ما الفرق بين مسدسات الرايف .. يا ليت احد يفيدني

[ادمان بحر]

السلام عليكم ورحمه الله وبركاته
ماالفرق بين مسدسات رايف ال c3 , c3x ,c3xs وما افضل نوع مع مميزاتها لاني ناوي اشتري عما قريب بس ما عندي خلفيه عن مميزاتها

اخوكم
ادمان بحر

[ابوتركي1]

عليكم السلام ورحمة الله وبركاته
افضل الرايف c3 مقاسه متوسط من ناحية الحجم والقوه تقريباً
ويوجد موضوع سبق طرحه في الخيمه عن هذا الموضوع ابحث عنه وان شاء الله يفيدك من جميع النواحي ولا تنسانا بدعواتك

[غواص فلسطين]

وعليكم السلام ورحمة الله وبركاته
أخي الكريم أكتب الرد وأنا على عجلة من أمري في العمل ولكن هذه الصفحة تحتوي على جدول فيه جميع المعلومات الفنية لكل نوع من الرايف
http://www.speargun.com/index.php?option=com_content&view=article&id=16&Itemid=10
,,, إقرأها بتمعن ولي عودة مرة أخري إن شاء الله
معلومة صغيرة من وجهة نظري (C3x يعتبر الأفضل لأنه ممكن يتطور الى C3xs) إذا كان الطول مناسب طبعا
تحياتي

[GPS-MAN]

اخي الكريم ..ببساطه وهي كما يلي :
C3 اربع انواع وهم ( C3 - C3x - C3s - C3xs ) ..
الفرق في الحروف اللي تجي بعد C3 .. يعني الموديل اللي فيه حرف ( X ) يعني التكاية الحمراء تجي بعيدة عن المقبض اللي هو اليد وهذا يعطيك راحة في شد المطاطات .. اما الموديل اللي يجي فيها حرف ( S ) يعني مطاط اضافي ومدى الضربه اطول ..
موديل C3 يجي مطاطين ومدى الضربة 4 متر والتكاية قريبة من المقبض.
موديل C3x نفس المواصفات السابقة بس التكاية بعيدة عن المقبض بحوالي 10 سم .
موديل C3s يجي 3 مطاطات ومدى الضربة 6 متر والتكاية قريبة من المقبض والهيكل حق المسدس امتن شويه عن الموديلين السابقين.
موديل C3xs نفس المواصفات اللي قبله بس التكاية بعيدة عن المقبض.
ونصيحة قبل ما تشتري لازم تجرب شد المطاطات .. لا تاخذ واحد طويل طمعنا في طلقة المدى البعيد وتتعب في شد المطاطات في كل مره تبغه تصيد فيه، وكما يعتميد على المنطقة اللي انت دائما بتنزل فيها .. اذا قريب من الكسارة او بوت

وتحياتي لك ..

[ذوالجناح7]

GPS-MAN
يعطيك 1000 عافية على الشرح المختصر المفيد:good2:

ادمان بحر..موفق بس أهم شي لاتستعجل في الشراء :D

[sea lover]

ماقصروا الشباب الله يعطيهم العافيه أعطوك المفيد..

بس حاب أضيف نقطه بسيطه ..

بالنسبه للسيخ في c3s و c3xs يجي بريشتين( ثريد) وفي النوعين الثانيه يجي بريشه واحده ...

تحيتي..

[موالي بحر]

هههههه يعني ناوي ع لرايف يـ إدمان بحر
طيب اش رايك نقط فيه:p شان نشك اختنا الدرمه


أخوكم الصغير /
موالي بحر

[nimo_makkah]

انا اتفق مع غواص فلسطين .
احسن شي من الثلاثة C3x
لأنو مريح في الشد اكثر من السي ثري العادي . و C3xs يجي ثلاث ربلات والسيخ 8 ملم .
وتقبل تحياتي .
اخوك نعمان ـ غواص البدر ـ السبهاني ـ مكة المكرمة

[ادمان بحر]

يعطيكم الف عافيه ... والله كلكم ما قصرتم كذا صرت خيبر بالرايف مع اني ما اشتريته

ويا موالي بحر ولا يهمك انا عندي 200 تعال وكمل الباقي ويلا شرينا واحد يوم عندي ويوم عندك خخخخخ

اخوكم المحب
ادمان بحر

[موالي بحر]

موفقين أخوي إدمان بحر .

[Mesho]

خليك على c3x او c3

عشان سيخ 7مم مناسب جدا و اكبر من كده أبدا ما ينفع

[sindbad]

بالتوفيق وخلونا نشوف صور صيدكم