مروحة المكيف تعطلت والشركه لا توفر قطع غيار

[قطب 999]

تعطلت مروحة مكيف الحبه وربع كروزر وبعد فتح الدينمو اتضح ان الفحمات منتهيه الشركه الام لا توفر القطعه واذا تبي خذ دينمو كامل بسعر 900 ريال طلبيه والحل اشترينا فحمات من محلات قطع غيار الاجهزه الكهربائيه بقيمة 10 ريال :d وتركيبهن بعد تسويتهن حسب المقاس بالمسن الكهربائي واغلى شي الوقت نصف ساعه والله يديم الرخص

[sultan911]

مشاء الله تبارك الله لو ان كل الناس مثلك كان مافيه عندنا غلاء

[راعي جيوب]

ما شاء الله عليك نفس كلام أخونا سلطان

[رفيع المقآم]

ماشاء الله يقولون ان السعوديين اخذا المرتبه الاولى في تعدد استخدامات الاشياء
مشكور اخوي على التنبيه

[نوماس1]

تعجبني الله يوفقك الانسان عنده عقل ويقدر يفكر وييجد الحلول
والمصيبه انه كثير منا عند تعطل اي شي بالسياره فورا يرميه ويركب جديد وهذا حرام

[قناص*07]

يا ليت ينقل الى رابط ملاك الربع
الله يعطيك العافيه

[يكفيني نظرة]

ماشاء الله تبارك الرحمن ...
بس المشكله وشلون ابدأ يعني كيف عرفت ان الفحمات هذي ممكن تناسب ؟؟
غير كذا صعبه الواحد يروح يجرب اذا ماكان عنده خبرة سابقه والمحلات لازم تجيب الجديد عشان يقارنه ،ياليت تفيدنا...

[قطب 999]

ماشاء الله تبارك الرحمن ...
بس المشكله وشلون ابدأ يعني كيف عرفت ان الفحمات هذي ممكن تناسب ؟؟
غير كذا صعبه الواحد يروح يجرب اذا ماكان عنده خبرة سابقه والمحلات لازم تجيب الجديد عشان يقارنه ،ياليت تفيدنا...

لا تصعب الامور همن تصعب عليك خذ باقي الفحمات معك وقل للبايع ابي فحمات مثل هذي او اقرب شكل لها حقت السياره يبي يعطيك حبتين ثم تركبهن وممكن اذا هن طوال تقصرهن وتركبهن محل الاولات وتشبك السلك حقهن
وتطبق الدينمو وانا ماسويت هالشي الا بعد اني تاكدت انهم ما يوفرون القطعه من الشركه الام والقطعه مالها رقم وعندك طريقه ثانيه تروح محلات اصلاح المولدات وتعطيه دينمو مروحه المكيف وتقول له يغير الفحمات هو يبي يدبرها اما دينموات توليد الكهربا اللي مركبه بالمكينه فاكثر الشركات توفر لها فحماتها مع العلم ان فحمات السيارات واحد بس الفرق بالاشكال والطول والعرض و تعمل على كهربا 12-48 فولت

[يكفيني نظرة]

الله يجزاك خير..

[moooj]

تعطلت مروحة مكيف الحبه وربع كروزر وبعد فتح الدينمو اتضح ان الفحمات منتهيه الشركه الام لا توفر القطعه واذا تبي خذ دينمو كامل بسعر 900 ريال طلبيه والحل اشترينا فحمات من محلات قطع غيار الاجهزه الكهربائيه بقيمة 10 ريال :d وتركيبهن بعد تسويتهن حسب المقاس بالمسن الكهربائي واغلى شي الوقت نصف ساعه والله يديم الرخص

كفو والله يالذيب
تصرف سليم ينم عن حس فني يبلغ الآفاق:good2:
فعلا احترم من لايقف مكتوف اليدين
ولا يعدم الحل
الله يوفقك دنيا وآخرة

[ابوصالح77]

يعطيك العافية على نقل التجربة
وياليت تفيدنا باسم الفحمات أو رقمهن

[بدوي جنوبي]

اللــــــــــــــــــــــــــــــــــــــــــــه يا اخى قطب
لو انك زودت الموضوع بالصور :(


صدقنى بتوفر على ملاك نفس السياره الكثير :good2:
والفضل يعود لك بعد الله سبحانه وتعالى
والكل يدعى لك


اتمنى تحاول تزويدنا على الاقل بصور فحمات اللى من المحلات الكهربائيه

هذا تقييم نجمتين حتى تزودنا بالصور :good:


بالتوفيق

[قطب 999]

موقع المروحه تحت الدرج فوق رجلين الراكب ( رقم 10)
http://www.toyodiy.com/parts/diag_8ODDmp.png

المروحه تاتي قطعتين الدينمو و الجنحان فقط من الشركه ولا يتوفر قطع داخليه للماتور رقمه 87104
http://www.toyodiy.com/parts/diag_ZHAmX.png
الفحمه المنتهيه كنها قشره
http://www.m5zn.com/uploads/2010/4/20/photo/042010130457t2ncjs2ocah.jpg

الفحمه الجديده بعدما قصرتها لانها كانت طويله بريشة قرندر ناعمه

http://www.m5zn.com/uploads/2010/4/20/photo/0420101304352jidq9y8ysfn.jpg

والفحمات موجوده عند محلات قطع غيار المواد الكهربائيه وعملائهم محلات تصليح الدنموات والمكانس والمسجلات يشرون منهم قطع الغيار والفحمتين سعرهن8 ريال فيه انواع طويله وقصيره وكلها مهمتها توصيل الكهرباء الى قلب الدنمو وهو يدور بدون انقطاع و مع الوقت تصغر حتى انها ماتوصل ويبطل الدنمو الدوران

[سوبر VTC]

حسبي الله عليهم
السياسة امش و غير تغيير كامل :mad:
على حد معرفتي بخصوص مرواح الكهرب
اغلا فحمات هي فحمات دينمو مروحة الفورد الامريكية
اقصد مروحة المكينة الكهرب حقت تبريد الاديتر
تقريبا 4فحمات ب80ريال تقريبا

[بدوي جنوبي]

يعطيك العافيه اخى قطب ما قصرت

وصلنا التقييم الى 4 بواسطه المشرف فتك

لانى حاولت اوصله ل 5 ورفض

بالتوفيق

[قطب 999]

يعطيك العافيه اخى قطب ما قصرت

وصلنا التقييم الى 4 بواسطه المشرف فتك

لانى حاولت اوصله ل 5 ورفض

بالتوفيق

بارك الله فيك و الله يساعدنا على خدمة الاعضاء والزوار

[قطب 999]

حسبي الله عليهم
السياسة امش و غير تغيير كامل :mad:
على حد معرفتي بخصوص مرواح الكهرب
اغلا فحمات هي فحمات دينمو مروحة الفورد الامريكية
اقصد مروحة المكينة الكهرب حقت تبريد الاديتر
تقريبا 4فحمات ب80ريال تقريبا




معروف عن شركات السيارات استغلال جهل مالك السياره بالقطع واساسيات عملها ولو دخلت على مواقع قطع الغيار واسعارها الرسميه لوجدت ان سعر عدة قطع مجموعه تصل لسعر السياره جديده

[قمرنا]

يعطيك العافيه اخوي قطب
وما قصرت,,
وأقف لك إختراماً.
تقيل مروري

[برغي]

ايه هذي المواضيع والا بلاش شي يبرد التسبد يا ناس احب الانسان الدؤوب اللي مايوقف شي بوجهه يحاول ويحاول لين يلقا الحل او البديل المناسب وفقك الله انت وامثالك ممن يكسرون الاحتكار

[راعي المجهم]

موضوع جمييييييييييييييييل جداً