المساعد الشخصي الرقمي

مشاهدة النسخة كاملة : شاص غمارتين


المطلق
05/03/2005, 03:06 PM
تنبيه {الصورة منقولة}

بسم الله الرحمن الرحيم

وش رايكم يالربع بالشاص

اطرف تعليق لو سمحتوا

http://www.efi4500.com/vb/attachment.php?attachmentid=2563

تحياتي
صقرنجد
05/03/2005, 03:22 PM
بدون تعليق

.
...
.......
............
................
.....................
.......................
.........................
.............................
................................
أخوكم ومحبكم في الله : صقر نجد
الطعس الذهبي
05/03/2005, 04:03 PM
الصور معدلة
ابو درع
05/03/2005, 04:23 PM
ايه هذا الموتر ..

بس هو مرهم ولا يجي سذا.

يا طعس انا شايف مثله غمارتين .. وبعدين ايش الغريب عشان تكون معدله .

اذا فيه ناس تشري بدون ماتطالب بمواصفات وميزات فليش يعدلون لكن حرب شركات

ولا الوكيل يخلف الله .. لو يحصله يبيع الموتر بدون كفرات..
الطعس الذهبي
05/03/2005, 04:47 PM
يا أبو درع انا أقصد انه معدل بالكمبيوتر
الربذي
05/03/2005, 04:58 PM
لالا ياخوان انا شايف مثلة ليلة الجمعة 23 محرم
وليس معدل يجي كذا بس نادر الوجود شفتة على الدايري روعة



لاوفعلا الصورة معدلة واضح صدق اخي الطعس الذهبي
اي حريف تركيبات صور مثلي احم
يعرف ان معدل وواضح بس فية على الطبيعة واقصد معدل بالفوتو شوب
ياضح مع الخط حق الباب الامامي والكفر الخلفي من الزيق الي قدام الكفرة
وصدقوني شايف مثلة على الدايري بس اظن الحوض طويل
الطعس الذهبي
05/03/2005, 06:47 PM
صادق اخوي الربذي ناظر الكفرات وناظر مسامير الكفر
هاوي نفود
05/03/2005, 07:00 PM
والله ما أدري الصورة معدلة ولا لا

بس شاص غمارتين موجود أكيد ... وياليت نعرف هو يجي مواصفات خاصة ولا تعديل

للي عنده علم يفيدنا
الـ ع ـارض
05/03/2005, 07:12 PM
السلام عليكم

الشاص هذا معدل بالرياض بورشة مشهورة جدا ويمكن تعديل الشاصه من كبينه (غمارة) واحده الى غمارة ونص او غمارتين حسب رغبة صاحب السياره ....

تعديل الشاص من غمارة واحده الى غمارة ونص يكلف 20.000 ريال ( عشرون الف ريال ) شامل الديكورات الداخليه والخارجيه وتعديل المراتب من مراتب عاديه الى مراتب متسوبيشي ( لامتصاص المطبات ) وتنجيد كامل السيارة من الداخل ودهان السيارة كامل ...

اما الغمارتين فيكلف ما بين 30.000 الى 35.000 ريال حسب المواصفات المطلوبه ...
وايضا يمكن اظافة توانكي مويه وبنزين واي طلبات اخرى وكل شي بسعره ....


((((( ملاحظه )))))

منيب صاحب الورشة ولا اسوي له دعاية ولكن خدمة بسيطه لاخواني اعضاء منتدى مكشات واللي يبي عنوانه ورقم تلفونه يرسل لي على الخاص وطبعا هذا بعد اذن الادارة والاخوة المشرفين ....
الطعس الذهبي
05/03/2005, 07:40 PM
يا أخوان أنا أقول انه معدل بالكمبيوتر بالفتشور
اسيزو 4x4
05/03/2005, 07:59 PM
أخواني والله هذي الصورة انا الى معدلها بالفوتوشوب

واسم الموقع الى عدلت فية الصورة وانا عضو فية ايضا efi4500 عاشق ربع

واسمي ISUZU

والله زي ما اقول لكم :good:

يعطيك العافية اخوي الرياعي على الصورة
انظر اخر الصورة على اليسار تعديل ISUZU
الطعس الذهبي
05/03/2005, 08:19 PM
واضح انة معدلة
كشتة
05/03/2005, 09:17 PM
السلام عليكم


والله الصووره حركه الصراحه

وماتقصر اخوي الرياعي على الصوره الحلوه

.....

وتسلم يمينك اخوي ايسوزو على التعديل الرائع

,,,,




اما بالنسبة للشاص الغمارتين

فهو يجي ناااااااادر جدا شاص غمارتين


وانا مره شفته بالصناعيه لونه ابيض موديل 2002 بس يجي غمارتين بس بالنسبة للمقعد الخلفي مايجي له باب يعني بس باب امامي فقط ....



تحياتي للجميعـ....
الجروووح
05/03/2005, 10:17 PM
هههههههههههههههه ...



يابعد حيي هالوجه .


تسلم والله على هالمشاركة .


بس اسمح لي اقول لك أن شكله عقيم مرررره .

تقبل تحياتي .
المطلق
05/03/2005, 11:03 PM
أخوي

صقر نجد

والطعس الذهبي

والربذي

وهاوي نفود

والعارض

واسيزو

وكشته

والجرووووووووح

مشكوريين وما قصرتوا

ردود ولا اروع

وكلكم اختلفتوا على الصورة

وهدفي كان انه يوجد فعلاً شاص غمارة ونص وانا شخصياً شايفه موديل {2003}

وانا نزلت هذي الصورة لعل احد الأعضاء ينزل صورة الشاص

وشكراً لكل عضوا افادنا في هذا الموضوع

تحياتي
جبل أللوز
05/03/2005, 11:22 PM
وين مصممي شركة تويوتا عنه ......


يصنعوا موديل منه وسيصبح ...جيب الموسم ...

والله إنهم من جنبها إذا ما صنعوه ......
الجروووح
06/03/2005, 01:14 AM
هلا اخووي .


انا والله شفته قبل اسبوعين اتوقع في حايل .

موديل 2002 (( سكين )) .غمارة ونص وصورته صورة جوال ولكن والله مدري وين الصور والله .


ولكن شفته وذكروو لي اسم مالكه .

..................

تحياتي لك اخووي .
المطلق
09/03/2005, 02:17 PM
مشكوريين وما قصرتوا
ســيــف نجد
10/03/2005, 07:48 PM
هذا طال عمرك واضح انه تركيب



بدليل ان الباب الخلفي لاصق في البودي


لكن انا متأكد فيه مثله وانا شايف واحد موديل 2002 مسوي نفس اللحركه وطالع رهييب


وفيه شيصان نفس هالموديل (2003 خليجي) غماره ونص شفت منها حوالي 10 مواتر (في المجمعه بعيد الاضحى) كلها غماره ونص وكلها 2003 خليجي لكن يقول لي واحد انها ما تجي كذا من اليابان اطلاقا
المطلق
11/03/2005, 12:41 AM
أخوي سيف نجد

أول شي ياهلا ويا مرحبا

والكلام اللي قلته صحيح

وأثبته اسيزو

تقدر تراجع الردود وتشوف