تعديل على امطار عرقة ( شعيب اوبير )

[نسناس ليل]

الحقيقة انقهرت يوم ما طلعت الصور ... بحاول احووس ودووووس فيها حتى تطلع

وهذه رحلة في ربوووووع ( شعيب اوبير ) في عرقة ادري بعضكم ما قد سمع عن عرقة ولا عن هالشعيب حبيت اوريكم بعض السيول اللى صارت يوم الجمعة والاحد الماضي .. الله يجعلها امطار خير وبركة وينفع بها العباد

http://www.mekshat.com/pix/upload/images7/mk13657_11.jpg
مايمديكم على هايلكس ابو صالح راعي الاوله

http://www.mekshat.com/pix/upload/images7/mk13657_12.jpg

المخرج / ابو سبيع جالس على مجر السيل .. بس للاسف تصوير باندا سياحي

http://www.mekshat.com/pix/upload/images7/mk13657_13.jpg

وهذا واحد من الشباب. متشقق من السيول بس لا احد يفكر انه انا

http://www.mekshat.com/pix/upload/images7/mk13657_14.jpg

وهذا شلال وشيل الصغير طبعاً في نفس شعيب اوبير وعلى فكره المويه توشل يعني تصب على مدار العام.. ينفع للكشته بس الله يعينك يبيلك من الفجر تحجز المكان يعني طق عصي عليه

http://www.mekshat.com/pix/upload/images7/mk13657_15.jpg

وهذي صوره اخرى لنفس الشلال

http://www.mekshat.com/pix/upload/images7/mk13657_16.jpg

وسلامتكم ياجماعة الربع

[هاوي البر]

شعيب زين بس لو تعطينا وصف له
عرقه نعرفها بس وين بالظبط
و الشلاال هل صحيح انه يصب طول السنه
ولا يقطر في الصيف
يعني قاطور
وجزاك الله خير

[عشيق المقناص]

اخص يا أهل عرقه صار عنكم شعيب

اقول ترا والله ماعندكم الا مدخل واحد

بس صور حلوه ومشكوووووووور

http://aam272727.jeeran.com/تحياتي.gif

[هاوي البر]

وينك يا عنيد عرقه
ما عطيتنا وصف للشعيب
وينه عن سد عرقه
قريب منه ولا بعيد
ياليت تعطينا وصف واضحه له
وجزاك الله خير

[عشيق المقناص]

الوصف عندي يا هاوي البر وانا عشيق المقناص بس لايدرون أهل عرقه اني علمتك

وهذا الكروكي واي وصف تبي لبر او شعبان او مقناص انا مستعد

http://aam272727.jeeran.com/كروكي%20صغير%20copy.jpg

[هاوي البر]

الله يجزاك الجنه يا عشيق المقناص
بيض الله وجهك ما قصرت
خلاص مانيب قايل لاهل عرقه انك علمتني هذا سر بيني وبينك :):)

[عشيق المقناص]

بشر عسى الوصف واضح

[هاوي البر]

اوووه واضح مره :good2:
وش خليت
كروكي ولا خرايط الفارس :D
بس كن الوصف او الشعيب هو الي يسمى وادي لبن ..... اذا مشيت :redcar: على وصفك يجيك نادي الرياض فوق الجبل على يدك اليسار ولا انا غلاطان
اكرر شكري لك
:type:

[الخرازة]

اخوي عنيد عرقة بعد التحية صور جميلة ورائعة
ياليت تزودنا بأماكن ثانية في نفس الموقع حيث انه قريب ولا يبي له عنوة
وخذ هالهدية مني قال الشاعر:

راحت المرجلة لاهل عرقة******* ياحظ من صار عرقاوي

[نسناس ليل]

السلام عليكم جميعاً .. اولاً اشكركم على الردود .. وانا اعتذر عن الانقطااع بس كانت ظروف خاصه .تحياتي لك يا ( هااوي البر ) الشعيب تقدر تنزل عليه من فوق يعني من عن نادي الرياض بالظبط راح تحصل طلعة اول ما تنزل راح تحصل في وجهك شعيب صغير اسمه ( وشيل الصغير ) واذا طلعت من الشعيب انزل يمين وكمل مسيرتك . الشعيب قبل سد عرقة على اليمين طبعاً اهل عرقة ادرا بشعابها ... وانا اشكرك كثير الشكر اخوي الخرازه على بيت هالشعر الحلووو وهذا من ذوووقك والله .. اما انت يا عشيق المقناص رهيب وعند كروكي بعد بس ياليت كان الخط اوضح من كذا ويعطيك الف عافيه .. وانا دريت ان علمت هااوي البر بس الوعد قداااااام .

انشاء الله الجديد قريباً برضه شعيب في عرقة اسمه ( المهدية ) قبل شعيب اوبير

[ذيب سدير]

العزيز عشيق المقناص ما قصرت وفعلا اقترح عليك تشتغل خارج دوام في مكتب خرايط الفارسي لان الوصف ماشاء الله وافي وواضح ولا خلا ولا عدم

[عشيق المقناص]

فعلاً أخي العزيز / هاوي البر كلامك سليم طبعاً راح تشوف فوق نادي الرياض وابشر بالمزيد فيه شي احلى من
كذا


الأخ العزيز / ذيب سدير الف شكر لك ، وعلي يدك خابر لي مكتب واوعدك بالمزيد

http://aam272727.jeeran.com/تحياتي%20حجم%20كبير.gif