف الصيانة صعبة .

ههههههههههههه انا مركب كفارات جديده للقراند اللي معي ووازن اذرعته عند نفس المحل

نحل كفارات عادي بالدمام عنده محل وزن وزنة عنده

ياخوي قلنالك ذا شروووووووووكي ماهو همر والا طوارق والا كاين بورش

2- أحد الإخوان أخرج جراند شيروكي 2004 من الوكالة ( العربية للسيارات ) وأثناء سيره في طريق الملك فهد يفاجأ بانفراط الاطارين الأماميين تماما .

استغفر الله لو مافيها مسامير ماتنفرط بالشكل ذا

وحتى ولو طلع الكلام صحيح ونا ماكذبك انا اناقشك يرجع للوكاله ويناقشهم

ويعتبر القراند هذا شاذ

، أي بعد أي كشتة خفيفة لا بد أن تتحمل مبلغ وقدره .
.

والله وانا اخوك طلعت فيه

لحد الصمان لعرق الحمراني وطلعت فيه للسفانيه
وكل محل ماشفت منه شي ولادخل ورشه

الا لغيار زيت او تبديل اشياء تستهلك في كل سياره

4- لو تلا حظ يا أخي أن السيارة أثناء سيرها على الرمال ترتفع حرارتها بشكل سريع ثم يتوقف المحرك عن العمل حتى يبرد ، وكأنك تسوق دابة أعزك الله ..

زين اللي وصفته بالدابه الدابه ماتاقف في راعيها ابد وتوديها لاي مكانن يبيه

وأخيرا فإن اختلافنا في الرأي لا يفسد للود قضية أيها الحبيب ولكن الأخ سألنا النصيحة فنصحناه والدين النصيحة .
واسلم لأخيك أيها الكريم
أخوك الغالي

الله يسلمك ومتفهمين الشي ذا

بس اللي ذكرته عن الشروكي اعتبرك مبالغ فيه

السالمي

09/03/2005, 07:26 PM

الكونترولCONTROL

10/03/2005, 12:57 AM

الكونترولCONTROL

10/03/2005, 01:00 AM

انا اذا شفت الواحد مضيع دراهمه في سيارة امريكية اشك في عقليته انها (( تقليد * تقليد ))

أسعار السيارات الحقيقية بعيدا عن النصابين من شريطية المعارض هي تقريبا

باترول بابين ( ربع ) :

موديل 96 , 97 = 27 الى 32
موديل 98 = 28 الى 32 الف
موديل 99 30 الى 34 الف
موديل 2000 33 الى 38 الف
موديل 2001 35 الى 40 الف
موديل 2002 38 الى 44
موديل 2003 42 الى 50
موديل 2004 47الى 53
موديل 2005 فوق 55

الشيروكي فل كامل

موديل 96 ما يسوى 14 الف
موديل 97 ما يسوى 20 الف

98 ما يسوى 27 الف

99, 2000 اقل من 36
2001,2002 اقل من 40
2003,2004 اقل من 55
2005 65 الف و بعد سنه بنص قيمته

السالمي

10/03/2005, 02:34 PM

انا اذا شفت الواحد مضيع دراهمه في سيارة امريكية اشك في عقليته انها (( تقليد * تقليد ))

اساسن الدراهم في الحديد ضياع في ضياع

مير اهون علي اضيعها في شروكي ماتتعدا قيمة المستعمل منه الـ 60 الف

ولا اضيعها في جي طس ار قيمته فوق الميه ويجني واحد مع احد التقاطعات

معه ددسن 79 ويصقعه على البابين الا وانا جالس جنبه احسب ذنوبي

اسعــــــــــــار النيسان فيه منهو ادرى مني فيها

لاكن ابناقشط في اسعار الشروكي

بحكم اني لافن المعارض وخابر اقيامه نوع نوع

الشيروكي فل كامل

موديل 96 ما يسوى 14 الف
موديل 97 ما يسوى 20 الف

شف وانا خوك الموتر اللي في توقيعي 94

ولاهو فل كامل اقل من الفل كامل ومكينته 6 سلندر

قبل لا اشتريه تعبت لين حصلته والموتر نضيف بما تعنيه الكلمه

اما سعره بعد المحاولات وحب الخشوم وبحكم ان عمي سبق واشترى من عندهم سياره ويعرفهم

اخذته في 23500 ريال هذا وهو 94

و96 و 97 اذا كان نضيف وفل كامل تلقاه بحدود 26 الف

99, 2000 اقل من 36
2001,2002 اقل من 40

اهااااااااااا جينا للمهم

من 99 وفوق هذا هو حلمي

وباخص قيمته زي ماني باخص نفسي

الـ 99 اذا هو نضيف وفل كامل و6 سلندر

ياشيخ اتحداك تمسك مفتاحه دون الـ40

اما 2001 و 2002

بحدود الـ 50 والـ 55 ولاهي غريبه تاصل الـ 60

والكلام ذا طبعا كلام المعارض

اللي حاطين كل همهم على الاند كروزر

الابهق

10/03/2005, 09:18 PM

أخوي شين الحلايا ..... مساك الله بالخير اختيارك زين بين السيارتين لكن أنا والله العظيم ومالك علي حلف إن الشيروكي اللي معي يمكن يكون رقمه 10 او 11 وكل اللي استعملتهن من موديل 98 الى 2001 وتبي تقول ليه سيارتك المفضله الشيروكي لأنه قوي في الطعوس ونشيط على الاسفلت ومكينته زي مايقول القصمان (ما تبيد ) وبعدين تراه اقتصادي اكثر من السفاري لأنه كان عند أخواني موديل 90 أربعة أبواب و 90 بابين و 97 بابين (رسمي ) مستلمه من العمل جديد و 98 بابين وكلهن يشربن بنزين شرب وال 97 قام أخوي وحط له كربليتر ألتيما ولكن مالاحظ اختلاف في الصرفية .
أما أنا ولله الحمد فهذا اللي معي هو الشيروكي يمكن رقم 11 اللي اشتريه وهو موديل 99 أتوماتيك وزي الحلاوه لأني ما أشتري الا اللي نظيف بوديه ومكينته ودبلاته وقيره ، وتراني ولله الحمد صار عندي خبرة شيروكي وهي سيارتي الأولى والأخيرة بمشيئة الله وعلى فكره اللي يقول أن مشاكل الشيروكي كثيره تلقاه متخوبر في واحد مفجورة مكينته في طعوس صعافيق أو أم دباب وشي طبيعي لازم يسير كل يوم على الورشه ....... ولك تحياتي 0555440629 ابوعبدالعزيز

الجروووح

10/03/2005, 09:31 PM

مدامك حددت فهو نيسان .

ومعرووف النيسان لكل انسان وتراااه حبيب وصبوور ولا تعدى الـ97 سلقه باب واحد .

واذا تقوى تزود الدراهم عليك بأبو شنب .

وتحياتي لك .

السالمي

11/03/2005, 01:02 AM

الابهق صح لسانك وصدقت والله

الشروكي موتر الفاهمين

اللي يبخصه زين مايفكه

اما اللي يبي يمشي على كلام الناس بيضيع

وبعدين السيارات ماهي سوا

احيانن اثنين يطلعون موتر من نفس الوكاله ومن نفس النوع

تلقى واحد يعيش معه موتره والثاني يبهذله ويلعب في حسبته

المترو

11/03/2005, 03:55 AM

السلام عليكم ورحمة الله
شروكي والا سفاري اقول لكم رأي شخصي بهالسيارتين

الشروكي قوي جداً وخاصه العادي ساده يعني سبورت وقليله اعطاله نظرا لان احد الشباب قدر الله عليه واشترى شروكي سبورت تدرون بكم 14 الف بس موديل 94 وصراحه وقتها عارضت شراه للموتر وسبيت بالشروكي وسفلت فيه لكن الرجال له الموتر تقريبا سنه ونصف معه وهو يموحره بالبران ويروح عليه بعيد وقريب وماشالله تبارك الله ما ذكر فيه شيء ابدا يقول اني اغير زيت وسيفون بس وكل اللي هو سوى ركب مروحه تبريد كهرباء زياده والله ساتر عليه من الاعطال وهذا عكس ما اعرف عن الشروكي انه كثير الاعطال شيء غريب بالنسبه لي انا شخصيا
ثانيا السفاري موتر خفيف وصيانته سهله ومره اشترينا سيور له من بقاله بقريه بالشمال !!!!! بس عيبه الوحيد صرف البنزين مقارنه بالشروكي وسرعة القرقعه والتفكك بسرعه
ولكن بعد هذا كله ماهو عيب السفاري غير صرف البنزين ؟؟؟؟؟؟؟؟؟؟؟؟؟

اعتقد والله اعلم ان السفاري افضل من الشروكي مجرد رأي شخصي
والشروكي اكثر من يحبه اصحاب التطعيس لقوة عزمه وهولاء ليس مقياس لاستعمال السياره الاستعمال الصحيح؟؟؟

معلومه :::: تشتري سياره مستعمله ومن المعارض الله يعينك حظ نصيب نظيفه والا تطلع عله كل يوم وانت بالورش سوى شروكي او سفاري فالحرص على ان تشترى السياره من شخص تعرفه لو زاد كم الف افضل الف مره

وللجميع اجمل الاماني

والسلام عليكم

الطرشي

13/03/2005, 12:54 AM

13 صوت للسفاري

9 اصوات للشيروكي

----------------

فشق

27/08/2005, 11:51 AM

السلام عليكم ورحمة الله وبركاته
باختصار شديد ازين مافي السفاري اسمه
والشروكي موتر اوكيه بس اشين مافيه وكالته الخايسه
وانا اويد كلام اخوي الرحال
ولكم تحياتي .
فشق

فشق

27/08/2005, 11:54 AM

الا وش رايكم في ماكسيما 2001 فتحه جنوط سي دي مراتب متحركه ماشيه 185000

كم تسوى ؟
ولكم تحياتي

بواسامه

27/08/2005, 12:19 PM

فر من الشروكي فرارك من الأسد
نصيحة مجرب

لا تتعدى نيسان او تويوتا

محب الشمال

27/08/2005, 12:45 PM

تبي سياره تكرفها كرف في كل شي من بر وطعس وصمان وضلعان وجبال وارصفه وهبقه شباب وتسوي الي تبي طلع لك باترول ربع بس ما يكون فل كامل
هذا رايي الشخصي والله يحفظك

ابو راشد

27/08/2005, 01:54 PM

اخي العزيز .. المثل يقول اسال مجرب ولا تسأل طبيب....
كان تريد تروح ويا ربعك وخوياك وتذب عراجيب وتقطع فيافي يتيه فيها القطا .. وشمس تذوب دماغ الضب ..
ونته مرتاح ماتحاتي اعطال ولا ترجع الى الورش... ولا تجلس ادور الظل والبراد
وتزور عرب اللة وتفرج الهم مع دعج الاعيان
نصيحه وانا اخوك ولا اريد عليها مقابل
..نيسان مديل 90 تراه افضل بمليون مرة عن الشروكي وجميع السيارات الامريكية

ابو كرم

27/08/2005, 02:21 PM

نصيحتي اشتر سفاري ولو ان مشكلته صرف البنزين
واترك عنك الشروكي وعلته

ابو الزحفان

30/08/2005, 04:29 PM

انصحك برينا

السالمي

31/08/2005, 07:53 AM

هااااااااااه يابعدي وش صار عليك

اخذت الشروكي والا النيسان

تراني غبت عن المنتندى وتزوجت وجيت وموضوعك مازال تحت النقاش

دله وفنجال

31/08/2005, 09:38 PM

السلام وعليكم......
ياخويي لتدور با سيارت الا التيوت والنيسن مبشين ام الشروكي فابعدعنه خضلك نيسن 97،96،95ولا تيوتvx-rبين 98،2006

اصطب مكسور

ابـو صا لـــح

31/08/2005, 09:57 PM

والله لو تطيع شوري وتدورلك سفاري 97 تراااااه موتر

شاص 2000

31/08/2005, 09:59 PM

باترول وبس وأنحش عن الشروكي .....................

مهراس

01/09/2005, 12:19 PM

السلام عليكم ورحمة الله وبركاته:
فقط لمحبي وهواة الشيروكي والقراند شيروكي

أنا عندي قراند شيروكي لآريدوم 93، 6 سلندر 4 لتر ماشي 78 الف ميل فل كامل (بوصله-ترمومتر-مركز معلومات شاشه أمام القير) اللون أخضر والمقاعد مخمل والأماميه كهرباء من امريكا ومن مزاد (ebay) فقط زاودت عليه وانا في بيتي(يلزم المزاوده والشراء الأشتراك ببطاقة الفيزا وبدون رسوم) ولم أرى البائع فقط كان بيننا المراسلات الأليكترونيه ورسى علي المزاد ب5000 دولار والمخلص( بتشديد اللام) أوصله الى البيت وكانت التكلفه الأجماليه 23500 وكان ذلك في صيف عام 2002.
والأن ماشي 151 ألف ميل، أما عيوبه (أقصد سيارتي) حسب استعمالي فهي كالتالي:
1- الحراره في فصل الصيف وعند تشغيل المكيف في المدينه أو عند اتطعيس الهبال
2- القطع الأصليه الكبيره غاليه في الشركه فقط وتوجد عند الموزعين قطع صناعه أمريكيه مثل الأصلي 100% وبنصف السعر
3- معظم القطع لاتوجد الا في المدن الكبرى
4-صغر الحجم للركاب والتحميل بالنسبه لمجتمعنا وهذا رأي خاص
أما المزايا فهي أكثر من العيوب وسوف أسردها لمن أراد وليس الأن وذلك لضيق الوقت
وفي الختام فان السياره أيا كان نوعها هي مثل الرداء بأمكانك تفصيله عليك كيفما شئت وهذه نعمة من الله له الحمد والشكر والأنسان يختار مايروق له.
وتحياتي للجميع.