مساعدات خلفية ترفع الهايلوكس!! [الأرشيف]

تلميذ شقران

01/07/2002, 12:38 AM

أحبابي في المنتدى ..
موضوع طرحته في أكثر من منتدى لكن لم أجد الإجابة الشافية ..
عندي هايلوكس 99 من الجدد غمارتين، وركبت توانك في الخلف جعل الموتر مطيح من الخلف ..
وذكر لي أن هناك مساعدات - الظاهر - تركب بأحجام تنفع للهايلوكس ..
ياليت تعلموني عنها وعن أنواعها، وهل لها مضار ؟

الرجاء إخباري في أسرع وقت وإفادتي لا هنتم ..

تلميذ شقران

01/07/2002, 01:51 PM

يا جماعة الربع، والله محتاج لها بسرعة جدا ..
وينك يا مشرف الورشة :) ..

تلميذ شقران

01/07/2002, 11:44 PM

نرفع لنرفع الهايلكس :(

تلميذ شقران

02/07/2002, 11:26 PM

بانتظار الفرج ..

الشاص

03/07/2002, 12:36 PM

حياك الله اخوي
واعتقد ان فيه مساعدات اسمه جبريال بس مدري عاد عن الهيلوكسات تركب والى لا بس اعتقد انه يجي منها نوع صغير وهي الصراحه مساعدات قويه وتستحمل وترفع الموتر
وسلامتك

تلميذ شقران

04/07/2002, 12:12 AM

تسلم يالشاص ما قصرت، ولا هنت ..
وياليت من يعرف أكثر عن الأمر وكان مجرب يفيدنا، ونحن له من الشاكرين.

جواب

04/07/2002, 02:16 PM

نعم ياخي
هذي المساعدات مثل ماقل الشاص يجي معة سستة ملفوفة حول المساعد وهي جيدة وقوية تركب مدبولة مع مساعدات شد البلد على الجموس بكل سهولة ماادري اذا هي تركب على الهايلكس او لا......

تلميذ شقران

04/07/2002, 02:55 PM

مشكور عزيز جواب، لكن وعلى حد علمي ان المساعدات ليس لها أي تأثير في ارتفاع الموتر ونزوله، بل في قوة المطبات على الموتر أو خفتها أفتوني مأجورين

الشاص

06/07/2002, 12:36 AM

بالعكس ياالطيب
المساعدات اذا صارت قوبه مثل مساعدات جبريال فهي تتحمل ثقل التوانك ولا تخلي الموتر ينزل
واذا كانت جبيريال تركب على الهيلكس انصحك تجربها لانه مساعدات الصراحه مافيها كلام
او انك تمر لك اقرب ورشه وتخليهم يشد لك الستت او مدري وش يسون بها بس عاد الله يكون في عونك بيصير المطب مب صاحي ;)
وبالتوفيق انشاء الله

فتى صعافيق

08/07/2002, 12:03 AM

السلام عليكم حياكم الله جميعاً
بالنسبه للمساعدات فيه أنواع وأشكال للإمامي والخلفي هن:
الأمام:
1- مساعدات مرسدس أنصحك بهن مررررره.
2- مساعدات جبريال .
الخلفي:
1- مساعدات جبريال لونه أبيض حلوه للي يبي يحمل وللتطعيس.
2- مساعدات جمس حلوه للي يبي يطامر ويطعس ( يركبونه للي يبي يطامر) علشانهن قاسيات.
3- مساعدات رانش حلوه للي يبي يطامر ويطعس ( يركبونه للي يبي يطامر) علشانهن قاسيات.
4- مساعدات راليات لونه أصفر حلوه للي يبي يطامر ويطعس ( يركبونه للي يبي يطامر) علشانهن قاسيات.
5- مساعدات أم ياي هذي ( ماأدري عن أستعمالهن)!!
6- مساعدات جكس ( ماأدري عن أستعمالهن)!!

وهذا اللي عندي وتستاهلون
ـ
ــــــــــــــــــــــــ تحياتي فتى صعافيق ــــــــــــــــــــــــــــــــــ

مخاوي الهايلكس

08/07/2002, 06:43 PM

هلا اخوي كيف الحال وش اخبارك انا سمعت انا تظر السياره ولا ادري هل هذا الكلام صح والله ماادري.

تلميذ شقران

11/07/2002, 01:18 AM

ما قصرتو يا اخوان، ومشكور يا فتى صعافيق أفدت وأجدت ..
لكن يا جماعة الخير .. المساعدات ما ترفع الموتر ولا سنتيمتر .. هذا كلام كل أهل الميكانيكا .. هي تؤثر على مطاب الموتر فقط ..
أنا غيرت مساعداتي الأمامية والخلفية إلى جبريال البيضاء، وهي ممتازة بالحيل، لكن ما رفعت المواتر ولا قيد أنملة ..
فما الحل في نظركم حتى أستطيع رفع موتري من الخلف ؟..

ولكم جزيل شكري وامتناني ..

أبوسليمان

12/07/2002, 05:26 AM

أخوي تلميذ شقران
ورا ماتزيد سسته
وتريح نفسك

وأخوي فتى صعافيق
أنا مركب مساعدات جبريال
بالأمام والخلف
وأنت كاتب أن مساعدات المرسدس أفضل بالأمام
سؤالي
مساعدات المرسدس وش يميزه عن جبريال
وكم سعره التقريبي
مع ألف شكر

تحياتي
أبوسليمان

تلميذ شقران

12/07/2002, 01:48 PM

طيب عزيزي أبو سليمان وين وكيف يتم تركيب السسته أو الريشة، ..
وسمعت أحد الشباب يقول إن فيه ناس يثنون الريش (السست) ..
وين وكيييييييييف؟

ولكم خالص حبي واحترامي ..

أبوسليمان

12/07/2002, 08:38 PM

هلا أخوي تلميذ شقران
شف أول ماتقرا كلامي رح وزينه حرف حرف
أول شي:
جب عفريته( تمساح) وأرفع السياره من وراء بس أهم شي لاترفعه من الدفرنس ولا السست
بعدين بتشوف فراغ بين السست جب حديده ولا خشبه ودخله
وبعدين شل العفريته وبتلاحظ أن السياره أرتفعت
وأذا بغيت ترجعه زي ماكانت زين زي قبل شوي
أور رح لأي ورشه تعرفهم وخلهم يزينونه لك

تحياتي
أبوسليمان

فتى صعافيق

13/07/2002, 09:27 PM

السلام عليكم ورحمة الله وبركاته حياكم الله

أما بالنسبة للمساعدات ما قلت أنه ترفع الهايلكس لكن تبي ترفع الهايلكس من قدام أرفعه مع الوزنيه
مع ورى حط جلب بين السست ولا أحلى****
ويوم أني أمدح مساعدات مرسدس وأنا صادق لأن جربنا الجبرايل على الهايلكس وما تبطي
إلا وهي تصب زيت ( تنفجر )
و مساعد المرسدس ممتاز بتحمل ويصبر وسعر الأثنين 160 ريال

تحياتي : فتى صعافيق ـــــــــــــــــــــــــــــــــــــــــــ

تستاهلـــــــــــــــــــــــــــــــــــــــون

تلميذ شقران

14/07/2002, 02:08 PM

مشكورين يا أبو سليمان ويا فتى صعافيق وممنونين ..
لكن وين الورشة اللي تضبط هالأمور .. أقصد وضع الجلب بين السست وكذلك ترهيم مساعدات المرسيدس على الهايلوكس في الرياض .. وما نوع المساعدات تبع المرسيدس؟

ولكم خالص تحياتي

فتى صعافيق

14/07/2002, 05:04 PM

السلام عليكم حياكم الله

الجلبه اللي بين السست مايبيله شي وأنت بالبيت أرفعه:
أول شي لازم يكون عندك عفريتتين
ترفع السياره بالعفريته كالعاده ثم تجيب العفريته الثانيه وتحطه بين السست والشاصي وترفعه إلى أخر حد
ثم يبي يصير فتحه بين السست وحط الجلبه

اما للمساعدات بعض الورش بالغرابي بس أبنصحك نصيحه هي لمنك تجيت تركب المساعدات قله
يدبلك ( ورد ) وهذا أفضل علشان إذا جيت ترجع حقت الوكالة ( المساعدات ) .

السؤال الأخير ما فهمت قصدك يا * تلميذ شقران *

ــــــــــــــــــــــــــــــــــــــــــ تحياتي : فتى صعافيق ــــــــــــــــــــــــــــــــــــــــــــــــــ ــــــــــــــــــــ

تستاهــــــــــــــــــــــــــــــــــلون

تلميذ شقران

14/07/2002, 11:50 PM

الله لا يهينك عزيزي الغالي فتى ..
عز الله انك ما قصرت أجدت وأفدت جعلك تسلم ..
مدري يذكر لي إن النعلة (تكرم) الزبيرية يقطعونها ويضعونها جلبة هل هي نافعة ..
وأيضا بعد إذنك هناك عدة أسئلة بالنسبة للجلبة .
وش حجمها وأطوالها؟ ووين توضع بالضبط في أول السستة أوآخرها وأين توضع في السست الوسطى أو الأولة أو الأخيرات ..

ولك خالص تحياتي
أخوك تلميذ شقران

فتى صعافيق

15/07/2002, 01:12 AM

السلام عليكم حياكم الله

بالنسبه للزبيريه ( تكرم والقارين ) الصراحه ماسمعت أنهم يحطونه لكن عنديلك جلبه ممتازه هي

تعرف نسافة التريله هذيك هي جيده قطعن حاول يكون الحجم حول بعض اما المكان كله واحد في أول

السست أو بالخلف لكن أغلبية الناس يحطونه بالخلف .

وحاضرين تستاهـــــــــــــــــــــــــــلون

ــــــــــــــــــــــــــــــ تحياتي : فتى صعافيق ــــــــــــــــــــــــــــــــــــــــــــــــ :)

تلميذ شقران

15/07/2002, 12:40 PM

مشكور وما قصرت يالغالي :)

ابو شجاع

16/07/2002, 04:15 AM

السلام عليكم ورحمة الله وبركاته
اخوي تلميذ احييك من كل قلبي وانا والله ما تعنيت لهنا الا ابي اشور عليك وابي افيد واستفيد ......
بالنسبه لمساعدات ( الهايلكس ) انصحك بمساعدات مرسدس بنز للكفرات الأماميه وجبريال البيض للكفرات الخلفيه وبالنسبه لطيحت الموتر مالها تأثير في المساعدات ..... التاثير كله من السست .
وانصحك بصناعية الخرج الي بالرياض اذا كنت من سكان الرياض طبعا وتبي ترفع موترك في شارع الجمعيه بالتحديد . اسالهم عن تقويس السست ,,,, ويصلحونها لك او يقوسونها على حسب الارتفاع الي انت ترتاح له
وعسا الله ينفع بها .

:good: تحياتي لك . اخوك ابو شجاع

تلميذ شقران

16/07/2002, 12:30 PM

لا هنت يالحبيب ..
والله لا يعنيك لمكروه يا بعدي ..
نصائح مثل الدرر قدمتها وقدمها لي الإخوان في هذا الشأن، فلكم أعطر وأزكى تحية من حمبكم ..
عزيزي أبو شجاع :
فكرة وفائدة جميلة "تقويس السست" لكن هل يحتاج كل فترة أقوس السست لأنه مع الزمن سوف تنبسط السست ..
هل تعرف محل معين يمتاز بعمل هذا الأمر ؟
وبتقويس السست ما أحتاج لوضع أي سستة أو رافد آخر ؟

أكرر شكري لك وللجميع على التكرم بالإفادة ..