صور تبهذل

[مغباش]

صور بهذلتني وخلت ربعي ينقدون علي وهذا احدى تعليقاتهم
(انت شفيك خبل تبطح بالقاع) ( يعني منهم يبي يصير مصور عالمي ) (اترك عنك الخبال وتعال صورني وانا ناسف الغتره) ( تعال صورني وانا اشرب من البياله ولا اقولك وانا شايل التلفون ) (لاتسوق ولا تركب السيارة معانا وانت كلك طين )
شرايكم في معاناتي وسعيي لتوثيق هذه اللقطات الجميلة لابعثها الى اجمل شباب يعشقون الطبيعة

http://www.mekshat.com/pix/upload/images7/mk13608_Copy-of-P1010033.jpg

http://www.mekshat.com/pix/upload/images7/mk13608_Copy-of-P1010081.jpg

http://www.mekshat.com/pix/upload/images7/mk13608_Copy-of-P1010083.jpg

http://www.mekshat.com/pix/upload/images7/mk13608_Copy-of-P1010101.jpg

http://www.mekshat.com/pix/upload/images7/mk13608_Copy-of-P1010103.jpg

http://www.mekshat.com/pix/upload/images7/mk13608_P1010031.jpg



http://www.mekshat.com/pix/upload/images7/mk13608_P10100888.jpg

[فـ(الجـوف)ـتى]

يمال العافيه

صور رائعه تسلم على الصور والطبيعه الرائعه

اما ربعك هههههههههههههههههه لاتعليق

[المطلق]

الله يعطيك ألف عافية

صور طبعية مافيه اجمل منها

مشكور وما قصرت

[بـران]

يعطيك العافية أخي / مغباش
بس ليه الشباب ما يحددون المكان ؟؟؟
هل هذا خوف من أحد يزوره !!!!!

[بري نجد]

الاخ العزيز مغباش تحيه طيبة
تسلم يمناك لاعدمناك صور في غاية الجمال والوضوح ,
لوسمحت وتكرمت اين اخذت هذه الصور
ولك جزيل الشكر

[طلاع]

الله يعطيك العافية على الصور الجميلة

[صقرنجد]

لاتركب الموتر كلك طين



حلوهههه


الله يعطيك خير وعافية على الصور الجميلة


والحمد لله الربيع وش زينه



أخوكم ومحبكم في الله : صقر نجد

[مغباش]

ياهلا في من زار الموضوع وشارك

ف(الجوف)تي

والرياعي

وبري نجد

وطلاع

وصقر نجد

وبران

وبالنسبة لاستفساركم عن موقع المكان فهو في الصمان جو الحصبيات

[أبو فهاد]

مشكوووووووووووور

[راعي الفزعه]

ياسلام على ايام الربيع والجو العليل والسواليف السنعة واليالي الباردة ...

مشكور على الصور وخل عنك بعض الناس .. :D

[مغباش]

مشكور على النصيحة يا راعي الفزعة والسنة الجاية انشالله راح ادخل ربعي استيديو تصوير قبل لانطلع البر واصورهم 500 صورة الى ان يطيب خاطرهم وبعدها اقدر اصور الطبيعة دون تدخل ومعاناة

[استاذ قلق]

أخي الرائع جداً .. / مغباش ..
صدقني ..
دوماً وأبداً ماينتقد الا صاحب الإبداع ..
ودوما وأبداً .. لاتضرب الا الشجرة المثمرة ..
دع عنك ..
ولن تراعي ..
ولا تقلق ..
فدوماً وأبدا من تميّز أستهتر به ..
.
.
صورك رائعة جداً ..
ويدك جميلة .. لاحرمك الله اياها ..
ونفع الله بها ..
.
.
اضرب لك .. تحية .. وأقف لك إحتراماً .. على هذه الصور .
حتى اسم غباش .. بالفوتو شوب .. فيه عمق فنّي .. لايدركه الا من عايشه ..
.
.
آسف ع الإطالة .. ولكني قد أكون ..
عايشت .. حياتك ..
تقبل ودي ..
اخوك ..
أستاذ قلق ..
دمتم ..
..

[مغباش]

استاذ قلق والله انك اقلقتني وخليتني احتار شرد عليك كلام موزون وروح طيبة ودعم معنوي كبير
والله ما ادري اتصل في ربعي الي كانو معاي واقولهم لا عاد اشوفكم مره ثانية تطلعون معاي او اتصل فيهم واشكرهم انهم السبب الي عرفنا فيكم وفي ردودكم المشجعه

وودي اقدم لك موقف ظريف صار مع ربعي لما طلعنا على الحدود كنا اربع اشخاص وانا كنت السايق موظف الجوازات فتح جوازي وختمه وهو ساكت وبعدين فتح الجواز الثاني ونادى صاحبه وصبح عليه بالخير والثاني وصبح عليه بالخير والثالث كذلك (طبعا كلهم من قبيلة او عائله واحده)انا في هذا الموقف لم اتمالك نفسي وقلت للموظف اشمعنى وسألته انت من القبيلة او العائلة الفلانية قال نعم وعرفت الجواب وقلتله اشرايك الحين احذف اعيال عمك وروح انت انفعهم (طبعا كلمته بطريقة لينة وبابتسامة عريضة )

تقول احد من ربعي اعتذر بالنيابة عنه ابدا والله لكن هين

واخيرا يا استاذ قلق اشكر لك زيارتك ووقفتك ورقتك وانشالله نلتقي مرة اخرى

[دبلوماسي قنص]

صباح الخير ,,


بصراحه صور جميله جدا جدا .... :good: راح اتخليني ابدأ بالتفكير في الدخول بتحدي معك ؟ ولو اني ادري بالنتيجه والي راح اتكون فايز فيها من الصوره الي في توقيعك فقط؟ والي اعتقد انها كافيه بالفوز دون المشاركه المحترفه من عدستك الرائعه.

اما بخصوص الشباب الي معاك اعتقد انهم يستاهلون صوره جماعيه لهم (وهم كاشخين وماسكين تلفوناتهم ويشربون الشاي ) حتى الجميع يستمتع بمشاهدتها لربما قد تنافس صور الطبيعه الخلابه :D


فعلا صور تستحق المشاهده والتأمل بطريقة تصويرها


شكرا جزيلا أخي مغباش

[سنـــــــــام]

أخ مغباش .... الصورة الأولى روعة لاكن ينقصها شي فى بالى أنا :) ,,,,

أما الصورة الثالثة أهنيك عليها فعلا" صورة ولا أروع من دقة وجماااال للألتقاط ...,,,

والأخير حلووووة ومتواضعه .... ومشكور وماقصرت ..

قل لخوياك إللى مايعرف الصقر ..... مايحتاااااج ههههههههههه

ودمتم سالمين .

[مغباش]

مشكور يا دبلوماسي قنص وصحيح انك دبلوماسي حتى في تحديك ولو اني شايف لك مشاركة قديمة تخليني افكر مرات ومرات قبل خوض معركة التحدي الي راح يكون الربحان فيها المشاهدين

اما سنام وما ادراك ما سنام فهو فنان ورسام وبالتقييم اصاب السهام

وعلى فكرة انا اعرف الصورة الاولى شنهو الي في بالك وينقصها

بس يا اخي حرام عليك وما يجوز

تتلف هالطبيعة بعنز جيرانكم يا اخي اشترلها جت وشعير وريح بالك

واخيرا كل التحية والاحترام لك يا (دبلوماسي قنص) و(سنام) على مشاركتكم

[لمسات]

شكرا على الصور
تستاهل الواحد يتعب في تصويرها

[بروق الوشم]

اخوي : مغباش

يعطيك الله العافية صور رائعة جدا .

اخوك : بروق الوشم

[الجروووح]

والله تسلم من جد .


عساك للعافيه والجنه الدافيه .

عدسه موفقه باذن الله .

ارق التحايا والشكر لك .

[مغباش]

اخي لمسات

اخي بروق الوشم

اخي الجرووووح (والله ما ادري كان نقصت واو)

شكرا على زيارتكم
انا في السابق كنت استمتع فقط لنفسي عند التقاطب للصور
لكن الان وبعد مشاركتنا في هذا ااموقع الجميل اصبحت المتعة 3 درجات
1- متعة التقاط الصور
2- متعة مشاركتي الصور مع الاعضاء الكرام
3- متعة مشاهدة صور ومشاركات الاعضاء (مشاركات متميزة ومحترفة)

[حد السيف]

مغباش
كل هذا اللي طلعت فية
بعذر ربعك فيك عارفين مستوى الصور التي بتطلع لذا لا الومهم ابدا
بس لحظة
احداثية كودو وماكدونلز وهارديز وحدة شمال جنوب الفيضة والثانية غرب شرق الرديفة والاخيرة فوق حدر حجاجك اليسر من الفيضة

مغباش خل عنك صور ولا اروع كل وحدة منها تستاهل ان تكون موضوع بكاملة
وربعك ما قدرو موهبتك وكني اسمع واحد يقول لا تاقف لتصوير لقطة لا تتكرر الا مرة في 100 عام

بالتوفيق ولك تقديري واحترامي


محبك حد السيف

[مغباش]

يا اخي حد السيف انا شنهو الي خلاني اشتري جهاز غارمن واتعلمه
الا بعد ما تبهذلت من وصف الشيبان الله يخليهم لو الي اخترع الغارمن يدري عن الحجاج وطريقة وصفه للأحداثيات الحجاجيه لبطل اختراعه واخترع مشط حواجب احسن له
يا اخي انا مره احوليت وانا امشي على درب احجاجي الايسر وما لقيت الوصف

لكن مشكور على ردك وعلى احداثيات الاحجاج وانا برمجتها في جفوني شمال ورمشي شرق

[برميل نوم]

مشكووووووووور على الصوره تهبل


اما اصـــــدقائك بصراحه مووووووووووشي ههههههههههههههه ينكتوون اقول الله لايهينك

سلملي عليهم

[طاوي البيد]

الله صور في غاية الروعة تسلم على الصور الحلوة الي مثلك يامغباش

[مغباش]

الشكر لكم لمشاركتكم الكريمة
اخوي برميل نوم (وترى اسمك فيه من طبايع ربعي )
واخوي طاوي البيد حلة دنياك

[برميل نوم]

ههههههههههههههههههه

ياحظي من يحصله

ومشكور ولاتنسا الوعد

[ظلال الشمس]

الحقيقة الصور حلوة

[أبو إبتهال]

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;;;;;;

[مغباش]

مرحبا مرة اخرى اخي برميل نوم وبعدين اي وعد لاانساه
شكرا على زيارتك ضلال الشمس
ومشكور ابو ابتهال واقولك ؟؟؟؟؟؟؟؟؟؟؟؟؟؟؟؟؟؟؟؟ ردا على !!!!!!! مع انها مو نفس الي انت سويتها ولا قدرت القاها في لوحة المفاتيح

[برميل نوم]

امداك تنسى هماي قايلن لك انك تسلملي على اخوياك

[مغباش]

برميل نوم تبي تسلم على من فيهم

الي اذا طبخ جمع اي شئ يطيح من الاكل وحطه في الجدر (للعلم المكان الي طبخ فيه يوجد فيه اثار الابل ..يعني افهم )

ولا الي توج نفسه امير للرحلة وراعي دلاله غصب مع انه ما يعرف ايهم الشمس وايهم القمر اذا طلعوا جميع

ولا النويم الي اذا قام الصبح وما لقا الحليب دمر الدنيا (الرحلة الجاية راح اجيبله رضاعة حليب حجم عائلي)

[دبلوماسي قنص]

شاكرلك اخوي مغباش وانا من الحين انسحب من التحدي قبل لايقول المشاهدين رايهم ..

بس السؤال انت من وين شفت مشاركتي القديمه (المغبره) الي انا ادورها ومو لاقيها ؟؟؟

بصراحه انك متابع جيد ...والدليل على ذلك مشاهدتك لمشاركات الاعضاء القديمه والجديده وهذا شئ جميل منك


شكرا اخوي مغباش

[ابو درع]

فعلاً جميله ............ ونت اجمل

[الطعس الذهبي]

ماشاء الله على الصور وش الكمرة الي صورة به

[مغباش]

دبلوماسي قنص
حياك الله وشكرا على الزيارة اما بالنسبة لمشاركتك القديمة اليك الرابط
http://www.mekshat.com/vb/showthread.php?t=17362
ابو درع
حياك الله يا الاجمل وحتى في توقيعك ما تختار الا الاصايل الجميلة

الطعس الذهي
هلا فيك وما شاالله عليك وعلى مشاركاتك المستمرة
وبالنسبة الى نوع الكاميرا فهي اولمبس والان لا يحضرني رقم الموديل[/align]

[أبومناحي]

مشكور أخوي مغباش على الصور الجميلة

[مغباش]

حياك الله يا ابو مناحي

[نجيب]

السلام عليكم
أخي العزيز لم أستطع أن أرى الصور

[مغباش]

اخ نجيب حياك الله ولو اني متأخر لاني انشغلت الفترة السابقة
بس عسى شفت الصور

[shm_gad55]

صور في غايه الروعه والله يعطيك العافيه لاكن لاتحش في اخوياك :j :j :j

[مغباش]

هلا shm gad55

خوياي والنعم فيهم واخوتهم تنشرى
لكن حبيت امزح معاهم واشارككم المزح لتقليل الجانب الرسمي في المشاركات وزرع البسمة لا اكثر ولا اقل

[قناص المغرب]

اخي اضف الى مجوعة صورك هذه الصورةاذا اعجبك

http://www.mekshat.com/pix/upload/images8/mk15353_normal_Dua_243.jpg[/img
[img]http://www.mekshat.com/pix/upload/sign/images/mk15353.gif

[عجمي]

السلام عليكم ورحمة الله وبركاته......


ويعطيك العافية على ها الصور اللي ترد الروح.... :good2:


وصراحة هيضتنا للكشتات بس وين يروح الواحد شمسٍ تحمس العصافير .. :D


ما لنا الا اللة ثم صورك يا مغبا شششششششش......


وننتظر الجاي ..... :j ..... والسلام ..........


.

[مغباش]

شكرا يا غناص المغرب على الصورة وعلى مرورك
يالعجمي شكرا على زيارتك وترى الصبر زين كلها كم شهر وانشالله ان كنا من العايشين راح يجينا الربيع ونستمتع فيه

[صاروخ]

مبدع يا مغباش

[مغباش]

حياك الله يا اخ صاروخ
وشكرا على مديحك وعلى مشاركتك لنا في كذا موضوع بوقت واحد

[جلوبلستار]

الله يوسع صدرك مثل ما وسعت صدورنا اخوي مغباش .

[مغباش]

حياك الله جلوبلستار
عساك دوم في سعادة وهنا وشكرا على زيارتك ومشاركتك الطيبة

[ابو سمر]

مشكور وما قصرت وعساك على القوة ، وعلى قولة الأولين الزين يبي ، يبي تعب ومجهود ، فلتسلم يداك أخي الكريم ..

[أبو فراس]

السلام عليكم ورحمة الله وبركاته

يعطيك العافية أخي / مغباش


اما ربعك اتركهم عنك تراهم حاسديننا على هالصور اللي تهدينا اياهن

[الشفيعي]

تلعب أنت وين الصور الي تقول

[المتوكل]

السلام عليكم ورحمة الله وبركاته مافيه اجمل من هذا بارك الله فيك واصل ابداعاتك ولاتلتفت لما يقال

[مغباش]

الله يسلمك ياابو سمر ومشكور على تشجيعك الطيب

الاخ abu feras انت تستاهل الي يهديك اكبر من هاذي الصور

الاخ الشفيعي
ما عليك امر لو تفصل كيبل ثلاجتكم عن الكمبيوتر وتحط كيبل الغسالة ممكن تطلع الصور عندك
الله يخليك يا الشفيعي الصور العالم كلها شافتها شمعني كمبيوترك ما طلعها ..!!! يمكن لانه يشتغل على الديزل (اتغشمر)

حبيب والله يالمتوكل تشجيع ولا اروع ....انا ابي اتوكل على الله وامشي على نصائح المتوكل

[fjjjjj]

صوارجميلاة

[ابو محمد]

الله يعطيك العافية على هالصور الزينة
وبصراحة الصورة اللي في توقيعك تقصر وانت تقول ممتازة
وكان عندك نفس الصورة بحجم كبير ترسلها لي على الخاص لاني ودي احطها خلفية للشاشة عشان اذا جلست جدتي على الانترنت ولاها تذكر المرحوم

[مغباش]

حياك الله يا fjjjjj وشكرا على مديحك

حياك الله يا ابو محمد وابشر راح ابعثلك صورة التوقيع الاصلية في حال عرفتني على بريدك الالكتروني على الخاص
وخل جدتك (الله يخليها لكم ) تتفرج الى ان يطيب خاطرها بس خاف يغتر شايبنا الي في الصورة

[أبو الزبير]

كفو والله يا مغباش على الصور الي ترد الروح

[مطلاع]

ماشاء الله
يعطيك الف عافيه

[حائلي مهاجر]

صور جميلة

-------------------