من عنده خبره في الجيمي

[كاشت وحداني]

السلام عليكم ورحمة الله
انا شفت موتر اسمه شفيرولية جيمي
وبصراحه شفته يمشي في رمال وطعوس وراعيه ما يرحمه ابد وبرفق صورة بس اللي شفته موديل قديم شوي اقدم من اللي في الصوره .
اتمنى من الاخوان اللي عنده معلومات عن هالموتر يفيدنا خصوصا في القوه والدبل وتحمل الرمال .
http://www.mekshat.com/pix/upload04/images160/mk57768_gemmy.jpg

[ابو شايق]

انحش وانا اخوك ترى الموتر مصيدة

الموتر خفيف وستة سلندر ونسم ويرقى اكبر الطعوس .. لكنه من باب الخبرة والتجربة يقاسمك راتبك في الاصلاحات وقطع الغيار .. ولا ازيدك من الشعر بيت .. بعض القطع ما تلاقها عند الوكيل .. انتظر الين يجيبها لك من جدة أو من برا ..


انشح ... الله لا يعيده موتر .. فكنا الله منه لكن عقب ما قاسمني الراتب لمدة سنتين ..

[أبوخليل00]

أنا عندي واحد قديم ما ينفع أبد بالنفود لكن بالديرة حليل ومثل ماقال أغلب القطع ما يوفرها الوكيل غير أنه أغلب الورش ما تستقبل الموتر ويقولك ما نعرف (وشو ذا ) أتكلم من واقع خبرة بالموتر ثلاث سنوات وبعدين قولة أبيع بعدين إنس أحد يسوم الموتر وأي استفسار جاهز

[كاشت وحداني]

بيض الله وجوهكم اخواني ابو شايق وابو خليل00
والله انا شفت الموتر يطامر وقلت يمكن فيه رجاء ندور زيه نطامر به في البران.
شاكر لكم

[ابن مجدوع]

اخوي كاشت .. نصيحة اخو ..
انصحك لو تركب سيكل .. ما تشتريه والله خسارة تشتريه اسال مجرب ..
صحيح راسي في الخط ومريح كعادة الامريكي لكن مشاكله وقطع غياره مشاكل ..!!
ولا يصلحه اي واحد .. وقطع غياره نار !!
تحياتي لك .. واتمنى انك تصرف الرأي عنه ..
سلام عليكم

[ربع 2009]

رجلك والجبل

[كاشت وحداني]

ابن مجدوع ربع 2009
شاكر لكم النصح والتوجيه وبيض الله وجيهكم
وانا على قولة المثل ماخاب من استشار
لان لي فتره ادور موتر بخلي عزبتي وقشي فيه واستخدمه للبر والمطامر بالشعبان واحترت وش اخذ .
ربع تويوتا غالي وربع نيسان يكب بنزين واجد( رجلي حاره شوي على الموتر ) والبليزر تطعس يوم وتغير صوف اسبوع .
فيه بعض الشباب نصحوني بالجيب السوزوكي الصغير ساموراي او جيمني ولا زال تحت الدراسه والتفكير .
والرغبه الحقيقيه باترول ربع لكن مشكلته صرف البنزين .الا اذا المكشاتيه جابو حلول لصرف البنزين عاد شئ ثاني .

[بدوي جنوبي]

رجلك والجبل


ههههههههه بعضهم يقولون
عفشك والجبل
وهذا يدل على الهرب من الشيئ


والله يا غالى يقولون خراباته ما تغلق
وقطع غير متوفره بكثره
لان نزل السعوديه كميه قليله فقط


بالتوفيق

[متيم البحر]

http://www.mekshat.com/pix/upload04/images160/mk163316_dsc00335_resize_resize.jpg
نصيحة أبعد عن السيارة لأن كان معاي نفسه بس موديل أقدم وخرب قيرة العايدي وحست وأنا أدور في الوكلا التعبانين اللي عندنا ولاكن مالقيت قطع غيار وبعتة ترى خراباتة كثيرة خذلك نصيحة إكسبلورر فورد وبالتوفيق

[كاشت وحداني]

شاكر لك اخوي متيم البحر

وصرفت النظر عنه والاكسبلورر جربت موديل 2004 وما ارتحت له

[محب الرمنغتون]

لا أنصحك به أبدا من واقع تجربة

[برق الشرقية]

انا أختلف معكم بالرأي لو سمحتوا لي أدل بدلوي
يعني ياتويوتا يانيسان وغير كذا لا ؟؟؟ بالعكس انا أشوف أسوأ شي انك تكون معاهم معاهم عليهم عليهم وهذي السيارة هي معي الآن من ثلاث سنوات ومابقى مكان في خاطري مارحته حتى طلعات البر الأستكشافيه ما أروح غير عليه موديلة 98 وللعلم عندي سيارتي الثانية ( برادو 2006 ) وتعرفون البرادو كيف بالبر لكني ثقتي وراحتي بالبليزر أكثر وحتى مع أخوياي يفضلونه على البرادو والونيت اللي عندهم ، هذا من ناحية البر واللي يقول ماينفع بالنفود اجيب له صور فيه بالصمان ونفود جه طريق الدمام الرياض دخول 30 كيلو متواصله وساحب فيه لاند كروزر بريمي مغرز والله والربع حاضرين ،،، ونا بالنسبه لي جربت حتى الشروكي وهذا بالنسبة لي أفضل لكن حنا شعب متحيز ولاعندنا نظر أبد وترا الموتر ماقول لكم مايخرب لا يخرب مثل غير لكن لازود ولانقصان واللي جرب وصار معه مشاكل بالموتر هي بالنهاية توافيق ورح يلي منت مصدق خيمة اعطال السيارات وشف مشاكل التويوتا والنياسين والجموس تلقاها احيانا اكثر ، وبالنسبة للقطع اللي طلبته احيانا ما القاها في محل ولكني القاها في الثاني وشرط مقارنه اسعارها مع قطع غيار سيارات ثانية مثل الفورد ارخص منها لاني مغير كمبريسر مكيف تدرون بكم ؟ 800 ريال بينما اذكر حق الفورد اكثر من 1500 ، وغيرت له طرمبة البنزين أسعارها متراوحة تبدأ من 280 ريال - آسف على المطاوله عليكم لكن حبيت أشارك وملي اللي يقوله لي ضميري من اجل مصلحة الرجل اللي استشار ومستعد اعطيه موتري يجربه ويخليه عنده بدون مقابل بس عشان يتاكد

[AvA 496 LaNcH]

انا أختلف معكم بالرأي لو سمحتوا لي أدل بدلوي
يعني ياتويوتا يانيسان وغير كذا لا ؟؟؟ بالعكس انا أشوف أسوأ شي انك تكون معاهم معاهم عليهم عليهم وهذي السيارة هي معي الآن من ثلاث سنوات ومابقى مكان في خاطري مارحته حتى طلعات البر الأستكشافيه ما أروح غير عليه موديلة 98 وللعلم عندي سيارتي الثانية ( برادو 2006 ) وتعرفون البرادو كيف بالبر لكني ثقتي وراحتي بالبليزر أكثر وحتى مع أخوياي يفضلونه على البرادو والونيت اللي عندهم ، هذا من ناحية البر واللي يقول ماينفع بالنفود اجيب له صور فيه بالصمان ونفود جه طريق الدمام الرياض دخول 30 كيلو متواصله وساحب فيه لاند كروزر بريمي مغرز والله والربع حاضرين ،،، ونا بالنسبه لي جربت حتى الشروكي وهذا بالنسبة لي أفضل لكن حنا شعب متحيز ولاعندنا نظر أبد وترا الموتر ماقول لكم مايخرب لا يخرب مثل غير لكن لازود ولانقصان واللي جرب وصار معه مشاكل بالموتر هي بالنهاية توافيق ورح يلي منت مصدق خيمة اعطال السيارات وشف مشاكل التويوتا والنياسين والجموس تلقاها احيانا اكثر ، وبالنسبة للقطع اللي طلبته احيانا ما القاها في محل ولكني القاها في الثاني وشرط مقارنه اسعارها مع قطع غيار سيارات ثانية مثل الفورد ارخص منها لاني مغير كمبريسر مكيف تدرون بكم ؟ 800 ريال بينما اذكر حق الفورد اكثر من 1500 ، وغيرت له طرمبة البنزين أسعارها متراوحة تبدأ من 280 ريال - آسف على المطاوله عليكم لكن حبيت أشارك وملي اللي يقوله لي ضميري من اجل مصلحة الرجل اللي استشار ومستعد اعطيه موتري يجربه ويخليه عنده بدون مقابل بس عشان يتاكد


المشكله تخاف ترد يقولك انت متحيز
وان شرى وخرب قال الله لايوفق اللى قالي عنه
وان قلت انك مجرب قالوا انت لحالك والباقين خرب عليهم

بالنسبه لي خلك مع العالم تريح بالي
واحد يقالي وشلون الافلانش خراباته وسعره وصرفيته
قلت له انحش :D
شرى له ربع باترول .. ومكينتي بيق بلوك 8 لتر يصرف اقل منه ورد علي بدعوه ليش تنحشني منه !!


عموما الموتر قوي وراعي جلد لكن كقطع غيار مدري عنه وخراب كل المواتر تخرب مدام انك بتكرفه

والله يوفقك

[Moshakes13]

سلامات شباب :)
تاريخ اخر رد 22/4/2010
قبل 8 اشهر
وينكم كل هالغيبة :D