حسبي الله عليك يا ابو جميل بهذلت المسلمين

[PATROL4800]

بسم الله الرحمن الرحيم

والصلاة والسلام على اشرف الأنبيا والمرسلين

السلام عليكم ورحمة الله وبركاته

اخواني كتابتي لهذا الموضوع للحذر من الصيانه عند عبداللطيف جميل

يوم الاربعاء 22/4/1431 حطيت سيارتي عند الوكاله بالسويدي الي في شارع عائشه
حطيت سيارتي عندهم عشان عندي صحن الكلتش خربان وابصلحه على الضمان
فدخلت السياره وقالولي بكره الساعه تسعه تستلمها

قلت خلاص

يوم جاء الخميس 23/4 رحت لمهم الساعه تسعه وكلمت المهندس حق الصيانه وقالي لسه ماخلصت
وقالي تعال العصر وقلت طيب بس عجلوعلي ولا تؤجلون موعد التسليم

اقام العصر ورحت صليت همن يوم قضت الصلاة ل رحت لمهم

يوم وصلت عندهم وسالت عن سيارتي جاني مدير قسم الصيانه سوداني

سلم علي وقام يسولف شوي فعرفت ان دعوه فيها مشكله

همن الزول عطان زبدة الموضوع وقالي سيارتك طاحت عن الرافعه وهذا قضاء الله وقدره
فانا انصدمت واقوله وشلون وكيف
صار
فقلتله لحظه صحيح انه قدر الله وما نعترض عليه لكن الخطأ منكم
انكم ماكشفتوا على اجهزتكم قبلى متحطون سيارات الناس هي امانه عندكم
فقام يبرر ويكثر هرج وقالي انزينها لك ومدري وش

فقلتله ابي سياره جديده فقام يقول لا ومدري ايش نصلحه لك وهذا قدر الله

قلت اجل ابي مدير المركز فقالي مهب فيه تعال يوم السبت

ورحت يوم السبت وكلمتهم وقلت ابي سياره جديده ويحولون يصرفوني عشان اصلحها
وان لي اسبوع وانا اجيه

وعشان كذا يا اخوان احذرو من الوكاله

وهذ تلخيص لقصتي
صورة السياره قبل ما اوديها الوكاله باسبوع
http://www.mekshat.com/pix/upload04/images157/mk155743_517221425.jpg

بعد المشكله
http://www.mekshat.com/pix/upload04/images157/mk155743_719602856.jpg

ايضا
http://www.mekshat.com/pix/upload04/images157/mk155743_783149142.jpg

[Abu Saad]

لاحول ولاقوة الا بالله.
معوض خير
وطالب بالجديده وغثهم لين تاخذ حقك.
موفق

[رعد سدير]

لاحول ولاقوة الا بالله.

اقووووول طالب بحقك ..انشبلهم نشبه ..

[بو خليفه]

الله يعوض عليك لكن السيارة و ورشتهم فيها تأمين وممكن يعوضونك بكل سهولة

و انا اقول لا حد يسوى صيانة في الوكالة بسبب ان السيارة يتم اتلافها من قبلهم

طريقة الصيانة في الوكالة

يتم الشتييك ثم كل صيانة تأتي يتم تغيير القطع الاستهلاكية وتلف القطع المحاولة كي قطع الغيار يعمل هذا أثناء الضمان

بعد الضمان يتم تشييك القطع التي كان عليها ضمان ويتم تبديلها من حسابك الخاص وتقول لهم المشكلة أثناء يقول لك له هذا اكتشفانا الحين لم يكتشف أثناء الصيانة والسيارة في الضمان لأن
الصيانة أثناء الضمان فقط يهتمون بتسويق القطع وخرط الهوب وغيره كي بعد الضمان يتم الستبدال قطع أكثر

الاهم في ذلك طالب بالتعويض وشهر حتى في الصحف اذا لم يتم التعويض و في موقع تويوتا قدم شكوى

[N أبورغد N]

المفروض بارك الله فيك جبت الشرطه وفتحت محظر
او مر الشرطه وافتح محظر الان
ثبت حقك وبينخوون
والله يعوضك

[براق دخنة]

ابو جميل

الله ياجعله لنار جنهم انكانه لعب فينا لعب

الله لايوفقه

[لاتكب البيالة]

الله يعوضك
انا غير مقتنع ابدا بالصيانه فقط شفط الاموال بحجت بقاء الضمان واللي تدفعه للصيانه خلال سنتين يجيب لك مكينة جديدة
http://www.mekshat.com/vb/../pix/upload04/images157/mk155743_783149142.jpg
اتمنى لو عندك صورة اوضح عشان تبان كلمة تيوتا على بدلة العامل لفضح ابو جميل وزمرته

[الوادعي 2008]

اخوي لاتنسى دعاء المصيبه .. إنا لله وإنا إليه راجعون .. اللهم آجرني في مصيبتي وأخلفني خير منها ..
والحمد لله انها جات على كذا .. ودامها على الضمان وهم من اتلفها لاوصيك ارسل معروض للفرع الرئيسي مع الصور وطالبهم بحقك .. والله يوفقك ..

[ولد الصدارة]

من آمن العقوبة أساء الأدب

[شبح الموت]

الله يعوض عليك

ولاتتنازل الا بموتر جديد

[عطيب الشمال]

لاحول ولاقوة الا بالله.
معوض خير
وطالب بالجديده وغثهم لين تاخذ حقك.
موفق

[بن سليمان]

انصحك لا توقع على أي شيء ولا تحرك السيارة بنفسك ولا حتى تاخذ منهم المفتاح وطالبهم بجديدة مع دفع الفرق يعني إذا الجديد يسوى له 70 الف وموترك قبل لايطيح يسوى 60 بحكم أنه مستعمل أدفع 10 الف وخذ جديد وتأكد أنها جديدة وطالبهم بدفع آجار السيارة إذا كنت مستأجر سيارة بأختصار انصحك تستشير محامي مر أي مكتب محاماة ويعطيك الرأي القانوني والشرعي بالمسألة وايضا انصحك تمر المرور علشان يعطونك تقرير بالحادث ثبت كل شيء باوراق علشان ما يضيع حقك
انتبه تلين لهم خلك متمسك بالتعويض وإلا قل لهم بيننا الشرع

[عين حصنان]

أخس أخس أخس س سس س س

لاوالله ,,,,, لاتقبل بغير الجديد وانا اخوك

اقعد لهم ... وارفع صوتك وصح عليهم صيااااح

بس اهم شي مثل ماقالوا لك الاخوان

ثبت الحادث بالشرطه او المرور ... واحتفظ بالصور

معوض خير ان شاء الله

[ابو سليمان 11]

شف ياحبيبي امورك ماتضبط بالهداوه
ادخل على المدير وخل نفسك معصب يعني مستعد تذبح اي واحد قدامك
ثمن امسكه بيدك وقله اقسم بالله العظيم لولا ماتعطوني سياره جديده والله منتب شايف عيالك مرة ثانيه
وصدقني والله بيقمط قمطه الشر
وبيعطيك موتر جديد
وانت داخل مكتبه حط هل القاعده في راسك ياذابح يامذبوح

[ابراهيم2008]

طالبهم ولا تتنازل عن حقك
سيارتك عليها تأمين
حسبي الله عليهم

[سفاري959]

ابو جميل

الله ياجعله لنار جنهم انكانه لعب فينا لعب

الله لايوفقه
اخوي عبداللطيف جميل متوفى ولايجوز الدعاء على الميت رحمه الله عليه وعلى اموات المسلمين

[rpk]

الله يعوضك وانا خوك

[ابو سفيان]

والله بعض الردود ضحكتني
اقلك يخوي
اقسم بالله حلال فيهم روح خذ حقك
واسمع كلام الاخوان
تران حقك رح يطير لو ما سعيت وراه

[Bader-M]

الله يعوض عليك

والخطاء وارد ولكن هذا لا يعفيهم من المسؤلية

تحياتي اليك

[عشق الشمال]

لاحول ولاقوة الا بالله.
معوض خير
وطالب بالجديده وغثهم لين تاخذ حقك.
موفق

[ابوفرايديز]

الله يعوضك لكن اكتب بالصحف مثل سبق وعاجل وافضحهم

[ابو هارون]

شف ياحبيبي امورك ماتضبط بالهداوه
ادخل على المدير وخل نفسك معصب يعني مستعد تذبح اي واحد قدامك
ثمن امسكه بيدك وقله اقسم بالله العظيم لولا ماتعطوني سياره جديده والله منتب شايف عيالك مرة ثانيه
وصدقني والله بيقمط قمطه الشر
وبيعطيك موتر جديد
وانت داخل مكتبه حط هل القاعده في راسك ياذابح يامذبوح
يابو سليمان لاتوهق الرجال بدل ماهوب يطالب بحقه يصير مطلوب:no:

[وليد الخيل]

انتبه تتنازل الابجديد ....
ورح لشرطه والمحكمه وطالب بتعويض بسب التأخير لا تخلي أحد ازعجهم وقل انك مستاجر سياره وانك خسران لاتخلي شي تكفى ترى تكفى تهز الرجاجيل ...

[الجندي2005]

،

لا تخليهم ،،،،،،،،،،،،،،،،،،،،،،،،،،،،،، لو تاصل بحقوق الانسان ،،،،،،،،،،،،،،،،،،،،،،،،،،،،،،،،،،

[ابو سعود1981]

شف ياخوي العزيز هذا مو حادث مروري هذا سقوط وتتحمله الشركه عليك باتباع الخطوات التاليه

أولاً /قم بلاغ لدى اقرب مركز شرطه قريب من موقع الصيانه وملخص دعواك ان الشركة قامت باتلاف املاكك الخاصة وهي سيارة 2010 وتطالبهم بالتعويض عن جميع الاضرار التي لحقت بك عشان يكونعندك مستند قانوني او تطلب دورية امنيه وتقولهم ان عندك سوء تفاهم مع الصيانة وتطلب تسليمك للقسم انت ومسؤل الصيانة
لاثبات الواقعه حتى لاينكر المهندس ويجحدك بعدين وأطلب من الشرطه اعطأك خطاب على الفحص الدوري
او المعهد المهني لتحديد الاضرار التي لحقت بالسيارة او مهندس الشرطه

ثانيأ/ الشركة راح تقولك بنصلح السيارة قل ماهو مشكله لكن تغيرون الصندوق وكل القطع الي تأثرة لاسيما وسيارتك وكالة وخلهم يستلمون منك السيارة رسمي بكرت دخول فيه تاريخ دخول السيارة

ثالثا/ أّذا استاجرت سيارة لاتنسى فواتير التاجير

رابعاً / اذا شفت اي بربسه من الشركه دق الشكوى على فرع وزارة التجارة وحماية المستهلك مع ارفاق جميع ماايثبت

خامساً / اذا تبي سيارة جديدة خلك قوي العزيمه وخاطب فرع الشركه الرئيسي وابلغهم انك تطال بسيارة جديدة

او سوف تلجاء الى الطرق القانونية ووسائل الاعلام مع أرفاق صور من الي عندك

وعلى فكره مثلك قضية سمعت عنها وكان الكابرس موديل 2000 أول مانزل في السعودية وكان حادث نتج عنه أصابات بسيطه والمشكله عيب مصنعي والله صاحبه جاب مهندس من شركة جنرال موتور لمعاينة السيارة وكان تعويضه بسيارة جديدة بالأضافة الي المبلغ الي دفعه وخطاب اعتذار منهم وكان موثق كل شيء والله يعينك أنشاءلله

[شاص99]

شف ياحبيبي امورك ماتضبط بالهداوه
ادخل على المدير وخل نفسك معصب يعني مستعد تذبح اي واحد قدامك
ثمن امسكه بيدك وقله اقسم بالله العظيم لولا ماتعطوني سياره جديده والله منتب شايف عيالك مرة ثانيه
وصدقني والله بيقمط قمطه الشر
وبيعطيك موتر جديد
وانت داخل مكتبه حط هل القاعده في راسك ياذابح يامذبوح

كلام سليم بس أزودك من الشعر بيت :

إذ بدأ يضيع السالفة شل المكتب وإقلبة واصبخ به الأرض
واتحداك يقول لا

[star4000]

لاحول ولا قوة الا بالله
حسبي الله ونعم الوكيل
الله يعوضك

[التعـ King ـديل]

الله يعوضك خير منه وطالب بالجديد ولا تتنازل

[ابو سليمان 11]

يابو سليمان لاتوهق الرجال بدل ماهوب يطالب بحقه يصير مطلوب:no:
ماعليه ابد المدير خايف
وانا ماقلت انه يسوي يهدد بالاكلام موب بالفعل
وترى مايجب الحق الا الاسانك

[ابو سليمان 11]

كلام سليم بس أزودك من الشعر بيت :

إذ بدأ يضيع السالفة شل المكتب وإقلبة واصبخ به الأرض
واتحداك يقول لا
ماراح يقول لا
راح يقمط العافيه ويقول بكره تعال كذا البطاقة الجمركيه
هع

[بحرالحياة]

سجل الشكوى هنا ... وستجد الرد من الإدارة الرئيسية بجدة
بعد 24 ساعة فقط
http://www.toyota.com.sa/contactus.asp (http://www.toyota.com.sa/contactus.asp)

[moooj]

ثبت الحادثة في الجهات المختصة : الشرطة , وزارة التجارة , الحقوق المدنية , .....
ولا تنسى تويوتا اليابان او الشرق الأوسط ابو ظبي
وما هي غريبة على هالمتخلف كنه يبيع فصفص
هذي تسمونها وكالة ؟؟؟

[بدوي جنوبي]

نصيحه لا تضيع حقك

تروح تعلط على احد وتتنرفز

خلك راكد وما ضاع حق ورا مطالب




ابو جميل

الله ياجعله لنار جنهم انكانه لعب فينا لعب

الله لايوفقه
عبداللطيف جميل متوفى رحمة الله عليه
استغفر ربك

الرجاء عدم تكرار مثل هالردود



،

[الطرقي الشمالي]

الله يعوضك خير
ياخوي لاتسكت لهم ولاتنسى تسجل محظر فالشرطه

[وبر الديره]

:mad: :mad: الله يكون في عونك ، انشبلهم مثل ماقال خوينا ولاترحمهم هذول يقدرون يجبولك سياره جديده اليوم قبل بكره

[تناهيت]

لاحول ولا قوة الا بالله العلي العظيم

معوض خير ان شاء الله

اخوي الأدلة مطلوبه لأثبات الحق حاول بقدر الأمكان ان تحتفظ باكبر قدر من الصور الحق معك في الحصول على سيارة جديدة حتى لو اضطريت ان تدفع فرق بسيط كمده الاستهلاك

موفق خير

[Wolf العتيبي]

أخوي وكل محامي وهو يقوم بالشغله كلها ويشتكيهم ويجيب لك حقك




لا وابشرك لاتخاف جميع اتعاب المحامي هم يدفعونها بعد الحكم لك الشيخ يحكم بالمبالغ الي خسرتها يعني تعويض عن الضرر الي لحق بك


نصيحه من اخ يبي لك الخير ومقهور عشانك وخريج قانون بس للاسف جديد يعني مابعد تمرست بالمحاماه ولا كان شرشحتهم لك


رح لمكتب محاماه وقله السالفه هو بنفسه بيقول لك انا راح اتحمل القضيه كامله وارفع الدعوى وكل شي بس جب توكيل وهم بياخذون حقهم من الوكاله والله اتكلم معك جد خلنا من كلام تهدد وافعل وقل وسو تراها بتصير ضدك وبكره بدال ماتطالب بحقك تتنازل عشان يتنازلون عنك حافظ على هدوئك واعصابك وحقك ابشرك مضمون مليار بالميه بما انك مدخل السياره بكرت دخول الصيانه وماستلمتها ولا طلعت من عندهم عن طريقك ماعليك موقفك ممتاز واستاجر سياره وخذ فواتير والله والله ليدفعونها لك بس لاتستاجر لكزس هههه خذ سياره معقوله.


رح بكره السبت واستشر محامي وهو بيقولك كل الطرق الرسميه والمضمونه الي بتكفل لك حقك وعادي ماوراك شي لو شهرين ثلاثه سياره اجار وعلى حسابهم واتعاب المحامي وعليهم .

[راعي النياسين]

حسبي الله ونعم الوكيل

الله يلعن الساعه الي عرفنا تويوتا فيها

خالي معه افالون معلقه عند الدواسه مرتين بغى يروح هو وعياله الله يحفظه

اخوي ان شاء الله بيعطونك موتر جديد والحق معك 100%

وتكفى وانا اخوك لا ترضى انك تصلحها واذا رفضو قل السياره تبي تطيح من قيمتها اذا بغيت ابيعها

خلك ذيب لاتأكلك الذيابه

الله يوفقك ويرزقك ان شاء الله

[فهد773]

الله يعوضك ان شاء الله
ولاترضا الا بسيارة وكاله

[ابو سلطان1234]

الله يعينا وياك ويعوض خير منها

[دله وفنجال]

السلام عليكم


انا لله وانا اليه راجعون

اخوي باترول٤٨٠٠ .. الله يعوضك بخير منها ..

اخي العزيز سالفتك هذي مثل سالفتي تماماً ولاكن بختلاف المواتر ..

طال عمرك شريت كامري ٩٩ على وقته جديد وفل كامل ٦ سرندل المهم دخلته صيانة الوكاله فرع عنيزه يوم وصل الموتر ١٠٠٠ كيلو وتفاجآت انهم مكسرين الديكور يوم استلمتها منهم :eek: .. وشتكيت :director: وقالولي نبي انغيرها على حسابنا وقلتلهم خلاص بس ابغيره في الرياض .. وروح لم فرع خريص عند جسر الخليج ودخلته يوم الخميس وقالي المهندس السبت تستلمها .. المهم جاء يوم السبت ابستلم الموتر على حسب الموعد ولاكن المهندس قال الموتر ماخلص تعال بكره :( .. وجيهم من باكر ونفس العذر الموتر ماخلص تعالنا من بكره الي هو يوم الاثنين :( .. سآلت المهندس ( مصري الجنسيه ) قلتله الموتر فيه شي :confused:.. قالي لا بس القطع ماتركب وطلبنالك ثانيه .. مشيت وجيتهم من بكره ونفس الكلام :no:.. هنا اخوك تنرفز ووصل الغضب اعلى مستوياته :mad:.. رحت لم مدير الصيانه .. يافلان مايصير الموتر له خمس ايام ونتم اتماطلون فيني :no2:.. ابي موتري :mad: .. ويرد علي مدير الصيانه ( انت تعرف موترك ادخل دور عليه ) بلله عليكم هذا رد :eek: .. طبعن في خضم النقاش الحاد بيني وبين المدير دق الجوال ( واحد من الشباب ) اخبارك يافلان وسلامات اشوف موترك بقسم السمكره في الوكالة :confused: .. وشلون بقسم السمكره قال الموتر اشوفهم مغيرين الكبوت وباب السواق والرفر الايسر .. حسبي الله عليهم ونعم الوكيل ( آثاريهم يماطلون فيني لين يسلمون الموتر لي ونا نادريت عن الصدمه ) .. المهم بعد رفع شكوى للادارة بجده :type: واخذ وعطا عوضوني بسياره جديده بس بعد شهرين وشوي من تاريخ الحادث الي تسببو فيه على موتري وبعد ماراح موديل سيارتي..

للمعلوميه المهندس يوم واجهته قام يتعذر ويقول هذا قضاء وقدر ويمكن اي مهندس يخرج بسياره ويخبط فيها .. طيب انا وش ذنبي اخسر سيارتي بسبب مهندسكم الفاشل ..

نصيحه لاتنازل عن حقك :no2: خاصه موترك جديد وهم المتسببين عليك .. ونراهم يبون يغرونك بعروض كثيره منها انهم يبون يمددون الضمان الفاشل حقهم :mad:.. ومنها يبون يعطونك اكسسوارات مثيره للموتر ومن الانور هذي .. لاكن كل عروضهم ماتسوى قيمة رفرف انعفط بسيارتي بسببهم ..

لذالك لاتنازل ويبون يحاولون يطفشونك اول الامر بس انت اكتب خطاب للاداره واشرح الموضوع وارفق الصور .. واذا مافيه رد هددهم برفع قضيه عليهم .. وفضحهم بلجرايد ..

والله يعينك بس الموضوع يبيله صبر وطولت بال :( ..


الله يرزقك اخير منها ..

[Abu Saad]

السلام عليكم


انا لله وانا اليه راجعون

اخوي باترول٤٨٠٠ .. الله يعوضك بخير منها ..

اخي العزيز سالفتك هذي مثل سالفتي تماماً ولاكن بختلاف المواتر ..

طال عمرك شريت كامري ٩٩ على وقته جديد وفل كامل ٦ سرندل المهم دخلته صيانة الوكاله فرع عنيزه يوم وصل الموتر ١٠٠٠ كيلو وتفاجآت انهم مكسرين الديكور يوم استلمتها منهم :eek: .. وشتكيت :director: وقالولي نبي انغيرها على حسابنا وقلتلهم خلاص بس ابغيره في الرياض .. وروح لم فرع خريص عند جسر الخليج ودخلته يوم الخميس وقالي المهندس السبت تستلمها .. المهم جاء يوم السبت ابستلم الموتر على حسب الموعد ولاكن المهندس قال الموتر ماخلص تعال بكره :( .. وجيهم من باكر ونفس العذر الموتر ماخلص تعالنا من بكره الي هو يوم الاثنين :( .. سآلت المهندس ( مصري الجنسيه ) قلتله الموتر فيه شي :confused:.. قالي لا بس القطع ماتركب وطلبنالك ثانيه .. مشيت وجيتهم من بكره ونفس الكلام :no:.. هنا اخوك تنرفز ووصل الغضب اعلى مستوياته :mad:.. رحت لم مدير الصيانه .. يافلان مايصير الموتر له خمس ايام ونتم اتماطلون فيني :no2:.. ابي موتري :mad: .. ويرد علي مدير الصيانه ( انت تعرف موترك ادخل دور عليه ) بلله عليكم هذا رد :eek: .. طبعن في خضم النقاش الحاد بيني وبين المدير دق الجوال ( واحد من الشباب ) اخبارك يافلان وسلامات اشوف موترك بقسم السمكره في الوكالة :confused: .. وشلون بقسم السمكره قال الموتر اشوفهم مغيرين الكبوت وباب السواق والرفر الايسر .. حسبي الله عليهم ونعم الوكيل ( آثاريهم يماطلون فيني لين يسلمون الموتر لي ونا نادريت عن الصدمه ) .. المهم بعد رفع شكوى للادارة بجده :type: واخذ وعطا عوضوني بسياره جديده بس بعد شهرين وشوي من تاريخ الحادث الي تسببو فيه على موتري وبعد ماراح موديل سيارتي..

للمعلوميه المهندس يوم واجهته قام يتعذر ويقول هذا قضاء وقدر ويمكن اي مهندس يخرج بسياره ويخبط فيها .. طيب انا وش ذنبي اخسر سيارتي بسبب مهندسكم الفاشل ..

نصيحه لاتنازل عن حقك :no2: خاصه موترك جديد وهم المتسببين عليك .. ونراهم يبون يغرونك بعروض كثيره منها انهم يبون يمددون الضمان الفاشل حقهم :mad:.. ومنها يبون يعطونك اكسسوارات مثيره للموتر ومن الانور هذي .. لاكن كل عروضهم ماتسوى قيمة رفرف انعفط بسيارتي بسببهم ..

لذالك لاتنازل ويبون يحاولون يطفشونك اول الامر بس انت اكتب خطاب للاداره واشرح الموضوع وارفق الصور .. واذا مافيه رد هددهم برفع قضيه عليهم .. وفضحهم بلجرايد ..

والله يعينك بس الموضوع يبيله صبر وطولت بال :( ..


الله يرزقك اخير منها ..


عز الله سالفتك دليل حي وواضح لقهر العملاء واثبات انه لايوجد حماية للمستهلك بل حماية للتاجر!

[ام صتمه 87]

انشب في حلقهم وطالب بالجديدة ..

[براق دخنة]

شف ياحبيبي امورك ماتضبط بالهداوه
ادخل على المدير وخل نفسك معصب يعني مستعد تذبح اي واحد قدامك
ثمن امسكه بيدك وقله اقسم بالله العظيم لولا ماتعطوني سياره جديده والله منتب شايف عيالك مرة ثانيه
وصدقني والله بيقمط قمطه الشر
وبيعطيك موتر جديد
وانت داخل مكتبه حط هل القاعده في راسك ياذابح يامذبوح

الحمدلله انها ماهي سيارتك .. :)

كم عندنا ابو جميل

[ابو خالد 1992]

أخوي وكل محامي وهو يقوم بالشغله كلها ويشتكيهم ويجيب لك حقك




لا وابشرك لاتخاف جميع اتعاب المحامي هم يدفعونها بعد الحكم لك الشيخ يحكم بالمبالغ الي خسرتها يعني تعويض عن الضرر الي لحق بك


نصيحه من اخ يبي لك الخير ومقهور عشانك وخريج قانون بس للاسف جديد يعني مابعد تمرست بالمحاماه ولا كان شرشحتهم لك


رح لمكتب محاماه وقله السالفه هو بنفسه بيقول لك انا راح اتحمل القضيه كامله وارفع الدعوى وكل شي بس جب توكيل وهم بياخذون حقهم من الوكاله والله اتكلم معك جد خلنا من كلام تهدد وافعل وقل وسو تراها بتصير ضدك وبكره بدال ماتطالب بحقك تتنازل عشان يتنازلون عنك حافظ على هدوئك واعصابك وحقك ابشرك مضمون مليار بالميه بما انك مدخل السياره بكرت دخول الصيانه وماستلمتها ولا طلعت من عندهم عن طريقك ماعليك موقفك ممتاز واستاجر سياره وخذ فواتير والله والله ليدفعونها لك بس لاتستاجر لكزس هههه خذ سياره معقوله.


رح بكره السبت واستشر محامي وهو بيقولك كل الطرق الرسميه والمضمونه الي بتكفل لك حقك وعادي ماوراك شي لو شهرين ثلاثه سياره اجار وعلى حسابهم واتعاب المحامي وعليهم .

هذا الكلام وانتبه تدخل معهم في مهاترات بدل ماتصير طالب تطلع مطلوب لعد تقبل عليهم وكل محامي يقابلهم وانتبه من صيغة التوكيل لا ياكل حقك المحامي بعد ؟؟؟ لأن مجال عملي في الوكالات الشرعية واي خدمة عطني خبر

[ذيب زلفاوي]

ابو جميل

الله ياجعله لنار جنهم انكانه لعب فينا لعب

الله لايوفقه
اخوي حرام تدعي على الميت ادعو له بالرحمة والمغفره وهو ماقصر شف الموديلات القديمة مشاء الله رخيصه وقويه ومتماسكة
بس عياله حسبي الله عليهم اعماهم الطمع انا والله لو عندي الشركة كل واحد خرب شي بسيارته اعطيه سياره جديده خلاص يكفي تجميع دراهم الدراهم الي عندهم تكفيهم وتكفي عيالهم وعيال عيالهم
واخلي مكسبي 3 الاف بالهايلوكس 5 الاف بالربع 7 الاف بالشاص والجيب 10 الاف
والحمد لله خير ونعمه مهوب 50000 على سياره وحده


بس لاوصيك جرجرهم وخلهم يعطونك سياره جديده وقيمكة ايجار لكزز وتعويض على التردد لمهم

[محمد بن سعيد]

غثهم لين تأخذ حقك

[t3ban]

مثل ماقلو الشباب 0(شهر ) بهم بالصحف واعرضها على اكثر من صحيفه لان بعضها مدعومه بالدعايات من عبد اللطيف

[العبله]

ثبت الحادث بالاوراق مثل ما قالوا الشباب
وقل لهم ابي تعويض واذا تهربوا راسل المركز الاقليمي وعلى ما اظن انه في الامارات ارسل لهم ايميل وبين لهم كل اللي صار.. ولا تكلم الوكاله ابدا .
واحرص على الاورااااق هي اهم شي...
والله يعوضك خير.

[بآرق نجد]

أستقعدلهم قعده إلين يسألمونك جديد الله يغثهم وش هالسلوب
وأدع وأناأخوك وان شاء الله تحصل إلي تبيه

الله يعوضك بأخير منهآ ..

[ولد وايل..]

السلام عليكم..

الحمد لله على كل حال...

واشوا ماكان احد تحتها ولا انت تشيكها...

انا مرة طاحت السيارة من البستم قبل لا تنزل تماما زلقت وانا تحتها والحمد لله انفقع مساعد وانا سلمت....

عزيزي موترك ما جاهـ شي الحمدلله

على الواضح في الصورة ان الصدام ارتفع ولا لآ ؟

ان كان البدي سليم والشاص مامال خذ الموتر وتوكل على الله...

خل العصبيه وغيرها

لاتاخذ كلامي وتزعل منه لكن صدقني لو انها وماصار شي يسوى بالسيارة بأسوي اللي قلت لك...

((ان ماصار شي ولا مال الشاص )) توكل لى الله وخذها بس...

نقزة من حدا ها القصوص العن من الطيحه هذي....

لاتفهم غلط انا ماراح يجي جيبي ولا ريال وانا ماعندي لا تيوتا وأكره ما أكره الوكّالات....

ماعمري وديت موتري الوكّاله الا أشتري قطع ولا على الضمان وأقعد على روسهم....

لكن تاكد ان راحتك أهم من كل شي....

موفق

[منتظر الجديد]

الله يعوضك منهم ...

عزيزي تقدر تاخذ حقك بسهولة خصوصا مع السمعة العالمية السيئة الآن لشركة تويوتا .

بس لابد تعرف أنهم يدرون أنه بعض الناس لايعرفون ياخذون حقوقهم .

فتصير أنت مستغل من قبلهم .

بس تعتبر السيارة من إدخالها لورشة الشركة المصنعة أمانة وثقة وجودة .

فلا يمكن أن ترجع لك سيارتك إلا كما كانت وكيف ذلك (تعطى سيارة جديدة)
كما وثقت فيهم لابد ان يجسدون الثقة فيك بإعطائك سيارة جديدة لأنها كانت أمانة عندهم .

ولا يستطيع أي وكيل ان يقول لك مانعطي سيارات لأنه كبيرة الكلمة .
لاكن يحاولون المرواغة بك وإقناعك بتصليحها ... يشوفون عنك تمشي عليك وألا لا
فصدقني إذا كنت متمسك بقراراك وهددتهم تهديد غير مباشر بالتشهير
راح يعطونك سياره جديد بس بيماطلون فيك لاكن رص عليهم بالتهديد الغير مباشر .

وحملهم تعويض التأخير ... وأنهم قطعوك بدون سيارة << هذا جزاء دعمك لهم بشرائك سيارة منهم

وبشرنا ......

[سيف الظفير]

يالقرم لا يصلحون سيارتك ابد


خذلك جديد منهم وغصب

[مقلع الرمث]

امعوض خير ياليت ترسل الصور لااايميل احد المسئولين بشركه تايوتا باليابان الشركه الام

[الوسم للخيام]

السلام عليكم ورحمة الله
كثير من الإخوان ينصحونك بالمحامي واقول لك من تجربة انهم آخر موديل من اللصوص همهم الوحيد كيف يسحب منك المال وكيف يستغفلك
واليك بعض النصائح
اسأل عنه قبل ماتروح الى مكتبه
اقرأ العقد الذي يكتبه لك جيداً
لايغرك شكله وهيئته وكلامه
لاتعطيه دفعات من المال واشرط عليه اجرته بعد الحكم
لاتصدقه ابداً فسيفرش لك الأرض ذهب لأنهم درسوا في جامعة الخمام كل اساليب اللف والدوران والكذب وكثير من القضاة عرفوا اللعبة واستقالوا من القضاء واصبحوا محامين
وأحسن من كذا انصحك تجهز اوراقك وصورك وتروح للمحكمة على طول وترفع عليهم قضية اتلاف املاك واهمال بنفسك
اذا حكم لك القاضي بسيارة جديدة فيكفي
واذا حكم بإصلاحها فاطلب من القاضي الإرش وهو الفرق بين قيمتها الآن وسابقاً قبل التلف
واهم شيء الدفرنس اذا كان مائل لاتأخذ السيارة ابداً لأن السيارة تصبح حولاء متجهه الى جهة وتمشي الى جهة اخرى حتى لوعدلوه لك وراسل الشركة الأم في اليابان وقدم شكوى لهم ضد الوكيل وهذه اكثر شيء يخافه الوكيل
اسأل الله ان يعوضك خير

[الشنه]

ابو جميل

الله ياجعله لنار جنهم انكانه لعب فينا لعب

الله لايوفقه

[الشنه]

اخوي رح اقرب مركز شرطه وبلغ واذا طلعت من المركز

رح اعلن في الجرايد واذا طلعت من حق الأعلان

رح ارسل رساله يم شركة تايوتا الأم

ثمن رح يم الوكاله ودخل كنك متب صاحي

صارخ وادخل على رئيس الفرع وقله كل الي سويته

واذ قام يصرف ازنطه واقفل الباب و اقلب المكتب فوق تحت

وقله والله من ماجاني موتر جديد ان ماتتهنا في حياتك

و اشتر كرسي و تك عند الوكاله

والحق رئيس الفرع لين بيته ورن الجرس عليه

الزبد هبل فيه وكل يوم على الحال

[النايف999]

اخي العزيز - انا ضد الانفعاليه والتصرف الهمجي

اول شي ثبت وضعك بشكوى بمركز شرطة السويدي وشبرا

ثاني شي طالبهم بسياره بديله حتى تنحل المشكله وصدقني راح يأمنونها لك

بخصوص مطالبتك بسياره جديده بديله انت حاول مع اني اشوفها صعبه شوي .. لان الموضوع حادث قضاء وقدر مثله مثل اي حادث بالشارع يعني لو صدمك هندي والا بنقالي بتقول اشترلي سياره جديده
التامين بيصلحها لك

عشان كذا حاول تحل الموضوع معهم ودي واطلب فرق الضرر غير الاصلاح

يعني السياره تقدر قبل الحادث بــ50000 ريال وبعد الاصلاح تسوى 40000ريال لانها مسمكره

انت خذ الفرق بالاضافه الى الاصلاح - هذا طبعا بعد محاولتك باستبدال السياره بثانيه نفس الموديل او احدث ولو مستعمله من قسم المستعمل اهم شي يكون البدي سليم

وبالتوفيق للجميع

[سوالف]

الله يعوضك خيرا منهاااا

[اسهيل]

اخوتي اي واحد بروح لعبد العطيف جميل يروح لم فرع خريص قديم وفيه ناس خبره هذولا ماعندهم شي نصابين بعدين اخوي خرب القيرعليه قالو اسبب انت قام وراح لم خريص صلحوها له بدون مقابل وعلى الضمان

[PATROL4800]

للرفع للرفع

[اميرالصمت]

الله يعوضك خيرن منها

[star22]

لاحول ولاقوة الا بالله الله يعوض عليك

والله لايوفقهم

[ولد وايل]

مديرهم باسنبل يصرفون لك جديه غصب عليهم
اتصل 8002444400


او شكوى للشركه الام

[الايام]

الاخ اللي يقول محضر وما محضر

ترى ماعندنا هالسوالف

ترفض الشرطه فتح محضر ولا تقدر تجبرهم (تخيل) صارت معي حتى لو كان السبب قوي

بعت سيارتي على شريطي وعطاني فلوسي قلت عطني ورقه المبايعه او اي شي يثبت اني بعتك رفض ومشى وتركني بالمعرض

رحت للشرطه وكني شحاذ ابي ابلغ او ابي اي احد يتفاعل معي ما عندك احد ابببببببد

كود تروح للاماره وتقابل الامير سلمان

تتخيل حتى حقك المكتسب ما تقدر تاخذه

قال محضر!!!!!

[ولد وايل..]

لاتصدقه ابداً فسيفرش لك الأرض ذهب لأنهم درسوا في جامعة الخمام كل اساليب اللف والدوران والكذب



يا عزيزي ثمن ماتقول عن جامعة خرجت مشائخ وعلماء يستقى من نهيل علمهم الى الان...

ان كنت تعتبرها كما قلت لانك كنت بها فما ضرها الا وجودك أنت ومن هم على شاكلتك...!!

[بدوي جنوبي]

يغلق الموضوع