احد شاف منكم ها الخيمة

[حد السيف]

السلام عليكم ورحمة الله وبركاتة
اخي الكشات
يانتظار تعليقك
http://www.0zz0.com/up/17/368501745.jpg


http://www.0zz0.com/up/17/938186570.jpg


محبكم اخيكم حد السيف

[ابو ابراهيم2]

تذكرت وصية الشيبان اللي تقول :
لا تنام بطن الوادي , ولا تهجد اهلك بالليل , ولا تصاحب الهملاج

[المتوكل]

الله يخلف على راعيها وجنبنا بلاويها

[المطلق]

عسى اصحابها بخير بس

مشكور أخوي حد السيف دايم مواضيعك

ابداع

الله يعطيك العافية

[خشم الحصان]

الاخ المتميز
حد السيف
السلام عليكم
ياخيي مابذي خيمه الله يغفر لنا ولك هذا كرتون ثلاجه 100 قدم طاربه الهواء وجدعه في المويه
اقول اترك رايح يم التنهات
ايه ......................
اخوك
خشم الحصان
يعد واحد وينسي الباقي ........................ يصير خير ياحد.............. الله لايحدنا عليك

[حد السيف]

الغالي ابو جراح
حبيبنا خشم الحصان
وش ذا الكرتون اللي شايلة الهواء
كل هذا تبي تبعد الحوم عنك يالله يهديك بس قلي يالغالي
المسافة الى اليابسة بكم قطعنها الظاهر انك تسخن الى الاولمبيات الصينية 2008 للحصول على مدالية
ترا عندي لك وصفة ضد المصوع والملوع ابيك تاخذها معك لمثل ها الحالات


محبك اخيك حد السيف

[الموقر 1]

اخوي حد السيف أنا شايفها يوم الخميس .... وعندي صور راح انزلها انشاء الله

[رياض الجزيرة]

السلام عليكم

اللـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــه
والله خيمه شي ... شي ما يطري على البال :bounce:
إلا يا شباب وين تباع هالخيمه :burnout2: :D :D :D
7
7
7
7
7
7
7
7
7
7
اخوي حد السيف الله يوفقك قل آمين
عسى أهلها سالمين بس ؟ :alarm:
اللهم احفظ جميع المسلمين الموحدين من كل مكروه :light:
واسلم لأخيك/ رياض الجزيرة ولا يهون باقي الأخوان :heart: :heart: :heart:

[( برى بحرى)]

الله يهداه ناصب الخيمه فى مدق السيل او فيضه او وادى
على العموم الله يعوضه خير

[المبيحيص]

الظاهر راعيها عليمي عجبه العشب بالفيضه وسنتر فيها

[الجمس]

الخباله مايبيلها رز بيارق .
بس انصب خيمتك في شعيب اوفيضه وتسير خبل .
اخوي حد السيف ياحبك للشر والفضايح .

[حد السيف]

الاخوة الاعزاء
شكرا لمروركم وتفاعلكم
الغالي الجمس
جزاك الله الف خير
اما مسئلت اني احب القضايح والشر........السعيد من اتعض بغيرة
اخي الكريم عندما وضعنا الصورة وضعناها لسبب واحد فقط
لتبيان مدى خطورة الاودية والشعاب وقيعان الروض ومصابها
اخي الكريم ما هو حالهم لا قدر الله ليلا وهم نيام
عتدما تجيب على هذا السؤال
سوف تعرف ما كنا نصبو الية ونهدف من ورائه

لكم دعواتي بالسلامة الدائمة


محبكم اخيكم حد السيف

[العـــــطاف]

الخيمه باين عليها ممتازه ما تخر الماء (صباحيه ماشاء الله)

عسى اهلها سالمين إنشاء الله ومثل هالمناظر شفناها كثير بشعيب محارق وشعيب الطيري وقت السيل

الله يعوض اهلها احسن منها

[رفيع الشان]

الله المستعان ... عساهم سالمين بس .. والا الخيمه تروح وتجي ..
لاهنت ياحد اليف

[حد السيف]

الاخوة الاعزاء
شكرا لمروركم وتفاعلكم
الغالي العطاف ان شاء الله ان اهلها سالمين
رفيع الشان
هلابك وحياك الله
ان شاء الله ان اهلها سالمين
من اخطر الامور هي عدم تقدير وتحديد المواقع المناسبة لنصب الخيمة خلال مواسم الامطار

لكم دعواتي بالتوفيق والسداد


محبكم اخيكم حد السيف

[بارع الكشتات]

شباب منتدى مكشات,,,,,,,,,,,,عامة
إنشاء الله الكل بصحه وعافية



موضوعك شيق جدا و هام في نفس الوقت
وذكرني بموضوع الاخ العزيز [الحر]
وفي ذلك تنبيه لأهمية الموقع والمكان :BUTT1: :BUTT1: :BUTT1:

[الجارمن]

هذا اخونا فكر ان الربيع بعد ما ينشف الماء بيكون في احلى صورة ، فقال خلينا نحجز افضل مكان من الحين

[SilverSniper]

أكبر خطأ.. ان الواحد يطق خيمته ببطن الشعيب والا بوسط الروضة.. وان كان الجو ما ينذر بمطر أو عواصف رعدية.. وهذا يذكرني بقصة قالتها لي الوالدة ان ناس قاصدين مكة حجاج.. ولما بدت الشمس تغيب.. نوخوا ركايبهم وخيموا ببطن شعيب.. ومعهم عجوز كبيرة معها واحد من عيالها..ومع بداية غياب الشمس.. والجماعة يطقون الخيام ويسقون ركايبهم.. شافت العجوز سحاب بعيد هماليله واضحة من مطره . وشافت .. سبحان الله العظيم.. جرذي يطلع عياله من جحره ويرفعهم فوق الشعيب..وعرفت العجوز ان السيل جاي من خبرتها وفراستها..وقالت لربعها اطلعوا السيل جاكم.. ضحكوا عليها وقالوا هذي عجوز مهذريه.. وين السحاب؟؟.. وين المطر؟؟.. ما عليكم منها اقعدوا بس.. قامت العجوز وخذت ولدها وطلعت من الشعيب.. وماهي الا دقائق.. جاهم السيل يجرف اللي قدامه واللي وراه.. ويقش خيامهم وقدورهم وعيالهم ولا نجا منهم الا هالعجوز وولدها....الله يكافينا واياكم الشر... المفروض يختار الشخص طرف حزم والا رفاعة ما يوصلها السيل ويطق خيمته ويفل الحجاج...
لكن حرصك على تصوير هالخيمة بهالشكل يا حد السيف يشككني.... لا تكون خيمتك أنت بس:D
لكن... خشم الحصان وأولومبياد 2008..:D... كني أشوفه في مسابقة 100 متر حواجز.. عاضن شليله وما تشوف الا عصاقيل هالشايب اللي ما شاء الله لا إله إلا الله... ما ودنا ننحتهن.. :D.. والعجة طايرة وغرشة أبوفاس في مخباته.. :D
الله يعطيك العافية يا حدالسيف وتسلم والله...:)

[سنـــــــــام]

لاإله إلا الله سبحانه الله العلى العظيم,,,, ماشاءالله تبارك اللله ....وعلى سالف الشباب عساهم سالمين أهلها :) وعزالله خطر

الشعباان والأودية التخييم فيها ماقول إلا الله يزيده ويبارك ويكفيما شره اللهم أمين .

[حد السيف]

السلام عليكم ورحمة الله وبركاتة
الاخوة الكشاتة سلام الله عليكم

الغالي بارع الكشتات
حياك الله موضوع زميانا الحر او موضوعي كلها تصب في سبيل خدمة الاعضاء والزوار الذين تنقصهم الخبرة في اختيار الاماكن الجيدة والمناسبة لاختيار المكان في مواسم الامطار والتنبية بخطورة التخييم في مواقع وجريان المياة

الجارمن هلابك وحياك ربي
سرني مرورك وتفاعلك يالغالي

SilverSniper
اولا نبارك لك التعيين الجديد والله يعينك على الحذف والاضافة ومناكف بعض الاعضاء
ثانيا صورت الخيمة بهذا الشكل لتكون برهان قاطع انها خيمة بعض الناس :D وترى بعض الناس صار يجحد انها لة حتى انة يبي يبعد الحوم ويقول انها كرتون ثلاجة 100 قدم طاير بها الهواء وجابها في ها المكان
تدري اخوى وش تمنيت
تمنيت اك شايفة وهو يسبح وفراش نومة فوق راسة :D :D :D
وانا جالس :director: :director: اسرع اسرع حتى دخلنا براسة المشاركة في الالمبياد القادمة 2008 :looney:
تصدق اخوي داق على ويسئل تالي الليل يقول هاالشايب لا ابي اشارك في مسابقات العشاري
خذ عاد :mad: وبعد اول تمرين حالة ها الحال :dance:
ودوا العطارين وكل مبتكرات مصانع ابو فاس وفقس الجديد والقديم ما تنفع معة حتى حبحر الرس مايشقط معة

الغالي سنام
حياك الله وهلابك والله


محبكم اخيكم حد السيف

[توونا]

وقبلها وصيه الحبيب صلى الله عليه وسلم بالنهي عن النوم بالاوديه والشعاب

[الطعس الذهبي]

عسى ما مات احد

[حد السيف]

الاخوة الاعزاء
الغالي توونا
اللهم صلي على سيدنا محمد
ماينطق عن الهوا

الغالي الطعس الذهبي
ابشرك جت سليمه الحمد لله


محبكم اخيكم حد السيف

[exit8a]

السلام عليكم
مساكم الله بلخير انا بقوللكم سالفه تدل ان اغلب الشباب ميعرفون اسيل وقوه وخطورة انك تجلس في وسط اشعيب في اسيلة الاخيرة الي يوم الجمعه جاي من علو اشعيب ولقى ناس على جاله في مجر اسيل اقول لهم قومو اسيل جايكم من فوق قوي ويضحكون ومستهترين ما خذنا شوي الا بريقهم ومعيملتم قدامهم وشوى سلمو وامداهم يطكلعون السياره وبعض العفش
فلا احداً يستهتر بسيل ابد خص الى ماصرت تعرف اسيل هو جاي من بعيد ولا قريب

[الشامخ 3]

الله يهديهم اصحاب الخيمة وفي نفس الوقت الله يعينهم
لنصب الخيام شروط ومتطلبات

[أبومناحي]

الخيمة تذكرني بالمثل ألي يقول:

خذونا لحم ورمونا عظام

[برميل نوم]

سبحان الله

والحمد لله على العــــــــــافية


مشكور ياخلفهم