رأيكم في جي اكس ار 2010

[GX-R 2001]

السلام عليكم

كيفكم

ان شاء الله بخير انا ناوي اشتري جي اكس ار 2010 فل كامل وبشوف السعودي ولا الخليجي هوو الاحسن

[كاشخ 24 ساعه]

لو تطيعني خذ لك Vxr مدامك مشتري جديد ودافع لك مبلغ

الجي اكس ار حتى لو 8 سرندل ما انصحك فيه

[محب الفتك]

نصيحة خذ خليجي مهما كان الفرق !!

[مخاوي العشه]

خذلك باترول 2010
أحسن مواصفات وأقل أسعار

[ذيب الريان]

لا تعدا البازعي تراه خليجي بريمي

لا اليحيا ولا عبداللطيف كلهم اي كلام

[حسين اباالروس]

انا معاي Gx.r2010سعودي

والله انصحك فيه

[(عاشق الهضب)]

انا معي gxr 2009 سعودي 8 سلندر استخدامه روعه الفرق بينه وبين الفكسار الاكسسوارات فقط ولا المحرك واحد

[النايف999]

السعودي ضمان وسعر ارخص ,, وشكل افضل لانه بدون خطوط

[بروق ساق]

عليك بوارد اليحيى ولا تشاور GXR 2010 :good2: :good2:
رح بنفسك وشف مواصفات السعودي وشف مواصفات اليحيى وأحكم بنفسك
وارد اليحيى 0000000غير

[عميد سامودة]

الله يعينك كل يمدح اللي عنده

[ابوفرايديز]

انا معي gxr 2009 سعودي 8 سلندر استخدامه روعه الفرق بينه وبين الفكسار الاكسسوارات فقط ولا المحرك واحد
بس الفكس ار يزيد قيره6 غيار اما اجي اكس ار 5 غيار

[ولد الغلباء]

لاتعدى السعودي حق عبداللطيف ومبروك مقدما

[العاذر]

السلام عليكم



كيفكم



ان شاء الله بخير انا ناوي اشتري جي اكس ار 2010 فل كامل وبشوف السعودي ولا الخليجي هوو الاحسن

انا معي جيب لكزس آخر موديل بصرحه كشخه بمعنى الكلمه

انصحك اشتر لكزس وخز عين العدو

[الأسد07]

لا أنصحك البتة
لسبب وااااااااااااااااااااااحد ارتفاع سعره
صرااااااااااااااااااااحة سعر جنان وين 200 ألف أو حولها يا بوي

[ادل 7973]

مشاء الله تبراك الله مبرووك مقدما
اما عن سالفت الشراء فسانك تبي مواصفات افخم فخذلك الخليجي
وسانك تبي عادي وارخص بس انه زين يعني
مهب تقول ذاك الفخام ولا تقول هدد مافيه فخامه ابد فخذلك السعودي وتراي انصحك بالسعودي لأنه معنا مايعلا عليه موتر نشاط+ فخامه بس مهب هك الزود

هاذا الي حبيت اشارك فيه والرأي اولاً واخيراً
لك فشوري عليك رح وشفهن بنفسك وانا انصحك خذلك السعودي وسان تبي مواصفات خليجي انت ركبهن فيه الخليجي غالي على غير سنع

اخوك \ ادل 7973

[ولد الغلباء]

خذ السعودي ولا تشاور

[مولع بالطير]

والله ياخوي كانك رجال دافع دافع خذ موتر رزه وستخدام وعليك بالخليج ونت اختار وحكم والله يعطيك خيره ويكفيك شر وتقبل مروري.

[العابر سبيل2]

اخي الكريم ما أنصحك ب gxr خذلك vxr دامك دافع 195000 ريال وخذ سعودي ترى مواصفاتة طيبة خاصة 2010 انا جربت الاثنين واخيرا اخذت vxr سعودي 2010 وعليك بصلاة الاستخارة

[علي الهزاني]

هههههههههههههههههههههههههههههههههههههههههههههههههه ههههههههههههههههههههههه

[Hwer]

قيمة جي اكس ار الخليجي قيمة الفي اكس ار السعودي

[دل البحار]

الله يدلك بالي فيه الخير
ماقصرو الشباب يعطيهم العافيه ومن وجة نظري الخليجي غالي عن السعودي ومصيرك بتبيع بتغير افضل لك السعودي وعبد اللطيف جميل سياراته جميله ماشاء الله

[كشات البراري]

الخليجي افضل

[الصمان 2]

تبي تحيره .... خيره


أشوف الشباب كلاً عطاك صوت ..... لكن رح شوف الخليجي والسعودي .... واللي ترتاح له ... خذه .





ومبروك مقدماً .





.

[ابن عكاش]

لا تعدا البازعي تراه خليجي بريمي

لا اليحيا ولا عبداللطيف كلهم اي كلام
معليش يالغالي البازعي غالي وبعدين تراه نفس مواصفات عبد الغني وكيل تويوتا في قطر
اما اليحي خليجي وارد بازرعه اليمن ياباني ياباني مافي اي تعديل وسعر معقول عيبه مايعطيك ضمان لأنه مهوب وكيل بس انا شريت وارد اليحيى واعرف ناس شارين اي خلل مصنعي يشمله ضمان تويوتا يعني عبد اللطيف جميل يصلحه لك وانا اعرف ناس صار لهم خلل وصلحوه مجان عند ابو جميل

[أبو تركي3]

أنصحك ب gxr الثمان سلندر .

[أنا اللي هنا]

الشباب ما صروا

لكن نصيحتي لك ولغيرك اللي محتار في هالوضوع :

خذ خليجي واستورده بنفسك من البريمي ، لأمور :

1- مقارب لسعر السعودي إذا استوردته .
2- أجود في المواصفات .
3- يشمله ضمان عبد اللطيف جميل .
4- كل قطعه أصلية ، من ناحية التجربة فرق في الفرامل والمساعدات والتكييف والجناح والجنوط والمسجل والريموت ، الخليجي أصلي وعبد اللطيف تجاري .
5- أرغب عند البيع .

والله يكتب لك التوفيق

[faisal7]

مبروك مقدما والله يعطيك خيره ويكفيك شره وعليك بوارد عبدالوهاب اليحي ولا تشاور(نصيحة مجرب)

[عاشق الvx]

مبروك مقدما وانا انصحك بالخليجي بس ابعد عن البازعي اول شي سعرة مبالغ فيه جدا جدا وثاني شي
لانه مشكوك في سياراته من حيث مصدرها والي يقول بريمي انا معاه سياراته كانت بريمية بس في الجيل القديم 2007 ونازل
اما المفخرة ما ادري ايش مصدرة بس اقرب شي له بحريني,,,
البريمي هو يعتبر افضل شي بينهم مع انه صار يضيف اشياء مثل اشارة المراية والشاشة الامامية اذا طلبتها
واقل سعر حصلتة عند معرض المسند جكسار رقم 3 -8سرندل(204,000)وفي معرض الفلاح مقابل معرض المسند,,,
اما اذا كنت بتوصل قيمة الفكسار مايبيلها كلام حتى لو كان سعودي لان الفكسار حق ابو جميل مافيه تلاعب مثل الجي اكس ار الفكسار الي متركب فيه الدعاسة الجانبية فقط..
الله يكتبلك الي فيه الخير ولاتنسى الاستخارة

[سيف الظفير]

خذ العلم من رجال جرب الاثنين 6 جكسار

8 فل الفل


لا تاخذ الا فل 8 سلندر وغيره لا تاخذ شئ

[ع العمرو]

لو تطيعني خذ لك Vxr مدامك مشتري جديد ودافع لك مبلغ

الجي اكس ار حتى لو 8 سرندل ما انصحك فيه

[غرب غريب]

السلا عليكم
اخوي انا معي GXR 2010 سعودي
والله تمام التمام مامثله
بس الصدق تحسفت لاني ما اخذت خليجي
افخم و تسدك الوجهيه لحالها
بعدين كل الاكسسوارات اصليه
تقبل مروري

[السومر]

اهم شي يكون خليجي

[لهذام]

ان كانك تبي الجيب صدق عندك الخليجي
وان كانك تبي يقالك مضحوك عليه خذ السعودي تلفيق
وفقك الله للخير

[نجم000الشمال]

الله يدلك لما فيه خير دينك ودنياك .
ثمن الله يسلمك ومن يقراء ... تستوردلك خليجي بريمي يا vxr ولا gxr 8 حسب ميزانيتك ، وخذلك جولة على السوق وشف الفروقات وسجلها وشف احتياجك ، بعض الناس ياخذ فل ويبيعها ما استخدم نصف مميزاتها .
ولا تنسى الاستخارة علشان تطمئن نفس في جميع الاحوال .

[مركز الثقل]

تبي الصدق وانا اخوك ولا يزعلون ملاك الفكسر كلها صيني خليجي والا سعودي لأن الشركة الأم للأسف معاد تصنع باليابان الا المكينة والشاص والباقي كلها تلفيق

[حفيد بن صعصعة]

توكل على الله وخذ gxr شرط 8سرندل لان 6 ردي وضعيف وانا مجربه ولافيه عزم ابد

[ابوسند9]

الله مستعان الموضوع من عام 2010 له ثلاث سنوات شكله باع وشراء